Yoshua 5
5
Yoshua okushara abantu, n'okwijuka Okuhingurwaho
1 #
Kur 15:14; 1 Bag 10:5. Abagabe b'Abaamori boona, abaabaire bari seeri ya Yorudani orubaju rw'oburengyerwa-izooba, n'abagabe b'Abanyakanaani boona, abaabaire batwire aha rubaju rw'enyanja, ku baahuriire ngu MUKAMA ayomize amaizi ga Yorudani omu maisho g'Abaisraeli, okuhitsya obu bambukire, emitima yaabahwa omunda, kandi tibaatsigarwamu mwoyo gwona ahabw'eihanga ry'Abaisraeli.
2Omu bunaku obwo MUKAMA akagambira Yoshua ati: Mwebaijere emisyo omu mabaare, oshare Abaisraeli obwa kabiri. 3Yoshua yaabaija emisyo omu mabaare, yaasharira Abaisraeli aha mugongo Aralooti. 4#Kub 14:29; 26:64. Kandi ekyareeteire Yoshua okubashara n'eki; abashaija boona abaarugire Misri bakaba baherize kugwa omu muhanda ogurikuraba omu ihamba, barimu abarwani boona abaarugire Misri. 5Abantu boona abaarugire Misri bakaba bashazirwe; kwonka boona abu baazaariire omu ihamba bakiri omu muhanda baarugire Misri, bo bakaba batakashazirwe. 6#Zab 95:10; Heb 3:11. Ahakuba Abaisraeli bakamara emyaka makumi ana nibazengyerera omu ihamba, okuhitsya obu abashaija abarwani b'eihanga ryabo ryona baafiire bakahwaho ahabw'okutahurira iraka rya MUKAMA; kandi MUKAMA akaba yaabarahiire ku ataribaikiriza kureeba ensi ei yaaraganiise baishenkurubo kutuha, ensi ey'amate n'obwoki. 7N'ahabw'ekyo abaana baabo abu MUKAMA yaagarwire omu mwanya gwabo, nibo Yoshua yaashazire; bakaba batashazirwe, ahabw'okuba tibarashazirwe bakiri omu muhanda. 8#Kut 34:25. Abashaija boona, ku baaherize kusharwa, baaguma omu myanya yaabo omu rusiisira, okuhitsya obu baakizire. 9#Lev 18:3. Bwanyima MUKAMA yaagambira Yoshua ati: Eri izooba naabaihaho ekijumo eky'Abanyamisri. N'ahabw'ekyo omwanya ogwo gukeetwa Gilugaali n'okuhitsya hati.
10 #
Kur 12:6; Kub 9:5. Abaisraeli ku baabaire bakiri Gilugaali, baagira obugyenyi bw'okwijuka Okuhingurwaho aha kiro ky'okwezi ekya ikumi na bina omu mwabazyo omu mpita za Yeriko. 11Omu kasheeshe akaakuratiire Okuhingurwaho aha izooba eryo baarya aha by'okurya by'egyo nsi, emigaati etatumbisiibwe n'ebicoori bikarangire. 12Ku baaherize kurya eby'okurya by'egyo nsi, omu kasheeshe akandi emaanu tiyaaboneka; kandi Abaisraeli tibaagaruka kugitunga, kureka baaguma nibarya eby'okurya by'ensi ya Kanaani ogwo mwaka.
Yoshua okubugaabugana na maraika
13 #
Kur 23:23. Yoshua ku yaabaire ari haihi na Yeriko, yaimutsya amaisho, yaareeba omushaija amwemereire omumaisho, aine rurara esyoirweyo omu mukono gwe. Yoshua yaamuhikaho, yaamubuuza ati: Ori ow'orubaju rwaitu, nari orw'abazigu? 14#Dan 10:13; 12:1; Kush 12:7; Kut 17:3. Yaamugarukamu ati: Ngaaha! kureka naija kuba omukuru w'eihe rya MUKAMA. Yoshua yaagwa ahansi, yaajuumara, yaamuramya, yaamubuuza ati: Mukama wangye, nooragiira ki omwiru waawe? 15#Kur 3:5; 1 Bus 16:25. Omukuru w'eihe rya MUKAMA yaagira Yoshua ati: Iha enkaito omu bigyere byawe; ahakuba omwanya ogu oyemereiremu n'ogurikwera. Yoshua yaakora atyo.
