Jesoiya 21
21
Es 21. Gabiddel.
Babylon Zayld Falla
1En zeiya veyyich di vildahnis bei em say.
Vi vind-shtoahma kumma im land in di saut,
so zayld's kumma aus di vildahnis,
funn en shreklich land.
2En veeshti vision voah miah gvissa,
da rawvah rawbt, un da zvay-ksichtich faroht.
Edom, gay un fecht; Media, umringd di shtatt.
Ich zayl en end macha funn awl's yammahres es see gmacht hott.
3Funn demm is mei leib foll shmatza,
un shmatza kumma ivvah mich vi en veibsmensh am en kind havva.
Ich binn ivvah-kumma bei vass ich heah,
un fagelshtaht bei vass ich sayn.
4Mei hatz ziddaht,
di furcht macht mich shidla.
Da ohvet es ich foah-gegukt habb ditzu,
gebt miah kenn roo.
5Si rishta da dish,
si layya di rugs uf da bodda,
si essa un drinka!
Uf aymol kumd's vatt. Diah foah-gengah,
doond ayl uf di greeks-shields!
6Dess is vass da Hah ksawt hott zu miah,
“Gay un shtell en vatshah naus,
vass eah saynd, soll eah fazayla.
7Vann eah reidahs saynd, un zvay geil nayvich nannah,
reidahs uf aysla, un reidahs uf kamayla
dann soll eah si oahrich goot vatsha.”
8No hott da vatshah naus groofa,
“Dawk noch dawk, oh Hah, shtayn ich do an mei blatz,
alli nacht bleib ich do am vatsha.
9Nau gukk moll, do kumma di reidah,
zvay geil nayvich nannah.
Eah gebt andvat un sawkt, ‘Babylon is kfalla, see is kfalla,
un awl iahra gleichnisa funn iahra gettah
leiya fabrocha uf em grund!’”
10Oh mei leit, es famawla sinn uf em dresha-floah,
sell vass ich keaht habb fumm Awlmechtich Hah,
funn Israel iahra Gott, sell sawk ich eich.
En Foah-Sawk Veyyich Edom Un Arabia
11En zeiya veyyich Edom:
Ebbah hald ohroofa zu miah funn Seir,
“Vatsh-mann, vi lang biss di nacht ivvah is?
Vatsh-mann, vi lang biss di nacht ivvah is?”
12Da vatsh-mann gebt andvat,
“Da meiya is am kumma, avvah aw di nacht,
vann du viddah frohwa vitt,
dann kumm zrikk un frohk.”
13En zeiya veyyich Arabia:
Diah drubb Dedaniddah mitt eiyah kamayla,
diah misset ivvah-nacht bleiva bei di hekka-putsha funn Arabia.
14Bringet vassah fa di dashticha,
diah es in Thema voonet,
un bringet ess-sach zu selli es am fatt shpringa sinn.
15Si sinn am fatt shpringa fumm shvatt,
fumm shvatt es raus gezowwa is,
fumm gebohwana bow,
un funn di kfoah funn greek.
16Dess is vass da Hah ksawt hott zu miah: “In di zeit funn ay yoah, so vi en gnecht di zeit zayld, dann zayld di hallichkeit funn Kedar gans unnah gay.
17Di ivvahricha funn di bow-sheesah, di mechticha mennah funn Kedar, zayla yusht vennich sei.” Fa da Hah, da Gott funn Israel, hott so ksawt.
Currently Selected:
Jesoiya 21: pdcB
Highlight
Copy
Compare
Share
Want to have your highlights saved across all your devices? Sign up or sign in
© 2016, Wycliffe Bible Translators, Inc. All rights reserved. Pennsylvania Dutch Audio Bible Ⓟ 2022, Jacob Tice.
Learn More About Pennsylvania Dutch Bible
