Matthew 15
15
Iḷisaurrutaat Maŋŋuuruat
(Mark 7.1-13)
1Tavra Pharisees-lu iḷisaurriḷḷu pitquranik ullautiŋarut Jesus-mun Jerusalem-miñ aasii apiġivlugu, 2Summan iḷitchitquravich kamagilaitpatigik iḷisaurrutiŋich maŋŋuupta? Qanuq niġiŋaiñŋaġmiŋ iqaġilaitkaich argatiŋ tuvraġlugu piraksriutaat maŋŋuupta. 3Jesus kiuŋagai, Summallivsauq ilivsi kamagilaitpisigik pitquraŋi God-im, kamagiłhaaqługich maŋŋuuvsi iḷisaurrutiŋich? 4#Ex 20.12; Dt 5.16; Ex 21.17; Lv 20.9.Qanuq God piraksriiŋaruq Moses-kun, suuŋiḷaġinagik aapallu aakallu. Kiñaliqaa uqallautiqaqtuaq pigiitchuamik aapamigun aakamigullu, tuquruksraupiaqtuq. 5Ilivsiḷiasii iḷisaurrirusi iñuk piqaġniqpan sumik ikayuutigiyumiñaġaluakkamiñik aapamiñun naagga aakamiñun aglaan uqallausiġikpagu, Taamna pigigaa God-im, 6ilaa pasirauyumiñaitchualigiksi ikayuŋitkaluaġumigik aapaniḷu aakaniḷu, pisigivlugu maŋŋuuvsi iḷisaurrutaat, anniqsuutauŋaiġisi uqaluŋi God-im. 7Ilivsi ukpiŋŋuaqtuasii. Qanutun nalautigiŋaruq Isaiah uqaqtaa God-im uqallausiġikamisi. Ilaan aglaŋagai God-im uqaluŋi inna,
“Ukua iñuich nanġaġaluaġaanŋa uqalułhiñamiŋnik,
sivuniqasuŋaġnagich uqalutiŋ.
8 #
Is 29.13. Iliŋisa iḷumutun savautiŋitkaanŋa aŋaiyyuvigiluŋalu,
qanuq iḷisaurrirut iñuich pitquraliaŋiññik,
God-mun pitquraġiruatun iḷivḷugich.”
9Jesus uqallavsaaŋaruq, Kamagiŋitkisi God-im pitquraŋi, kamagiłhaaqługich piḷġusiḷiaŋich iñuich.
Sut Salumaiḷḷisit Iñuŋmun
(Mark 7.14-23)
10Tavra Jesus ququaŋagai iñuich inmiñun aasii uqallautivlugich, Naalaġnisiŋa kaŋiqsiḷusiḷu. 11Taavruma qaniġmuktuam niġiruatun piḷuksipkalaitkaa iñuk, aglaan taavruma aniruam qaniġmiñ, uqaluum piḷuksipkaġumiñaġaa iñuk.
12Iḷitchitquraŋisa ullakługu uqallautiŋagaat, Iḷisimavigich Pharisees piavsaktilaaŋat tusaakamirruŋ taamna uqallautin? 13Ilaan kiuŋagai, Nautchiapayaaq qiḷaŋmiittuam Aapama nautchirriutiŋaisaŋa nusuktauniaqtuq. 14#Lk 6.39.Ilimiktun piḷich. Aullarrirut ayauŋaruatun iñuktun. Aasii ayauŋaruam iñuum aullatikpauŋ ayauŋaruaq iñuk, iluqatik qargisaġniaqtuk. 15Tavra Peter-m uqallautiŋagaa, Sivunniuġuŋ uvaptiŋnun taamna uuktuun. 16Ilaalli uqallautiŋagai, Ilivsivsauq kaŋiqsisaiñmivisi? 17Kaŋiqsiŋaitpisiuŋ sunapayaaq qaniġmuktuaq aqiaqqumuguuruq, aasii anivḷuni timimiñ. 18#Mt 12.34.Aglaan suna pigiitchuaq uqaluk aniruaq qanikun aullaqivluni isumaqaġvianiñ, taavruma piḷuksipkaġaa iñuk. 19Qanuq iñuum isumaqaġvianiñ salapqiġuurut pigiitchuat isumat piḷġusiġiitchuallu, iñuaġutit, allatuutit, tigligautit, saglutiginnigniġich, tiġlirautit. 20Tamatkua tamarra piḷuksipkaġaat iñuk, aglaan niġiruni iqaġigaluaġnagich argaich piḷuksisauŋitchuq iñuŋmun.
