Romans 8
8
Iñuusiq Aŋalatiłłuni Ilitqusiġiksuamun
1Tavra paŋmapak suksraunġiqsauyumiñaitchut tamatkua atausiŋŋuqatauruat Christ Jesus-mun. 2Qanuq atausiŋŋuqatigikaptigu Christ, Ilitqusiġiksuam aitchuŋagaatigut nutauruamik iñuutchimik, atanġiqsiłłuta piḷuunmiñ tatavsaunmiḷḷu isuitchuamun. 3God-im piŋagaa pitqurat qaisauruat Moses-kun piyumiñaisaŋat. Pitqurat iñuk suuramikunnii nalaunŋasiyumiñaiñŋagaat, qanuq piḷuusiqirauvluni kamagilaitkai pitqurat. Aglaan God-im tiliŋagaa Iġñini timiqaġlugu iñuutquvlugu uvaptiktun, piḷuksiŋaitchuq aglaan. God-im Iġñiŋan akiḷiŋagai piḷuutivut, aasii taamna pikamiuŋ, suaŋŋataiŋagaa piḷuun aŋalatchiyumiñaiqł̣ugu uvaptiŋnik. 4Tavraasii paŋmapak kamagiyumiñaġivut God-im pitquraŋi, sivisutilaaŋatun Ilitqusiġiksuamun aŋalatinnipta, aŋalatinŋaiġḷuta piḷuksisuguuruanun iñuutchivsiŋnun. 5Iñuich aŋalatittuat piḷuksisuguuruanun iñuutchimiŋnun, iñuusuurut iviġagniaqsiññaqłutiŋ inmiŋnun, aglaalli iñuich aŋalatittuat Ilitqusiġiksuamun, iñuusuurut iviġagniaqługu Ilitqusiġiksuaq. 6Iñuich iñuusiqaqtuiññaqamiŋ kamagivlugich piḷuktuat kipiġniuġutitiŋ, tuquruksraurut. Aglaan iñuich kamaksriugaqtuat qanuq Ilitqusiġiksuam pitqutiŋiñik, piqaqtut iñuggunmik tutqiunmiglu. 7Iñuk kamaksriugaqtuaq qanuq piḷuksisuguuruam iñuutchimi kipiġniuġutiŋiñik, uumikłiqsuq God-mik. Taavruma iñuum kamagiŋitkai God-im pitquraŋi. Kamagiyumiñaipiaġai. 8Kialiqaa tainna iñuusiqaqtuam God iviġakkumiñaitkaa.
9Aglaan ilivsi aŋalatinŋitchusi piḷuksisuguuruanun iñuutchivsiññun. Ilitqusiġiksuaŋa God-im iñuupiaqpan iḷuvsiññi, aŋalataġigaasi Ilitqusiġiksuam. Kiñaliqaa piqaŋitchuaq Ilitqusiġiksuaŋanik Christ, Christ-gum pigiŋitkaa. 10Tavra Christ iḷuvsiññiitpan, ilitqutchisi iñuuniaqtut qanuq nalaunŋasipkaqtauŋarusi, timisi tuqugaluaqpataunnii pisigilugu piḷuun. 11#1 Co 3.16.Tavra Ilitqusiġiksuaŋa God-im iñuukpan iḷuvsiññi, aŋipkaiŋaruaq Jesus-mik tuqqunmiñ, taavruma aŋipkairuam Christ Jesus-mik tuqqunmiñ, iñuggusiġñiaġmigai tuqullaruat timisi, taavrumuuna suli Ilitqusiġiksuamigun iñuuruakun iḷuvsiññi.
