Matthew 20
20
Savaktit Siiġñaqaġviŋmi
1Aasiisuli atanniqsimmataa Taavruma qiḷaŋmiittuam arriqaqtuq iñuŋmik siiġñaqaġviŋmik nunaqaqtuamik. Ilaa aullaŋaruq uvlaatchaurami akiññagniaġlugich iñuich savaktiksraqsiuqłuni siiġñaqaġviŋmiñi. 2Sivunniuqatigiqqaaqługich savaktiksrat nutim akikaamik uvlumi savaktuni, tiliŋagai siiġñaqaġviŋmiñun. 3Aasii aullalgiññami nainukłaaqpalliġman kasimmaviŋñun, tautuŋagai allat ittuaqsiññaqłutiŋ makitaruat, 4aasii uqallautiŋagai, Aullaġitchiḷi savagiaġlusi siiġñaqaġvimñun, aasii qanupayaaq nalaunŋaruakun akiḷiġñiaġivsi. Tavra savagiaŋarut. 5Aullalgił̣ł̣uni qitiqqaqpalliġmallu piŋasunugmallu, tainnasuli piŋaruq. 6Tavrasuli vaivukłaaqpalliġman aullatqiḷgitchuq aasii paqiłługich allat makitagiññaqtuat uqallautiŋagai, Summan makitavisi uvani ittuaqsiññaqłusi uvluqtutilaaŋatun? 7Iliŋisa kiuŋagaat, Qanuq kia unnii akiññaksaqtinŋaitkaatigut. Ilaan uqallautiŋagai, Savagiaġitchiḷi siiġñaqaġvimñun.
8 #
Lv 19.13; Dt 24.15. Tavra anaqammagu, iñua siiġñaqaġvium uqallaŋaruq suġautchiqirimiñun, Qaitqukkich savaktuat aasii akiḷiḷḷugich akiññaktaaŋiññik, isagutilugich savagiaqqaaŋitchuaniñ, sivulliġñunaglaan. 9Tavra taapkua savaktiksraqtaaguruat vaivukłaaqpalliġman qaiŋarut, aasii iñullaa akiññakłuni nutim akikaamik uvlumi savaktuni. 10Tavra taapkua savaksaqqaaŋaruat qaikamiŋ, isumaŋarut akiññałhamaaġniaġasugalutiŋ. Tainnatun taapkunatun iñullaaptauq akiḷiusiaqaŋammiuq nutim akikaamik uvlumi savaktuni. 11Tavra akiññaanikamiŋ taamna uqavaaġutiaqsiŋagaat akiññagniaġviksiŋ, 12uqaqłutiŋ, Ukua uvva aqulliich savaktut atausił̣hiñami ikarraġmi, aasiuvva ilivich atunim piqasiutigitin uvaptiŋnun igḷutuqługu uunnaq savaktuanun uvluqtutilaaŋatun. 13Tavra ilaan kiuŋagaa iḷaŋat, Avilaitqaan, ivayaŋitkikpiñ sumikunnii. Sivunniuqatigiŋitpiŋa nutim akikaamik uvlumi savaktuni akiqaġukłusi? 14Tigulugu akiḷiusian, aullaġiñ. Aitchuiyummatiqaŋaruŋa iliŋnun uumuŋa aqulliġmun akiḷiutiptun. 15Piyumiñaitpik uvaŋa isumaptun sutigun uvaŋa pigikkapkun? Naagga sunŋusuutigiviuŋ anniqsraiññiġa? 16#Mt 19.30; Mk 10.31; Lk 13.30.Tavra Jesus uqallavsaaŋaruq, Tamatkua qamalliuruat paŋmapak salliġuutiniaqtut taimanigu, aasii salliuniataktuat qamalliġuurraulutiŋ.
Jesus Piŋatchiġik Uqaġniŋni Tuqqunmigun
(Mark 10.32-34; Luke 18.31-34)
17Tavra Jesus Jerusalem-mun iglaullaġmiŋ, asivaqtaaġutiqqaaqługich qulit malġuk iḷitchitqurat uqallautiŋagai, 18Uvva, Jerusalem-muksaaqsirugut, aasii Iġñiŋa Iñuum aitchuutauniaqtuq aŋaiyyuliqsiqpaŋnun iḷisaurriñullu pitquranik, aasii ilaisa tuqutaksraġuġniaġaat. 19Suli aitchuutiginiaġaat Jew-guŋitchuanun kipagitqulugu ipiġaqtuqulugulu, suli kikiaktuutilugu aŋarrauramun, aasii ilaa aŋipkaqtitauniaġmiuq tuqqunmiñ piŋayuagni uvluk.
