1 TƐSƐLONAIKAITIƐ 2
2
Pɔɔ na tii Tɛsɛlonaika lai zu
1Nà numaa, wa ƃɔɔ wo kwɛ̃ni ga gé laalii ʋai wo ma ɛ́ lɛ ŋɛni ga faa yãka. 2Kɛ̀ to mu velei ƃalaa gé laa nɔwɔ woga sa la te gé zo ga gé wũfe pele Felepai lai zu, è ɣɛ velei wa ƃɔɔ wo kwɛ̃ni la, gé yii lɔɔni Gala saala zu gé Gala na goo niinɛ vagɔi wo wo ma, velei ƃalaa te wala logɛi ɣɛ la gé la. 3Ƃɔvɛlaale gá ʋaa‐la‐bɛ ʋai lɛ wulozu pele‐ma lala ʋaa zu. Ɛ́ lɛ wulozu ƃalaa maa‐wuo lala ʋaa zu ɔ́ nɔ ɣɛ ga é wulo gaa‐wɔlɔ faa zu. 4Kɛ̀ è ɣɛ velei nɔ Gala ge ʋaa la bu ga gé lo woo niinɛ vagɔi maʋaa ƃawola, vele nɔ na gá yɛpɛ la. Ɛ́ lɛ ga gé nu ƃuse yii la, kɛ̀ gé Gala zii la. Towa yá wɛlɛ gé yii zu va ƃɔɔ sɛ‐sɛ. 5Tɛɛ‐yãka‐wo goo lɛ wɔlɔ‐wɔlɔ ɣɛni gé la, è ɣɛ velei wa ƃɔɔ wo kwɛ̃ni la, ɔɔ gé ƃɔɔ maa wɔlɔ‐wɔlɔ ŋɛni‐wõi faa ma. Gala ka ga mazeele. 6Gɛ́ lɛ wɔnɔ ƃaa‐la‐ma ɣaa ziɛni nu ƃuse ya. Gɛ́ lɛ gaa ziɛni wo ya ɔ́ nɔ ɣɛ ga numai zɔitiɛ. To mu è ɣɛ velei gé la ga Kolai na keelaa, é ɣɛni ga gá woo gaama ʋaa ga gé na ɣɛ. 7Kɛ̀ gé ɣɛni ga nu zɛ‐sɛ‐bo bea wo zaama, è ɣɛ velei duu dee ɣa ƃala zo da dea ma. 8Tei tɔwɔ wo wõi ƃakpai ɣɛ gé ma, gé ɣavele lɛ ŋɛni nɔ ƃɛtɛni ga gé wɔ dɔi wo wiɛ Gala na woo niinɛ vagɔi zu gɔ́ wɛ̃ɛ na va. Kɛ̀ gé ɣavele ƃɛtɛi ɣɛ ga gé ƃɔɔ yɛʋui ʋe ƃalaa wo ʋaa ma. Ƃɔvɛlaale wo wõi ɣa gwala wɔɔlɔi ɣɛ gé ma. 9Nà numaa, wo ɣi ka tii zu gé kɛɛni wo ɣi ge mɔɔlɛi zu gé boga. Gé tii ɣɛɛni ƃɔɔ ʋaa ma kpidi vɛɛ folo va gé ɣɛi ma Gala na woo niinɛ vagɔi wosu, kɛɛ ʋaa ma gé mɛ lɛ ɣɛ ga wo ta nɛpɛ wũmɔ ɣasɔ. 10Wa ga seelea, Gala kpalaa ga seele, ga wai wo Kolai ʋaa ziɣia ga gaama, tuoi gé ɣɛni bosu ga wiɛ velei maa wuai ɣɛ la é ga tele‐bo tuo maa‐wulo‐zu nɛpɛ gɛ lɛ ba. 11Toku ge zei ga wa ƃɔɔ wo kavele wɛ̃ni. È ɣɛ velei duu keea ɣa kɛɛ la ga dea, gé wo ɣile‐giledai lɛnɛni gé wo yii lɔ gé deʋe gé da wo ya 12ga wo tuoi wo solowogɛi Galagi nii ma é wo lilisu kpɔɔ masadai zu ta ná saala‐malai.
