Matthew 10
10
Jesus Piksraqtuq Qulit Malġugnik Tilirauruanik
(Mark 3.13-19; Luke 6.12-16)
1Tavra Jesus qaitquŋagai inmiñun qulit malġuk iḷitchitqurani aasii suaŋŋasiŋagai ilitqusiqł̣uiyaiḷḷasivḷugich, suli iłuaqsiriyumiñaqsivḷugich naŋirrutipayaanik suaŋairrutipayaaniglu. 2Atiŋich qulit malġuk tilirauruat uvva, sivulliq, Simon tairauruaq Peter-mik, Andrew-lu ilaan aniqataa, James-lu, John-lu iġñiŋik Zebedee-m, 3Philip-lu, Bartholomew-lu, Thomas-lu, Matthew-lu tax-nik katitchiri, James-lu iġñiŋa Alphaeus, Thaddaeus-lu, 4Simon-lu Zealot-guruaq, Judas-lu Iscariot, aitchuutiginniktuaq Jesus-mik.
Piraksriusiaŋat Qulit Malġuk
(Mark 6.7-13; Luke 9.1-6)
5Taapkua qulit malġuk Jesus tiliŋagai piraksriqł̣ugich inna, Aullaqqayaanasi sumupayaaq Jew-guŋitchuanun, suli isiġnagich nunaaqqipayaaŋich Samaria-ġmiut, 6aglaan aullaqsiññaġitchi tammaŋaruatun imnaisun ittuanun Israel-guruani. 7Aasii alġaqsruiḷusi iglaullavsi uqaġlusi, Taamna qiḷaŋmiittuaq atanniqsimanniksaaqsiruq iñuŋnik. 8Iłuaqsisigik naŋittuat, aŋipkaqsigik tuquruat, mamititchigik kiḷḷiġruaqtuqtuat, anittaqsigik ilitqusiqł̣uich. Suaŋŋasiqsauŋarusi akiḷiġaluaġnagu, aasiiḷi atuqsiuŋ suaŋŋan akiiḷaaġlugu. 9Saagaġnasi maniqaġvivsiññi maniŋmik kaviqsuamik qatiqtuamiglu, naagga unnii kannuyamik. 10#1 Co 9.14; 1 Ti 5.18.Puukataiḷaaġlusi iglauguvsi, naaggaunnii annuġaatqiusiraaġnasi, aluġusiraaġnasiḷu, naagga ayauppialiraaġnasi. Savaktauruaq piqaqtitaksrauruq pigiraksraġikkaŋiñik.
11Suli kisupayaamun nunaaqqimun tikitkuvsi, iḷitchuġiyumausi iñuŋmik tukkuliiyumaruamik tavrani, aasii tukkuġilugu aullaġnivsiññunaglaan. 12Isiġuvsi iglumun, uqallakkumausi inna, Tutqiutiqaġitchi. 13Aasii taapkua iñuich paġlakpasi, tutqiutiqaġniaqtut. Aglaan paġlaŋitpasi, tutqiutiqaġumiñaitchut. 14#Ac 13.51.Tavra kialiqaa tukkuliŋitpasi naagga naalaġnisuŋitpatigik uqalusi, piiyaqsiuŋ avyuq isigavsiññiñ aniñiallavsi iglumiñ naagga nunaaqqimiñ. 15#Mt 11.24; Gn 19.24-28.#Lk 10.4-12.Iḷumun uqallautigivsi, uvluani isivġiġvium, God naglikkutiqałhaaġniaqtuq iñuŋiññun Sodom-lu Gomorrah-vlu taavrumaŋŋa nunaaqqimiñ tukkuliiŋitchuamiñ ilivsiññik.
Nagliksaaqtirrutiksrautit
(Mark 13.9-13; Luke 12.12-17)
16 #
Lk 10.3. Uvva, aullaqtitkivsi imnaisun akunġannun amaqqut, iḷimasuktuaġitchiasii nimiġiatun suli anniaqłiŋisigilusi tiŋmiatun. 17#Mk 13.9-11; Lk 12.11, 12; 21.12-15.Nipuŋairvigilugich iñuich, qanuq aitchuutigiraġaġniaġaasi uqaqsitaaġviŋñun, suli ipiġaqtuġlusi aŋaiyyuviŋmiŋni. 18Suli pisigiluŋa qaġġirrauniaqtusi sivuġaŋiññun kavanauruat umialgiḷḷu, uqaqulusi tusaayugaaġiksuanik inmiŋnun Jew-guŋitchuanullu. 19Ilaisa tigutaaqpasi, uŋiariñasi qanuq uqaġniaqtilaavsiññik naagga sunik uqautiqaġniaqtilaavsiññik, qanuq uqaluksriusiaqaġniaqtusi tavraġuqpan. 20Qanuq ilivsiuŋitchuq uqaqtuaq, aglaan Ilitqusiġiksuaŋa Aapavsi uqaqtuq ilivsigun.
