Psalm 148
148
Da 148. Psalm.
Gott Soll Glohbt Sei Im Himmel Un Uf Di Eaht
1Halleluja!
Lohvet da Hah funn di himla,
lohvet een funn in di hay!
2Lohvet een, awl sei engel,
lohvet een, awl sei himlishi greeks-gnechta!
3Lohvet een, sunn un moon,
lohvet een, awl shtanna mitt helling!
4Lohvet een, diah haychshti himla,
un diah vassahra ovvich di himla!
5Loss si Gott sei nohma preisa,
fa eah hott's gebott gevva, no voahra si kshaffa.
6Eah hott si in iahra blatz gedu fa'immah un immah.
Eah hott en adning gevva es immah shtay bleibt.
7Lohvet da Hah uf di eaht,
diah valfish un alles deefes,
8aw feiyah, shlohsa, shnay un volka,
shtoahmichah vind es dutt vi eah sawkt,
9diah berga un awl di hivla,
obsht-baym un awl di cedars,
10aw diahra un awl's fee,
glenni diahra es gradla un fekkel es fleeya,
11diah kaynicha funn di eaht un alli mensha,
diah evvahshti un alli richtah uf di eaht,
12un diah yungi mennah un yungi mayt,
aldi leit un kinnah.
13Loss si da nohma fumm Hah lohva,
fa sei nohma laynich is uf kohva;
sei hallichkeit is ovvich di eaht un em himmel.
14Eah hott sei leit shteik gmacht,
so es awl sei saylichi een lohva sella,
di Kinnah-Israel, dee es eem leeb sinn.
Halleluja!
Currently Selected:
Psalm 148: pdcB
Highlight
Copy
Compare
Share
Want to have your highlights saved across all your devices? Sign up or sign in
© 2016, Wycliffe Bible Translators, Inc. All rights reserved. Pennsylvania Dutch Audio Bible Ⓟ 2022, Jacob Tice.
Learn More About Pennsylvania Dutch Bible
