Wambeela 35

Yakobo onowelela oBeteli

1Dhigeereye nda Mulugu ahiwogaga ni Yakobo, wiira: <<Dhowa! Wamage oBeteli,#35.1 Beteli mu ewogelo ya eHeberi enatapulela vaade va Mulugu, naari wi: nyuba ya Mulugu. Moone teto maverisikulu 3, 6-8, 15-16. wasasanyewo ebuwa ya mukutho wa Mulugu, oyene ooneyele wa weevo mudhidhi omuthawaga ddibilo Esawu>>. 2Vevale Yakobo ahaalamulaga anaaye aatene ni ayene yanniiyena, wiira: <<Mwaathathilele okwibi amilugu eebeweene aatene ayene mwinniinyuna. Mwiyeelihe muware guwo dhimohi.#35.2 Athu yahikalana amilugu alena wona malabo a peeno athu enokalana thumwa, mavuwo, makanga, mikogodho amilugu, dhifwanafwaniho, ni dhimohi. Mulugu kanarumeedha wi hiyovano niroromelege dhego dhedhi. Ononiwaddihedha wi nihele nroromelo neehu wa Oliye, baahi. Ovembaniha dhoowara yaali etoonyihedho yootthwaruwa ni wiyeeliha wa mirima dheewa. 3Nivenyemo mwemu, nidhowe oBeteli wi gasasanyewo ebuwa ya mukutho wa Mulugu, oyene agikamihedhe mudhidhi garabuliimi, ahigisogolela mwaatemwene mwaviriimi>>.

4Yahimwinkaga Yakobo amilugu eebeweene aatene yannigiiwana vamohi ni birinku dha mmabaruni. Yakobo ahitibelaga muliddi musiddo mwa muthanko waaddamela oXikemu.#35.2-4 Birinku dhaali misawo dhimohi dha thumwa mwa mudhidhi olene. Yakobo ni emudhi yaaye yahisasanyedha pama wi emwaaddamele Mulugu. Teto hiyovano enoofuneya nisorihege dhoothega dheehu ni oloba weelihiwa nihinaaddamele wa Mulugu ni dhooloba dheehu.

5Yahimaruwaga olenddo odhowaga, Mulugu ahiirana wi athu a maluwa owaaddamela yawoovege, mwa ela kayaandilege wawiigara ahima a Yakobo. 6Vevale Yakobo ahifiyaga ni athu aaye aatene oLuzi, naari wi oBeteli, elabo ya oKanani.

7Wewo ahisasanyaga ebuwa ya mukutho, ahithwaga niburo ndde Mulugu-oBeteli,#35.7 Mulugu-oBeteli mu ewogelo ya eHeberi enatapulela Mulugu a oBeteli. vowi Mulugu ahiyooneyiha vevale Yakobo vamuthawiligiiye ddibile.

8Dibora, namalaba amulela Rabeka, ahikwaga vevale, ologohiwa#35.8 Naari wi: ovitiwa. waaddamela oBeteli, musiddo mwa muthanko. Yakobo ahithwa niburo ndde muthanko wa mitori.

9Mulugu ahooneyelaga dila ya nabiili wa Yakobo, vaweliliiye oPadani-Aramu, ahimureeliha. 10Mulugu ahiiraga:

<<Ndina naawo oli Yakobo,

mbwenye ohunoniwe ni ndina na Yakobo.

Oneere ononiwe ni ndina na Ezarayeli>>.#35.10 Ezarayeli thi ndina Yakobo navahiwiiye ni Mulugu. Moone Wambeela 25.26; 32.28.

Ndala Mulugu ahimuthwa oliye ndina na Ezarayeli. 11Oliye ahiiraga:

<<Miyo gili Mulugu oowodha-wodha.

We oneerege waabala anaawo ajinji.

Malogo ni malogo enoodha ekume mwa we.

Mwa weevo enoodha ekumemo mamwene.#35.11 Ela si yoororomeliha emohive eyene yavahiwe Abarahamu ni Ezaaki yaaka dha mundduli.

