Isaaya 44
44
Okuragaanisa Omwoyo Orikwera
1 #
Isa 49:1, 5. Kwonka hati mbwenu, Yakobo omwiru wangye,
Iwe Israeli ou naatooraine, hurira!
2 #
Bir 32:15; Yer 1:5; Gal 1:15. MUKAMA owaakuhangire, akakworora okwiha obu waazarwa,
Kandi origuma naakuhwera, naagira ati:
Otatiina, iwe Yakobo omwiru wangye,
Yeshuruuni ou naatooraine,
3 #
Isa 35:6; Yoel 2:28. Ahabw'okuba ndyashuka amaizi aha nsi ekarangataine,
N'emigyera aha itaka ryomire.
Ndyashika Omwoyo wangye aha ruzaaro rwawe,
Na baijukuru baawe mbahe omugisha.
4 #
Zab 1:3. Baryamera nk'emikinga y'aha mugyera
Oku emera omu bunyaatsi.
5 #
Isa 14:1. Omwe aryagira ati: Ndi owa MUKAMA,
Ondi ayeyeterere Yakobo,
N'ondiijo ayehandiikire n'omukono gwe ku ari owa MUKAMA,
Ayekubye Israeli.
6MUKAMA, Mukama wa Israeli,
MUKAMA ow'amahe omucunguzi we, naagira ati:
Ndi ow'okubanza kandi ow'aha muheru;
Tihariho Ruhanga ondiijo kureka nyowe.
7 #
Isa 41:4, 26, 27. N'oha orikushushana naanye? Naakigambe,
Akirangye, akyorekye omu maisho gangye.
Abaarangire ira ebirikwenda kwija nibaahi?
Nibatugambire ebirikwija kubaho.
8 #
Bir 4:35, 39; 32:39; Yoel 2:27. Mutatiina, kandi mutahahaaza omutima;
Tiinye naabagambiire okuruga ira,
Nkabibamanyisa?
Naimwe muri baakareebi bangye!
Hariho Ruhanga ondiijo okwihaho nyowe?
Tihariho Rukiri ondiijo; tiinyine ondiijo weena ou ndukumanya.
Oku ebishushani ebirikuramibwa bitaine mugasho
9 #
Isa 30:29; 41:24, 29. Abakora ebishushani ebirikuramibwa boona ni busha; n'ebintu ebi barikwesiimira tibiine mugasho; abarikubiramya tibarikureeba, tibaine ki barikumanya, kandi aha muheru baryaitwa enshoni. 10#Hab 2:18. N'oha orabaizire ekishushani kya ruhanga, nari oraheeesire ekishushani ekiyagiibwe ekitaine mugasho? 11#Zab 115:5-8. Reeba, bagyenzi be boona baryakwatwa enshoni, ahabw'okuba abanyamyoga baabyo n'abantu-buntu; ka boona bateeranire hamwe, beemerere; haza oreebe ku baitwa obwoba, enshoni zikababumbira hamwe.
12Omuheesi akijugutirira omu makara, bwanyima akiteeza enyondo, akiheeshesa omukono gwe gw'amaani; kwonka ku agira enjara, ahwamu amaani; ku abura amaizi, agwa enshazi. 13Omubaizi areega omugoye, aharaatuzaho ekaraamu akibaija n'embaijo, akigyeresamu ekyoma ekirikugyera, akishushanisa n'omuntu, kigira oburungi nk'obw'omuntu, kiguma omu nju. 14Atema emyereezi, nari atooranamu omuzo nari omwela, agureka gukurira omu miti y'omu kibira; kandi abyara omuberooshi, enjura egwitirira. 15Bwanyima gurugamu enku z'abantu; omuntu aihaho omuganda, agwota; ahemba omuriro, ateeka eby'okurya; kandi agubaijamu ekishushani kya ruhanga, akiramya, akihindura ekishushani ekirikuramibwa, akijuumara omumaisho. 16Empimbi yaagwo agihemba; endiijo agyokyesa enyama, agirya, ahaaga; kandi ogwo muriro agaruka agwota, agira ati: Ayaayaaya, eshi naabona akariro, naahwa embeho! 17Bwanyima empimbi eyatsigaraho agibaijamu ruhanga we, nikyo kishushani kye ekibaizirwe, akijuumara omumaisho, akiramya, akishaba ati: Nkiza; ahabw'okuba ori ruhanga wangye.
