Psalm 129
129
Da 129. Psalm.
En Gebayt Es Di Feinda Funn Israel Ivvah-Kshmissa Vadda
En leet fa ksunga sei uf em vayk nuff an Jerusalem.
1Si henn mich oft veesht fafolkt
funn meim yungem uf.
Nau loss Israel sawwa,
2Si henn mich veesht fafolkt
funn meim yungem uf,
avvah si sinn mich nett ivvah-kumma.
3Di blooks-leit henn mei bukkel geblookt,
si henn iahra feichta lang gmacht.
4Avvah da Hah is gerecht,
eah hott mich frei kshnidda
funn di gottlohsa iahra shtrikk.
5Loss awl selli es Zion hassa
kshohmd sei un zrikk gedrivva sei.
6Loss si sei vi graws es uf em haus-dach vaxt,
es favelkt eb's ufvaxa kann.
7Da graws-shneidah kann sei hand nett filla mitt sell graws,
un da shayb-binnah kann aw nett sei oahm filla mitt.
8Nimmand es fabei gayt zayld sawwa,
“Em Hah sei sayya sei ivvah eich;
miah saykna eich im nohma fumm Hah.”
Currently Selected:
Psalm 129: pdcB
Highlight
Copy
Compare
Share
Want to have your highlights saved across all your devices? Sign up or sign in
© 2016, Wycliffe Bible Translators, Inc. All rights reserved. Pennsylvania Dutch Audio Bible Ⓟ 2022, Jacob Tice.
Learn More About Pennsylvania Dutch Bible
