2 PITE 2
2
Zɛɛ ʋaa Ɣala daa woo‐wo bea ta zɛɛ ʋaa ɣala‐mɔa
1Kɛ̀ zɛɛ ʋaa Ɣala daa woo‐wo bea te wu ziɣini ƃalaa pɛ numaitiɛ zaama, è ɣɛ velei nɔ zɛɛ‐ʋaa ɣala‐mɔa te vaazu ɣɛɛzu la wo zaama. Ta ɣa ta va ga nu laa ʋai ga faa ƃɔnɔ nii ɛ́ lɛ vɛɛ fai nii va de lai la, tiɛ kɛ doowu zu, tɔwɔ é ga su‐ƃɔnɔ‐wo faa. Ta nu keea nui nii é te wũ maa woga tiɛ ʋɔlɔ ƃalaa nà maʋaa zakpe tiɛ va ga ƃɔɔ zu‐ŋala‐ŋala faa ga maa ʋilea. 2Tɔwɔ nu lamaa ɣa vile ta ƃaa‐wulo‐ma luoi wulu. Na ɣa ɣɛɛ na ƃaa ɣa wulo gaama velei ma te zaƃu zu. 3Ta wo ɣɛ ga weli‐gaa‐ziɛ‐zu ga zɛɛ ʋaa woo ta ŋɛni‐wõi‐kuloai zu. É ziɣi wɔlɔ‐wɔlɔi ma ta ʋaa‐yɛ‐ma ʋai maʋaa ɣaa lɛ dɛ yiini. Te zu ŋala‐ŋala fai ƃalaa maʋaa ɣaa lɛ dɛ leini.
4Ƃɔvɛlaale Gala ta ɣeelaitiɛ ƃalaa te faa yowũ ɣɛɛni Gala gɛ lɛ laa wuloni te ɣɛɛ‐zɔgi zu, kɛ̀ to mu é te looni yɔ̃wɔ ɣa daa‐nɔwɔ‐wo ŋada laavɛ ná ƃidiai ga te yɛ na é yɛsu faa‐wo gaa‐leve ʋoloi ziiti. 5Ɛ́ lɛ laa wuloni wɔlɔ‐wɔlɔ wɔlɔ‐wɔlɔ ŋeteai zu veaitiɛ ɣɛɛ‐zɔgi zu, kɛni Nowa nii nɔ é ɣɛni ga tele‐bo tuoi maɣeelai nà nɔ é kuloni su ga é yɛ na é vɛɛ nu lɔfela ƃɔnɔga va. É ziɛ‐ʋegi ziɛni sa zɔitiɛ maazu te ɣɛni Gala tuo‐wo tala ŋeteai zu. 6Saadɔ̃ lai ƃɔga Gɔmɔɔla lai te wote pele ma bɛ́ ga zuwu é faa vɛɛni te va te maʋaa ƃea gá é te lɛ ga po‐kɔ̃ɔ niitiɛ ʋaa ma ta ɣɛ ga Gala tuo‐wo tala vea. 7Gala ge tele‐bo tuo‐wo nui Laati wuloni su, nii maa‐wõi ƃakpa wala looni ma tuƃo‐vele‐yowũ‐wulo veaitiɛ ta ƃaa‐wulo‐ma luoi zaƃu ma. 8Toku ge zei ga nii tele‐bo tuo‐wo nui na pɛtɛni é mɛni kɛ́i ma te zaama kpadogɛi ɣɛ zii va ga gela‐bo pele ɣile‐gile. Ta lɔ‐maazu‐vɛtɛ tala luoi ɣa nii ɣɛ ɣɛɛzu la. 9Niitiɛ ɣaazɔ mazaƃui ma de maliɣii kwɛ̃ni ga velei yá Gala tuo‐wo bea wulo la su‐wɔ̃ɔgi zu yá wo ga tiɛ. Na ɣa ɣɛɛ na towaa tele‐bo tuo‐wo tala veaitiɛ yɛ tɔ‐kpɛ‐mai yee wu é yɛsu faa‐wo gaa‐leve ʋoloi ziiti. 10Niitiɛ te wɔɔlɔi ŋɛni‐yii‐leve‐kuu‐zu luoi zu tiɛ ƃɔɔ maa woola ga ŋɛni‐wõi‐leve‐mai, te ɣaazu wudɛgɛi te maazu nui ma, natiɛ ta dɔ vele ƃɔɔƃɔɔ ma.