Aġnam Ukpiġutaa
(Mark 7.24-30)
21Tavra Jesus aullaŋaruq tavraŋŋa aasii aullaqłuni nunaaqqiŋiñun Tyre-m Sidon-lu. 22Tavra aġnaq Canaan-miu iñuuruaq tamaani ullautiŋaruq nipimigun, Naglikkutiqaġiñ uvamnun Ataniiq, Iġñiŋa David. Paniga atqunaqługu ilitqusiqł̣uqaqtuq. 23Tavra Jesus kiuŋaitkaa uqaluuramikunnii. Tavra iḷitchitquraŋisa ullakługu apiġipiaŋagaat, Aqpikkuuŋ una aġnaq, qanuq uvva małakkaatigut nipimigun. 24Ilaa uqallaŋaruq, Tilirauŋaruŋa kisiiññun Israel-guruanun imnaisun tammaŋaruatun ittuanun. 25Tavra aġnaq qaivḷuni sitquŋaruq sivuġaanun uqaqłuni, Ataniiq, ikayuŋŋa. 26Tavra ilaan kiuŋagaa, Nalaunŋaŋitchuq tigulugu miqłiqtut niqaat aitchuutigiruni qimmiñun. 27Aġnaq uqallaŋaruq, Aaglukiaq Ataniiq, naaggaptauq marra qimmich unnii niġisuummiut kanġallugnik kataktuanik iñuŋmiŋ niġġiviŋiññiñ. 28Tavra Jesus kiuŋagaa, Aġnaaq, kamanapaluktuq ukpiġutin. Taŋŋiġḷi kipiġniuġutin. Tavra pania iłuaqsirauŋaruq tavrauvvaa.
Jesus Iłuaqsigai Iñugiaktuat Iñuich
29Tavra Jesus aullalgitchuq tavraŋŋa aasii iglauvluni siñiqsraqługu tasia Galilee-m. Tavra ilaa mayuŋaruq qimialuŋnun, aasii aquviłłuni tamauŋa. 30Tavra iñugiapiaġataqtuat iñuich ullautiŋarut ilaanun, qaġġirrivḷutiŋ tusiapiktaqtuanik, qilluutiqaqtuanik, ayauŋaruanik, uqalaitchuanik, suniglu iñugiaktuanik allanik naŋirrutiliŋnik, aasii iḷivḷugich sivuġaanun, tavra ilaan iłuaqsiŋagai. 31Tavraasii iñusalaich kamasuŋarut, tautukamisigik uqalaiḷat uqaaqsimmata, qilluutituqtuat iłuaqsiraummata, tusiattuat pisuaġmata, suli ayauŋaruat tautullasimmata. Tavra ilaisa nanġaŋagaat God-iŋat Israel.
Jesus Niġipkaġai 4,000 Iñuich
(Mark 8.1-10)
32Tavrani Jesus ququaŋagai iḷitchitqurani inmiñun aasii uqallautivlugich, Nagliksraliqsuŋa iñusalaŋnik, pisigivlugu nayuutiniŋat uvamnun paŋmapak piŋasuni uvluni, aasii paŋmapak niqiksraiqsut. Aullaqtitchumaŋitkitka kaaŋŋaisa, sayaiġñiaqtutkiataŋ apqunmi. 33Tavra iḷitchitqurat apiġiŋagaat, Sumiñ niqiksranigniaqpisa naamaruamik nunagluktuami niġipkaġumiñaġlugich innatun iñugiaktigiruat? 34Tavra Jesus apiġiŋagai, Qavsiñik punniġutiqaqpisi? Ilaisa kiuŋagaat, Tallimat malġugnik, iñukisuuraniglu iqaluuranik. 35Tavra Jesus piraksriiŋaruq iñusalaich aquvitquvlugich nunamun. 36Ilaan tiguŋagai tallimat malġuk punniġich iqaluiḷḷu, aasii quyaanikami God-mun avguqługich qaiñŋagai iḷitchitquranun, aasiiḷi iḷitchitqurat qaił̣ł̣ugich iñusalaŋnun. 37Tavra iluqaġmiŋ niġiŋarut pisuiqsuaqłutiŋ. Aasii iḷitchitqurat katitchiŋarut tallimat malġugnik aguummakpagnik siḷiviłługich iḷakunik kisiŋŋuqtanik. 38Tamatkua niġiruat 4,000-tun iñugiaktigiŋarut, aġnat miqłiqtullu kisitqatigigaluaġnagich.
39Aasii aullaqtitanikługich iñusalaich, ilaa ikuŋaruq umiaqpauramun aasii aullaqłutiŋ nunaaqqiŋiññun Magadan.
Currently Selected:
Matthew 15: INUPIAQ
Highlight
Share
Copy
Want to have your highlights saved across all your devices? Sign up or sign in
Iñupiatun Mumiksat Uqalugiksuat (North Slope Iñupiaq Bible) © American Bible Society.
All rights reserved.
