Isaaya 24
24
Obunnabbi ku lunaku lwa Mukama
(24:1—27:13)
1Laba, Mukama alifuula ensi amatongo, agimalirewo ddala,
era aligivuunika, n'asaasaanyiza ddala abagituulamu.
2Era olulituuka ng'abantu bwe baliba, bw'atyo kabona bw'aliba;
ng'omuddu bw'aliba, bw'atyo mukama we bw'aliba;
ng'omuzaana bw'aliba, bw'atyo mugole we bw'aliba;
ng'omuguzi bw'aliba, bw'atyo omutunzi bw'aliba;
ng'awola bw'aliba, bw'atyo eyeewola bw'aliba;
ng'aweebwa amagoba bw'aliba, bw'atyo amuwa amagoba bw'aliba.#Ez 7:12, Kos 4:9
3Ensi erimalirwamu ddala byonna, era erinyagirwa ddala;
kubanga Mukama ayogedde ekigambo ekyo.#Is 1:20
4Ensi ewuubaala era neekala,
ettaka liggwaamu amaanyi era likala,
abantu abagulumivu ab'ensi baggwaamu amaanyi.#Kos 4:3
5Era ensi eyonooneddwa,
abantu baayo abagituulamu;
kubanga basobezza amateeka,
ne bawaanyisa ekiragiro,
ne bamenya endagaano eteriggwaawo.#Leev 26:15, Kubal 35:33, Is 2:6,8
6Ekikolimo kyekyava kirya ensi,
n'abo abagituulamu balabise nga gubasinze,
abatuula mu nsi kyebaava bookebwa,
abantu ne basigala batono.#Dan 9:11, Zek 5:3,4, Mal 2:2
7Omwenge omusu guwuubaala,
omuzabbibu guyongobera,
bonna abalina emitima egisanyuka bassa ebikkowe.
8Ekinyumu eky'ebitaasa kikoma,
oluyoogaano lw'abo abasanyuka luggwaawo,
essanyu ery'ennanga likoma.#Yer 7:34
9Tebalinywa mwenge nga bayimba;
ekitamiiza kirikaayirira abo abakinywa.
10Ekibuga eky'okwetabula kimenyesemenyese,
buli nnyumba eggaddwawo, omuntu yenna aleme okuyingiramu.
11Waliwo okukaaba mu nguudo olw'omwenge;
essanyu lyonna liweddewo,
ekinyumu eky'ensi kigenze.#Yo 1:5,12
12Ekibuga kisigadde kuzika,
wankaaki waakyo akubiddwa n'amenyebwamenyebwa.
13Kubanga bwe kiti bwe kiribeera wakati mu nsi
mu mawanga,
nga bwe bakuba omuzeyituuni,
nga bwe balonda ezabbibu okunoga nga kuwedde.#Is 17:6
14Bano baliyimusa amaloboozi gaabwe, n'ebayimba olw'essanyu,
olw'obukulu bwa Mukama nga batendereza okuva mu bugwanjuba.
15Kale mugulumize Mukama ebuvanjuba,
erinnya lya Mukama, Katonda wa Isiraeri, mu bizinga eby'omu nnyanja.#Is 45:6
16Tuwulidde ennyimba nga ziva ku nkomerero y'ensi,
ekitiibwa kibeere eri omutuukirivu.
Naye ne njogera nti, “Nkoozimba,
nkoozimba, zinsanze!
abalyazaamaanyi balyazaamaanyizza;
weewaawo, abalyazaamaanyi balyazaamaanyizza nnyo.”#Is 21:2; 26:2
17Entiisa n'obunnya n'omutego
biri ku ggwe, ggwe atuula mu nsi.#Lub 7:11, Zab 18:7, Yer 48:43,44
18Awo olulituuka oyo adduka eddoboozi ery'entiisa
aligwa mu bunnya;
n'oyo alinnya okuva mu bunnya
omutego gulimukwata:
kubanga ebituli ebya waggulu bigguddwawo,
n'emisingi gy'ensi gikankana.
19Ensi emenyekedde ddala,
ensi esaanuukidde ddala,
ensi ejjulukuse nnyo.
20Ensi eritagatta ng'omutamiivu,
era eriyuuguumizibwa ng'ensiisira;
n'okusobya kwayo kuligizitoowerera,
era erigwa n'etegolokoka nate.#Is 24:5,6; 29:9
21Awo olulituuka ku lunaku luli Mukama alibonereza
eggye ery'abagulumivu waggulu,
ne bakabaka ab'ensi ku nsi.#Zab 76:12, Is 10:12
22Era balikuŋŋaanyizibwa wamu
ng'abasibe bwe bakuŋŋaanyizibwa mu bunnya,
era balisibirwa mu kkomera,
era alibeerayo okumala ennaku.#Mi 4:11,12
23Kale omwezi, gulikwatibwa ensonyi,
n'enjuba eriswala;
kubanga Mukama ow'eggye alifugira ku lusozi Sayuuni ne mu Yerusaalemi
ne mu maaso g'abakadde be n'ekitiibwa.#Is 13:10, Mi 4:7
Currently Selected:
Isaaya 24: LBR
Highlight
Copy
Compare
Share
Want to have your highlights saved across all your devices? Sign up or sign in
All rights are reserved to the Bible Society of Uganda.
