FAA WULOAI KƐNƐ MA 7
7
Yezɔi nu zuwui
1Tei sa nii wuloni ba, gè wɛlɛni Gala ta ɣeela naagɔ va te loni zui mazoku naagɔitiɛ zu te yee zui maʋãga zei‐zu naagɔitiɛ va, kɛɛ ʋaa ma fãga nɛpɛ ge mɛ lɛ va zui ɣa ɔɔ yuwu ɔ́ nɔ ɣɛ ga te va te zei gului ta nɛpɛ su paalii. 2Kwɛ̀lɛ vele ɣa na Gala ta ɣeelai ta ƃɔnɔ ba é wulo ga folo wulo‐zu vele ʋululai maƔalagi na kɔlɔ‐laa‐ƃakpa ŋɛnii zéea. Gala ta ɣeela naagɔi niitiɛ gaa‐ƃaa ʋeeai ɣɛ te ya ga te ŋada zei zui va ta yuwu, é natiɛ lilini ga woo wala 3yíɛ ɣɛ tea, “A mɛ lɛ ŋada zei zui va ta yuwu é vɛɛ guluitiɛ va é yɛsu gé kɔlɔ‐laa‐ƃakpa ŋɛnii vɛɛ da Ɣalagi na tii‐ɣɛɛ veaitiɛ lodala ga zée‐wo.” 4Nu liigoi wɔgi kɔlɔ‐laa‐ƃakpa ŋɛnii vɛɛni todala te tiigoi laa woni gè mɛni. É ɣɛni ga wulu puugɔ kai felegɔ zei‐zu puu kai fele. Nu wuloni Yezɔi nu zuwui mazii ɣile‐giledai ɣaazɔ zu te kɔlɔ‐laa‐ƃakpa ŋɛnii vɛɛ te lodala.
5Wulu puugɔ kai felegɔ wuloni Juda manu zuwui zu
te pɛɛ te lodala.
Wulu puugɔ kai felegɔ wulo Luibɛ̃ manu zuwui zu.
Gaa manu zuwui, nu wulu puugɔ kai felegɔ wulo
na zu.
6Wulu puugɔ kai felegɔ wulo Asɛ manu zuwui zu,
wulu puugɔ kai felegɔ wulo Nafetali manu zuwui zu,
wulu puugɔ kai felegɔ wulo Manasa manu zuwui zu,
7wulu puugɔ kai felegɔ wulo Simiã manu zuwui zu,
wulu puugɔ kai felegɔ wulo Liiʋai manu zuwui zu,
wulu puugɔ kai felegɔ wulo Isaka manu zuwui zu,
8wulu puugɔ kai felegɔ wulo Zɛbulɔ̃ manu zuwui zu,
wulu puugɔ kai felegɔ wulo Zoosɛ manu zuwui zu,
na ɣa ɣɛɛ na wulu puugɔ kai felegɔ wulo Bɛ̃jemɛɛ
manu zuwui zu te pɛɛ te lodala.
Kpɔ gwalai
9Tei sa na wuloni ba, gè wɛlɛni gè kpɔ kpakpa vɛtɛ nii nu nɛpɛ gɛ lɛ ƃega zoo ɔ́ gaa lu. Te wuloni zui ɣaazɔ zu, te wulo zii ɣaazɔ zu, te wulo zii woo‐wo bea ɣaazɔ zu. Te ɣɛni loni masa kpɔkpɔgi laa wu te loni Baala Zuwui laa wu, te maa ɣiliai ga seɣe welega dɔɔ laɣaga te te ya. 10Te ɣɛni bosu ga woo wala tiɛ ɣɛ tea,
“Balolai ɣa ga gá Ɣalagi nii wo é zeini masa
kpɔkpɔgi ɣa é wɔnɔ ga Baala Zuwui wo.”
11Gala ta ɣeelaitiɛ ɣaazɔ te loni sa te masa kpɔkpɔgi maa lite te nuwutiitiɛ maa lite é vɛɛ ʋulu ŋɛni naagɔitiɛ va. Te vɛɛni masa kpɔkpɔgi laa wu tiɛ Gala feli 12tiɛ ɣɛ tea,
“Towaa ɣɛ ŋɛ na! Tuuyiɛ, saala‐ma, kele‐ɣele,
mama‐feea, wũfe‐ma é vɛɛ zee‐zu‐ƃaa va
ta gá Ɣalagi ʋaa ma wɔlɔ‐wɔlɔ ta wɔlɔ‐wɔlɔ!
