1 TEMETE 2
2
Kala‐bogi é vile Gala‐felia ʋa
1Mamaa wũgi pa gà tɛnɛ bosu ga Gala‐maa‐nɛɛnɛga, Gala‐felia, nu vaa‐vee‐ʋee ʋai Gala bɛ é vɛɛ mama‐feea va te ɣɛ nu pɛ faa ma. 2Towaa ɣɛ ɣalasoga ʋaa ma é vɛɛ niitiɛ ɣaazɔ va te lo‐su wɔɔlɔi, kɛɛ ʋaa ma de tuo ɣaa‐leiya wo ta zii‐laa luo, a de Gala tuo wo kɔnɔ ta wũfe‐ma luo pelei ɣaazɔ zu. 3Na ɣa pagɛi. Towa maʋaa zolowogɛi de valo nui Gala gaazu, 4nii é wõi ɣɛɛzu ga nu pɛ ge valo, na ɣa ɣɛɛ na te ɣele‐ɣele gaamai maʋaa zu. 5Ƃɔvɛlaale Gala ka nɔ ɣilekpu, de yɔɔzu‐ƃɛtɛ nui nɔ ɣilekpu nii é Gala kpɔga nu ƃusea te yɔɔzu, na ɣa ga zunui Ziizɛ Kolai. 6Towa é ƃɔɔ ʋeeni ga nu pɛ wũ‐maa‐wo ŋɛnii. Seele woi nii ʋeeni mawuu ƃɔɔƃɔɔgi nɔ ma. 7Gaamaí ɣa gè bosu, gɛ̀ lɛ zɛɛ ʋaa wosu. Nii ɣa kùloai ma ga gè ɣɛ ga maƔala goo‐wo nu gè ga Kolai na keelai ta. Gà ga kala‐mɔɔ zii ƃalaa‐gitiɛ ʋaa ma zee‐la‐mai zu ta gaamai.
8Na ma gà wõi ɣɛɛzu ga zinaitiɛ ta ɣɛ na yee lɛɛzu gee zu ŋadɛi ɣaazɔ Gala‐feli ʋaa ma, te wɛlɛ na va ga te yee lɛ faa yowũ zu, zii‐ɣaa‐wãla ʋaa lɛ te va ɔ́ nɔ ɣɛ ga kpɔɛ ʋaa. 9Maa nɛɛvɛ ƃalaa pɛ ŋazaitiɛ te maa ɣili nɔ é wooli su tiɛ kɛ ga kele‐ɣele pele tiɛ maa ɣili ga seɣei niitiɛ ta zolowo su. Ɛ́ lɛ ga te kɛ ga wũ‐taali‐taali‐fɛlɛɛ nɔ ga te ƃɔɔ lɛ ɔɔ te kɛ ga zɛni ɔɔ tɔnɔ‐ba wɔti ɔ́ nɔ ɣɛ ga te kɛ ga maa‐ɣili sɔɔlai nii sɔ̃wɔ ƃai. 10Kɛ̀ pagɛ te kɛ ga tuo vele vagɔ è ɣɛ velei solowogɛi la ŋazai niitiɛ ma ta kulo la te bo ga te Gala faa ziɣia ga gaama. 11Pagɛ ŋaza nu ná ɣɛ ƃu yíɛ faa maa woli kóloai ƃɔɔ é wolo wulu ma. 12Gɛ̀ lɛ ʋaani bu ŋaza nu nɛpɛ zeea ga é faa lɛ ɔɔ gaa‐ƃaa ɣɛ zéea zunu maazu. Pagɛ ŋaza nu ná ɣɛ ƃu. 13Ƃɔvɛlaale Adã ɣa dɛ Gala ge kpɛtɛni ɣaʋu pa. Na wulu sa é Iivi ƃɛtɛ. 14Na wuloa su Adã lei gaa‐wɔlɔgi ɔ́ wo da. Kɛ̀ ŋaza nui ɣa gaa‐wɔlɔgi woni da, tɔwɔ é ɣɛ sa ga tɔ‐kãla‐ŋala nu. 15Na pɛ ge ɣɛɛvɛ ŋaza nu ɣa valo duu‐ɣaa zaala zu, ani nɔ yá ɣata na zee‐la‐mai va ta wõila, máa wuai. Na ɣa ɣɛɛ na kɛ́ɛ ʋai wooligɛi su.
Currently Selected:
1 TEMETE 2: DN1971
Highlight
Copy
Compare
Share
Want to have your highlights saved across all your devices? Sign up or sign in
Loma New Testament © British and Foreign Bible Society, 1971.
