Revelation Iḷitchuqqutit

Iḷitchuqqutit

Qiñiqtuuraaġniŋagun John aglaŋagaat taimani ukpiġniaqtuat nagliksaaqtitauraġaġmata ukpiqqutaat Jesus Christ Ataniġmun pisigivlugu. Aglaktuaġli qapiŋaisaaqłiġummatiqapiaqtuq, suli ukpiqqutaat tigullautapiaqugaa qanutun nagliksaaqtitauniq tikitkaluaqpan.

Aglaagurut uumani qavsich samma qiñiqtuuraat taimani ukpiqtuaguŋaruat kisimik kaŋiqsiḷḷautaġumiñaqtaŋisigun qaisauŋaruat, allat tusaagaluaġlugu puttuqsriyumiñaisaŋisigun. Atuun allaksraitchuq tainna uqausiġirani allaugurallaavlugu uqallausiġitqiḷḷaaŋagaa qiñiqtuuraat aglaksaqamigi. Kaŋiqsiñiaġamitku iñuich allatun iḷaŋich kaŋiqsiḷḷaasuugaluaġaat aglaan una nalunaitchuq: Christ Atanikkun God-im uumigirini akiisinniaġai Tuunġaġlu, aasii ukpiqtuani akiḷiḷḷugich nakuuruaŋiññik qiḷatchiam nunatchiavlu akimmatini taŋŋiqpan.

Avgutit

Sivulliqsaaġun 1.1-8

Qiñiqtuuraaqqaaġutaa suli tuyuun tallimat malġugnun aŋaiyyuvignun 1.9—3.22

Immuat makpiġaat tallimat malġugnik nipitirrutilgich 4.1—8.1

Tallimat malġuk nipauqłuktautit 8.2—11.19

Nimiġiaqługlu malġuglu niġrułłuuk 12.1—13.18

Qiñiqtuuraat 14.1—15.8

Tallimat malġuk puvialuŋaat puggut imalgich qinnautaanik God-im 16.1-21

Babylon suksraunġiqsauniŋa, payarirauniŋa niġrułłuum, iḷumun inŋitchuanik nalautchaqti, suli tuunġaq 17.1—20.10

Aqulliq isivġiġvik 20.11-15

Qiḷatchiaq, nunatchiaq, Jerusalem-chiaġlu 21.1—22.5

Aġiusaun 22.6-2

Currently Selected:

Revelation Iḷitchuqqutit: INUPIAQ

Highlight

Copy

Want to have your highlights saved across all your devices? Sign up or sign in

Iñupiatun Mumiksat Uqalugiksuat (North Slope Iñupiaq Bible) © American Bible Society.

Bible text from the North Slope Iñupiaq Bible is not to be reproduced in copies or otherwise by any means except as permitted in writing by the copyright holder:

American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org)

Learn More About Iñupiatun Mumiksat Uqalugiksuat