ARoma 11
11
Thagaraga dha Mulugu wa aEzarayeli
1Vano ginokoha, giiraga: <<Sowi Mulugu onowaakoodda athu aaye?>> Nivang'onong'ono! Miyeenene gili muEzarayeli, mwa anamabaliwelamo a Abarahamu, a nihimo na Benzhami. 2Mulugu kanaakoodda athu aaye, ayene yaasakuliiye wale. Kamunonile wona namavuhulela Eliyazi vaasumeliiye a aEzarayeli wa Mulugu wona munawogela Maleba Ootaleleya? Eliyazhi ahiira: 3<<Nabwiya, athu ala ehaapa anamavuhulela eenyu, ehibwanyula maburo eenyu a mukutho. Gihalile meenka teto enafuna egipe ni miyeene>>.#11.3 Mamwene Owambeela 19.10, 14. 4Mulugu amwaakulile avi? Eere: <<Gihaalogolela alobwana macikwi matanu ni meenddi (7.000) ehikokorile emweebedha Bahala, mulugu eebeweene>>.#11.4 Mamwene Owambeela 19.18. 5Mwa mukalelo mmohive dhiinova teto ehihalawo aEzarayeli, ale Mulugu yaasakuliiye mwa mahala aaye. 6Akala aasakulele mwaha wa mahala aaye, enatapulela wi kaasakulele mwaha wa dhowiira dheewa. Wahaakale mwaha wa dhowiira dheewa, mahala aaye kayaakale mahala a ebaribari.
7Ki niire ddi? AEzarayeli kayafwanyile dhasayeliisu. Mbwenye ayene Mulugu yaasakuliliiye yahifwanya. Oohala ayo yahivaaddihiwa mirima, 8wona mulebeliwiiwa, yiira: <<Mulugu ohaavaha muneba wootaduwa, meento owoona wi ehoonege, obaruni wowiiwa wi ehiiwege. Dhili ndo ofiyedha peeno>>.#11.8 Deteronomiyo 29.4; Ezaya 29.10.
9Teto Davidi, wiire:
<<Mathanga eewa,
yaasadduwele eliba ni nddiwa nowaapida,
wi ehiddiwe erabulihiwe.
10 Meento eewa efugeye wi ehoonegeve,
teto mitana dheewa dhikale dhookoromana
mudhidhi dhaatedhene>>. # 11.9-10 Masaalimu 69.22-23; 35.8.
Ovulumusiwa wa athu a malogo mamohi
11Vano ginokoha wi: <<AEzarayeli yahikwakwathuwa wi emore kuluwi?>> Nivang'onong'ono! Mbwenye mwaha wa othega weewa, ovulumusa ohaafiyedha athu ehili aEzarayeli wi aEzarayeli efiyedhe otatamuwa nrima. 12Akala othega weewa wahaapuriha athu a elabo ya vati teto akala olepela wa aEzarayeli wahaapuriha athu a malogo mamohi, mareeliho a Mulugu enomwadheyela wa aEzarayeli yawelela wa oliye.
13Dhiinova ginawoga ni nyo muhuli aEzarayeli. Ndala wona giliimi murumiwi wa ale ehili aEzarayeli, ginovuwiha mabasa aaga ala, 14moojejihedha wi mwa mukalelo mmohi, gaatatamule nrima athu a nlogo naaga ni waavulumusa amohi mwa aliwa. 15Akala okooddiwa wa aEzarayeli ni Mulugu ohudhiiha murenddele vaari va oliye ni athu a elabo ela, moohaanganyedha orumeedhiwa wa aEzarayeli oneere odhana egumi, ohuli okwa.
16Akala epaddi yowambeela ya mukaathe enakala yoweela, mukaathe waatene onakala woweela. Teto musisi wa muthanko wakala woweela enatapulela wi ni mijindda dhene soweela.#11.16 Moone Numero 15.17-21. 17Akala mijindda dhimohi dha olivera oodhaliwa dhiire ogwaddiwa, vano we ogali mujindda wa olivera a mukokolani wiire obandihedhiwa ni muthanko dhoodhaliwa, weeddelaga orongonyedha onadheela mmisisini dha olivera oodhaliwa ola, 18vano kunyemule mijindda dhigwaddiwe. Mbwenye weethukulelaga, wuubuwelelege wi kahuwo we onavaha egumi misisi, mbwenye misisi ndo sinoovaha egumi. 19Vano onoodha wiire: <<Mijindda dhimohi dhahigwaddiwa wi gibandihedhiwevo>>. 20Ebaribari, aliwa ehigwaddiwa mwaha wi kayaroromele, vano we, voororomela, onakala mmuthankoni dhiinova. Mowindo kawiithukulege mbwenye woovege, 21vowi Mulugu kaahiyedhedhe aEzarayeli, ayene eli wona mijindda dha ebaribari dha muthanko. Ki vano, onoobuwelela wi onoodha oohiyedhedhe we?