13Gá wɔnɔ ƃalaa Gala mamasu nii ma wɔ. Na ɣa ga Gala daa woi nii wo mɛnini gé la tei é ziitini wiɛ, wɛ lɛ yee zeini bu ga tɔ ga nu ƃuse laa woo. Kɛ̀ wo siɣini ga nii ƃɔɔƃɔɔgi nɔ é le. Na wɔ ka ga Gala daa woi nii é tii ɣɛɛzu wo yii zu, wai wo Kolai ʋaa ziɣia ga gaama. 14Ƃɔvɛlaale, nà numaa, Gala na pɛlɛi wu veaitiɛ te Yudiiya yui zu ta Ziizɛ Kolaini te su ɣilekpu, wo ɣɛɛni ga te wo‐kɔ̃ɔ bea. Daa‐nɔwɔ‐wo sii ɣilagi nɔ wo boga wa yuu veaitiɛ ya, tɔ nɔ ɣa te boni Dusii niitiɛ ya 15te de maliɣii Ziizɛ vaani ta Gala daa woo‐wo beaitiɛ te zɛba do wɔnɔ te gé ƃɛ. Tɛ lɛ Gala zii laazu, tɔwɔ tiɛ wɔnɔ lo nu pɛ da 16ga velei te ƃesasu la gé luo ga gé mɛ lɛ ƃɔɛ zii ƃalaagitiɛ wɔ ga te valo. Nii mavelei ma, è ɣɛ velei nɔ é yɛga la wɔ, ta ʋaa yowũi é yɛga te va ta mata laa ʋesu. Kɛ̀ Gala na zii‐ɣaa‐wãlai ziitia sa te ma!
Pɔɔ wõi ʋai ga é laali Gala pɛlɛi ma wɔnɔ
17Tɔwɔ, nà numaa, tei de ɣaa wɛi ɣɛ ma ga su ƃua dɛ lɛ ŋɛni wɛlɛzu ɣiini ba kɛ̀ de laa ɣigi ɣii ɣa, gé ɣaa ƃaani gé zɔƃɛlɛ su mayii viligɛi gé wuu zu ga a da wani de ɣaazu too kii zu. 18Gé ɣɛni wõi ɣɛɛzu ga gé va wo wɔ vɛ — nài gè ga Pɔɔ gè ɣaa ƃaani ga gè nii ɣɛ gè wote gè ɣaa ƃaa — kɛ̀ Seeta ƃesani gé luo. 19Su‐wulo‐zu ɣa ga zɛƃɛ wala ɣa ƃɔɔ é ga gé ɣi‐to‐suvɛ ɔɔ gá wuu‐zu‐nɛi ɔɔ gá ƃaa‐la‐mai nii gá ɣɛ mayoka tevezu de maliɣii Ziizɛ ɣaazu yá vaa na? Wa nɔ laale? 20Ƃɔvɛlaale wa ɣa wo ga gá zaala‐malai ta gá wuu‐zu‐nɛi.
Currently Selected:
1 TƐSƐLONAIKAITIƐ 2: DN1971
Highlight
Copy
Compare
Share
Want to have your highlights saved across all your devices? Sign up or sign in
Loma New Testament © British and Foreign Bible Society, 1971.
1 TƐSƐLONAIKAITIƐ 2
2
Pɔɔ na tii Tɛsɛlonaika lai zu
1Nà numaa, wa ƃɔɔ wo kwɛ̃ni ga gé laalii ʋai wo ma ɛ́ lɛ ŋɛni ga faa yãka. 2Kɛ̀ to mu velei ƃalaa gé laa nɔwɔ woga sa la te gé zo ga gé wũfe pele Felepai lai zu, è ɣɛ velei wa ƃɔɔ wo kwɛ̃ni la, gé yii lɔɔni Gala saala zu gé Gala na goo niinɛ vagɔi wo wo ma, velei ƃalaa te wala logɛi ɣɛ la gé la. 3Ƃɔvɛlaale gá ʋaa‐la‐bɛ ʋai lɛ wulozu pele‐ma lala ʋaa zu. Ɛ́ lɛ wulozu ƃalaa maa‐wuo lala ʋaa zu ɔ́ nɔ ɣɛ ga é wulo gaa‐wɔlɔ faa zu. 4Kɛ̀ è ɣɛ velei nɔ Gala ge ʋaa la bu ga gé lo woo niinɛ vagɔi maʋaa ƃawola, vele nɔ na gá yɛpɛ la. Ɛ́ lɛ ga gé nu ƃuse yii la, kɛ̀ gé Gala zii la. Towa yá wɛlɛ gé yii zu va ƃɔɔ sɛ‐sɛ. 5Tɛɛ‐yãka‐wo goo lɛ wɔlɔ‐wɔlɔ ɣɛni gé la, è ɣɛ velei wa ƃɔɔ wo kwɛ̃ni la, ɔɔ gé ƃɔɔ maa wɔlɔ‐wɔlɔ ŋɛni‐wõi faa ma. Gala ka ga mazeele. 