HIIƂULUITIƐ 4
4
1Na ma tei nu lee ʋai ná ŋada laavɛ, na ɣa ga doowo‐bo‐suvɛ, maɣi‐togi dɛ laani laa‐zu, pagɛ a diɛ luo, wo ta mɛ lɛ va ɣɛɛzu ga nui é ʋɛŋɛɛ ga é ziiti na. 2Toku ge zei ga woo niinɛ vagɔi vaani de wɔ, è ɣɛ velei nɔ é vaani la Gala to‐da veai natiɛ wɔ. Kɛ̀ keela woi te mɛnini malɔnɔ nɛpɛ gɛ lɛ ŋɛni ba te vɛ, ƃɔvɛlaale tɛ lɛ ŋɛni mɛnini ga zee‐la‐ma zu vele. 3Daitiɛ de siɣia ga gaama da ziiti doowo ŋada laavɛ minɛ. Doowo ŋada laavɛ vɛ ɣa Gala ge faa woni é vile ná va yíɛ ɣɛ tea,
“È ɣɛ velei gè woto leveni la goei‐levei zu
gè boni, gè ɣɛni tea, ‘Tɛ lɛ wɔlɔ‐wɔlɔ
lia nà doowo ŋada laavɛ.’ ”
To mu ná tiitiɛ te woloni é ziɣi ƃɔɔ ŋeteai lɔɔ‐zei ʋolo ma. 4Bogɛ ŋadɛi ta Gala kɔlɔi ʋaa va é vile foloi dɔfela kelei ʋaa va dɔwɔ wui zu ga pelei nii zu vele. Mawoi ɣa ga “Gala ge loowoni foloi dɔfela kelei ma ná tii ɣaazɔ zu é kɛɛni.” 5Tɔwɔ é boni wɔnɔ yíɛ ɣɛ tea, “Tɛ lɛ wɔlɔ‐wɔlɔ lia nà doowo ŋada laavɛ.” 6Na ma tei tɔwɔ ná yɛga de taniga wɔ ga de li na, niitiɛ wɔgi wɔlɔ woo niinɛ vagɔi ziitia te ma tɛ lɛ zooni tɔ ziiti na toku ge zei goo‐mɛni talai va, 7Gala ka kui laazu kɔnɔ folo ta ma. É ɣɛni tea, “Zai ŋɛ ni.” Tei sa su woozani, é puuni Deeve la nà yìɛ bo woi niitiɛ zu de lɛɛ ma de bo. Woi natiɛ ta ga
“Zai ŋɛ ni wa dáa woi mɛni na,
a mɛ lɛ gui‐zu‐ƃɔlɔ kulo.”
8Su‐wulo‐zu ɣa ga è ɣɛ Jasua é doowo daa ziitini te ma, Gala gɛ lɛ ƃega faa wo ɔ́ vile na wulu ʋolo va doowo‐fee ʋaa ma. 9Na mavelei ma Gala ta loowo‐bogai ɣa laani laa‐zu Gala na numaitiɛ ʋaa ma. 10Toku ge zei ga nui nɛpɛ yá li Gala na doowo ŋada laavɛ manui tɔ ƃalaa towaa wɛ̃ɛ tii‐ɣɛɛ va è ɣɛ velei nɔ Gala ge wɛ̃ɛni da ná dɛi va. 11Na ma pagɛ diɛ wɔ ga de li doowo ŋada laavɛ minɛ, kɛɛ ʋaa ma goo‐mɛni tala zii ɣilagi nɔ mɛ lɛ kɛ nu ta nɛpɛ gɔ ziɣi pele va.