21 #
Mk 13.12; Lk 21.16. Iñuich aitchuutiginiaġaich aniqatitiŋ tuqutautqulugich. Suli aapauruat tainnatun pipkaġniaġmigaich miqłiqtutiŋ. Suli miqłiqtut makivsaallagniaqtut aŋayuqaamiŋnun aasii aŋayuqaatiŋ tuqutillugich. 22#Mt 24.9; Mk 13.13; Lk 21.17; Mt 24.13; Mk 13.13.Suli iñupayaat uumikkiutiniaġaasi pisigilugu uvaŋa pigikavsi. Aglaan iñuk igḷutuutiruaq nagliksaaqtitauniġmik iñuuniqtutilaamisun, annaurrauniaqtuq. 23Nagliksaaqtitpasi nunaaqqimi, pigruġitchi tuglianun. Qanuq iḷumun uqallautigivsi, naatchianiŋniaŋitchusi savaavsiññik iluqaiññi nunaaqqiŋiññi Israel qaigaluaqtinnagu Iġñiŋa Iñuum.
24 #
Lk 6.40;
Jn 13.16; 15.20. Iḷitchitquraq kamanałhaaŋitchuq iḷisaurrimiñiñ, naaggaunnii kivgaq ataniġmiñiñ. 25#Mt 9.34; 12.24; Mk 3.22; Lk 11.15.Naamaruq iḷitchitquraq itkumi iḷisaurrimisun, suli kivgaq ataniġmisun. Taiguġuugumiñŋa Beelzebul-mik Ataniġikkavsiŋa, qanutułhaaq iliŋisa atiġiił̣haaqtuanik taiguġniaġaasi uvaŋa kivgatka.
Iñuich Sivuuġagiłhaaġnagich
(Luke 12.2-7)
26 #
Mk 4.22; Lk 8.17. Tavra sivuuġaginagich iñuich. Suna matuqaqtuaq matuiġñiaqtuq, aasii nalunautchiapayaaq iḷitchuġipkaqtauniaqtuq. 27Sut uqallautitka ilivsiññun taaġmi, iḷitchuġipkaqsigik iñuŋnun uvlumi, suli uqautitka ilivsiññun kisivsiññun, quliaqtuaġisigik iglut qaaŋiññiñ. 28Suli sivuuġaginagich iñuich tuqutchiruat timimik qanuq suksraunġiġumiñaitkaat ilitqusiq, sivuuġagiłhaaqsiuŋ God suksraunġiiḷḷaruaq iluqaagnik ilitqutchimiglu timimiglu nagliksaaġviŋmi. 29Iḷisimarusi malġuk tigmiaġruurak tunisuuruk maniuramun atautchimun. Naaggauvva nalliak unnii katakkumiñaitchuq nunamun uniuġlugu Aapavsi pisuutaa. 30Ilivsivsauq nutchasiunnii niaquvsiññi iluqaisa God-im iḷisimagai iñugiaktilaaŋat. 31Tavraasii sivuuġanasi, piqpaŋnałhaaqtusi iñugiaktuaniñ tiŋmiaġruuraniñ.
Quliaqtuaqaġniq Christ Annaurriginivḷugu
(Luke 12.8-9)
32Tavra kialiqaa quliaqtuaġigumiŋa iñuŋnun piginiḷuni uvamnun, uvaŋaptauq tainnatun piñiaġmigiga Aapamnun qiḷaŋmiittuamun. 33#2 Ti 2.12.Aglaattauq kialiqaa piiḷaaġikpaŋa iñuŋnun pigiŋiññiḷuni uvamnun, uvaŋaptauq piiḷaaġiniaġmigiga Aapamnun qiḷaŋmiittuamun.
Qaġġirriŋitchuŋa Aŋuyautairrunmik Aglaan Atiŋirrunmik
(Luke 12.51-53; 14.26-27)
34Isumanasi qaiŋanasugaluŋa iñupayaurat atisipkaġiaġlugich. Qaiŋaitchuŋa atisipkaġiaġlugich, aglaan qaiŋaruŋa atinġiquvlugich. 35#Mic 7.6.Qanuq qaiñiġma atiŋaiqsinniaġai iġñiġuruat aapatiglu, suli paniuruat aakatiglu, suli ukuaguruat aakaruatiglu. 36Suli iñuich akiḷḷiġiliutiniaġaich ilaisa igluqatitiŋ.
