Psalm 142
142
Da 142. Psalm.
En Gebayt Fa Hilf
En shreives fumm Dawfit, vo eah im felsa-loch voah; en gebayt.
1Ich roof zumm Hah mitt mei shtimm;
mitt mei shtimm bitt ich da Hah fa bamhatzichkeit.
2Ich leah mei beglawk aus fannich eem,
fannich eem sawk ich awl mei druvvel.
3Vann's meim geisht angsht vatt,
is es dich es mei pawt vayst.
Im vayk vo ich lawf henn si en fall ksetzt fa mich.
4Gukk uf mei rechtsi seit un sayn,
nimmand nemd acht funn miah,
'sis neiyets es ich hee fleeya kann,
nimmand gebt ebbes um mich.
5Ich roof zu diah, oh Hah,
ich sawk, “Du bisht mei Roo-Blatz,
mei dayl im land funn di levendicha.”
6Heich mich oh,
fa ich habb en grohsi noht.
Mach mich frei funn selli es mich fafolka,
fa si sinn zu shteik fa mich.
7Bring mich aus demm kfengnis,
so es ich dei nohma danka kann.
Di gerechta zayla sich um mich rumm fasamla,
veil du so goot bisht zu miah.
Currently Selected:
Psalm 142: pdcB
Highlight
Copy
Compare
Share
Want to have your highlights saved across all your devices? Sign up or sign in
© 2016, Wycliffe Bible Translators, Inc. All rights reserved. Pennsylvania Dutch Audio Bible Ⓟ 2022, Jacob Tice.
Learn More About Pennsylvania Dutch Bible