12Tavra aniqatiit, iñuuruksrauŋipiaqtugut kamagilugich piḷuksisuguuruat iñuutchivut. 13Iñuuguvsi kamagilugich piḷuksisuguuruat iñuutchisi, tatavsaqtauniaqtusi isuitchuamun. Aglaan Ilitqusiġiksuakun nutqaqtitkuvsigik pigiitchuat piḷġutchisi, iñuuniaqtusi isuitchuamun. 14Qanuq iluqaġmiŋ iñuich aŋalatittuat Ilitqusiġiksuamun miqłiqtuurut God-mun. 15#Ga 4.5-7.#Mk 14.36; Ga 4.6.Ilitqusiġiksuam aitchuusiavsi iḷisimapkaġaasi tiguaqtauvlusi miqłiqtuġitilaavsiññik God-mun, sivuuqqataiqł̣usiḷu tatavsausiaksramun isuitchuamik. Tavraasii tuqłuġumiñaġikput God Aapaaġlugu. 16Tavra Ilitqusiġiksuam iḷitchuġipkaġaatigut nalupqinaiqł̣ugu miqłiqtuġitilaaptiŋnik God-mun, 17aasii God-im miqłiqtuġiniġmatigut, kiŋuvaannaktaġiniġaatigut. Kiŋuvaannaktaginiġmatigut, kiŋuvaannaqatauyumiñaqsirugut Christ-mun, aasii iḷaŋiutiniaqtugut kamanaunmun piqatigilugu Christ, nagliksaaqtuagugupta ilaa pisigilugu.
Kamanaun Piyumaaqtuaq
18Isumalaaġutigikapkich paŋmapak nagliksaaġutivut suuŋitchut nalliġaaġutausaġumiŋ iñuusiḷḷuatamun piginiakkaptiŋnun qiḷaŋmi. 19Sut savaaŋi God-im utaqqirut niġiupiaġataqłutiŋ piviksramun God-im salapqiqpagich miqłiqtuni. 20#Gn 3.17-19.Qanuq tamatkua sut God-im savaaŋi igliŋitchut ilaan sivunniutiqqaaŋagun. Aasii iliŋich pasiraksrauŋiñmiut tainnainniŋatigun. God-im tainnaiḷipkaŋagai Adam piḷuksimman. 21Tavra tamatkua God-im savaaŋi atanġiqsitauniaġmiut aŋalatchisaaniñ tuqqutim aggutivlu, piqatauyumiñaqsiḷugich quvianaqtuamun atanġiqsirrunmun piqatigilugich miqłiqtuŋi God-im. 22Iḷisimagivut supayaat God-im savaaŋi nagliksaaqatigiiksut atqunaq aġnatun aulayyautikkaŋatun. 23#2 Co 5.2-4.Kisimiŋ sut savaaguruat nagliksaaqpaŋitchut aglaan uvagullu. Piqaġaluaŋŋapta Ilitqusiġiksuamik iḷitchuġipkaiḷḷaruamik quviasugniksraptiŋnik qiḷaŋmi, nagliksaaqpaŋmiugut utaqqivḷugu God-mun miqłiqtuliutiniksraqput qiḷaŋmi, timivut aŋipkaqtaukpata. 24Taamna niġiugisaŋagikput annaurrauganikapta. Niġiuguurugut sunik taŋŋiŋaitchuanik. Iñuk niġiuyuitchuq sumik taŋŋianiŋaruamik. 25Tavra niġiuktugut suli quviasuusiaksrautiptiŋnik taŋŋianiŋaitchuamik, aasii qiñuiqł̣uta taŋŋiqsiaġigikput.
26Tainnatun Ilitqusiġiksuam ikayuġaatigut suaŋaiḷiraġikapta. Qanuq iḷisimaŋitchugut aŋaiyyuniġmik aŋaiyyusiksraptiktun. Ilitqusiġiksuam qiññuaqtuutigaatigut iiqtuaġutiqaqłuni uqautigianignaitchuanik uqalugilugich. 27Suli God, iḷisimaruaq uummatiŋiññik iñuich, iḷisimaruq qanuq Ilitqusiġiksuam uqaqtilaaŋanik qiññuaqtuutimmigaich ilaaguaqtauruat God-mun, tuvraqługu pisuutaa God-im.