37Iñuum piviuttaġiłhaaġumiuŋ aapani naagga aakani uvamniñ nalliummatiŋitchuq uvamnun, suli iñuum piviuttaġiłhaaġumiuŋ iġñini naagga paniñi uvamniñ nalliummatiŋitchuq uvamnun. 38#Mt 16.24; Mk 8.34; Lk 9.23.Suli iñuum iqsriutiŋitkumiuŋ aŋarraurani tuqutauyumaliġḷuniunnii pisigiluŋa, nalliummatiŋitchuq uvamnun. 39#Mt 16.25; Mk 8.35; Lk 9.24; 17.33; Jn 12.25.Iñuk iñuullatuvaił̣aktuaq tammaiñiaqtuq iñuggunmiñik, aglaalli iñuk sullatuaġumiḷu atiruaq tuqqutiyumiñaġluŋaunnii, tammaiyumiñaipiaġaa iñuggutini.
Akiḷiusiaksrat
(Mark 9.41)
40 #
Lk 10.16; Jn 13.20;
Mk 9.37; Lk 9.48. Iñuum paġlagumisi paġlammigaaŋa, suli iñuum paġlaruam uvamnik paġlammigaa tilisiŋaruaq uvamnik. 41Iñuk paġlaruaq uqaqtaanik God-im pisigivlugu uqaqtauniŋa God-mun aitchuusiaqaġniaqtuq uqaqtaata God-im akiḷiusiaŋatun. Suli iñuk paġlaruaq nalaunŋaruamik iñuŋmik pisigivlugu nalaunŋaniŋa, aitchuusiaqaġniaqtuq nalaunŋaruam iñuum akiḷiusiaŋatun. 42Suli kiñaliqaa aitchuiruaq atautchimununnii makua kamanaiññiqsrat maliġuaqtima iḷaŋannun qallugauram imałhiñaŋanikunnii nigliñaqtuamik imiġmik pisigivlugu iḷitchitquraunini, iḷumun uqallautigivsi, akiḷiusiaqaġniaqtuq.
Currently Selected:
Matthew 10: INUPIAQ
Highlight
Share
Copy
Want to have your highlights saved across all your devices? Sign up or sign in
Iñupiatun Mumiksat Uqalugiksuat (North Slope Iñupiaq Bible) © American Bible Society.
All rights reserved.
Bible text from the North Slope Iñupiaq Bible is not to be reproduced in copies or otherwise by any means except as permitted in writing by the copyright holder:
American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org)
Matthew 10
10
Jesus Piksraqtuq Qulit Malġugnik Tilirauruanik
(Mark 3.13-19; Luke 6.12-16)
1Tavra Jesus qaitquŋagai inmiñun qulit malġuk iḷitchitqurani aasii suaŋŋasiŋagai ilitqusiqł̣uiyaiḷḷasivḷugich, suli iłuaqsiriyumiñaqsivḷugich naŋirrutipayaanik suaŋairrutipayaaniglu. 2Atiŋich qulit malġuk tilirauruat uvva, sivulliq, Simon tairauruaq Peter-mik, Andrew-lu ilaan aniqataa, James-lu, John-lu iġñiŋik Zebedee-m, 3Philip-lu, Bartholomew-lu, Thomas-lu, Matthew-lu tax-nik katitchiri, James-lu iġñiŋa Alphaeus, Thaddaeus-lu, 4Simon-lu Zealot-guruaq, Judas-lu Iscariot, aitchuutiginniktuaq Jesus-mik.
Piraksriusiaŋat Qulit Malġuk
(Mark 6.7-13; Luke 9.1-6)
5Taapkua qulit malġuk Jesus tiliŋagai piraksriqł̣ugich inna, Aullaqqayaanasi sumupayaaq Jew-guŋitchuanun, suli isiġnagich nunaaqqipayaaŋich Samaria-ġmiut, 6aglaan aullaqsiññaġitchi tammaŋaruatun imnaisun ittuanun Israel-guruani. 7Aasii alġaqsruiḷusi iglaullavsi uqaġlusi, Taamna qiḷaŋmiittuaq atanniqsimanniksaaqsiruq iñuŋnik. 8Iłuaqsisigik naŋittuat, aŋipkaqsigik tuquruat, mamititchigik kiḷḷiġruaqtuqtuat, anittaqsigik ilitqusiqł̣uich. Suaŋŋasiqsauŋarusi akiḷiġaluaġnagu, aasiiḷi atuqsiuŋ suaŋŋan akiiḷaaġlugu. 9Saagaġnasi maniqaġvivsiññi maniŋmik kaviqsuamik qatiqtuamiglu, naagga unnii kannuyamik. 10#1 Co 9.14; 1 Ti 5.18.Puukataiḷaaġlusi iglauguvsi, naaggaunnii annuġaatqiusiraaġnasi, aluġusiraaġnasiḷu, naagga ayauppialiraaġnasi. Savaktauruaq piqaqtitaksrauruq pigiraksraġikkaŋiñik.