18Tibaine ki barikumanya; kandi tibagira ki bateekateeka; ahakuba akabahumya amaisho, tibarikubaasa kureeba, yaabaita omutima, tibarikubaasa kwetegyereza. 19#Bir 27:15. Tihariho orikuteekateeka, tihariho orikumanya nari orikwetegyereza, akagira ati: Ekicweka kyagwo nkihembire, amakara gaakyo naagateekyesa omugaati, naayootsyaho enyama, naagirya; mbwenu ekitsigaireho nkihindure ekirikuzira, njuumare omu maisho g'empimbi y'ekiti, ngiramye? 20#Yob 13:12; Zab 144:8; Rom 1:25. Omuntu ogwo arya eiju, ahabisiibwe omutima ogurikwebeiha; tarikubaasa kwejuna nari okugira ati: Eki nyine omu mukono gwangye gwa buryo, ti ky'ebishuba?
Okushemererwa kw'abasaasiirwwe ebibi byabo
21 #
Isa 43:25. Iwe Yakobo, kandi Israeli, ijuka ebyo;
Ahabw'okuba ori omwiru wangye.
Niimye naakuhangire; ori omwiru wangye.
Buzimazima Israeli, tindikwebwa.
22Nkwerwireho ebicumuro byawe nk'ekicu,
N'ebibi byawe nk'oruho;
Ngarukira, ahabw'okuba nkakucungura.
23 #
Isa 49:13; 55:12; Hos 2:21, 22. Iwe iguru 'we, yeshongore;
Ahabw'okuba MUKAMA niwe yaakikozire;
Iwe Okuzimu, gamba munonga;
Imwe enshozi, muteere akaari, mweshongore;
Naiwe Kibira 'we, n'emiti yoona erimu!
Ahakuba MUKAMA acungwire Yakobo,
Kandi aryaheebwa ekitiinisa omuri Israeli.
24MUKAMA Omucunguzi waawe,
Owaakworoire okwiha obu waazaarwa, naagira ati:
Niinye MUKAMA, owaahangire ebintu byona,
Nkabamba eiguru nyenka,
Nkashashaanura ensi. N'oha ou naabaire nyine?
25 #
Isa 19:3. Niinye ohindura busha okuragura kw'abanyabishuba,
N'abafumu nkabahindura abashema,
Nkagarura enyima abanyabwengye,
Okumanya kwabo nkakuhindura obushema.
26 #
2 Bus 36:22, 23; Yer 32:15, 44. Niinye ohamya ekigambo ky'omuheereza wangye,
Nkahikiiriza enaama y'entumwa zangye,
Nkagamba ahari Yerusaalemu nti: Eryatuurwamu,
N'endembo z'omuri Yuda nti: Ziryayombekwa.
Kandi ndyagaruraho emyanya yaamwo eyaahindukire amatongo.
27 #
Isa 51:10. Niinye ogambira amaizi maingi nti: Yoma,
Kandi ndyayomya emigyera yaawe;
28 #
2 Sam 5:2; Ezr 1:1-3. Orikugamba ahari Kuuro nti: N'omuriisa wangye;
Aryahikiiriza ebi ndikwenda byona;
N'ahari Yerusaalemu nti: Eryayombekwa;
N'ahari hekalu nti: Omusingi gwawe guryateebwaho.