6Gɛ́ lɛ wɔnɔ ƃaa‐la‐ma ɣaa ziɛni nu ƃuse ya. Gɛ́ lɛ gaa ziɛni wo ya ɔ́ nɔ ɣɛ ga numai zɔitiɛ. To mu è ɣɛ velei gé la ga Kolai na keelaa, é ɣɛni ga gá woo gaama ʋaa ga gé na ɣɛ. 7Kɛ̀ gé ɣɛni ga nu zɛ‐sɛ‐bo bea wo zaama, è ɣɛ velei duu dee ɣa ƃala zo da dea ma. 8Tei tɔwɔ wo wõi ƃakpai ɣɛ gé ma, gé ɣavele lɛ ŋɛni nɔ ƃɛtɛni ga gé wɔ dɔi wo wiɛ Gala na woo niinɛ vagɔi zu gɔ́ wɛ̃ɛ na va. Kɛ̀ gé ɣavele ƃɛtɛi ɣɛ ga gé ƃɔɔ yɛʋui ʋe ƃalaa wo ʋaa ma. Ƃɔvɛlaale wo wõi ɣa gwala wɔɔlɔi ɣɛ gé ma. 9Nà numaa, wo ɣi ka tii zu gé kɛɛni wo ɣi ge mɔɔlɛi zu gé boga. Gé tii ɣɛɛni ƃɔɔ ʋaa ma kpidi vɛɛ folo va gé ɣɛi ma Gala na woo niinɛ vagɔi wosu, kɛɛ ʋaa ma gé mɛ lɛ ɣɛ ga wo ta nɛpɛ wũmɔ ɣasɔ. 10Wa ga seelea, Gala kpalaa ga seele, ga wai wo Kolai ʋaa ziɣia ga gaama, tuoi gé ɣɛni bosu ga wiɛ velei maa wuai ɣɛ la é ga tele‐bo tuo maa‐wulo‐zu nɛpɛ gɛ lɛ ba. 11Toku ge zei ga wa ƃɔɔ wo kavele wɛ̃ni. È ɣɛ velei duu keea ɣa kɛɛ la ga dea, gé wo ɣile‐giledai lɛnɛni gé wo yii lɔ gé deʋe gé da wo ya 12ga wo tuoi wo solowogɛi Galagi nii ma é wo lilisu kpɔɔ masadai zu ta ná saala‐malai.
13Gá wɔnɔ ƃalaa Gala mamasu nii ma wɔ. Na ɣa ga Gala daa woi nii wo mɛnini gé la tei é ziitini wiɛ, wɛ lɛ yee zeini bu ga tɔ ga nu ƃuse laa woo. Kɛ̀ wo siɣini ga nii ƃɔɔƃɔɔgi nɔ é le. Na wɔ ka ga Gala daa woi nii é tii ɣɛɛzu wo yii zu, wai wo Kolai ʋaa ziɣia ga gaama. 14Ƃɔvɛlaale, nà numaa, Gala na pɛlɛi wu veaitiɛ te Yudiiya yui zu ta Ziizɛ Kolaini te su ɣilekpu, wo ɣɛɛni ga te wo‐kɔ̃ɔ bea. Daa‐nɔwɔ‐wo sii ɣilagi nɔ wo boga wa yuu veaitiɛ ya, tɔ nɔ ɣa te boni Dusii niitiɛ ya 15te de maliɣii Ziizɛ vaani ta Gala daa woo‐wo beaitiɛ te zɛba do wɔnɔ te gé ƃɛ. Tɛ lɛ Gala zii laazu, tɔwɔ tiɛ wɔnɔ lo nu pɛ da 16ga velei te ƃesasu la gé luo ga gé mɛ lɛ ƃɔɛ zii ƃalaagitiɛ wɔ ga te valo. Nii mavelei ma, è ɣɛ velei nɔ é yɛga la wɔ, ta ʋaa yowũi é yɛga te va ta mata laa ʋesu. Kɛ̀ Gala na zii‐ɣaa‐wãlai ziitia sa te ma!
Pɔɔ wõi ʋai ga é laali Gala pɛlɛi ma wɔnɔ
17Tɔwɔ, nà numaa, tei de ɣaa wɛi ɣɛ ma ga su ƃua dɛ lɛ ŋɛni wɛlɛzu ɣiini ba kɛ̀ de laa ɣigi ɣii ɣa, gé ɣaa ƃaani gé zɔƃɛlɛ su mayii viligɛi gé wuu zu ga a da wani de ɣaazu too kii zu. 18Gé ɣɛni wõi ɣɛɛzu ga gé va wo wɔ vɛ — nài gè ga Pɔɔ gè ɣaa ƃaani ga gè nii ɣɛ gè wote gè ɣaa ƃaa — kɛ̀ Seeta ƃesani gé luo. 19Su‐wulo‐zu ɣa ga zɛƃɛ wala ɣa ƃɔɔ é ga gé ɣi‐to‐suvɛ ɔɔ gá wuu‐zu‐nɛi ɔɔ gá ƃaa‐la‐mai nii gá ɣɛ mayoka tevezu de maliɣii Ziizɛ ɣaazu yá vaa na? Wa nɔ laale? 20Ƃɔvɛlaale wa ɣa wo ga gá zaala‐malai ta gá wuu‐zu‐nɛi.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Loma New Testament © British and Foreign Bible Society, 1971.