Isaaya 24
24
Obunnabbi ku lunaku lwa Mukama
(24:1—27:13)
1Laba, Mukama alifuula ensi amatongo, agimalirewo ddala,
era aligivuunika, n'asaasaanyiza ddala abagituulamu.
2Era olulituuka ng'abantu bwe baliba, bw'atyo kabona bw'aliba;
ng'omuddu bw'aliba, bw'atyo mukama we bw'aliba;
ng'omuzaana bw'aliba, bw'atyo mugole we bw'aliba;
ng'omuguzi bw'aliba, bw'atyo omutunzi bw'aliba;
ng'awola bw'aliba, bw'atyo eyeewola bw'aliba;
ng'aweebwa amagoba bw'aliba, bw'atyo amuwa amagoba bw'aliba.#Ez 7:12, Kos 4:9
3Ensi erimalirwamu ddala byonna, era erinyagirwa ddala;
kubanga Mukama ayogedde ekigambo ekyo.#Is 1:20
4Ensi ewuubaala era neekala,
ettaka liggwaamu amaanyi era likala,
abantu abagulumivu ab'ensi baggwaamu amaanyi.#Kos 4:3
5Era ensi eyonooneddwa,
abantu baayo abagituulamu;
kubanga basobezza amateeka,
ne bawaanyisa ekiragiro,
ne bamenya endagaano eteriggwaawo.#Leev 26:15, Kubal 35:33, Is 2:6,8
6Ekikolimo kyekyava kirya ensi,
n'abo abagituulamu balabise nga gubasinze,
abatuula mu nsi kyebaava bookebwa,
abantu ne basigala batono.#Dan 9:11, Zek 5:3,4, Mal 2:2
7Omwenge omusu guwuubaala,
omuzabbibu guyongobera,
bonna abalina emitima egisanyuka bassa ebikkowe.
8Ekinyumu eky'ebitaasa kikoma,
oluyoogaano lw'abo abasanyuka luggwaawo,
essanyu ery'ennanga likoma.#Yer 7:34
9Tebalinywa mwenge nga bayimba;
ekitamiiza kirikaayirira abo abakinywa.
10Ekibuga eky'okwetabula kimenyesemenyese,
buli nnyumba eggaddwawo, omuntu yenna aleme okuyingiramu.
11Waliwo okukaaba mu nguudo olw'omwenge;
essanyu lyonna liweddewo,
ekinyumu eky'ensi kigenze.#Yo 1:5,12
12Ekibuga kisigadde kuzika,
wankaaki waakyo akubiddwa n'amenyebwamenyebwa.
13Kubanga bwe kiti bwe kiribeera wakati mu nsi
mu mawanga,
nga bwe bakuba omuzeyituuni,
nga bwe balonda ezabbibu okunoga nga kuwedde.#Is 17:6
14Bano baliyimusa amaloboozi gaabwe, n'ebayimba olw'essanyu,
olw'obukulu bwa Mukama nga batendereza okuva mu bugwanjuba.
15Kale mugulumize Mukama ebuvanjuba,
erinnya lya Mukama, Katonda wa Isiraeri, mu bizinga eby'omu nnyanja.#Is 45:6
16Tuwulidde ennyimba nga ziva ku nkomerero y'ensi,
ekitiibwa kibeere eri omutuukirivu.
Naye ne njogera nti, “Nkoozimba,
nkoozimba, zinsanze!
abalyazaamaanyi balyazaamaanyizza;
weewaawo, abalyazaamaanyi balyazaamaanyizza nnyo.”#Is 21:2; 26:2
17Entiisa n'obunnya n'omutego
biri ku ggwe, ggwe atuula mu nsi.#Lub 7:11, Zab 18:7, Yer 48:43,44
18Awo olulituuka oyo adduka eddoboozi ery'entiisa
aligwa mu bunnya;
n'oyo alinnya okuva mu bunnya
omutego gulimukwata:
kubanga ebituli ebya waggulu bigguddwawo,
n'emisingi gy'ensi gikankana.
19Ensi emenyekedde ddala,
ensi esaanuukidde ddala,
ensi ejjulukuse nnyo.
20Ensi eritagatta ng'omutamiivu,
era eriyuuguumizibwa ng'ensiisira;
n'okusobya kwayo kuligizitoowerera,
era erigwa n'etegolokoka nate.#Is 24:5,6; 29:9
21Awo olulituuka ku lunaku luli Mukama alibonereza
eggye ery'abagulumivu waggulu,
ne bakabaka ab'ensi ku nsi.#Zab 76:12, Is 10:12
22Era balikuŋŋaanyizibwa wamu
ng'abasibe bwe bakuŋŋaanyizibwa mu bunnya,
era balisibirwa mu kkomera,
era alibeerayo okumala ennaku.#Mi 4:11,12
23Kale omwezi, gulikwatibwa ensonyi,
n'enjuba eriswala;
kubanga Mukama ow'eggye alifugira ku lusozi Sayuuni ne mu Yerusaalemi
ne mu maaso g'abakadde be n'ekitiibwa.#Is 13:10, Mi 4:7
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
All rights are reserved to the Bible Society of Uganda.