12Su‐wulo‐zu ɣa ga Gala daa woi ɣa ga ŋɛnii kɛɛ‐zu ma maʋaa maa wui‐wuigɛi. Gaa liɛvɛ é leve gaa‐fele boa ta nɛpɛ ba. Towaa lɔ nu ƃɔga zɛʋui te yɔɔzu é pele la te yɔɔzu, nu maɣai vile‐suvɛ da ta maɣai maƃɔlɔi yíɛ pele la te yɔɔzu, nu na ki‐gaa‐ziɛi ƃɔga zaƃui yá ɣɛ kigi zu yíɛ natiɛ yɔɔzu wulo. 13Ʋulu ŋɛni ta nɛpɛ gɛ lɛ loowuni Gala gaazu. Te pɛ te laavɛ kpawu nui nii ɣaazu de vaazu woo zu wulozu gáazu ƃɔɔ ti.
Ziizɛi nii é ga laa‐ʋaale kpakpa walai
14Tei tɔwɔ laa‐ʋaale kpakpa wala de ya nii é levega gee‐zuvɛ, na ɣa ga Ziizɛ nii é ga Gala dui, pagɛ a de ɣata fai nii va de siɣia ga gaama. 15Ƃɔvɛlaale laa‐ʋaale gɛ lɛ de ya ɔ́ ɣɛ ga nui nii zobo gɛ lɛ bɛ́ ga é de maa wõi zo da zobo‐bala‐bɛ ʋai zu. Kɛ̀ laa‐ʋaalegi nii é de ya tɛ‐ga woga la pele mazii ɣaazɔ zu è ɣɛ velei nɔ é ɣɛɛzu la ga diɛ. Na pɛ ge ɣɛɛvɛ, faa yowũ ʋaa lɛ maʋaa va. 16Nii mavelei ma a de lɔtɔ maa‐wõi‐ɣaa ƃɔ‐bai mamasa kpɔkpɔgi va ga duo lala, kɛɛ ʋaa ma maa‐wõi‐ɣaa wo ga diɛ ga de kpɔ‐ba maa zɔlɔ wo siɛgi zu maƃala ɣa loo la de ma.
Currently Selected:
HIIƂULUITIƐ 4: DN1971
Highlight
Copy
Compare
Share
Want to have your highlights saved across all your devices? Sign up or sign in
Loma New Testament © British and Foreign Bible Society, 1971.
HIIƂULUITIƐ 4
4
1Na ma tei nu lee ʋai ná ŋada laavɛ, na ɣa ga doowo‐bo‐suvɛ, maɣi‐togi dɛ laani laa‐zu, pagɛ a diɛ luo, wo ta mɛ lɛ va ɣɛɛzu ga nui é ʋɛŋɛɛ ga é ziiti na. 2Toku ge zei ga woo niinɛ vagɔi vaani de wɔ, è ɣɛ velei nɔ é vaani la Gala to‐da veai natiɛ wɔ. Kɛ̀ keela woi te mɛnini malɔnɔ nɛpɛ gɛ lɛ ŋɛni ba te vɛ, ƃɔvɛlaale tɛ lɛ ŋɛni mɛnini ga zee‐la‐ma zu vele. 3Daitiɛ de siɣia ga gaama da ziiti doowo ŋada laavɛ minɛ. Doowo ŋada laavɛ vɛ ɣa Gala ge faa woni é vile ná va yíɛ ɣɛ tea,
“È ɣɛ velei gè woto leveni la goei‐levei zu
gè boni, gè ɣɛni tea, ‘Tɛ lɛ wɔlɔ‐wɔlɔ
lia nà doowo ŋada laavɛ.’ ”
To mu ná tiitiɛ te woloni é ziɣi ƃɔɔ ŋeteai lɔɔ‐zei ʋolo ma. 4Bogɛ ŋadɛi ta Gala kɔlɔi ʋaa va é vile foloi dɔfela kelei ʋaa va dɔwɔ wui zu ga pelei nii zu vele. Mawoi ɣa ga “Gala ge loowoni foloi dɔfela kelei ma ná tii ɣaazɔ zu é kɛɛni.” 5Tɔwɔ é boni wɔnɔ yíɛ ɣɛ tea, “Tɛ lɛ wɔlɔ‐wɔlɔ lia nà doowo ŋada laavɛ.” 6Na ma tei tɔwɔ ná yɛga de taniga wɔ ga de li na, niitiɛ wɔgi wɔlɔ woo niinɛ vagɔi ziitia te ma tɛ lɛ zooni tɔ ziiti na toku ge zei goo‐mɛni talai va, 7Gala ka kui laazu kɔnɔ folo ta ma. É ɣɛni tea, “Zai ŋɛ ni.” Tei sa su woozani, é puuni Deeve la nà yìɛ bo woi niitiɛ zu de lɛɛ ma de bo. Woi natiɛ ta ga
“Zai ŋɛ ni wa dáa woi mɛni na,
a mɛ lɛ gui‐zu‐ƃɔlɔ kulo.”