28Iḷisimarugut supayaat piruat uvaptiŋnun savaqatigiiksilaaŋannik anniqsuqsaqługich tamatkua piviuttaqsriruat God-mik, ququaqtauruat tuvraqługu God-im sivunniutaa. 29Qanuq ilaan iḷisimaŋagai iñuŋni aullaqisaamiñqaŋa, suli taimani sivunniŋaruq Iġñiġmisun iḷiñiaġnivḷugich, ilaan Iġñini qaukłiḷiutitquvlugu akunġanni iñugiaktuat aniqatigiich. 30Tavra tamatkua sivunniŋakkani taimani Iġñiġmisun iḷiñiaġnivḷugich, ilaan ququaŋagai, aasii tamatkua ququakkani ilaan nalaunŋasiŋagai, aasii nalaunŋasipkaqtauruat, ilaan suli kamanaqsipkaqługich.
God-im Piviuttaqqutaa Christ Jesus-kun
31Tamatkua tainnainniġmata, uqallautiksraqaqtugut inna. God-im iḷaalliqsimammatigut, akiḷḷiitchugut sivuuġagiraksraptiŋnik. 32God-im aitchuutigiyumaŋagaa ilaan nanmiñiq Iġñini tuqqutitquvluta. Tavraasii nalupqinaipiaġataqtuamik aitchuiñiaqtuq uvaptiŋnun, iluqaiññik pigiraksraġikkaptiŋnik, aitchuimmatun suli Iġñiġmiñik uvaptiŋnun. 33Aasiisuli iñuitchuq uqallakkumiñaqtuamik God-im iñuksraqtaaġikkaŋatigut pasiraksrauniḷuta, qanuq ilaan nalaunŋasiŋagaatigut. 34Kialiqaa suli suksraunġiqsaupkaġumiñaitkaatigut, qanuq Christ Jesus tuqqutiŋagaatigut, aasiisuli aŋipkaqtauŋaruq tuqqunmiñ, aasii ittuq God-im taliqpiata tuŋaani qiññuaqtuutivluta. 35Sumik piitchuq piyumiñaqtuamik uvaptiŋnun piiqsitchumiñaġluta Christ piviuttaqqutaaniñ. Iłuiḷḷiuqtitaugaluaġupta piiġumiñaitkaatigut, kiiqsiuġutituġaluaġupta, piaqłuktaqsiġaluaġupta, kaaksiugaluaġupta, naaggaunnii annuġaaqsausiiġaluaġupta, navianniuġaluaġuptaunnii, naagga tuqutaugaluaġupta. 36#Ps 44.22.Tamatkua nalautitchuurut iñuutchivsiŋni aglausimaruatun Bible-ni inna,
“Ilivich pisigivlutin, ataramik anayanniuqtuaqtugut tuqutauniksraptigun.
Isumakkusiaqaqtugut imnaisun utaqqiruatun tuqutauniksramiŋnun.”
37Tamatkunaŋŋa iluqaiññiñ akimapqauraŋitchugut Christ-kun piviuttaqsriruakun uvaptiŋnik. 38Qanuq nalupqisuŋitchuŋa supayaam piiġumiñaitkaatigut God-im piviuttaqqutaaniñ, tuqugaluaġupta, iñuugaluaġupta, isaġulikkaluatunnii, ilitqusiqł̣ukkaluat unnii, naagga sut paŋmapak piruat uvaptiŋnun, sullu piyumaaqtuat uvaptiŋnun, ataniġnaqutikkaluallu. 39Sullu qairuat pamaŋŋa, naaggaunnii qairuat samaŋŋa, naagga supayaam God-im savaaŋata piiġumiñaitkaatigut God-im piviuttaqqutaaniñ, qanuq atausiŋŋuqatigiŋagikput Christ Jesus Ataniqput.
Currently Selected:
Romans 8: INUPIAQ
Highlight
Share
Copy
Want to have your highlights saved across all your devices? Sign up or sign in
Iñupiatun Mumiksat Uqalugiksuat (North Slope Iñupiaq Bible) © American Bible Society.
All rights reserved.