Currently Selected:
Isaaya 44: RR64
Highlight
Copy
Compare
Share
Want to have your highlights saved across all your devices? Sign up or sign in
The Bible in Runyankore-Rukiga © United Bible Societies, 1964
Isaaya 44
44
Okuragaanisa Omwoyo Orikwera
1 #
Isa 49:1, 5. Kwonka hati mbwenu, Yakobo omwiru wangye,
Iwe Israeli ou naatooraine, hurira!
2 #
Bir 32:15; Yer 1:5; Gal 1:15. MUKAMA owaakuhangire, akakworora okwiha obu waazarwa,
Kandi origuma naakuhwera, naagira ati:
Otatiina, iwe Yakobo omwiru wangye,
Yeshuruuni ou naatooraine,
3 #
Isa 35:6; Yoel 2:28. Ahabw'okuba ndyashuka amaizi aha nsi ekarangataine,
N'emigyera aha itaka ryomire.
Ndyashika Omwoyo wangye aha ruzaaro rwawe,
Na baijukuru baawe mbahe omugisha.
4 #
Zab 1:3. Baryamera nk'emikinga y'aha mugyera
Oku emera omu bunyaatsi.
5 #
Isa 14:1. Omwe aryagira ati: Ndi owa MUKAMA,
Ondi ayeyeterere Yakobo,
N'ondiijo ayehandiikire n'omukono gwe ku ari owa MUKAMA,
Ayekubye Israeli.
6MUKAMA, Mukama wa Israeli,
MUKAMA ow'amahe omucunguzi we, naagira ati:
Ndi ow'okubanza kandi ow'aha muheru;
Tihariho Ruhanga ondiijo kureka nyowe.
7 #
Isa 41:4, 26, 27. N'oha orikushushana naanye? Naakigambe,
Akirangye, akyorekye omu maisho gangye.
Abaarangire ira ebirikwenda kwija nibaahi?
Nibatugambire ebirikwija kubaho.
8 #
Bir 4:35, 39; 32:39; Yoel 2:27. Mutatiina, kandi mutahahaaza omutima;
Tiinye naabagambiire okuruga ira,
Nkabibamanyisa?
Naimwe muri baakareebi bangye!
Hariho Ruhanga ondiijo okwihaho nyowe?
Tihariho Rukiri ondiijo; tiinyine ondiijo weena ou ndukumanya.
Oku ebishushani ebirikuramibwa bitaine mugasho
9 #
Isa 30:29; 41:24, 29. Abakora ebishushani ebirikuramibwa boona ni busha; n'ebintu ebi barikwesiimira tibiine mugasho; abarikubiramya tibarikureeba, tibaine ki barikumanya, kandi aha muheru baryaitwa enshoni. 10#Hab 2:18. N'oha orabaizire ekishushani kya ruhanga, nari oraheeesire ekishushani ekiyagiibwe ekitaine mugasho? 11#Zab 115:5-8. Reeba, bagyenzi be boona baryakwatwa enshoni, ahabw'okuba abanyamyoga baabyo n'abantu-buntu; ka boona bateeranire hamwe, beemerere; haza oreebe ku baitwa obwoba, enshoni zikababumbira hamwe.
12Omuheesi akijugutirira omu makara, bwanyima akiteeza enyondo, akiheeshesa omukono gwe gw'amaani; kwonka ku agira enjara, ahwamu amaani; ku abura amaizi, agwa enshazi. 13Omubaizi areega omugoye, aharaatuzaho ekaraamu akibaija n'embaijo, akigyeresamu ekyoma ekirikugyera, akishushanisa n'omuntu, kigira oburungi nk'obw'omuntu, kiguma omu nju. 14Atema emyereezi, nari atooranamu omuzo nari omwela, agureka gukurira omu miti y'omu kibira; kandi abyara omuberooshi, enjura egwitirira. 15Bwanyima gurugamu enku z'abantu; omuntu aihaho omuganda, agwota; ahemba omuriro, ateeka eby'okurya; kandi agubaijamu ekishushani kya ruhanga, akiramya, akihindura ekishushani ekirikuramibwa, akijuumara omumaisho. 16Empimbi yaagwo agihemba; endiijo agyokyesa enyama, agirya, ahaaga; kandi ogwo muriro agaruka agwota, agira ati: Ayaayaaya, eshi naabona akariro, naahwa embeho! 17Bwanyima empimbi eyatsigaraho agibaijamu ruhanga we, nikyo kishushani kye ekibaizirwe, akijuumara omumaisho, akiramya, akishaba ati: Nkiza; ahabw'okuba ori ruhanga wangye.