22Odidele wi Mulugu da thagaraga, mbwenye teto odidele wi dowumma murima: Dowumma murima wa ale etongwile, mbwenye da thagaraga ni we, wakalave mwa thagaraga dhaaye. Akala kuneerena dhedho teto onoodha ogwaddiwe. 23Teto ni aliweene onoodha aabandihedhe vamuthankoni, yahikalave moohuroromela mweewa. Vowi Mulugu dakopolo, onowaanda waabandihedha dila biili. 24We wiire ogwaddiwa va olivera a musawo wa mukokolani, vano mwa mukalelo woohiyana ohubandihedhiwa va olivera oodhaliwa. Mowindo kadhinakala dhookweya obandihedha va olivera mijindda nde dhili dhaaye-dhaaye?
Thagaraga dha Mulugu wa athu aatene
25Nyo addibilaga, arogoraga ginafuna wi munone ya wipiini ela wi mwihiithukulelege muubuwelelaga wi muli oononelamo. Yawipiini eyo, si ela: aEzarayeli ajinji yahivaaddihiwa mirima ofiyedha waakwanela ovulumusiwa wa ale Mulugu yaasakuliiye vaari va ale ehili aEzarayeli. 26Mowindo athu aatene a Mulugu, athu ayo eneethaniwa <<Ezarayeli>>, enoodha evulumusiwe. Wona Maleba munawogeliiwa, yiiraga:
<<Onaakumele oZiyoni#11.26 Ziyoni naali ndina nimohi na Zheruzalemi. Namoobola.
Onoodha avenyihevo ohumuriiha Mulugu
waatewene wa anamabaliwelamo a Yakobo.
27 Ndda thi nipangano naaga ginadhiimi giirena ni aliwa
gavenyihavo dhoothega dheewa>>. # 11.26-27 Ezaya 59.20-21; 27.9; Zheremiya 31.33-34.
28Mwaha wa okoodda Muselu Wapama, aEzarayeli ehisadduwa okala amwiiddani a Mulugu wi nyo mpurevo. Mbwenye mwaha woosakuliwa, aliwa ba odhivela aaye mwaha wa abaabi eewa Abarahamu, Ezaaki ni Yakobo. 29Vowi mvahi ni wiithana wa Mulugu kadhinasadduwa. 30Mwa mukalelo mmohive mundduli nyo mwaali oohumwiiwelela Mulugu mbwenye dhiinova muhaakela thagaraga mwaha wa ohiiwelela weewa, 31dhili ndo ni aliwa. Aliwa yaali oohiiwelela wi odheela wa thagaraga Mulugu dhuwoonihiliiyeni, aliwa teto eneere yaakele thagaraga. 32Mulugu ahawiira athu aatene wona anyakaambura a ohiiwelela wi aweeddiwele thagaraga aatene.
Jibo yoomuthithimiha Mulugu
33Dhooreela, tthottho ni ononelamo wa Mulugu si dhuulubale mookwaranya! Onatapulela dhoothonga dhaaye baani? Oneewelelamo dhowiira dhaaye baani? 34Maleba Ootaleleya yiire:
<<Anonile moobuwelelo a Nabwiya baani?
Aali namalaga aaye baani?>> # 11.34 Ezaya 40.13.
35Teto Maleba yiire:
<<Onamvahaga yego Nabwiya
wi afwaneele owelihedhiwa baani?>> # 11.35 Zhobu 41.11.
36Dhaatedhene dhinadheela wa oliye, dhinokalawoove ni oliye teto dhinamukalelawo oliye. Wa oliye okale nthithimiho okala ni okala. Ameni!
Currently Selected:
ARoma 11: tke
Highlight
Share
Copy
Want to have your highlights saved across all your devices? Sign up or sign in
© 2015, Wycliffe Bible Translators, Inc. All rights reserved.