Bible text from the North Slope Iñupiaq Bible is not to be reproduced in copies or otherwise by any means except as permitted in writing by the copyright holder:
American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org)
Romans 8
8
Iñuusiq Aŋalatiłłuni Ilitqusiġiksuamun
1Tavra paŋmapak suksraunġiqsauyumiñaitchut tamatkua atausiŋŋuqatauruat Christ Jesus-mun. 2Qanuq atausiŋŋuqatigikaptigu Christ, Ilitqusiġiksuam aitchuŋagaatigut nutauruamik iñuutchimik, atanġiqsiłłuta piḷuunmiñ tatavsaunmiḷḷu isuitchuamun. 3God-im piŋagaa pitqurat qaisauruat Moses-kun piyumiñaisaŋat. Pitqurat iñuk suuramikunnii nalaunŋasiyumiñaiñŋagaat, qanuq piḷuusiqirauvluni kamagilaitkai pitqurat. Aglaan God-im tiliŋagaa Iġñini timiqaġlugu iñuutquvlugu uvaptiktun, piḷuksiŋaitchuq aglaan. God-im Iġñiŋan akiḷiŋagai piḷuutivut, aasii taamna pikamiuŋ, suaŋŋataiŋagaa piḷuun aŋalatchiyumiñaiqł̣ugu uvaptiŋnik. 4Tavraasii paŋmapak kamagiyumiñaġivut God-im pitquraŋi, sivisutilaaŋatun Ilitqusiġiksuamun aŋalatinnipta, aŋalatinŋaiġḷuta piḷuksisuguuruanun iñuutchivsiŋnun. 5Iñuich aŋalatittuat piḷuksisuguuruanun iñuutchimiŋnun, iñuusuurut iviġagniaqsiññaqłutiŋ inmiŋnun, aglaalli iñuich aŋalatittuat Ilitqusiġiksuamun, iñuusuurut iviġagniaqługu Ilitqusiġiksuaq. 6Iñuich iñuusiqaqtuiññaqamiŋ kamagivlugich piḷuktuat kipiġniuġutitiŋ, tuquruksraurut. Aglaan iñuich kamaksriugaqtuat qanuq Ilitqusiġiksuam pitqutiŋiñik, piqaqtut iñuggunmik tutqiunmiglu. 7Iñuk kamaksriugaqtuaq qanuq piḷuksisuguuruam iñuutchimi kipiġniuġutiŋiñik, uumikłiqsuq God-mik. Taavruma iñuum kamagiŋitkai God-im pitquraŋi. Kamagiyumiñaipiaġai. 8Kialiqaa tainna iñuusiqaqtuam God iviġakkumiñaitkaa.
9Aglaan ilivsi aŋalatinŋitchusi piḷuksisuguuruanun iñuutchivsiññun. Ilitqusiġiksuaŋa God-im iñuupiaqpan iḷuvsiññi, aŋalataġigaasi Ilitqusiġiksuam. Kiñaliqaa piqaŋitchuaq Ilitqusiġiksuaŋanik Christ, Christ-gum pigiŋitkaa. 10Tavra Christ iḷuvsiññiitpan, ilitqutchisi iñuuniaqtut qanuq nalaunŋasipkaqtauŋarusi, timisi tuqugaluaqpataunnii pisigilugu piḷuun. 11#1 Co 3.16.Tavra Ilitqusiġiksuaŋa God-im iñuukpan iḷuvsiññi, aŋipkaiŋaruaq Jesus-mik tuqqunmiñ, taavruma aŋipkairuam Christ Jesus-mik tuqqunmiñ, iñuggusiġñiaġmigai tuqullaruat timisi, taavrumuuna suli Ilitqusiġiksuamigun iñuuruakun iḷuvsiññi.