8Su‐wulo‐zu ɣa ga è ɣɛ Jasua é doowo daa ziitini te ma, Gala gɛ lɛ ƃega faa wo ɔ́ vile na wulu ʋolo va doowo‐fee ʋaa ma. 9Na mavelei ma Gala ta loowo‐bogai ɣa laani laa‐zu Gala na numaitiɛ ʋaa ma. 10Toku ge zei ga nui nɛpɛ yá li Gala na doowo ŋada laavɛ manui tɔ ƃalaa towaa wɛ̃ɛ tii‐ɣɛɛ va è ɣɛ velei nɔ Gala ge wɛ̃ɛni da ná dɛi va. 11Na ma pagɛ diɛ wɔ ga de li doowo ŋada laavɛ minɛ, kɛɛ ʋaa ma goo‐mɛni tala zii ɣilagi nɔ mɛ lɛ kɛ nu ta nɛpɛ gɔ ziɣi pele va.
12Su‐wulo‐zu ɣa ga Gala daa woi ɣa ga ŋɛnii kɛɛ‐zu ma maʋaa maa wui‐wuigɛi. Gaa liɛvɛ é leve gaa‐fele boa ta nɛpɛ ba. Towaa lɔ nu ƃɔga zɛʋui te yɔɔzu é pele la te yɔɔzu, nu maɣai vile‐suvɛ da ta maɣai maƃɔlɔi yíɛ pele la te yɔɔzu, nu na ki‐gaa‐ziɛi ƃɔga zaƃui yá ɣɛ kigi zu yíɛ natiɛ yɔɔzu wulo. 13Ʋulu ŋɛni ta nɛpɛ gɛ lɛ loowuni Gala gaazu. Te pɛ te laavɛ kpawu nui nii ɣaazu de vaazu woo zu wulozu gáazu ƃɔɔ ti.
Ziizɛi nii é ga laa‐ʋaale kpakpa walai
14Tei tɔwɔ laa‐ʋaale kpakpa wala de ya nii é levega gee‐zuvɛ, na ɣa ga Ziizɛ nii é ga Gala dui, pagɛ a de ɣata fai nii va de siɣia ga gaama. 15Ƃɔvɛlaale laa‐ʋaale gɛ lɛ de ya ɔ́ ɣɛ ga nui nii zobo gɛ lɛ bɛ́ ga é de maa wõi zo da zobo‐bala‐bɛ ʋai zu. Kɛ̀ laa‐ʋaalegi nii é de ya tɛ‐ga woga la pele mazii ɣaazɔ zu è ɣɛ velei nɔ é ɣɛɛzu la ga diɛ. Na pɛ ge ɣɛɛvɛ, faa yowũ ʋaa lɛ maʋaa va. 16Nii mavelei ma a de lɔtɔ maa‐wõi‐ɣaa ƃɔ‐bai mamasa kpɔkpɔgi va ga duo lala, kɛɛ ʋaa ma maa‐wõi‐ɣaa wo ga diɛ ga de kpɔ‐ba maa zɔlɔ wo siɛgi zu maƃala ɣa loo la de ma.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Loma New Testament © British and Foreign Bible Society, 1971.