Aakauruam Apiqsriaŋa
(Mark 10.35-45)
20Tavra aakaŋakta iġñakisa Zebedee-m ullaŋagaa Jesus, piqatigivlugik iġñagni, sitquqłuni sivuġaanun qiññuaġvigiŋagaa pisitquvlutiŋ. 21Tavra Jesus apiġiŋagaa aġnaq, Sumik pisitquvich? Ilaan kiuŋagaa, Unniqsuqłiigiñ ukuak malġuk iġñaka aquppiyumiñaqsiḷugik avatiŋni umialliutiguvich. 22Tavra Jesus kiuŋagaa, Nalurusi sumik apiqsrisilaavsiññik. Tavra Jesus qiviaqługik iġñiŋik uqallautiŋagik, Isumaaqtigiyumiñaqpisik isumaaġutiginiakkaptun, imiġmatun qallugauramniñ? Iliŋikta kiuŋagaak, Imiġmatun piyumiñaqtuguk qallutiŋniñ. 23Ilaan uqallautiŋagik, Imiġniapiaqtutik qallugauramniñ, aglaan uvaŋa piksraqtuksrautauŋitchuŋa aquppiruksranik taliqpimñi saumimñiḷu. Aapama aitchuutiginiaġik taapkuak inik kisunun itqanaiyautikkaġmiñun inigitquvlugik.
24Tavra qulit iḷitchitqurat tusaakamirruŋ taamna, uumitchautiŋagaich malġuk aniqatigiik. 25#Lk 22.25, 26.Tavra Jesus ququaŋagai iluqaisa iḷitchitqurat atautchimun, aasii uqallautivlugich, Iḷisimarusi iñuich atanaurauruat iñuŋnun suaŋŋatiqaqtut iliŋiññun, suli aullarriŋisa atanniqsimavlugich. 26#Mt 23.11; Mk 9.35; Lk 22.26.Aglaan tainna piñiaŋitchusi ilivsi. Kiñaliqaa kamanaġuktuaq akunnavsiññi, kivgauruksrauruq ilivsiññun. 27Aasii kiñapayauraq ilivsiññi qaukłiusuktuaq, kivgauruksrauruq iluqavsiññun. 28Qanuq Iġñiŋaunnii Iñuum qaiŋaruq kivgaqaġiaqsaŋaiqł̣uni. Ilaa qaiŋaruq kivgauyaqtuqłuni tuquyaqtuqłuniḷu tasuġukługich iñugiaktuat iñuich.
Jesus Iłuaqsigik Ayauŋaruak Iññuk
(Mark 10.46-52; Luke 18.35-43)
29Tavra aullaqsaqtillugich Jericho-miñ, iñugiapiaġataqtuat iñusalaich maliŋagaat. 30Aasii malġuk ayauŋaruak aquppiŋaruk saniġaanni apqutit. Tusaakamik Jesus tamaunnaaġnivḷugu, nipaalaŋaruk, Naglikkutiqaġiñ uvaptiŋnun, Ataniiq, Iġñiġuruatiin David-mun. 31Iñusalaich suakkaluaġaich, uqallautivlugik nipaisaaquvlugik, nipatusiḷaaqsiññaŋaruk, Ataniiq, naglikkutiqaġiñ uvaptiŋnun, Iġñiġuruatiin David-mun. 32Tavra Jesus nutqaŋaruq aasii qaitquqqaaqługik uqallautivlugik, qanuquvisik uvamnun? 33Iliŋikta kiuŋagaak, Ataniiq, tautullasisuktuguk. 34Tavra Jesus nagliksrautikun aksiŋagik iriŋik, aasii tavrauvvaa tautuksiḷḷasiŋaruk aasii malikługu.
Currently Selected:
Matthew 20: INUPIAQ
Highlight
Share
Copy
Want to have your highlights saved across all your devices? Sign up or sign in
Iñupiatun Mumiksat Uqalugiksuat (North Slope Iñupiaq Bible) © American Bible Society.
All rights reserved.
