Proverbs 21
21
1Atanġum aŋalatkaa umialgum isumaŋa
aŋalatchiñiġmisun igliġniksraŋanik kuuġuluuram.
2Isumasugnaġaluaqtutin suliqipayaaġavich iluaġnasugilugu,
aglaan itqaumaiñ Atanġum naipiqtuġaatin summan tainna pisilaaġnik.
3Iluaqtuakullu nalaunŋaruakullu savagiñ;
iviġaumagiłhaaġaa Atanġum tainna pikavich ikipkaivikun aitchuiñiġmiñ.
4Pigiiḷḷiqiruat iñuich atanniqsimapkaqtut inmignun qutchiginiġmignullu arguaŋaaġniġmignullu,
tainnainniq piḷuutauruq.
5Sivunniummaġiksaaġutin aasii suiḷḷiuġniaŋitchutin;
akkupaiññaq surġaġuvich, naamaiḷḷiuġniaqtutin.
6Umialgutitin pitqiksiġautikun nuŋuniaqtut,
aglaan tuqqunmuutiqqaaŋaunnak.
7Pigiiḷḷiqirauruat suksraunġiqsauniaqtut ilimik pimaqłuktautimiktigun;
iliŋich iluaqtuakuaqsaiḷirut.
8Pasirauruat killukuaqtautiŋisigun iñuich pisuaqtut saquuġaŋaruakun apqutikun;
patchisaitchuat iluaqtuakuaqtut.
9Iluałhaaqtuq iñuuniaġniq iglum qaaŋani
iñuuniaqatiqaġniġmiñ tuvaaqanmik qaniġviḷuktuaqtuamik.
10Pigiiḷḷiqirauruat iñuich kaaktuaqtut pigiitchuamun;
naglikkutaitchut kimununnii.
11Iñuk inmiñułhiñaq piqpagiruaq tatavsaqtaumman, iḷitchiŋaitchuaqunnii iḷitchisuuruq taavsrumaŋŋa.
Iñuk isumaturuaq iḷitchisuuruq sumik iḷisautimmanni.
12God, nalaunŋaruaguruaq, iḷisimaruq sunik piruanik aimaaġviŋanni pigiiḷḷiqirauruat,
aasii pigiiḷḷiqirauruaq suksraunġiġñiaġaa.
13Naalaġnisuŋipiaġupkich qirratiŋich suiḷḷiuqtuam,
ilvittauq qirratitin ikayuqtisiuġuviñ tusaaniaŋiñmigaich.
14Iñuum qinnautiŋakpatin,
aitchuġupku sumik nalunaqtuakun qinnaŋaipayaaġniaqtuq.
15Pitqiksiġautaitchuaq inman, nakuuruat iñuich quviasuguurut,
aglaan pigiitchuat iñuich tutqiiḷisuurut.
16Tuqqutim utaqqigaa kiñaliqaa iñuk isumattutaitchuaq.
17Piviuttautiqaqpaiññiġum sunik akisuruanik, wine-nik, naagga niqilluatanik umiallaktinniaŋitkaatin.
18Pigiiḷḷiqirauruat inmignun nagliksaaġusiuġuurut;
iluaqtuakun iñuuruanik piñiaḷakkamiġnik.
19Iluałhaaqtuq iñuuniaqtuni nunagluktuami
iñuuniaqatiqaġniġmiñ uqamayuuturuamik nuliamik.
20Isumaturuat iñuich iñuuniaġuurut suiḷḷiuŋił̣ł̣utiglu umialguvlutiglu,
aglaan isumatuitchuat maniiġutisuurut maniññapqauraġamik.
21Aŋalatchiḷḷuataġiñ suli saglutuiḷḷutin aasii iñuuniqtuniaqtutin;
qiksiginiaġaatin suli aŋalalluataġutin.
