Ezekiel 19
19
Es 19. Gabiddel.
En Glawk-Leet Fa Israel
1“Mach en glawk-leet veyyich di feddahshta funn Israel,
2un sawk:
‘Vass is dei muddah?
En muddah-layb unnich di layb!
See hott sich anna glaykt unnich di yunga layb,
un hott iahra glenni ufgezowwa.
3See hott ayns funn iahra glenni ufgezowwa
un eah is en shteikah layb vadda.
Eah hott gland diahra fareisa,
un aw mensha fressa.
4Di heida henn keaht veyyich eem,
un eah voah kfanga in iahra fall.
Si henn een kfiaht mitt kedda,
zumm land Egypta.
5Di muddah hott gvoaht uf een fa zrikk kumma,
avvah iahra hofning voah faloahra.
No hott see noch ayns funn iahra yungi gnumma,
un hott een en shteikah layb gmacht.
6Eah is unnich di layb rumm gloffa,
un is en shteikah layb vadda.
Eah hott gland diahra fareisa
un aw mensha fressa.
7Eah hott iahra vanda nunnah gebrocha
un iahra shtett faveesht.
Es land un selli es drinn voahra,
voahra fagelshtaht vann eah groaht hott.
8Di heida sinn geyyich een kumma,
funn di lendah datt rumm.
Si henn iahra net ivvah een kshmissa,
un eah voah kfanga in iahra pitt.
9Si henn een gebunna mitt kedda un henn een in en kevvich gedu
un zumm kaynich funn Babylon gebrocht.
Datt henn si een eikshtekt,
un so voah sei shtimm nimmi keaht
uf di berga funn Israel.
10Dei maemm voah aw vi en drauva-shtokk in dei vei-goahra
es beim vassah geblanst voah;
eah voah fruchtboah mitt feel ranka
veil eah feel vassah katt hott.
11Sei ranka voahra shteik,
shteik genunk fa ma kaynich sei zeptah.
Eah voah oahrich hohch,
ovvich awl di bleddah funn di anra.
Eah voah ksenna hohch in di hay,
mitt sei feel ranka.
12Avvah eah voah raus grissa in zann
un voah uf da bodda kshmissa.
Da east vind hott sei frucht fadatt,
un sei ranka abgebrocha.
Si sinn ufgedrikkeld,
un fabrend vadda im feiyah.
13Nau is eah geblanst in di vildahnis,
in en drukka un dashtich land.
14Feiyah is aus sei shteikah nasht ganga,
un hott sei frucht fabrend,
so es kenn shteikah nasht ivvahrich voah,
fa ma kaynich sei zeptah sei.’
Dess is en glawk-leet, un soll en glawk-leet ksunga sei.”
Currently Selected:
Ezekiel 19: pdcB
Highlight
Copy
Compare
Share
Want to have your highlights saved across all your devices? Sign up or sign in
© 2016, Wycliffe Bible Translators, Inc. All rights reserved. Pennsylvania Dutch Audio Bible Ⓟ 2022, Jacob Tice.
Learn More About Pennsylvania Dutch Bible