Bible text from the North Slope Iñupiaq Bible is not to be reproduced in copies or otherwise by any means except as permitted in writing by the copyright holder:
American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org)
Matthew 20
20
Savaktit Siiġñaqaġviŋmi
1Aasiisuli atanniqsimmataa Taavruma qiḷaŋmiittuam arriqaqtuq iñuŋmik siiġñaqaġviŋmik nunaqaqtuamik. Ilaa aullaŋaruq uvlaatchaurami akiññagniaġlugich iñuich savaktiksraqsiuqłuni siiġñaqaġviŋmiñi. 2Sivunniuqatigiqqaaqługich savaktiksrat nutim akikaamik uvlumi savaktuni, tiliŋagai siiġñaqaġviŋmiñun. 3Aasii aullalgiññami nainukłaaqpalliġman kasimmaviŋñun, tautuŋagai allat ittuaqsiññaqłutiŋ makitaruat, 4aasii uqallautiŋagai, Aullaġitchiḷi savagiaġlusi siiġñaqaġvimñun, aasii qanupayaaq nalaunŋaruakun akiḷiġñiaġivsi. Tavra savagiaŋarut. 5Aullalgił̣ł̣uni qitiqqaqpalliġmallu piŋasunugmallu, tainnasuli piŋaruq. 6Tavrasuli vaivukłaaqpalliġman aullatqiḷgitchuq aasii paqiłługich allat makitagiññaqtuat uqallautiŋagai, Summan makitavisi uvani ittuaqsiññaqłusi uvluqtutilaaŋatun? 7Iliŋisa kiuŋagaat, Qanuq kia unnii akiññaksaqtinŋaitkaatigut. Ilaan uqallautiŋagai, Savagiaġitchiḷi siiġñaqaġvimñun.
8 #
Lv 19.13; Dt 24.15. Tavra anaqammagu, iñua siiġñaqaġvium uqallaŋaruq suġautchiqirimiñun, Qaitqukkich savaktuat aasii akiḷiḷḷugich akiññaktaaŋiññik, isagutilugich savagiaqqaaŋitchuaniñ, sivulliġñunaglaan. 9Tavra taapkua savaktiksraqtaaguruat vaivukłaaqpalliġman qaiŋarut, aasii iñullaa akiññakłuni nutim akikaamik uvlumi savaktuni. 10Tavra taapkua savaksaqqaaŋaruat qaikamiŋ, isumaŋarut akiññałhamaaġniaġasugalutiŋ. Tainnatun taapkunatun iñullaaptauq akiḷiusiaqaŋammiuq nutim akikaamik uvlumi savaktuni. 11Tavra akiññaanikamiŋ taamna uqavaaġutiaqsiŋagaat akiññagniaġviksiŋ, 12uqaqłutiŋ, Ukua uvva aqulliich savaktut atausił̣hiñami ikarraġmi, aasiuvva ilivich atunim piqasiutigitin uvaptiŋnun igḷutuqługu uunnaq savaktuanun uvluqtutilaaŋatun. 13Tavra ilaan kiuŋagaa iḷaŋat, Avilaitqaan, ivayaŋitkikpiñ sumikunnii. Sivunniuqatigiŋitpiŋa nutim akikaamik uvlumi savaktuni akiqaġukłusi? 14Tigulugu akiḷiusian, aullaġiñ. Aitchuiyummatiqaŋaruŋa iliŋnun uumuŋa aqulliġmun akiḷiutiptun. 15Piyumiñaitpik uvaŋa isumaptun sutigun uvaŋa pigikkapkun? Naagga sunŋusuutigiviuŋ anniqsraiññiġa? 16#Mt 19.30; Mk 10.31; Lk 13.30.Tavra Jesus uqallavsaaŋaruq, Tamatkua qamalliuruat paŋmapak salliġuutiniaqtut taimanigu, aasii salliuniataktuat qamalliġuurraulutiŋ.
Jesus Piŋatchiġik Uqaġniŋni Tuqqunmigun
(Mark 10.32-34; Luke 18.31-34)
17Tavra Jesus Jerusalem-mun iglaullaġmiŋ, asivaqtaaġutiqqaaqługich qulit malġuk iḷitchitqurat uqallautiŋagai, 18Uvva, Jerusalem-muksaaqsirugut, aasii Iġñiŋa Iñuum aitchuutauniaqtuq aŋaiyyuliqsiqpaŋnun iḷisaurriñullu pitquranik, aasii ilaisa tuqutaksraġuġniaġaat. 19Suli aitchuutiginiaġaat Jew-guŋitchuanun kipagitqulugu ipiġaqtuqulugulu, suli kikiaktuutilugu aŋarrauramun, aasii ilaa aŋipkaqtitauniaġmiuq tuqqunmiñ piŋayuagni uvluk.