22Isumaturuam umialiŋata aŋuyaktuat akiiḷiḷḷagaich inauruat suaŋagaluaqtuanik aŋuyaktiqaġaluaġmata,
suli maqułługich katchiŋich annaummiviŋich.
23Sumun iluitchuamun tikitchuŋitkuvich,
qaunakłaakkich uqaluktin.
24Tautuktinŋa iñugmik inmiñun qutchigiruamik;
tautuktinniaġikpin iñugmik arguaŋaaqtuamik, piunialguruamik, suli allanun isumaaluutaitchuamik.
25Iqiasuuruat iñuich savagulaitchuat
inmignun maquttut;
26isumaqatualuktut imma sumik pigisuktamignik.
Iluamik aasii iñuuruat aitchuisuurut sigñataił̣ł̣utik.
27Atanġum nakuaġiŋitkaich piḷuktuat iñuich ikipkautinik aitchuiruat inmiñun,
patchisiqaġmatapiksuaq imma sumik piḷuktuamik.
28Quliaqtuaŋa sagluturuam ukpiġnaitchuq,
aglaan uqalua iñuum isumalaaqłuni ukpiġnaqtuq.
29Iluaqtuakun iñuuruat inmignun nalupqigiŋitchut;
pigiiḷḷiqirauruat suuŋŋuaġuurut pisuqtilaamiktun.
30Iñuum isumattutaa, puqigñiŋa, kaŋiqsimmataa—
ikayuutauŋitchut Atanġum akiḷḷiqsuqpatin.
31Tuttuqpaich itqanaiġumiñaġitin aŋuyaktuanun,
aglaan Atanġum akimman pigigaa.
Currently Selected:
Proverbs 21: INUPIAQ
Highlight
Share
Copy
Want to have your highlights saved across all your devices? Sign up or sign in
Iñupiatun Mumiksat Uqalugiksuat (North Slope Iñupiaq Bible) © American Bible Society.
All rights reserved.
Bible text from the North Slope Iñupiaq Bible is not to be reproduced in copies or otherwise by any means except as permitted in writing by the copyright holder:
American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org)
Proverbs 21
21
1Atanġum aŋalatkaa umialgum isumaŋa
aŋalatchiñiġmisun igliġniksraŋanik kuuġuluuram.
2Isumasugnaġaluaqtutin suliqipayaaġavich iluaġnasugilugu,
aglaan itqaumaiñ Atanġum naipiqtuġaatin summan tainna pisilaaġnik.
3Iluaqtuakullu nalaunŋaruakullu savagiñ;
iviġaumagiłhaaġaa Atanġum tainna pikavich ikipkaivikun aitchuiñiġmiñ.
4Pigiiḷḷiqiruat iñuich atanniqsimapkaqtut inmignun qutchiginiġmignullu arguaŋaaġniġmignullu,
tainnainniq piḷuutauruq.
5Sivunniummaġiksaaġutin aasii suiḷḷiuġniaŋitchutin;
akkupaiññaq surġaġuvich, naamaiḷḷiuġniaqtutin.
6Umialgutitin pitqiksiġautikun nuŋuniaqtut,
aglaan tuqqunmuutiqqaaŋaunnak.
7Pigiiḷḷiqirauruat suksraunġiqsauniaqtut ilimik pimaqłuktautimiktigun;
iliŋich iluaqtuakuaqsaiḷirut.
8Pasirauruat killukuaqtautiŋisigun iñuich pisuaqtut saquuġaŋaruakun apqutikun;
patchisaitchuat iluaqtuakuaqtut.
9Iluałhaaqtuq iñuuniaġniq iglum qaaŋani
iñuuniaqatiqaġniġmiñ tuvaaqanmik qaniġviḷuktuaqtuamik.
10Pigiiḷḷiqirauruat iñuich kaaktuaqtut pigiitchuamun;
naglikkutaitchut kimununnii.