12Tavra aniqatiit, iñuuruksrauŋipiaqtugut kamagilugich piḷuksisuguuruat iñuutchivut. 13Iñuuguvsi kamagilugich piḷuksisuguuruat iñuutchisi, tatavsaqtauniaqtusi isuitchuamun. Aglaan Ilitqusiġiksuakun nutqaqtitkuvsigik pigiitchuat piḷġutchisi, iñuuniaqtusi isuitchuamun. 14Qanuq iluqaġmiŋ iñuich aŋalatittuat Ilitqusiġiksuamun miqłiqtuurut God-mun. 15#Ga 4.5-7.#Mk 14.36; Ga 4.6.Ilitqusiġiksuam aitchuusiavsi iḷisimapkaġaasi tiguaqtauvlusi miqłiqtuġitilaavsiññik God-mun, sivuuqqataiqł̣usiḷu tatavsausiaksramun isuitchuamik. Tavraasii tuqłuġumiñaġikput God Aapaaġlugu. 16Tavra Ilitqusiġiksuam iḷitchuġipkaġaatigut nalupqinaiqł̣ugu miqłiqtuġitilaaptiŋnik God-mun, 17aasii God-im miqłiqtuġiniġmatigut, kiŋuvaannaktaġiniġaatigut. Kiŋuvaannaktaginiġmatigut, kiŋuvaannaqatauyumiñaqsirugut Christ-mun, aasii iḷaŋiutiniaqtugut kamanaunmun piqatigilugu Christ, nagliksaaqtuagugupta ilaa pisigilugu.
Kamanaun Piyumaaqtuaq
18Isumalaaġutigikapkich paŋmapak nagliksaaġutivut suuŋitchut nalliġaaġutausaġumiŋ iñuusiḷḷuatamun piginiakkaptiŋnun qiḷaŋmi. 19Sut savaaŋi God-im utaqqirut niġiupiaġataqłutiŋ piviksramun God-im salapqiqpagich miqłiqtuni. 20#Gn 3.17-19.Qanuq tamatkua sut God-im savaaŋi igliŋitchut ilaan sivunniutiqqaaŋagun. Aasii iliŋich pasiraksrauŋiñmiut tainnainniŋatigun. God-im tainnaiḷipkaŋagai Adam piḷuksimman. 21Tavra tamatkua God-im savaaŋi atanġiqsitauniaġmiut aŋalatchisaaniñ tuqqutim aggutivlu, piqatauyumiñaqsiḷugich quvianaqtuamun atanġiqsirrunmun piqatigilugich miqłiqtuŋi God-im. 22Iḷisimagivut supayaat God-im savaaŋi nagliksaaqatigiiksut atqunaq aġnatun aulayyautikkaŋatun. 23#2 Co 5.2-4.Kisimiŋ sut savaaguruat nagliksaaqpaŋitchut aglaan uvagullu. Piqaġaluaŋŋapta Ilitqusiġiksuamik iḷitchuġipkaiḷḷaruamik quviasugniksraptiŋnik qiḷaŋmi, nagliksaaqpaŋmiugut utaqqivḷugu God-mun miqłiqtuliutiniksraqput qiḷaŋmi, timivut aŋipkaqtaukpata. 24Taamna niġiugisaŋagikput annaurrauganikapta. Niġiuguurugut sunik taŋŋiŋaitchuanik. Iñuk niġiuyuitchuq sumik taŋŋianiŋaruamik. 25Tavra niġiuktugut suli quviasuusiaksrautiptiŋnik taŋŋianiŋaitchuamik, aasii qiñuiqł̣uta taŋŋiqsiaġigikput.
26Tainnatun Ilitqusiġiksuam ikayuġaatigut suaŋaiḷiraġikapta. Qanuq iḷisimaŋitchugut aŋaiyyuniġmik aŋaiyyusiksraptiktun. Ilitqusiġiksuam qiññuaqtuutigaatigut iiqtuaġutiqaqłuni uqautigianignaitchuanik uqalugilugich. 27Suli God, iḷisimaruaq uummatiŋiññik iñuich, iḷisimaruq qanuq Ilitqusiġiksuam uqaqtilaaŋanik qiññuaqtuutimmigaich ilaaguaqtauruat God-mun, tuvraqługu pisuutaa God-im.
