Okubara 8
8
Eby'okuhemba amatabaaza
1MUKAMA yaagira Musa ati: 2#Zab 119:105; Yoh 8:12. Gambira Arooni oti: Ku origuma waahemba etabaaza, ago matabaaza mushanju gagume gaakye, gahwezese omwanya oguri omu maisho g'ekikondo kyago. 3Arooni yaakora atyo; yaahemba ago mataabaza ngu gaakye, gahwezese omwanya oguri omu maisho g'ekikondo kyago, nk'oku MUKAMA yaaragiire Musa. 4Oku nikwo ekikondo ky'amatabaaza kyaheesirwe, kikaheeshwa omu zaabu; okuruga aha kibunu kyakyo okuhika aha birabyo byakyo kyona kikaba kiheesirwe; nk'eky'okureeberaho, eki MUKAMA yaayorekire Musa, oku kyabaire kiri, nikwo yaaheesire ekyo kikondo ky'amatabaaza.
Okushoroorwa kw'Abaleevi n'obuheereza bwabo
5MUKAMA yaagira Musa ati: 6#Isa 52:11. Iha Abaleevi omu Baisraeli, obashemeze. 7Oku nikwo oraabashemeze; obamiisiire amaizi ag'okubaihaho ekibi, bamwe emibiri yaabo yoona, boozye emyenda yaabo, beeshemeze. 8Bwanyima batware enimi y'ekimasha n'empongano yaayo y'esaano y'obunono ejwangize n'amajuta; kandi naiwe otware endiijo nimi y'ekimasha kuba ekitambo ky'ekibi. 9#Lev 8:3. Oreete Abaleevi omu maisho g'Eihema ry'okubugaabuganiramu, oteeranire hamwe eihanga ryona erya Israeli, 10omurikye Abaleevi omu maisho ga MUKAMA, Abaisraeli babateho engaro, 11Arooni ahongye Abaleevi omu maisho ga MUKAMA kuba empongano ezongazongiibwe omu mwanya gw'Abaisraeli, babe ab'okukora omurimo gw'okuheereza MUKAMA. 12Bwanyima Abaleevi bate engaro zaabo aha mitwe y'ezo nimi, emwe ogihongye kuba ekitambo ky'ekibi, endi kuba ekitambo ky'okwotsya ekihongyeirwe MUKAMA okurihiirira Abaleevi. 13Ote Abaleevi omu maisho ga Arooni n'abatabani, obahongyere MUKAMA kuba empongano ezongazongiibwe.
14 #
Kub 16:9. Okwo obe nikwo waashoroora Abaleevi omu Baisraeli abandi; Abaleevi babe abangye. 15Bwanyima y'okubeeza n'okubahonga kuba empongano ezongazongiibwe, Abaleevi bataahe bakore omurimo gw'obuheereza omu by'Eihema ry'okubugaabuganiramu. 16#Kub 3:12, 45. Ahakuba mbaheereirwe kimwe kuruga omu Baisraeli; mbeetooraniire kuza omu mwanya gw'emijigaijo yoona ey'Abaisraeli; 17#Kur 13:2, 12-15. ahabw'okuba emijigaijo y'Abaisraeli yoona n'eyangye, ey'abantu n'ey'amatungo; nkagyeyereza aha izooba eri naitiireho emijigaijo yoona ey'omu nsi ya Misri. 18Mbwenu ntooraine Abaleevi omu mwanya gw'emijigaijo yoona ey'Abaisraeli. 19Kandi abo Baleevi mbaihire omu Baisraeli, naabaha Arooni n'abatabani nk'ekiconco, okukora omurimo gw'obuheereza omu by'Eihema ry'okubugaabuganiramu ahabw'Abaisraeli, n'okubarihiirira, ngu hataribaho orufu omu Baisraeli, ku bariba baahikire haihi n'Omwanya ogurikwera. 20Okwo nikwo Musa na Arooni n'eihanga ryona ery'Abaisraeli baatwarize Abaleevi; nk'oku MUKAMA yaaragiire Musa aha by'Abaleevi byona, Abaisraeli baaba nikwo baabatwaza. 21Abaleevi baayeshemezaho ekibi, baayozya emyenda yaabo, Arooni yaabahonga omu maisho ga MUKAMA kuba empongano ezongazongiibwe, yaabarihiirira kubashemeza. 22Bwanyima y'ebyo Abaleevi baabona kutaaha kukora omurimo gw'obuheereza omu by'Eihema ry'okubugaabuganiramu omu maisho ga Arooni n'abatabani; nk'oku MUKAMA yaabair aragiire Musa aha by'Abaleevi, baaba nikwo baabatwaza.
23MUKAMA yaagira Musa ati: 24Ebi ndikukugambira aha Baleevi n'ebi; baryatandika kutaaha omu buheereza bw'okukora omurimo gw'eby'Eihema ry'okubugaabuganiramu, bahikize emyaka makumi abiri n'etaano n'okukiraho; 25kandi ku barihitsya emyaka makumi ataano, barekyere aho kukora omurimo gw'obwo buheereza ogurikurusya, barekye kugaruka kuheereza; 26#Kub 1:53. kwonka bagume bahwere beene waabo omu by'Eihema ry'okubugaabuganiramu, okurinda ebi bakwatsiibwe, kwonka barekye kukora eby'obuheereza. Okwo obe nikwo waatwaza Abaleevi aha by'ebi bakwatsiibwe.