Aakauruam Apiqsriaŋa
(Mark 10.35-45)
20Tavra aakaŋakta iġñakisa Zebedee-m ullaŋagaa Jesus, piqatigivlugik iġñagni, sitquqłuni sivuġaanun qiññuaġvigiŋagaa pisitquvlutiŋ. 21Tavra Jesus apiġiŋagaa aġnaq, Sumik pisitquvich? Ilaan kiuŋagaa, Unniqsuqłiigiñ ukuak malġuk iġñaka aquppiyumiñaqsiḷugik avatiŋni umialliutiguvich. 22Tavra Jesus kiuŋagaa, Nalurusi sumik apiqsrisilaavsiññik. Tavra Jesus qiviaqługik iġñiŋik uqallautiŋagik, Isumaaqtigiyumiñaqpisik isumaaġutiginiakkaptun, imiġmatun qallugauramniñ? Iliŋikta kiuŋagaak, Imiġmatun piyumiñaqtuguk qallutiŋniñ. 23Ilaan uqallautiŋagik, Imiġniapiaqtutik qallugauramniñ, aglaan uvaŋa piksraqtuksrautauŋitchuŋa aquppiruksranik taliqpimñi saumimñiḷu. Aapama aitchuutiginiaġik taapkuak inik kisunun itqanaiyautikkaġmiñun inigitquvlugik.
24Tavra qulit iḷitchitqurat tusaakamirruŋ taamna, uumitchautiŋagaich malġuk aniqatigiik. 25#Lk 22.25, 26.Tavra Jesus ququaŋagai iluqaisa iḷitchitqurat atautchimun, aasii uqallautivlugich, Iḷisimarusi iñuich atanaurauruat iñuŋnun suaŋŋatiqaqtut iliŋiññun, suli aullarriŋisa atanniqsimavlugich. 26#Mt 23.11; Mk 9.35; Lk 22.26.Aglaan tainna piñiaŋitchusi ilivsi. Kiñaliqaa kamanaġuktuaq akunnavsiññi, kivgauruksrauruq ilivsiññun. 27Aasii kiñapayauraq ilivsiññi qaukłiusuktuaq, kivgauruksrauruq iluqavsiññun. 28Qanuq Iġñiŋaunnii Iñuum qaiŋaruq kivgaqaġiaqsaŋaiqł̣uni. Ilaa qaiŋaruq kivgauyaqtuqłuni tuquyaqtuqłuniḷu tasuġukługich iñugiaktuat iñuich.
Jesus Iłuaqsigik Ayauŋaruak Iññuk
(Mark 10.46-52; Luke 18.35-43)
29Tavra aullaqsaqtillugich Jericho-miñ, iñugiapiaġataqtuat iñusalaich maliŋagaat. 30Aasii malġuk ayauŋaruak aquppiŋaruk saniġaanni apqutit. Tusaakamik Jesus tamaunnaaġnivḷugu, nipaalaŋaruk, Naglikkutiqaġiñ uvaptiŋnun, Ataniiq, Iġñiġuruatiin David-mun. 31Iñusalaich suakkaluaġaich, uqallautivlugik nipaisaaquvlugik, nipatusiḷaaqsiññaŋaruk, Ataniiq, naglikkutiqaġiñ uvaptiŋnun, Iġñiġuruatiin David-mun. 32Tavra Jesus nutqaŋaruq aasii qaitquqqaaqługik uqallautivlugik, qanuquvisik uvamnun? 33Iliŋikta kiuŋagaak, Ataniiq, tautullasisuktuguk. 34Tavra Jesus nagliksrautikun aksiŋagik iriŋik, aasii tavrauvvaa tautuksiḷḷasiŋaruk aasii malikługu.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Iñupiatun Mumiksat Uqalugiksuat (North Slope Iñupiaq Bible) © American Bible Society.
All rights reserved.
Bible text from the North Slope Iñupiaq Bible is not to be reproduced in copies or otherwise by any means except as permitted in writing by the copyright holder:
American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org)