Towaa ɣɛ ŋɛ na!”
13Na ɣɛɛzu nuwutiitiɛ te ɣila ge tìli sa yíɛ ɣɛ tea, “Ƃɛ ɣa ga niitiɛ te maa ɣiliai ga seɣe welega? Minɛ ɣa te ziɣia na?” 14Gè ɣɛ má, “Kèea, yà ɣa è kwɛ̃ni.” É ɣɛ sa mà, “Niitiɛ ɣa te wuloa faa ƃoei walai zu. Te ta zeɣeitiɛ wua Baala Zuwui maŋamai zu te wele.
15Na ma ta sa Gala na masa kpɔkpɔgi laa wu
tiɛ tii ɣɛ bɛ́ féli wɔta walai wu kpidi vɛɛ
folo va.
Nui wɔgi é zeini masa kpɔkpɔgi ɣa máa niinigi
ɣa ɣɛ te maazu kɛ́ɛ vele ma te woba.
16Pulu lɛ sa wɔlɔ‐wɔlɔ te zoga ɔ́ nɔ ɣɛ ga
kpoale‐wõi.
Folo lɛ sa te lowaa ɔ́ nɔ ɣɛ ga ŋɛni ƃadii
nɛpɛ yá nu maa ɣala.
17Ƃɔvɛlaale Baala Zuwui é zaama‐zuvɛ masa kpɔkpɔgi
ʋaa va towaa ɣɛ ga te maazu‐vɛtɛ nu.
Na ɣa ɣɛɛ na towaa zɛʋu‐ʋee yiɛ ɣaigi maa vele
wulo ga tiɛ,
Gala pɔ ge gwɔlɔ yiɛi ɣaazɔ ƃale te ɣaazu.”
Currently Selected:
FAA WULOAI KƐNƐ MA 7: DN1971
Highlight
Copy
Compare
Share
Want to have your highlights saved across all your devices? Sign up or sign in
Loma New Testament © British and Foreign Bible Society, 1971.
FAA WULOAI KƐNƐ MA 7
7
Yezɔi nu zuwui
1Tei sa nii wuloni ba, gè wɛlɛni Gala ta ɣeela naagɔ va te loni zui mazoku naagɔitiɛ zu te yee zui maʋãga zei‐zu naagɔitiɛ va, kɛɛ ʋaa ma fãga nɛpɛ ge mɛ lɛ va zui ɣa ɔɔ yuwu ɔ́ nɔ ɣɛ ga te va te zei gului ta nɛpɛ su paalii. 2Kwɛ̀lɛ vele ɣa na Gala ta ɣeelai ta ƃɔnɔ ba é wulo ga folo wulo‐zu vele ʋululai maƔalagi na kɔlɔ‐laa‐ƃakpa ŋɛnii zéea. Gala ta ɣeela naagɔi niitiɛ gaa‐ƃaa ʋeeai ɣɛ te ya ga te ŋada zei zui va ta yuwu, é natiɛ lilini ga woo wala 3yíɛ ɣɛ tea, “A mɛ lɛ ŋada zei zui va ta yuwu é vɛɛ guluitiɛ va é yɛsu gé kɔlɔ‐laa‐ƃakpa ŋɛnii vɛɛ da Ɣalagi na tii‐ɣɛɛ veaitiɛ lodala ga zée‐wo.” 4Nu liigoi wɔgi kɔlɔ‐laa‐ƃakpa ŋɛnii vɛɛni todala te tiigoi laa woni gè mɛni. É ɣɛni ga wulu puugɔ kai felegɔ zei‐zu puu kai fele. Nu wuloni Yezɔi nu zuwui mazii ɣile‐giledai ɣaazɔ zu te kɔlɔ‐laa‐ƃakpa ŋɛnii vɛɛ te lodala.
5Wulu puugɔ kai felegɔ wuloni Juda manu zuwui zu
te pɛɛ te lodala.
Wulu puugɔ kai felegɔ wulo Luibɛ̃ manu zuwui zu.