Currently Selected:
Okubara 8: RR64
Highlight
Copy
Compare
Share
Want to have your highlights saved across all your devices? Sign up or sign in
The Bible in Runyankore-Rukiga © United Bible Societies, 1964
Okubara 8
8
Eby'okuhemba amatabaaza
1MUKAMA yaagira Musa ati: 2#Zab 119:105; Yoh 8:12. Gambira Arooni oti: Ku origuma waahemba etabaaza, ago matabaaza mushanju gagume gaakye, gahwezese omwanya oguri omu maisho g'ekikondo kyago. 3Arooni yaakora atyo; yaahemba ago mataabaza ngu gaakye, gahwezese omwanya oguri omu maisho g'ekikondo kyago, nk'oku MUKAMA yaaragiire Musa. 4Oku nikwo ekikondo ky'amatabaaza kyaheesirwe, kikaheeshwa omu zaabu; okuruga aha kibunu kyakyo okuhika aha birabyo byakyo kyona kikaba kiheesirwe; nk'eky'okureeberaho, eki MUKAMA yaayorekire Musa, oku kyabaire kiri, nikwo yaaheesire ekyo kikondo ky'amatabaaza.
Okushoroorwa kw'Abaleevi n'obuheereza bwabo
5MUKAMA yaagira Musa ati: 6#Isa 52:11. Iha Abaleevi omu Baisraeli, obashemeze. 7Oku nikwo oraabashemeze; obamiisiire amaizi ag'okubaihaho ekibi, bamwe emibiri yaabo yoona, boozye emyenda yaabo, beeshemeze. 8Bwanyima batware enimi y'ekimasha n'empongano yaayo y'esaano y'obunono ejwangize n'amajuta; kandi naiwe otware endiijo nimi y'ekimasha kuba ekitambo ky'ekibi. 9#Lev 8:3. Oreete Abaleevi omu maisho g'Eihema ry'okubugaabuganiramu, oteeranire hamwe eihanga ryona erya Israeli, 10omurikye Abaleevi omu maisho ga MUKAMA, Abaisraeli babateho engaro, 11Arooni ahongye Abaleevi omu maisho ga MUKAMA kuba empongano ezongazongiibwe omu mwanya gw'Abaisraeli, babe ab'okukora omurimo gw'okuheereza MUKAMA. 12Bwanyima Abaleevi bate engaro zaabo aha mitwe y'ezo nimi, emwe ogihongye kuba ekitambo ky'ekibi, endi kuba ekitambo ky'okwotsya ekihongyeirwe MUKAMA okurihiirira Abaleevi. 13Ote Abaleevi omu maisho ga Arooni n'abatabani, obahongyere MUKAMA kuba empongano ezongazongiibwe.
14 #
Kub 16:9. Okwo obe nikwo waashoroora Abaleevi omu Baisraeli abandi; Abaleevi babe abangye. 15Bwanyima y'okubeeza n'okubahonga kuba empongano ezongazongiibwe, Abaleevi bataahe bakore omurimo gw'obuheereza omu by'Eihema ry'okubugaabuganiramu. 16#Kub 3:12, 45. Ahakuba mbaheereirwe kimwe kuruga omu Baisraeli; mbeetooraniire kuza omu mwanya gw'emijigaijo yoona ey'Abaisraeli; 17#Kur 13:2, 12-15. ahabw'okuba emijigaijo y'Abaisraeli yoona n'eyangye, ey'abantu n'ey'amatungo; nkagyeyereza aha izooba eri naitiireho emijigaijo yoona ey'omu nsi ya Misri. 18Mbwenu ntooraine Abaleevi omu mwanya gw'emijigaijo yoona ey'Abaisraeli. 19Kandi abo Baleevi mbaihire omu Baisraeli, naabaha Arooni n'abatabani nk'ekiconco, okukora omurimo gw'obuheereza omu by'Eihema ry'okubugaabuganiramu ahabw'Abaisraeli, n'okubarihiirira, ngu hataribaho orufu omu Baisraeli, ku bariba baahikire haihi n'Omwanya ogurikwera. 20Okwo nikwo Musa na Arooni n'eihanga ryona ery'Abaisraeli baatwarize Abaleevi; nk'oku MUKAMA yaaragiire Musa aha by'Abaleevi byona, Abaisraeli baaba nikwo baabatwaza. 21Abaleevi baayeshemezaho ekibi, baayozya emyenda yaabo, Arooni yaabahonga omu maisho ga MUKAMA kuba empongano ezongazongiibwe, yaabarihiirira kubashemeza. 22Bwanyima y'ebyo Abaleevi baabona kutaaha kukora omurimo gw'obuheereza omu by'Eihema ry'okubugaabuganiramu omu maisho ga Arooni n'abatabani; nk'oku MUKAMA yaabair aragiire Musa aha by'Abaleevi, baaba nikwo baabatwaza.
23MUKAMA yaagira Musa ati: 24Ebi ndikukugambira aha Baleevi n'ebi; baryatandika kutaaha omu buheereza bw'okukora omurimo gw'eby'Eihema ry'okubugaabuganiramu, bahikize emyaka makumi abiri n'etaano n'okukiraho; 25kandi ku barihitsya emyaka makumi ataano, barekyere aho kukora omurimo gw'obwo buheereza ogurikurusya, barekye kugaruka kuheereza; 26#Kub 1:53. kwonka bagume bahwere beene waabo omu by'Eihema ry'okubugaabuganiramu, okurinda ebi bakwatsiibwe, kwonka barekye kukora eby'obuheereza. Okwo obe nikwo waatwaza Abaleevi aha by'ebi bakwatsiibwe.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
The Bible in Runyankore-Rukiga © United Bible Societies, 1964