Te ɣɛɛ vele ma ga duo lala vea te wui zu ƃɔlɔgɛi, ƃaa‐la‐ma ʋulu ŋɛniitiɛ te gee wɔlɔgi zu tɛ lɛ luozu te laa‐wo faa va ga yowũa. 11Tɔwɔ velei ƃalaa gaa‐ƃai wala ɣɛ la Gala ta ɣeelaitiɛ ya te ɣee ɣaa‐ƃai, faa lɛ wuloni te la tɔ pɛɛ ŋɛnii niitiɛ va de maliɣii ɣaazu ga te laa‐wo pele ga yowũa. 12Kɛ̀ numai niitiɛ ŋɛ ni te maʋaa wuloai ga suoitiɛ tɛ lɛ ɣi gaa zia te ga ʋulu ŋɛnii niitiɛ faa ɣa ziɣi nɔ ga tiɛ te kɛ te ɣi‐gaa‐ziɛ vele lɛ ɣɛɛ le, te ɣai ga nu yìɛ te zo yíɛ te vaa, na ɣavele numaitiɛ ɣa te daa‐wo bosu ga yowũa fai niitiɛ zu tɛ lɛ laalini su. Te zu ɣa ŋala‐ŋala è ɣɛ velei nɔ suoitiɛ zu ɣa ŋala‐ŋala da. 13Ta laa nɔwɔ wo ga tuƃo‐vele‐yowũ‐wuloa ga tiɛ tuƃo vele yowũi ʋaa ma te kulozu. Tɔ te ɣaazu ga zii‐ma‐ɣɛɛ ga tiɛ zɔɔ‐zɔɔ gaa‐wo bo ga gela‐boga. Ta ga ŋɛni wogi yá ɣata ŋɛni zu te ga ŋɛni wogi nii yá ŋɛni zu ŋala‐ŋala tiɛ tuƃo‐vele‐yowũ yii‐ma‐ɣɛɛ wo tiɛ vɛɛ wo va wiɛ zɔɔ‐zɔɔ kuu ɣa. 14Wɛ̃ɛ‐ziɛ‐bo gaazui ɣa kpakpai te va. Faa yowũ‐ɣɛɛ lɛ wɔlɔ‐wɔlɔ kulo‐ɣɛɛ woga ga tiɛ. Taitiɛ te yii ƃaanani ta te yii wu ziɣi. Te yiitiɛ maa wolovɛ sa ŋɛni‐wõi‐kuloai zu. Koto vɛɛvɛ te va! 15Te laa wulovɛ gaama velei ʋaa zu te ɣaka. Te vilegɛ Beelɔ̃ luo velei zu, nii é ɣɛni ga Boosɔ dui. Beelɔ̃ ɣɛni wõizu yíɛ ŋɛni zɔlɔ wo tuƃo‐vele‐yowũ‐wuloa zu, 16kɛ̀ Gala ge yii ɣaa wãlani ma tɔ ɣagi ná tɔ‐kãla‐ŋala tuoi ʋaa ma. Soo ʋaalegi dáa lɛ ʋaa é ƃɔɛni ga nu woo, ná wɔ ge ŋada‐ƃɛɛ nui Beelɔ̃ na titi tuoi ɣaa yii.
