2 TEMETE 3
3
Velei nu ƃuse ɣa ɣɛɛ la ŋetea ɣaa‐ƃela‐suvɛ
1Kɛ̀ fai nii ɣaa ɣa. Na ɣa ga gaa‐ƃela‐suvɛ siɛ ta ɣa vaazu vaazu é ga siɛgi faa ƃaalii ge su. 2Numaa ta ƃɔɔ wõi nɔ te ɣɛ ga naʋolo‐wõi vea, te ƃɔɔ ʋaa wɔɔlɔi te ɣaazu te ɣaazu lɛi. Te woo ɣa yowũ te la te ga goo‐mɛni tala‐wulo vea te ɣaa veaitiɛ ya, te ga faa‐nɛɛ‐wɛ̃ɛ tala vea ta maa‐wuo lala vea. 3Nu ʋaa lɛ ɣɛɛ te ɣaazu ga faa te yɔɔzu lɛ ƃɛtɛɛ ta numaa. Ta ɣɛ ga nu laa‐ŋala‐ŋala bea ta tuƃo‐vele‐yowũ‐ƃakpa‐wulo vea. Te maa ɣa yiki te ziliai ga faa vagɔ. 4Ta ɣɛ ga numaitiɛ nu lɛ laa ga tiɛ te woia faa zu. Tɛ lɛ faa ɣɛɛ ga da‐ma vele. Ta ɣɛ ga numaitiɛ te laa ʋegɛi ga kpɔɔ‐ʋaa‐wɔɔlɔ‐gaazu te ga zii‐ma‐ɣɛɛ‐wõi vea, to mu tɛ lɛ wõiya ga Gala. 5Gala tuo mawo‐kɔ̃ɔgi ɣa ɣɛ te ya, kɛ̀ gaa‐ƃaa ƃɔɔƃɔɔgi é Gala tuoi zu ta na maʋaa zakpe. Ƃɔɔ ƃe teve na ɣavele numaitiɛ va. 6Ta ɣa nui taniga wuloai te zu tiɛ li numaa wɔ pɛlɛ wu, ŋazai niitiɛ te na te litisu lɛ ƃaani nu vɛ te laa yìɛ lɔ te va. Na ɣa ga ŋazai niitiɛ faa yowũ ɣasɔi laani te wũmɔ te ga numaitiɛ te ƃobe‐ƃobesu ga faa zii laali‐taali mawõi‐leve‐ma. 7Ta ɣa ta wui to nu ta nɛpɛ goo ma, tɔwɔ tɛ lɛ wɔlɔ‐wɔlɔ gaamai ɣaa ɣaa. 8Velei nɔ Jɛnɛ ƃɔga Jɛ̃ibili te loni la Mooze la, vele nɔ na zinai natiɛ ta ŋapi wɔɔ la ga gaamai. Ta ga numaitiɛ faa yowũ‐ɣɛɛ ɣi‐gaa‐ziɛ te ma zee‐la‐mai maʋolo‐kɔlɔ nɔ te ya. 9Kɛ̀ nii ta sɔlɔ wo su ga mawulo‐nu‐mai ɛ́ lɛ lia ga tiɛ woozala. Toku ge zei ga ta liti fai ɣaa ɣa wodo ga nu nɛpɛ, è ɣɛ velei é ɣɛɛni la ga zina felegɔi natiɛ te loni Mooze la.