Currently Selected:
Yoshua 5: RR64
Highlight
Copy
Compare
Share
Want to have your highlights saved across all your devices? Sign up or sign in
The Bible in Runyankore-Rukiga © United Bible Societies, 1964
Yoshua 5
5
Yoshua okushara abantu, n'okwijuka Okuhingurwaho
1 #
Kur 15:14; 1 Bag 10:5. Abagabe b'Abaamori boona, abaabaire bari seeri ya Yorudani orubaju rw'oburengyerwa-izooba, n'abagabe b'Abanyakanaani boona, abaabaire batwire aha rubaju rw'enyanja, ku baahuriire ngu MUKAMA ayomize amaizi ga Yorudani omu maisho g'Abaisraeli, okuhitsya obu bambukire, emitima yaabahwa omunda, kandi tibaatsigarwamu mwoyo gwona ahabw'eihanga ry'Abaisraeli.
2Omu bunaku obwo MUKAMA akagambira Yoshua ati: Mwebaijere emisyo omu mabaare, oshare Abaisraeli obwa kabiri. 3Yoshua yaabaija emisyo omu mabaare, yaasharira Abaisraeli aha mugongo Aralooti. 4#Kub 14:29; 26:64. Kandi ekyareeteire Yoshua okubashara n'eki; abashaija boona abaarugire Misri bakaba baherize kugwa omu muhanda ogurikuraba omu ihamba, barimu abarwani boona abaarugire Misri. 5Abantu boona abaarugire Misri bakaba bashazirwe; kwonka boona abu baazaariire omu ihamba bakiri omu muhanda baarugire Misri, bo bakaba batakashazirwe. 6#Zab 95:10; Heb 3:11. Ahakuba Abaisraeli bakamara emyaka makumi ana nibazengyerera omu ihamba, okuhitsya obu abashaija abarwani b'eihanga ryabo ryona baafiire bakahwaho ahabw'okutahurira iraka rya MUKAMA; kandi MUKAMA akaba yaabarahiire ku ataribaikiriza kureeba ensi ei yaaraganiise baishenkurubo kutuha, ensi ey'amate n'obwoki. 7N'ahabw'ekyo abaana baabo abu MUKAMA yaagarwire omu mwanya gwabo, nibo Yoshua yaashazire; bakaba batashazirwe, ahabw'okuba tibarashazirwe bakiri omu muhanda. 8#Kut 34:25. Abashaija boona, ku baaherize kusharwa, baaguma omu myanya yaabo omu rusiisira, okuhitsya obu baakizire. 9#Lev 18:3. Bwanyima MUKAMA yaagambira Yoshua ati: Eri izooba naabaihaho ekijumo eky'Abanyamisri. N'ahabw'ekyo omwanya ogwo gukeetwa Gilugaali n'okuhitsya hati.
10 #
Kur 12:6; Kub 9:5. Abaisraeli ku baabaire bakiri Gilugaali, baagira obugyenyi bw'okwijuka Okuhingurwaho aha kiro ky'okwezi ekya ikumi na bina omu mwabazyo omu mpita za Yeriko. 11Omu kasheeshe akaakuratiire Okuhingurwaho aha izooba eryo baarya aha by'okurya by'egyo nsi, emigaati etatumbisiibwe n'ebicoori bikarangire. 12Ku baaherize kurya eby'okurya by'egyo nsi, omu kasheeshe akandi emaanu tiyaaboneka; kandi Abaisraeli tibaagaruka kugitunga, kureka baaguma nibarya eby'okurya by'ensi ya Kanaani ogwo mwaka.
Yoshua okubugaabugana na maraika
13 #
Kur 23:23. Yoshua ku yaabaire ari haihi na Yeriko, yaimutsya amaisho, yaareeba omushaija amwemereire omumaisho, aine rurara esyoirweyo omu mukono gwe. Yoshua yaamuhikaho, yaamubuuza ati: Ori ow'orubaju rwaitu, nari orw'abazigu? 14#Dan 10:13; 12:1; Kush 12:7; Kut 17:3. Yaamugarukamu ati: Ngaaha! kureka naija kuba omukuru w'eihe rya MUKAMA. Yoshua yaagwa ahansi, yaajuumara, yaamuramya, yaamubuuza ati: Mukama wangye, nooragiira ki omwiru waawe? 15#Kur 3:5; 1 Bus 16:25. Omukuru w'eihe rya MUKAMA yaagira Yoshua ati: Iha enkaito omu bigyere byawe; ahakuba omwanya ogu oyemereiremu n'ogurikwera. Yoshua yaakora atyo.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
The Bible in Runyankore-Rukiga © United Bible Societies, 1964