17Numai niitiɛ ɣa te ga ziɛ woloitiɛ ziɛ ʋɔi te zu ta kolo ʋoʋogi nii fãga ƃakpa ɣa ɣɛ liizu la. Ta ɣa zeɣe zu ƃidiai é zui wu daa‐zu ƃɛtɛi te laa ma. 18Te loba pele ma ga titi yoka goo, ta numai niitiɛ yii wu ziɣizu ga nu ƃuse ŋeteai zu ŋɛni‐wõi leve‐mai. Numai natiɛ ta ga niitiɛ te wuloa pele‐ma lala luo‐wo beaitiɛ ya ɣele‐zeze. 19Ta natiɛ ɣi tosu ga wɔɔlɔla. Tɔwɔ ta ɣagi te ga su‐ƃɔnɔ‐wo fai malua. Toku ge zei ga nii nɛpɛgi zee ɣa leve nu va, manui ɣa ɣɛ zéea ga duo. 20Ani nu ƃusea te viliga wɔnɔ ŋeteai‐nii‐zu maa‐woola fai zu nà yee wudɛ te maazu, a kɛ tii ta ŋetea ɣaa‐ƃelagi yowũvɛ é leve mamaa wũgi va. Maa‐woola fai na ɣa te wuloni su de maliɣii maʋaa ɣaa‐ɣaa vele ma te vɛ. Na ɣa ga Ziizɛ Kolai nii é ga de valo nui. 21Ɔ́ ɣɛ ga faa vagɔ te ʋaa ma è ɣɛ tɛ lɛ faa ta wɛ̃ɛni ɔ́ vile tele‐bo tuoi va é leve faa ta wɛ̃ɛga va te vɛ é vile deʋe maa wuai va dái te ya tiɛ kɔnɔ wulu ɣaa ʋe bɛ́. 22Kɛɛvɛ ga tiɛ è ɣɛ velei gaama zakpe goi nii la. Na ɣa ga “Gilewui litega é vɛɛ ŋɛnii nii mia va é wũ piliga la tɔ ƃɔɔ.” Na ɣa ɣɛɛ na, “Bũi sai wuovɛ nɔ ga é li é ɣili‐kili pala‐valai ɣa.”
Currently Selected:
2 PITE 2: DN1971
Highlight
Copy
Compare
Share
Want to have your highlights saved across all your devices? Sign up or sign in
Loma New Testament © British and Foreign Bible Society, 1971.
2 PITE 2
2
Zɛɛ ʋaa Ɣala daa woo‐wo bea ta zɛɛ ʋaa ɣala‐mɔa
1Kɛ̀ zɛɛ ʋaa Ɣala daa woo‐wo bea te wu ziɣini ƃalaa pɛ numaitiɛ zaama, è ɣɛ velei nɔ zɛɛ‐ʋaa ɣala‐mɔa te vaazu ɣɛɛzu la wo zaama. Ta ɣa ta va ga nu laa ʋai ga faa ƃɔnɔ nii ɛ́ lɛ vɛɛ fai nii va de lai la, tiɛ kɛ doowu zu, tɔwɔ é ga su‐ƃɔnɔ‐wo faa. Ta nu keea nui nii é te wũ maa woga tiɛ ʋɔlɔ ƃalaa nà maʋaa zakpe tiɛ va ga ƃɔɔ zu‐ŋala‐ŋala faa ga maa ʋilea. 2Tɔwɔ nu lamaa ɣa vile ta ƃaa‐wulo‐ma luoi wulu. Na ɣa ɣɛɛ na ƃaa ɣa wulo gaama velei ma te zaƃu zu. 3Ta wo ɣɛ ga weli‐gaa‐ziɛ‐zu ga zɛɛ ʋaa woo ta ŋɛni‐wõi‐kuloai zu. É ziɣi wɔlɔ‐wɔlɔi ma ta ʋaa‐yɛ‐ma ʋai maʋaa ɣaa lɛ dɛ yiini. Te zu ŋala‐ŋala fai ƃalaa maʋaa ɣaa lɛ dɛ leini.
