Okubara 12
12
Miriamu na Arooni okugirira Musa eihari
1 #
Kur 2:21. Miriamu na Arooni baagambuura Musa ahabw'Omukuushikazi ou yaabaire ashweire; ahabw'okuba akashwera Omukuushikazi. 2#2 Bag 19:4; Zab 94:9. Baagira bati: N'eky'amazima MUKAMA agambira omuri Musa wenka? Itwe tatugambiramu? MUKAMA yaakihurira. 3#Zab 147:6; Mat 5:5; 2 Tim 2:25; 1 Pet 3:4. Kandi ogwo mushaija Musa akaba ari omucureezi, okukira abantu boona ab'omu nsi. 4Ahonaaho MUKAMA yaagambira Musa na Arooni na Miriamu ati: Mushohore mwenshatu, mwije aha Ihema ry'okubugaabuganiramu. Bonshatu baashohora. 5MUKAMA yaashuumira omu nyomyo y'ekicu, yaayemerera aha muryango gw'Eihema, yaayeta Arooni na Miriamu, bombi baija; 6#Luk 1:11, 22; Mat 1:20. yaabagira ati: Nimuhurire ebigambo byangye. Omuriimwe ku haraabe harimu nabi, omu kworekwa nimwo nyowe MUKAMA ndimwemanyisiza, kandi n'omu kirooto nimwo ndigambira nawe. 7#Heb 3:5. Kwonka omugaragwa wangye Musa tikwo mmutwaza; n'omwesigwa omu nju yangye yoona. 8#Kur 33:11, 19; Bir 34:10; 2 Pet 2:10. We ngamba nawe butunu nitureebana, ntarikugamba nawe mu nfumu, kandi n'enshusha yangye agireeba. Mbwenu ahabw'enki timutiinire kugamba kubi aha mugaragwa wangye Musa?
9MUKAMA yaabagirira ekiniga kingi, yaagyenda. 10#2 Bag 5:27; 2 Bus 26:19. Ekicu ku kyarugire ahaiguru y'Eihema baareeba Miriamu aseesire ebibembe ebirikwera nk'orubaare. Arooni ku yaareebire Miriamu, yaashanga aseesire ebibembe. 11Arooni yaagira Musa ati: Ai bambe Mukama wangye, otatuha ekifubiro ahabw'ekibi eki tukoresiibwe obushema. 12Ninkweshengyereza arekye kushusha nk'ekizairwe kifiire kijunzire orubaju rumwe. 13Musa yaatakira MUKAMA ati: Ai Ruhanga, naakweshengyereza mutambire. 14#Heb 12:0; Kub 5:2, 3. MUKAMA yaagarukamu Musa ati: Kuri noogira ngu ishe amucweire amacwante bucwante omumaisho, takugizire nshoni okumara ebiro mushanju? Reka amare ebiro mushanju akomeirwe aheeru y'orusiisira, bwanyima abone kurugarurwamu. 15#Bir 24:9. Atyo Miriamu yaakomerwa aheeru y'orusiisira okumara ebiro mushanju; abantu tibaimutsya rugyendo okuhitsya obu yaagarwirwe omu rusiisira. 16Bwanyima abantu baimutsya orugyendo, baaruga Hazeroosi, baateera orusiisira omu ihamba rya Parani.
Currently Selected:
Okubara 12: RR64
Highlight
Copy
Compare
Share
Want to have your highlights saved across all your devices? Sign up or sign in
The Bible in Runyankore-Rukiga © United Bible Societies, 1964
Okubara 12
12
Miriamu na Arooni okugirira Musa eihari
1 #
Kur 2:21. Miriamu na Arooni baagambuura Musa ahabw'Omukuushikazi ou yaabaire ashweire; ahabw'okuba akashwera Omukuushikazi. 2#2 Bag 19:4; Zab 94:9. Baagira bati: N'eky'amazima MUKAMA agambira omuri Musa wenka? Itwe tatugambiramu? MUKAMA yaakihurira. 3#Zab 147:6; Mat 5:5; 2 Tim 2:25; 1 Pet 3:4. Kandi ogwo mushaija Musa akaba ari omucureezi, okukira abantu boona ab'omu nsi. 4Ahonaaho MUKAMA yaagambira Musa na Arooni na Miriamu ati: Mushohore mwenshatu, mwije aha Ihema ry'okubugaabuganiramu. Bonshatu baashohora. 5MUKAMA yaashuumira omu nyomyo y'ekicu, yaayemerera aha muryango gw'Eihema, yaayeta Arooni na Miriamu, bombi baija; 6#Luk 1:11, 22; Mat 1:20. yaabagira ati: Nimuhurire ebigambo byangye. Omuriimwe ku haraabe harimu nabi, omu kworekwa nimwo nyowe MUKAMA ndimwemanyisiza, kandi n'omu kirooto nimwo ndigambira nawe. 7#Heb 3:5. Kwonka omugaragwa wangye Musa tikwo mmutwaza; n'omwesigwa omu nju yangye yoona. 8#Kur 33:11, 19; Bir 34:10; 2 Pet 2:10. We ngamba nawe butunu nitureebana, ntarikugamba nawe mu nfumu, kandi n'enshusha yangye agireeba. Mbwenu ahabw'enki timutiinire kugamba kubi aha mugaragwa wangye Musa?
9MUKAMA yaabagirira ekiniga kingi, yaagyenda. 10#2 Bag 5:27; 2 Bus 26:19. Ekicu ku kyarugire ahaiguru y'Eihema baareeba Miriamu aseesire ebibembe ebirikwera nk'orubaare. Arooni ku yaareebire Miriamu, yaashanga aseesire ebibembe. 11Arooni yaagira Musa ati: Ai bambe Mukama wangye, otatuha ekifubiro ahabw'ekibi eki tukoresiibwe obushema. 12Ninkweshengyereza arekye kushusha nk'ekizairwe kifiire kijunzire orubaju rumwe. 13Musa yaatakira MUKAMA ati: Ai Ruhanga, naakweshengyereza mutambire. 14#Heb 12:0; Kub 5:2, 3. MUKAMA yaagarukamu Musa ati: Kuri noogira ngu ishe amucweire amacwante bucwante omumaisho, takugizire nshoni okumara ebiro mushanju? Reka amare ebiro mushanju akomeirwe aheeru y'orusiisira, bwanyima abone kurugarurwamu. 15#Bir 24:9. Atyo Miriamu yaakomerwa aheeru y'orusiisira okumara ebiro mushanju; abantu tibaimutsya rugyendo okuhitsya obu yaagarwirwe omu rusiisira. 16Bwanyima abantu baimutsya orugyendo, baaruga Hazeroosi, baateera orusiisira omu ihamba rya Parani.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
The Bible in Runyankore-Rukiga © United Bible Societies, 1964