1 TEMETE 2
2
Kala‐bogi é vile Gala‐felia ʋa
1Mamaa wũgi pa gà tɛnɛ bosu ga Gala‐maa‐nɛɛnɛga, Gala‐felia, nu vaa‐vee‐ʋee ʋai Gala bɛ é vɛɛ mama‐feea va te ɣɛ nu pɛ faa ma. 2Towaa ɣɛ ɣalasoga ʋaa ma é vɛɛ niitiɛ ɣaazɔ va te lo‐su wɔɔlɔi, kɛɛ ʋaa ma de tuo ɣaa‐leiya wo ta zii‐laa luo, a de Gala tuo wo kɔnɔ ta wũfe‐ma luo pelei ɣaazɔ zu. 3Na ɣa pagɛi. Towa maʋaa zolowogɛi de valo nui Gala gaazu, 4nii é wõi ɣɛɛzu ga nu pɛ ge valo, na ɣa ɣɛɛ na te ɣele‐ɣele gaamai maʋaa zu. 5Ƃɔvɛlaale Gala ka nɔ ɣilekpu, de yɔɔzu‐ƃɛtɛ nui nɔ ɣilekpu nii é Gala kpɔga nu ƃusea te yɔɔzu, na ɣa ga zunui Ziizɛ Kolai. 6Towa é ƃɔɔ ʋeeni ga nu pɛ wũ‐maa‐wo ŋɛnii. Seele woi nii ʋeeni mawuu ƃɔɔƃɔɔgi nɔ ma. 7Gaamaí ɣa gè bosu, gɛ̀ lɛ zɛɛ ʋaa wosu. Nii ɣa kùloai ma ga gè ɣɛ ga maƔala goo‐wo nu gè ga Kolai na keelai ta. Gà ga kala‐mɔɔ zii ƃalaa‐gitiɛ ʋaa ma zee‐la‐mai zu ta gaamai.
8Na ma gà wõi ɣɛɛzu ga zinaitiɛ ta ɣɛ na yee lɛɛzu gee zu ŋadɛi ɣaazɔ Gala‐feli ʋaa ma, te wɛlɛ na va ga te yee lɛ faa yowũ zu, zii‐ɣaa‐wãla ʋaa lɛ te va ɔ́ nɔ ɣɛ ga kpɔɛ ʋaa. 9Maa nɛɛvɛ ƃalaa pɛ ŋazaitiɛ te maa ɣili nɔ é wooli su tiɛ kɛ ga kele‐ɣele pele tiɛ maa ɣili ga seɣei niitiɛ ta zolowo su. Ɛ́ lɛ ga te kɛ ga wũ‐taali‐taali‐fɛlɛɛ nɔ ga te ƃɔɔ lɛ ɔɔ te kɛ ga zɛni ɔɔ tɔnɔ‐ba wɔti ɔ́ nɔ ɣɛ ga te kɛ ga maa‐ɣili sɔɔlai nii sɔ̃wɔ ƃai. 10Kɛ̀ pagɛ te kɛ ga tuo vele vagɔ è ɣɛ velei solowogɛi la ŋazai niitiɛ ma ta kulo la te bo ga te Gala faa ziɣia ga gaama. 11Pagɛ ŋaza nu ná ɣɛ ƃu yíɛ faa maa woli kóloai ƃɔɔ é wolo wulu ma. 12Gɛ̀ lɛ ʋaani bu ŋaza nu nɛpɛ zeea ga é faa lɛ ɔɔ gaa‐ƃaa ɣɛ zéea zunu maazu. Pagɛ ŋaza nu ná ɣɛ ƃu. 13Ƃɔvɛlaale Adã ɣa dɛ Gala ge kpɛtɛni ɣaʋu pa. Na wulu sa é Iivi ƃɛtɛ. 14Na wuloa su Adã lei gaa‐wɔlɔgi ɔ́ wo da. Kɛ̀ ŋaza nui ɣa gaa‐wɔlɔgi woni da, tɔwɔ é ɣɛ sa ga tɔ‐kãla‐ŋala nu. 15Na pɛ ge ɣɛɛvɛ ŋaza nu ɣa valo duu‐ɣaa zaala zu, ani nɔ yá ɣata na zee‐la‐mai va ta wõila, máa wuai. Na ɣa ɣɛɛ na kɛ́ɛ ʋai wooligɛi su.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Loma New Testament © British and Foreign Bible Society, 1971.