4Ƃɔvɛlaale Gala ta ɣeelaitiɛ ƃalaa te faa yowũ ɣɛɛni Gala gɛ lɛ laa wuloni te ɣɛɛ‐zɔgi zu, kɛ̀ to mu é te looni yɔ̃wɔ ɣa daa‐nɔwɔ‐wo ŋada laavɛ ná ƃidiai ga te yɛ na é yɛsu faa‐wo gaa‐leve ʋoloi ziiti. 5Ɛ́ lɛ laa wuloni wɔlɔ‐wɔlɔ wɔlɔ‐wɔlɔ ŋeteai zu veaitiɛ ɣɛɛ‐zɔgi zu, kɛni Nowa nii nɔ é ɣɛni ga tele‐bo tuoi maɣeelai nà nɔ é kuloni su ga é yɛ na é vɛɛ nu lɔfela ƃɔnɔga va. É ziɛ‐ʋegi ziɛni sa zɔitiɛ maazu te ɣɛni Gala tuo‐wo tala ŋeteai zu. 6Saadɔ̃ lai ƃɔga Gɔmɔɔla lai te wote pele ma bɛ́ ga zuwu é faa vɛɛni te va te maʋaa ƃea gá é te lɛ ga po‐kɔ̃ɔ niitiɛ ʋaa ma ta ɣɛ ga Gala tuo‐wo tala vea. 7Gala ge tele‐bo tuo‐wo nui Laati wuloni su, nii maa‐wõi ƃakpa wala looni ma tuƃo‐vele‐yowũ‐wulo veaitiɛ ta ƃaa‐wulo‐ma luoi zaƃu ma. 8Toku ge zei ga nii tele‐bo tuo‐wo nui na pɛtɛni é mɛni kɛ́i ma te zaama kpadogɛi ɣɛ zii va ga gela‐bo pele ɣile‐gile. Ta lɔ‐maazu‐vɛtɛ tala luoi ɣa nii ɣɛ ɣɛɛzu la. 9Niitiɛ ɣaazɔ mazaƃui ma de maliɣii kwɛ̃ni ga velei yá Gala tuo‐wo bea wulo la su‐wɔ̃ɔgi zu yá wo ga tiɛ. Na ɣa ɣɛɛ na towaa tele‐bo tuo‐wo tala veaitiɛ yɛ tɔ‐kpɛ‐mai yee wu é yɛsu faa‐wo gaa‐leve ʋoloi ziiti. 10Niitiɛ te wɔɔlɔi ŋɛni‐yii‐leve‐kuu‐zu luoi zu tiɛ ƃɔɔ maa woola ga ŋɛni‐wõi‐leve‐mai, te ɣaazu wudɛgɛi te maazu nui ma, natiɛ ta dɔ vele ƃɔɔƃɔɔ ma.
Te ɣɛɛ vele ma ga duo lala vea te wui zu ƃɔlɔgɛi, ƃaa‐la‐ma ʋulu ŋɛniitiɛ te gee wɔlɔgi zu tɛ lɛ luozu te laa‐wo faa va ga yowũa. 11Tɔwɔ velei ƃalaa gaa‐ƃai wala ɣɛ la Gala ta ɣeelaitiɛ ya te ɣee ɣaa‐ƃai, faa lɛ wuloni te la tɔ pɛɛ ŋɛnii niitiɛ va de maliɣii ɣaazu ga te laa‐wo pele ga yowũa. 12Kɛ̀ numai niitiɛ ŋɛ ni te maʋaa wuloai ga suoitiɛ tɛ lɛ ɣi gaa zia te ga ʋulu ŋɛnii niitiɛ faa ɣa ziɣi nɔ ga tiɛ te kɛ te ɣi‐gaa‐ziɛ vele lɛ ɣɛɛ le, te ɣai ga nu yìɛ te zo yíɛ te vaa, na ɣavele numaitiɛ ɣa te daa‐wo bosu ga yowũa fai niitiɛ zu tɛ lɛ laalini su. Te zu ɣa ŋala‐ŋala è ɣɛ velei nɔ suoitiɛ zu ɣa ŋala‐ŋala da. 13Ta laa nɔwɔ wo ga tuƃo‐vele‐yowũ‐wuloa