12Elabo elene gamvahiliimi Abarahamu ni Ezaaki,

ginowuuvaha weevo.

Ginoodha gaavahe

athu a musogolo a nlogo naawo>>.

13Ndala Mulugu ahigwela, ovenyavo vevale vawogiliiye ni Yakobo. 14Niburo nendde Yakobo ahiimesagavo nibwe okala etoonyihedho, ahimukuthulelagavo vinyu ni makura a mareeliho.#35.14 Makura ayene Yakobo yaakuthuleliiye vanibweni yaali yoorumeedheya vajinji. Mowindo ahooniha nriiho nanniyena wa Mulugu. 15Mowindala, Yakobo ahithwa niburo ndde Beteli, vevale Mulugu vawogiligiiye ni oliye.

Okwa wa Rakeli

16Vavenyiligiiwa oBeteli, eviraga epaddi ya Efarata, Rakeli wari yahitatamuwaga obala waaye waaligi wa goyi. 17Namabaliha vamooniliiye okathamiheya waaye, ahiiraga: <<Ohoove! Ohumbala mwaana mmohi a mulobwana>>. 18Agahalile vang'ono ni okwa arovelaga, ahimvahaga ndina mwaana ole Benoni#35.18 Benoni mu ewogelo ya eHeberi nnatapulela mwaana a goyi yaaga. mbwenye babe ahimuthwa ndina nimohi nowi Benzhami.#35.18 Benzhami mu ewogelo ya eHeberi nnatapulela mwaana a ndada na elobwana.

19Ndala Rakeli okwa, ologohiwa#35.19 Ologohiwa Naari wi: ovitiwa. waaddamela dila enadhowa oEfarata, dhiinova oneethaniwa oBetelemi. 20Yakobo ahiimesagavo nibwe wi nikale etoonyihedho vansiyeni na Rakeli. Ofiyedha peeno nili vansiyeni vevale.

21Ezarayeli okwaranyavo, ahisasanyaga misasa dhaaye osogolo wa Sanja ya oEderi. 22Egamagile vevale, Rubeni ahidhowaga wa Bila oyene aali mwihiyana a nabiili a ababe, ahimugonagana. Mbwenye mwaha ola wahimfwanya babe.

Ahima a Yakobo

Yakobo ahima aaye a alobwana yaali kumi ni abiili.#35.22 Rubeni kaavahiwe goyi mwa mudhidhi olene. Mbwenye ahiyeleela mareeliho a mwaana muraaji mwaha wa yoothega elene. Moone Wambeela 49.4. Dila dhimohi nnowuubuwelesa wi kalivo ononile yoothega yeehu. Dhavira yaaka dhijinji nnosuuza wi nnoodha nirabule mwaha wa dhowiira nde. Kavili yoologoheya vameentoni va Mulugu. 23Yakobo ahima yabaliwe ni Liya yaali: Rubeni, mwaanaye owambeela, Simiyoni, Leevi, Zhuda, Esakari, ni Zebuloni. 24Yabaliwe ni Rakeli yaali: Zhuuze ni Benzhami. 25Yabaliwe ni Bila, namalaba a Rakeli, yaali: Dani ni Nafitali. 26Vano yabaliwe ni Zilipa, namalaba a Liya, yaali: Gadi ni Azeri. Ahima ala aabalile agali oPadani-Aramu.

27Yakobo ahidhowaga wa ababe Ezaaki, oMamere waaddamela oKwiriyati-Araba, sowi oHeboroni, wewo wamagile Abarahamu ni Ezaaki.

28Ezaaki amalile yaaka zana ni yaaka makumi matanu namaraaru (180), 29okwa mmurenddeleni, agooluvale vajinji, okala vamohi ni makolo aaye. Ahima aaye Esawu ni Yakobo yahimulogoha.#35.29 Yahimulogoha Naari wi: yahimvita.

Currently Selected:

Wambeela 35: tke

Highlight

Copy

Compare