18Tibaine ki barikumanya; kandi tibagira ki bateekateeka; ahakuba akabahumya amaisho, tibarikubaasa kureeba, yaabaita omutima, tibarikubaasa kwetegyereza. 19#Bir 27:15. Tihariho orikuteekateeka, tihariho orikumanya nari orikwetegyereza, akagira ati: Ekicweka kyagwo nkihembire, amakara gaakyo naagateekyesa omugaati, naayootsyaho enyama, naagirya; mbwenu ekitsigaireho nkihindure ekirikuzira, njuumare omu maisho g'empimbi y'ekiti, ngiramye? 20#Yob 13:12; Zab 144:8; Rom 1:25. Omuntu ogwo arya eiju, ahabisiibwe omutima ogurikwebeiha; tarikubaasa kwejuna nari okugira ati: Eki nyine omu mukono gwangye gwa buryo, ti ky'ebishuba?
Okushemererwa kw'abasaasiirwwe ebibi byabo
21 #
Isa 43:25. Iwe Yakobo, kandi Israeli, ijuka ebyo;
Ahabw'okuba ori omwiru wangye.
Niimye naakuhangire; ori omwiru wangye.
Buzimazima Israeli, tindikwebwa.
22Nkwerwireho ebicumuro byawe nk'ekicu,
N'ebibi byawe nk'oruho;
Ngarukira, ahabw'okuba nkakucungura.
23 #
Isa 49:13; 55:12; Hos 2:21, 22. Iwe iguru 'we, yeshongore;
Ahabw'okuba MUKAMA niwe yaakikozire;
Iwe Okuzimu, gamba munonga;
Imwe enshozi, muteere akaari, mweshongore;
Naiwe Kibira 'we, n'emiti yoona erimu!
Ahakuba MUKAMA acungwire Yakobo,
Kandi aryaheebwa ekitiinisa omuri Israeli.
24MUKAMA Omucunguzi waawe,
Owaakworoire okwiha obu waazaarwa, naagira ati:
Niinye MUKAMA, owaahangire ebintu byona,
Nkabamba eiguru nyenka,
Nkashashaanura ensi. N'oha ou naabaire nyine?
25 #
Isa 19:3. Niinye ohindura busha okuragura kw'abanyabishuba,
N'abafumu nkabahindura abashema,
Nkagarura enyima abanyabwengye,
Okumanya kwabo nkakuhindura obushema.
26 #
2 Bus 36:22, 23; Yer 32:15, 44. Niinye ohamya ekigambo ky'omuheereza wangye,
Nkahikiiriza enaama y'entumwa zangye,
Nkagamba ahari Yerusaalemu nti: Eryatuurwamu,
N'endembo z'omuri Yuda nti: Ziryayombekwa.
Kandi ndyagaruraho emyanya yaamwo eyaahindukire amatongo.
27 #
Isa 51:10. Niinye ogambira amaizi maingi nti: Yoma,
Kandi ndyayomya emigyera yaawe;
28 #
2 Sam 5:2; Ezr 1:1-3. Orikugamba ahari Kuuro nti: N'omuriisa wangye;
Aryahikiiriza ebi ndikwenda byona;
N'ahari Yerusaalemu nti: Eryayombekwa;
N'ahari hekalu nti: Omusingi gwawe guryateebwaho.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
The Bible in Runyankore-Rukiga © United Bible Societies, 1964