Deʋe ɣaa‐ƃelagi Pɔɔ daani Temete ya
10Tɔwɔ è wɛlɛɛ nà kala‐bogi zu va ta tùo velei. Nii gè pulu ŋeteai zu, è wɛlɛɛ ba é vɛɛ nà zee‐la‐mai va. È wɛlɛɛ nà zii‐lɔɔ ʋai zu va ta nà wõilai é vɛɛ tò fai va kpãa. 11È wɛlɛɛ nà kpɔɔla fai zu va ta nà daa‐nɔwɔ‐wogi, è wɛlɛ nii va é ɣɛɛni gàazu Ãtia ta Aikoonia é vɛɛ Lesetela lai zu va. È wɛlɛɛ zii‐lɔi va gè kuloa kpɔɔlagitiɛ ɣa. Tɔwɔ de maliɣii kùloni te pɛ su. 12Ƃɔɔƃɔɔ su nui nɛpɛ Gala tuo‐wo zii kúu zu te ɣɛɛ vele ma su ɣilekpu ta Ziizɛ Kolai, kpɔɔla ka wo ga manui. 13Kɛ̀ tuƃo‐vele‐yowũ vea vɛɛ gaa‐wɔlɔ‐bo bea va ta ɣɛ lɛɛzu ga yee luo vele ta ʋaa yowũ‐ɣɛɛ zu. Ta ɣɛ gaa‐wɔlɔ bosu, gaa‐wɔlɔ pɔ gíɛ wo ga tiɛ. 14Kɛ̀ yà dɛi, ɣata nii va è maa wolia è laa la ga kpaanaga. Nui è fai maa wolia zéea kwɛ̃ɛgɛi è vɛ 15ta velei è faa wɛ̃ɛga la é vile faitiɛ va te wonɛi Gala kɔlɔi zu é ziɣi ƃɔɔ yà lopo wolo ʋolo ma. Gala kɔlɔi zu ʋai niitiɛ ɣa ta zoo te è ɣala bo balolai ʋaa ma nu ɣa maa zɔlɔ wo manui laa vele ma ga Ziizɛ Kolai. 16Gala ka yá ná kɔlɔi zu ʋai ta nɛpɛ pu nu yii zu. Na ɣa ɣɛɛ na tɔnɔ ɣa ba kala‐bo fai ma, tɔnɔ ba faa‐vɛɛ ʋaa zu nu va, tɔnɔ ba nu‐vile faa zu pele va, tɔnɔ ba wɔnɔ nu‐maa‐wolo ʋaa zu tele‐bo tuoi zu. 17Nii ɣa ɣɛ kɛɛ ʋaa ma nui é ga Gala nu máʋai wolo wulu ma, kavele ƃɛtɛi tii vagɔ ɣaazɔ‐ɣɛɛ ʋaa ma.
Currently Selected:
2 TEMETE 3: DN1971
Highlight
Copy
Compare
Share
Want to have your highlights saved across all your devices? Sign up or sign in
Loma New Testament © British and Foreign Bible Society, 1971.
2 TEMETE 3
3
Velei nu ƃuse ɣa ɣɛɛ la ŋetea ɣaa‐ƃela‐suvɛ
1Kɛ̀ fai nii ɣaa ɣa. Na ɣa ga gaa‐ƃela‐suvɛ siɛ ta ɣa vaazu vaazu é ga siɛgi faa ƃaalii ge su. 2Numaa ta ƃɔɔ wõi nɔ te ɣɛ ga naʋolo‐wõi vea, te ƃɔɔ ʋaa wɔɔlɔi te ɣaazu te ɣaazu lɛi. Te woo ɣa yowũ te la te ga goo‐mɛni tala‐wulo vea te ɣaa veaitiɛ ya, te ga faa‐nɛɛ‐wɛ̃ɛ tala vea ta maa‐wuo lala vea. 3Nu ʋaa lɛ ɣɛɛ te ɣaazu ga faa te yɔɔzu lɛ ƃɛtɛɛ ta numaa. Ta ɣɛ ga nu laa‐ŋala‐ŋala bea ta tuƃo‐vele‐yowũ‐ƃakpa‐wulo vea. Te maa ɣa yiki te ziliai ga faa vagɔ. 4Ta ɣɛ ga numaitiɛ nu lɛ laa ga tiɛ te woia faa zu. Tɛ lɛ faa ɣɛɛ ga da‐ma vele. Ta ɣɛ ga numaitiɛ te laa ʋegɛi ga kpɔɔ‐ʋaa‐wɔɔlɔ‐gaazu te ga zii‐ma‐ɣɛɛ‐wõi vea, to mu tɛ lɛ wõiya ga