Psalm 140
140
Da 140. Psalm.
En Gebayt Fa Frei Kalda Sei
En Psalm fumm Dawfit. Zumm foah-singah.
1Mach mich frei funn evili mensha, oh Hah,
hald mich aus di kfoah funn mennah es gvald yoosa,
2funn so mennah es evili sacha shkeema im hatz,
un shtreit ufshtadda di gans zeit.
3Si macha iahra zunga shauf vi shlanga iahri,
un shlanga-gift is unnich iahra leftz. (Sela)
4Hald mich aus di hend funn di gottlohsa, oh Hah,
hald mich aus di kfoah funn mennah es gvald yoosa,
un es shkeema fa mich shtolbahra macha.
5Shtolsi mennah henn en fall ksetzt fa mich,
si henn en net ausnannah glaykt,
un henn si ufketzt am vayk nohch. (Sela)
6Ich sawk zumm Hah, “Du bisht mei Gott.”
Heich mei shtimm oh vi ich roof fa hilf, oh Hah.
7Oh Almechtichah Hah, mei shteiki hilf,
du haldsht mei kobb zu gedekt
im dawk funn greek.
8Oh Hah, gebb di gottlohsa nett vass si havva vella,
helf eena nett mitt vass si im sinn henn,
adda si vadda shtols. (Sela)
9Loss di kebb funn selli es um mich rumm sinn
zu gedekt sei mitt em druvvel es iahra leftz gedroit henn.
10Loss roht haysi kohla uf si falla,
loss si in's feiyah kshmissa sei,
in deefi lechah es si nee nimmi raus kenna.
11Loss es nett goot gay uf di eaht
mitt selli es kshvetzah shtroiya.
Loss selli es gvald yoosa ivvah-kumma sei mitt evil.
12Ich vays es da Hah di sacha funn di oahma recht ausshaffa zayld,
un eah gebt selli es noht henn iahra recht.
13Di gerechta zayla geviss dei nohma preisa,
un di ufrichticha zayla bei diah voona.
Currently Selected:
Psalm 140: pdcB
Highlight
Copy
Compare
Share
Want to have your highlights saved across all your devices? Sign up or sign in
© 2016, Wycliffe Bible Translators, Inc. All rights reserved. Pennsylvania Dutch Audio Bible Ⓟ 2022, Jacob Tice.
Learn More About Pennsylvania Dutch Bible
