Jesoiya 62
62
Es 62. Gabiddel.
Zion Iahra Neiyah Nohma
1Fa di sayk funn Zion zayl ich nett shtill sei,
un fa di sayk funn Jerusalem zayl ich nett roowa,
biss iahra gerechtichkeit sheind mitt helling,
un iahra saylichkeit brend vi en feiyah-shtekka.
2Di heida zayla dei gerechtichkeit sayna,
un awl di kaynicha dei hallichkeit;
du vasht kaysa bei en neiyah nohma,
es es maul fumm Hah diah gebt.
3Du vasht en shaynah krohn im Hah sei hand,
en kaynich-hoot in di hand funn deim Gott.
4Du solsht nimmi “Falossa” kaysa sei,
un dei land vatt nimmi “Leah” kaysa.
Avvah du zaylsht “Em Hah Sei Leeblichi” kaysa sei
un dei land vatt “Keiyahdi Fraw” kaysa,
veil du em Hah leeblich bisht,
un dei land keiyaht vatt zu eem.
5So vi en yungah mann en leddich maydel heiyaht,
so zayla dei boova dich heiyahra;
un vi en hochtzich-mann sich froit ivvah sei hochtzich-maydel,
so zayld dei Gott sich froiya ivvah dich.
6Ich habb vatsh-mennah uf dei mavvahra gedu, oh Jerusalem,
si zayla nee nett shtill sei, dawk un nacht.
Diah es ohhaldet da Hah droh gmohna,
nemmet kenn roo selvaht.
7Un gevvet eem kenn roo,
biss eah Jerusalem ufsetzt
un macht see glohbt ivvah di gans eaht.
8Da Hah hott kshvoahra bei sei rechtsi hand,
un bei sei mechtichah oahm:
“Selayva zayl ich dei frucht nimmi gevva
fa ess-sach zu dei feinda,
un selayva zayla di fremda da nei vei nimmi drinka
es du so hatt kshaft hosht difoah;
9avvah selli es es eahnda zayla's essa,
un da Hah lohva,
un selli es di drauva samla
zayla da vei drinka,
in di foah-hayf funn mei tempel.”
10Gaynd deich, gaynd deich di doahra!
Rishtet da vayk fa di leit.
Bauwet da vayk, bauwet da vayk,
nemmet di shtay ab.
Hayvet da flag uf ivvah di leit.
11Gukket moll, da Hah lost's heahra
zu di endah funn di eaht:
“Sawk zu di Dochtah funn Zion,
‘Gukk moll, dei Heiland is am kumma,
eah bringd sei lohn mitt sich,
selli es eah frei gmacht hott gayn fanna heah.’”
12Si zayla “Di Heilicha Leit” kaysa sei,
“Di Leit Es Da Hah Saylich Gmacht Hott.”
Un du vasht “Raus Ksucht” kaysa,
“Di Shtatt Es Nimmi Falossa Is.”
Currently Selected:
Jesoiya 62: pdcB
Highlight
Copy
Compare
Share
Want to have your highlights saved across all your devices? Sign up or sign in
© 2016, Wycliffe Bible Translators, Inc. All rights reserved. Pennsylvania Dutch Audio Bible Ⓟ 2022, Jacob Tice.
Learn More About Pennsylvania Dutch BibleJesoiya 62
62
Es 62. Gabiddel.
Zion Iahra Neiyah Nohma
1Fa di sayk funn Zion zayl ich nett shtill sei,
un fa di sayk funn Jerusalem zayl ich nett roowa,
biss iahra gerechtichkeit sheind mitt helling,
un iahra saylichkeit brend vi en feiyah-shtekka.
2Di heida zayla dei gerechtichkeit sayna,
un awl di kaynicha dei hallichkeit;
du vasht kaysa bei en neiyah nohma,
es es maul fumm Hah diah gebt.
3Du vasht en shaynah krohn im Hah sei hand,
en kaynich-hoot in di hand funn deim Gott.
4Du solsht nimmi “Falossa” kaysa sei,
un dei land vatt nimmi “Leah” kaysa.
Avvah du zaylsht “Em Hah Sei Leeblichi” kaysa sei
un dei land vatt “Keiyahdi Fraw” kaysa,
veil du em Hah leeblich bisht,
un dei land keiyaht vatt zu eem.
5So vi en yungah mann en leddich maydel heiyaht,
so zayla dei boova dich heiyahra;
un vi en hochtzich-mann sich froit ivvah sei hochtzich-maydel,
so zayld dei Gott sich froiya ivvah dich.
6Ich habb vatsh-mennah uf dei mavvahra gedu, oh Jerusalem,
si zayla nee nett shtill sei, dawk un nacht.
Diah es ohhaldet da Hah droh gmohna,
nemmet kenn roo selvaht.
7Un gevvet eem kenn roo,
biss eah Jerusalem ufsetzt
un macht see glohbt ivvah di gans eaht.
8Da Hah hott kshvoahra bei sei rechtsi hand,
un bei sei mechtichah oahm:
“Selayva zayl ich dei frucht nimmi gevva
fa ess-sach zu dei feinda,
un selayva zayla di fremda da nei vei nimmi drinka
es du so hatt kshaft hosht difoah;
9avvah selli es es eahnda zayla's essa,
un da Hah lohva,
un selli es di drauva samla
zayla da vei drinka,
in di foah-hayf funn mei tempel.”
10Gaynd deich, gaynd deich di doahra!
Rishtet da vayk fa di leit.
Bauwet da vayk, bauwet da vayk,
nemmet di shtay ab.
Hayvet da flag uf ivvah di leit.
11Gukket moll, da Hah lost's heahra
zu di endah funn di eaht:
“Sawk zu di Dochtah funn Zion,
‘Gukk moll, dei Heiland is am kumma,
eah bringd sei lohn mitt sich,
selli es eah frei gmacht hott gayn fanna heah.’”
12Si zayla “Di Heilicha Leit” kaysa sei,
“Di Leit Es Da Hah Saylich Gmacht Hott.”
Un du vasht “Raus Ksucht” kaysa,
“Di Shtatt Es Nimmi Falossa Is.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2016, Wycliffe Bible Translators, Inc. All rights reserved. Pennsylvania Dutch Audio Bible Ⓟ 2022, Jacob Tice.
Learn More About Pennsylvania Dutch Bible