Psalm 138
138
Da 138. Psalm.
Dank Fa Gott Sei Hilf
Fumm Dawfit.
1Ich dank dich funn meim gansa hatz;
fannich di gettah vill ich diah lohb singa.
2Ich bikk mich nunnah geyyich dei heilichah tempel,
un gebb dank zu dei nohma,
fa dei shtandhaftichi-leevi un voahheit,
fa du hosht dei nohma un dei vatt uf kohva
ovvich alles shunsht.
3Vo ich dich ohgroofa habb, hosht du andvat gevva;
mitt dei graft hosht du mei sayl fagrefticht.
4Awl di kaynicha uf di eaht zayla dich danka, oh Hah,
veil si di vadda funn dei maul keaht henn.
5Si zayla singa veyyich di vayya fumm Hah,
veil di hallichkeit fumm Hah so grohs is.
6Even vann da Hah hohch is,
gukt eah alsnoch aus fa di niddahra,
avvah di shtolsa kend eah funn veit ab.
7Vann ich in di mitt funn druvvel lawf,
dann dusht du mich levendich halda;
du shtreksht dei hand naus geyyich da zann funn mei feinda,
un mitt dei rechtsi hand machsht mich frei.
8Da Hah zayld selli sacha ausfiahra
es zu du henn mitt miah;
dei shtandhaftichi-leevi, oh Hah is ayvichlich,
faloss nee nett di verka funn dei hend.
Currently Selected:
Psalm 138: pdcB
Highlight
Copy
Compare
Share
Want to have your highlights saved across all your devices? Sign up or sign in
© 2016, Wycliffe Bible Translators, Inc. All rights reserved. Pennsylvania Dutch Audio Bible Ⓟ 2022, Jacob Tice.
Learn More About Pennsylvania Dutch Bible