ga tiɛ tuƃo vele yowũi ʋaa ma te kulozu. Tɔ te ɣaazu ga zii‐ma‐ɣɛɛ ga tiɛ zɔɔ‐zɔɔ gaa‐wo bo ga gela‐boga. Ta ga ŋɛni wogi yá ɣata ŋɛni zu te ga ŋɛni wogi nii yá ŋɛni zu ŋala‐ŋala tiɛ tuƃo‐vele‐yowũ yii‐ma‐ɣɛɛ wo tiɛ vɛɛ wo va wiɛ zɔɔ‐zɔɔ kuu ɣa. 14Wɛ̃ɛ‐ziɛ‐bo gaazui ɣa kpakpai te va. Faa yowũ‐ɣɛɛ lɛ wɔlɔ‐wɔlɔ kulo‐ɣɛɛ woga ga tiɛ. Taitiɛ te yii ƃaanani ta te yii wu ziɣi. Te yiitiɛ maa wolovɛ sa ŋɛni‐wõi‐kuloai zu. Koto vɛɛvɛ te va! 15Te laa wulovɛ gaama velei ʋaa zu te ɣaka. Te vilegɛ Beelɔ̃ luo velei zu, nii é ɣɛni ga Boosɔ dui. Beelɔ̃ ɣɛni wõizu yíɛ ŋɛni zɔlɔ wo tuƃo‐vele‐yowũ‐wuloa zu, 16kɛ̀ Gala ge yii ɣaa wãlani ma tɔ ɣagi ná tɔ‐kãla‐ŋala tuoi ʋaa ma. Soo ʋaalegi dáa lɛ ʋaa é ƃɔɛni ga nu woo, ná wɔ ge ŋada‐ƃɛɛ nui Beelɔ̃ na titi tuoi ɣaa yii.
17Numai niitiɛ ɣa te ga ziɛ woloitiɛ ziɛ ʋɔi te zu ta kolo ʋoʋogi nii fãga ƃakpa ɣa ɣɛ liizu la. Ta ɣa zeɣe zu ƃidiai é zui wu daa‐zu ƃɛtɛi te laa ma. 18Te loba pele ma ga titi yoka goo, ta numai niitiɛ yii wu ziɣizu ga nu ƃuse ŋeteai zu ŋɛni‐wõi leve‐mai. Numai natiɛ ta ga niitiɛ te wuloa pele‐ma lala luo‐wo beaitiɛ ya ɣele‐zeze. 19Ta natiɛ ɣi tosu ga wɔɔlɔla. Tɔwɔ ta ɣagi te ga su‐ƃɔnɔ‐wo fai malua. Toku ge zei ga nii nɛpɛgi zee ɣa leve nu va, manui ɣa ɣɛ zéea ga duo. 20Ani nu ƃusea te viliga wɔnɔ ŋeteai‐nii‐zu maa‐woola fai zu nà yee wudɛ te maazu, a kɛ tii ta ŋetea ɣaa‐ƃelagi yowũvɛ é leve mamaa wũgi va. Maa‐woola fai na ɣa te wuloni su de maliɣii maʋaa ɣaa‐ɣaa vele ma te vɛ. Na ɣa ga Ziizɛ Kolai nii é ga de valo nui. 21Ɔ́ ɣɛ ga faa vagɔ te ʋaa ma è ɣɛ tɛ lɛ faa ta wɛ̃ɛni ɔ́ vile tele‐bo tuoi va é leve faa ta wɛ̃ɛga va te vɛ é vile deʋe maa wuai va dái te ya tiɛ kɔnɔ wulu ɣaa ʋe bɛ́. 22Kɛɛvɛ ga tiɛ è ɣɛ velei gaama zakpe goi nii la. Na ɣa ga “Gilewui litega é vɛɛ ŋɛnii nii mia va é wũ piliga la tɔ ƃɔɔ.” Na ɣa ɣɛɛ na, “Bũi sai wuovɛ nɔ ga é li é ɣili‐kili pala‐valai ɣa.”
Loma New Testament © British and Foreign Bible Society, 1971.