Gala. 5Gala tuo mawo‐kɔ̃ɔgi ɣa ɣɛ te ya, kɛ̀ gaa‐ƃaa ƃɔɔƃɔɔgi é Gala tuoi zu ta na maʋaa zakpe. Ƃɔɔ ƃe teve na ɣavele numaitiɛ va. 6Ta ɣa nui taniga wuloai te zu tiɛ li numaa wɔ pɛlɛ wu, ŋazai niitiɛ te na te litisu lɛ ƃaani nu vɛ te laa yìɛ lɔ te va. Na ɣa ga ŋazai niitiɛ faa yowũ ɣasɔi laani te wũmɔ te ga numaitiɛ te ƃobe‐ƃobesu ga faa zii laali‐taali mawõi‐leve‐ma. 7Ta ɣa ta wui to nu ta nɛpɛ goo ma, tɔwɔ tɛ lɛ wɔlɔ‐wɔlɔ gaamai ɣaa ɣaa. 8Velei nɔ Jɛnɛ ƃɔga Jɛ̃ibili te loni la Mooze la, vele nɔ na zinai natiɛ ta ŋapi wɔɔ la ga gaamai. Ta ga numaitiɛ faa yowũ‐ɣɛɛ ɣi‐gaa‐ziɛ te ma zee‐la‐mai maʋolo‐kɔlɔ nɔ te ya. 9Kɛ̀ nii ta sɔlɔ wo su ga mawulo‐nu‐mai ɛ́ lɛ lia ga tiɛ woozala. Toku ge zei ga ta liti fai ɣaa ɣa wodo ga nu nɛpɛ, è ɣɛ velei é ɣɛɛni la ga zina felegɔi natiɛ te loni Mooze la.
Deʋe ɣaa‐ƃelagi Pɔɔ daani Temete ya
10Tɔwɔ è wɛlɛɛ nà kala‐bogi zu va ta tùo velei. Nii gè pulu ŋeteai zu, è wɛlɛɛ ba é vɛɛ nà zee‐la‐mai va. È wɛlɛɛ nà zii‐lɔɔ ʋai zu va ta nà wõilai é vɛɛ tò fai va kpãa. 11È wɛlɛɛ nà kpɔɔla fai zu va ta nà daa‐nɔwɔ‐wogi, è wɛlɛ nii va é ɣɛɛni gàazu Ãtia ta Aikoonia é vɛɛ Lesetela lai zu va. È wɛlɛɛ zii‐lɔi va gè kuloa kpɔɔlagitiɛ ɣa. Tɔwɔ de maliɣii kùloni te pɛ su. 12Ƃɔɔƃɔɔ su nui nɛpɛ Gala tuo‐wo zii kúu zu te ɣɛɛ vele ma su ɣilekpu ta Ziizɛ Kolai, kpɔɔla ka wo ga manui. 13Kɛ̀ tuƃo‐vele‐yowũ vea vɛɛ gaa‐wɔlɔ‐bo bea va ta ɣɛ lɛɛzu ga yee luo vele ta ʋaa yowũ‐ɣɛɛ zu. Ta ɣɛ gaa‐wɔlɔ bosu, gaa‐wɔlɔ pɔ gíɛ wo ga tiɛ. 14Kɛ̀ yà dɛi, ɣata nii va è maa wolia è laa la ga kpaanaga. Nui è fai maa wolia zéea kwɛ̃ɛgɛi è vɛ 15ta velei è faa wɛ̃ɛga la é vile faitiɛ va te wonɛi Gala kɔlɔi zu é ziɣi ƃɔɔ yà lopo wolo ʋolo ma. Gala kɔlɔi zu ʋai niitiɛ ɣa ta zoo te è ɣala bo balolai ʋaa ma nu ɣa maa zɔlɔ wo manui laa vele ma ga Ziizɛ Kolai. 16Gala ka yá ná kɔlɔi zu ʋai ta nɛpɛ pu nu yii zu. Na ɣa ɣɛɛ na tɔnɔ ɣa ba kala‐bo fai ma, tɔnɔ ba faa‐vɛɛ ʋaa zu nu va, tɔnɔ ba nu‐vile faa zu pele va, tɔnɔ ba wɔnɔ nu‐maa‐wolo ʋaa zu tele‐bo tuoi zu. 17Nii ɣa ɣɛ kɛɛ ʋaa ma nui é ga Gala nu máʋai wolo wulu ma, kavele ƃɛtɛi tii vagɔ ɣaazɔ‐ɣɛɛ ʋaa ma.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Loma New Testament © British and Foreign Bible Society, 1971.