28Iḷisimarugut supayaat piruat uvaptiŋnun savaqatigiiksilaaŋannik anniqsuqsaqługich tamatkua piviuttaqsriruat God-mik, ququaqtauruat tuvraqługu God-im sivunniutaa. 29Qanuq ilaan iḷisimaŋagai iñuŋni aullaqisaamiñqaŋa, suli taimani sivunniŋaruq Iġñiġmisun iḷiñiaġnivḷugich, ilaan Iġñini qaukłiḷiutitquvlugu akunġanni iñugiaktuat aniqatigiich. 30Tavra tamatkua sivunniŋakkani taimani Iġñiġmisun iḷiñiaġnivḷugich, ilaan ququaŋagai, aasii tamatkua ququakkani ilaan nalaunŋasiŋagai, aasii nalaunŋasipkaqtauruat, ilaan suli kamanaqsipkaqługich.
God-im Piviuttaqqutaa Christ Jesus-kun
31Tamatkua tainnainniġmata, uqallautiksraqaqtugut inna. God-im iḷaalliqsimammatigut, akiḷḷiitchugut sivuuġagiraksraptiŋnik. 32God-im aitchuutigiyumaŋagaa ilaan nanmiñiq Iġñini tuqqutitquvluta. Tavraasii nalupqinaipiaġataqtuamik aitchuiñiaqtuq uvaptiŋnun, iluqaiññik pigiraksraġikkaptiŋnik, aitchuimmatun suli Iġñiġmiñik uvaptiŋnun. 33Aasiisuli iñuitchuq uqallakkumiñaqtuamik God-im iñuksraqtaaġikkaŋatigut pasiraksrauniḷuta, qanuq ilaan nalaunŋasiŋagaatigut. 34Kialiqaa suli suksraunġiqsaupkaġumiñaitkaatigut, qanuq Christ Jesus tuqqutiŋagaatigut, aasiisuli aŋipkaqtauŋaruq tuqqunmiñ, aasii ittuq God-im taliqpiata tuŋaani qiññuaqtuutivluta. 35Sumik piitchuq piyumiñaqtuamik uvaptiŋnun piiqsitchumiñaġluta Christ piviuttaqqutaaniñ. Iłuiḷḷiuqtitaugaluaġupta piiġumiñaitkaatigut, kiiqsiuġutituġaluaġupta, piaqłuktaqsiġaluaġupta, kaaksiugaluaġupta, naaggaunnii annuġaaqsausiiġaluaġupta, navianniuġaluaġuptaunnii, naagga tuqutaugaluaġupta. 36#Ps 44.22.Tamatkua nalautitchuurut iñuutchivsiŋni aglausimaruatun Bible-ni inna,
“Ilivich pisigivlutin, ataramik anayanniuqtuaqtugut tuqutauniksraptigun.
Isumakkusiaqaqtugut imnaisun utaqqiruatun tuqutauniksramiŋnun.”
37Tamatkunaŋŋa iluqaiññiñ akimapqauraŋitchugut Christ-kun piviuttaqsriruakun uvaptiŋnik. 38Qanuq nalupqisuŋitchuŋa supayaam piiġumiñaitkaatigut God-im piviuttaqqutaaniñ, tuqugaluaġupta, iñuugaluaġupta, isaġulikkaluatunnii, ilitqusiqł̣ukkaluat unnii, naagga sut paŋmapak piruat uvaptiŋnun, sullu piyumaaqtuat uvaptiŋnun, ataniġnaqutikkaluallu. 39Sullu qairuat pamaŋŋa, naaggaunnii qairuat samaŋŋa, naagga supayaam God-im savaaŋata piiġumiñaitkaatigut God-im piviuttaqqutaaniñ, qanuq atausiŋŋuqatigiŋagikput Christ Jesus Ataniqput.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Iñupiatun Mumiksat Uqalugiksuat (North Slope Iñupiaq Bible) © American Bible Society.
All rights reserved.
Bible text from the North Slope Iñupiaq Bible is not to be reproduced in copies or otherwise by any means except as permitted in writing by the copyright holder:
American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org)