Bible text from the North Slope Iñupiaq Bible is not to be reproduced in copies or otherwise by any means except as permitted in writing by the copyright holder:
American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org)
Matthew 15
15
Iḷisaurrutaat Maŋŋuuruat
(Mark 7.1-13)
1Tavra Pharisees-lu iḷisaurriḷḷu pitquranik ullautiŋarut Jesus-mun Jerusalem-miñ aasii apiġivlugu, 2Summan iḷitchitquravich kamagilaitpatigik iḷisaurrutiŋich maŋŋuupta? Qanuq niġiŋaiñŋaġmiŋ iqaġilaitkaich argatiŋ tuvraġlugu piraksriutaat maŋŋuupta. 3Jesus kiuŋagai, Summallivsauq ilivsi kamagilaitpisigik pitquraŋi God-im, kamagiłhaaqługich maŋŋuuvsi iḷisaurrutiŋich? 4#Ex 20.12; Dt 5.16; Ex 21.17; Lv 20.9.Qanuq God piraksriiŋaruq Moses-kun, suuŋiḷaġinagik aapallu aakallu. Kiñaliqaa uqallautiqaqtuaq pigiitchuamik aapamigun aakamigullu, tuquruksraupiaqtuq. 5Ilivsiḷiasii iḷisaurrirusi iñuk piqaġniqpan sumik ikayuutigiyumiñaġaluakkamiñik aapamiñun naagga aakamiñun aglaan uqallausiġikpagu, Taamna pigigaa God-im, 6ilaa pasirauyumiñaitchualigiksi ikayuŋitkaluaġumigik aapaniḷu aakaniḷu, pisigivlugu maŋŋuuvsi iḷisaurrutaat, anniqsuutauŋaiġisi uqaluŋi God-im. 7Ilivsi ukpiŋŋuaqtuasii. Qanutun nalautigiŋaruq Isaiah uqaqtaa God-im uqallausiġikamisi. Ilaan aglaŋagai God-im uqaluŋi inna,
“Ukua iñuich nanġaġaluaġaanŋa uqalułhiñamiŋnik,
sivuniqasuŋaġnagich uqalutiŋ.
8 #
Is 29.13. Iliŋisa iḷumutun savautiŋitkaanŋa aŋaiyyuvigiluŋalu,
qanuq iḷisaurrirut iñuich pitquraliaŋiññik,
God-mun pitquraġiruatun iḷivḷugich.”
9Jesus uqallavsaaŋaruq, Kamagiŋitkisi God-im pitquraŋi, kamagiłhaaqługich piḷġusiḷiaŋich iñuich.
Sut Salumaiḷḷisit Iñuŋmun
(Mark 7.14-23)
10Tavra Jesus ququaŋagai iñuich inmiñun aasii uqallautivlugich, Naalaġnisiŋa kaŋiqsiḷusiḷu. 11Taavruma qaniġmuktuam niġiruatun piḷuksipkalaitkaa iñuk, aglaan taavruma aniruam qaniġmiñ, uqaluum piḷuksipkaġumiñaġaa iñuk.
12Iḷitchitquraŋisa ullakługu uqallautiŋagaat, Iḷisimavigich Pharisees piavsaktilaaŋat tusaakamirruŋ taamna uqallautin? 13Ilaan kiuŋagai, Nautchiapayaaq qiḷaŋmiittuam Aapama nautchirriutiŋaisaŋa nusuktauniaqtuq. 14#Lk 6.39.Ilimiktun piḷich. Aullarrirut ayauŋaruatun iñuktun. Aasii ayauŋaruam iñuum aullatikpauŋ ayauŋaruaq iñuk, iluqatik qargisaġniaqtuk. 15Tavra Peter-m uqallautiŋagaa, Sivunniuġuŋ uvaptiŋnun taamna uuktuun. 16Ilaalli uqallautiŋagai, Ilivsivsauq kaŋiqsisaiñmivisi? 17Kaŋiqsiŋaitpisiuŋ sunapayaaq qaniġmuktuaq aqiaqqumuguuruq, aasii anivḷuni timimiñ. 18#Mt 12.34.Aglaan suna pigiitchuaq uqaluk aniruaq qanikun aullaqivluni isumaqaġvianiñ, taavruma piḷuksipkaġaa iñuk. 19Qanuq iñuum isumaqaġvianiñ salapqiġuurut pigiitchuat isumat piḷġusiġiitchuallu, iñuaġutit, allatuutit, tigligautit, saglutiginnigniġich, tiġlirautit. 20Tamatkua tamarra piḷuksipkaġaat iñuk, aglaan niġiruni iqaġigaluaġnagich argaich piḷuksisauŋitchuq iñuŋmun.