11Iñuk inmiñułhiñaq piqpagiruaq tatavsaqtaumman, iḷitchiŋaitchuaqunnii iḷitchisuuruq taavsrumaŋŋa.
Iñuk isumaturuaq iḷitchisuuruq sumik iḷisautimmanni.
12God, nalaunŋaruaguruaq, iḷisimaruq sunik piruanik aimaaġviŋanni pigiiḷḷiqirauruat,
aasii pigiiḷḷiqirauruaq suksraunġiġñiaġaa.
13Naalaġnisuŋipiaġupkich qirratiŋich suiḷḷiuqtuam,
ilvittauq qirratitin ikayuqtisiuġuviñ tusaaniaŋiñmigaich.
14Iñuum qinnautiŋakpatin,
aitchuġupku sumik nalunaqtuakun qinnaŋaipayaaġniaqtuq.
15Pitqiksiġautaitchuaq inman, nakuuruat iñuich quviasuguurut,
aglaan pigiitchuat iñuich tutqiiḷisuurut.
16Tuqqutim utaqqigaa kiñaliqaa iñuk isumattutaitchuaq.
17Piviuttautiqaqpaiññiġum sunik akisuruanik, wine-nik, naagga niqilluatanik umiallaktinniaŋitkaatin.
18Pigiiḷḷiqirauruat inmignun nagliksaaġusiuġuurut;
iluaqtuakun iñuuruanik piñiaḷakkamiġnik.
19Iluałhaaqtuq iñuuniaqtuni nunagluktuami
iñuuniaqatiqaġniġmiñ uqamayuuturuamik nuliamik.
20Isumaturuat iñuich iñuuniaġuurut suiḷḷiuŋił̣ł̣utiglu umialguvlutiglu,
aglaan isumatuitchuat maniiġutisuurut maniññapqauraġamik.
21Aŋalatchiḷḷuataġiñ suli saglutuiḷḷutin aasii iñuuniqtuniaqtutin;
qiksiginiaġaatin suli aŋalalluataġutin.
22Isumaturuam umialiŋata aŋuyaktuat akiiḷiḷḷagaich inauruat suaŋagaluaqtuanik aŋuyaktiqaġaluaġmata,
suli maqułługich katchiŋich annaummiviŋich.
23Sumun iluitchuamun tikitchuŋitkuvich,
qaunakłaakkich uqaluktin.
24Tautuktinŋa iñugmik inmiñun qutchigiruamik;
tautuktinniaġikpin iñugmik arguaŋaaqtuamik, piunialguruamik, suli allanun isumaaluutaitchuamik.
25Iqiasuuruat iñuich savagulaitchuat
inmignun maquttut;
26isumaqatualuktut imma sumik pigisuktamignik.
Iluamik aasii iñuuruat aitchuisuurut sigñataił̣ł̣utik.
27Atanġum nakuaġiŋitkaich piḷuktuat iñuich ikipkautinik aitchuiruat inmiñun,
patchisiqaġmatapiksuaq imma sumik piḷuktuamik.
28Quliaqtuaŋa sagluturuam ukpiġnaitchuq,
aglaan uqalua iñuum isumalaaqłuni ukpiġnaqtuq.
29Iluaqtuakun iñuuruat inmignun nalupqigiŋitchut;
pigiiḷḷiqirauruat suuŋŋuaġuurut pisuqtilaamiktun.
30Iñuum isumattutaa, puqigñiŋa, kaŋiqsimmataa—
ikayuutauŋitchut Atanġum akiḷḷiqsuqpatin.
31Tuttuqpaich itqanaiġumiñaġitin aŋuyaktuanun,
aglaan Atanġum akimman pigigaa.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Iñupiatun Mumiksat Uqalugiksuat (North Slope Iñupiaq Bible) © American Bible Society.
All rights reserved.
Bible text from the North Slope Iñupiaq Bible is not to be reproduced in copies or otherwise by any means except as permitted in writing by the copyright holder:
American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org)