Gaa manu zuwui, nu wulu puugɔ kai felegɔ wulo
na zu.
6Wulu puugɔ kai felegɔ wulo Asɛ manu zuwui zu,
wulu puugɔ kai felegɔ wulo Nafetali manu zuwui zu,
wulu puugɔ kai felegɔ wulo Manasa manu zuwui zu,
7wulu puugɔ kai felegɔ wulo Simiã manu zuwui zu,
wulu puugɔ kai felegɔ wulo Liiʋai manu zuwui zu,
wulu puugɔ kai felegɔ wulo Isaka manu zuwui zu,
8wulu puugɔ kai felegɔ wulo Zɛbulɔ̃ manu zuwui zu,
wulu puugɔ kai felegɔ wulo Zoosɛ manu zuwui zu,
na ɣa ɣɛɛ na wulu puugɔ kai felegɔ wulo Bɛ̃jemɛɛ
manu zuwui zu te pɛɛ te lodala.
Kpɔ gwalai
9Tei sa na wuloni ba, gè wɛlɛni gè kpɔ kpakpa vɛtɛ nii nu nɛpɛ gɛ lɛ ƃega zoo ɔ́ gaa lu. Te wuloni zui ɣaazɔ zu, te wulo zii ɣaazɔ zu, te wulo zii woo‐wo bea ɣaazɔ zu. Te ɣɛni loni masa kpɔkpɔgi laa wu te loni Baala Zuwui laa wu, te maa ɣiliai ga seɣe welega dɔɔ laɣaga te te ya. 10Te ɣɛni bosu ga woo wala tiɛ ɣɛ tea,
“Balolai ɣa ga gá Ɣalagi nii wo é zeini masa
kpɔkpɔgi ɣa é wɔnɔ ga Baala Zuwui wo.”
11Gala ta ɣeelaitiɛ ɣaazɔ te loni sa te masa kpɔkpɔgi maa lite te nuwutiitiɛ maa lite é vɛɛ ʋulu ŋɛni naagɔitiɛ va. Te vɛɛni masa kpɔkpɔgi laa wu tiɛ Gala feli 12tiɛ ɣɛ tea,
“Towaa ɣɛ ŋɛ na! Tuuyiɛ, saala‐ma, kele‐ɣele,
mama‐feea, wũfe‐ma é vɛɛ zee‐zu‐ƃaa va
ta gá Ɣalagi ʋaa ma wɔlɔ‐wɔlɔ ta wɔlɔ‐wɔlɔ!
Towaa ɣɛ ŋɛ na!”
13Na ɣɛɛzu nuwutiitiɛ te ɣila ge tìli sa yíɛ ɣɛ tea, “Ƃɛ ɣa ga niitiɛ te maa ɣiliai ga seɣe welega? Minɛ ɣa te ziɣia na?” 14Gè ɣɛ má, “Kèea, yà ɣa è kwɛ̃ni.” É ɣɛ sa mà, “Niitiɛ ɣa te wuloa faa ƃoei walai zu. Te ta zeɣeitiɛ wua Baala Zuwui maŋamai zu te wele.
15Na ma ta sa Gala na masa kpɔkpɔgi laa wu
tiɛ tii ɣɛ bɛ́ féli wɔta walai wu kpidi vɛɛ
folo va.
Nui wɔgi é zeini masa kpɔkpɔgi ɣa máa niinigi
ɣa ɣɛ te maazu kɛ́ɛ vele ma te woba.
16Pulu lɛ sa wɔlɔ‐wɔlɔ te zoga ɔ́ nɔ ɣɛ ga
kpoale‐wõi.
Folo lɛ sa te lowaa ɔ́ nɔ ɣɛ ga ŋɛni ƃadii
nɛpɛ yá nu maa ɣala.
17Ƃɔvɛlaale Baala Zuwui é zaama‐zuvɛ masa kpɔkpɔgi
ʋaa va towaa ɣɛ ga te maazu‐vɛtɛ nu.
Na ɣa ɣɛɛ na towaa zɛʋu‐ʋee yiɛ ɣaigi maa vele
wulo ga tiɛ,
Gala pɔ ge gwɔlɔ yiɛi ɣaazɔ ƃale te ɣaazu.”
Loma New Testament © British and Foreign Bible Society, 1971.