Aġnam Ukpiġutaa
(Mark 7.24-30)
21Tavra Jesus aullaŋaruq tavraŋŋa aasii aullaqłuni nunaaqqiŋiñun Tyre-m Sidon-lu. 22Tavra aġnaq Canaan-miu iñuuruaq tamaani ullautiŋaruq nipimigun, Naglikkutiqaġiñ uvamnun Ataniiq, Iġñiŋa David. Paniga atqunaqługu ilitqusiqł̣uqaqtuq. 23Tavra Jesus kiuŋaitkaa uqaluuramikunnii. Tavra iḷitchitquraŋisa ullakługu apiġipiaŋagaat, Aqpikkuuŋ una aġnaq, qanuq uvva małakkaatigut nipimigun. 24Ilaa uqallaŋaruq, Tilirauŋaruŋa kisiiññun Israel-guruanun imnaisun tammaŋaruatun ittuanun. 25Tavra aġnaq qaivḷuni sitquŋaruq sivuġaanun uqaqłuni, Ataniiq, ikayuŋŋa. 26Tavra ilaan kiuŋagaa, Nalaunŋaŋitchuq tigulugu miqłiqtut niqaat aitchuutigiruni qimmiñun. 27Aġnaq uqallaŋaruq, Aaglukiaq Ataniiq, naaggaptauq marra qimmich unnii niġisuummiut kanġallugnik kataktuanik iñuŋmiŋ niġġiviŋiññiñ. 28Tavra Jesus kiuŋagaa, Aġnaaq, kamanapaluktuq ukpiġutin. Taŋŋiġḷi kipiġniuġutin. Tavra pania iłuaqsirauŋaruq tavrauvvaa.
Jesus Iłuaqsigai Iñugiaktuat Iñuich
29Tavra Jesus aullalgitchuq tavraŋŋa aasii iglauvluni siñiqsraqługu tasia Galilee-m. Tavra ilaa mayuŋaruq qimialuŋnun, aasii aquviłłuni tamauŋa. 30Tavra iñugiapiaġataqtuat iñuich ullautiŋarut ilaanun, qaġġirrivḷutiŋ tusiapiktaqtuanik, qilluutiqaqtuanik, ayauŋaruanik, uqalaitchuanik, suniglu iñugiaktuanik allanik naŋirrutiliŋnik, aasii iḷivḷugich sivuġaanun, tavra ilaan iłuaqsiŋagai. 31Tavraasii iñusalaich kamasuŋarut, tautukamisigik uqalaiḷat uqaaqsimmata, qilluutituqtuat iłuaqsiraummata, tusiattuat pisuaġmata, suli ayauŋaruat tautullasimmata. Tavra ilaisa nanġaŋagaat God-iŋat Israel.
Jesus Niġipkaġai 4,000 Iñuich
(Mark 8.1-10)
32Tavrani Jesus ququaŋagai iḷitchitqurani inmiñun aasii uqallautivlugich, Nagliksraliqsuŋa iñusalaŋnik, pisigivlugu nayuutiniŋat uvamnun paŋmapak piŋasuni uvluni, aasii paŋmapak niqiksraiqsut. Aullaqtitchumaŋitkitka kaaŋŋaisa, sayaiġñiaqtutkiataŋ apqunmi. 33Tavra iḷitchitqurat apiġiŋagaat, Sumiñ niqiksranigniaqpisa naamaruamik nunagluktuami niġipkaġumiñaġlugich innatun iñugiaktigiruat? 34Tavra Jesus apiġiŋagai, Qavsiñik punniġutiqaqpisi? Ilaisa kiuŋagaat, Tallimat malġugnik, iñukisuuraniglu iqaluuranik. 35Tavra Jesus piraksriiŋaruq iñusalaich aquvitquvlugich nunamun. 36Ilaan tiguŋagai tallimat malġuk punniġich iqaluiḷḷu, aasii quyaanikami God-mun avguqługich qaiñŋagai iḷitchitquranun, aasiiḷi iḷitchitqurat qaił̣ł̣ugich iñusalaŋnun. 37Tavra iluqaġmiŋ niġiŋarut pisuiqsuaqłutiŋ. Aasii iḷitchitqurat katitchiŋarut tallimat malġugnik aguummakpagnik siḷiviłługich iḷakunik kisiŋŋuqtanik. 38Tamatkua niġiruat 4,000-tun iñugiaktigiŋarut, aġnat miqłiqtullu kisitqatigigaluaġnagich.
39Aasii aullaqtitanikługich iñusalaich, ilaa ikuŋaruq umiaqpauramun aasii aullaqłutiŋ nunaaqqiŋiññun Magadan.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Iñupiatun Mumiksat Uqalugiksuat (North Slope Iñupiaq Bible) © American Bible Society.
All rights reserved.
Bible text from the North Slope Iñupiaq Bible is not to be reproduced in copies or otherwise by any means except as permitted in writing by the copyright holder:
American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org)