11Suli kisupayaamun nunaaqqimun tikitkuvsi, iḷitchuġiyumausi iñuŋmik tukkuliiyumaruamik tavrani, aasii tukkuġilugu aullaġnivsiññunaglaan. 12Isiġuvsi iglumun, uqallakkumausi inna, Tutqiutiqaġitchi. 13Aasii taapkua iñuich paġlakpasi, tutqiutiqaġniaqtut. Aglaan paġlaŋitpasi, tutqiutiqaġumiñaitchut. 14#Ac 13.51.Tavra kialiqaa tukkuliŋitpasi naagga naalaġnisuŋitpatigik uqalusi, piiyaqsiuŋ avyuq isigavsiññiñ aniñiallavsi iglumiñ naagga nunaaqqimiñ. 15#Mt 11.24; Gn 19.24-28.#Lk 10.4-12.Iḷumun uqallautigivsi, uvluani isivġiġvium, God naglikkutiqałhaaġniaqtuq iñuŋiññun Sodom-lu Gomorrah-vlu taavrumaŋŋa nunaaqqimiñ tukkuliiŋitchuamiñ ilivsiññik.
Nagliksaaqtirrutiksrautit
(Mark 13.9-13; Luke 12.12-17)
16 #
Lk 10.3. Uvva, aullaqtitkivsi imnaisun akunġannun amaqqut, iḷimasuktuaġitchiasii nimiġiatun suli anniaqłiŋisigilusi tiŋmiatun. 17#Mk 13.9-11; Lk 12.11, 12; 21.12-15.Nipuŋairvigilugich iñuich, qanuq aitchuutigiraġaġniaġaasi uqaqsitaaġviŋñun, suli ipiġaqtuġlusi aŋaiyyuviŋmiŋni. 18Suli pisigiluŋa qaġġirrauniaqtusi sivuġaŋiññun kavanauruat umialgiḷḷu, uqaqulusi tusaayugaaġiksuanik inmiŋnun Jew-guŋitchuanullu. 19Ilaisa tigutaaqpasi, uŋiariñasi qanuq uqaġniaqtilaavsiññik naagga sunik uqautiqaġniaqtilaavsiññik, qanuq uqaluksriusiaqaġniaqtusi tavraġuqpan. 20Qanuq ilivsiuŋitchuq uqaqtuaq, aglaan Ilitqusiġiksuaŋa Aapavsi uqaqtuq ilivsigun.
21 #
Mk 13.12; Lk 21.16. Iñuich aitchuutiginiaġaich aniqatitiŋ tuqutautqulugich. Suli aapauruat tainnatun pipkaġniaġmigaich miqłiqtutiŋ. Suli miqłiqtut makivsaallagniaqtut aŋayuqaamiŋnun aasii aŋayuqaatiŋ tuqutillugich. 22#Mt 24.9; Mk 13.13; Lk 21.17; Mt 24.13; Mk 13.13.Suli iñupayaat uumikkiutiniaġaasi pisigilugu uvaŋa pigikavsi. Aglaan iñuk igḷutuutiruaq nagliksaaqtitauniġmik iñuuniqtutilaamisun, annaurrauniaqtuq. 23Nagliksaaqtitpasi nunaaqqimi, pigruġitchi tuglianun. Qanuq iḷumun uqallautigivsi, naatchianiŋniaŋitchusi savaavsiññik iluqaiññi nunaaqqiŋiññi Israel qaigaluaqtinnagu Iġñiŋa Iñuum.
24 #
Lk 6.40;
Jn 13.16; 15.20. Iḷitchitquraq kamanałhaaŋitchuq iḷisaurrimiñiñ, naaggaunnii kivgaq ataniġmiñiñ. 25#Mt 9.34; 12.24; Mk 3.22; Lk 11.15.Naamaruq iḷitchitquraq itkumi iḷisaurrimisun, suli kivgaq ataniġmisun. Taiguġuugumiñŋa Beelzebul-mik Ataniġikkavsiŋa, qanutułhaaq iliŋisa atiġiił̣haaqtuanik taiguġniaġaasi uvaŋa kivgatka.
Iñuich Sivuuġagiłhaaġnagich
(Luke 12.2-7)
26 #
Mk 4.22; Lk 8.17. Tavra sivuuġaginagich iñuich. Suna matuqaqtuaq matuiġñiaqtuq, aasii nalunautchiapayaaq iḷitchuġipkaqtauniaqtuq. 27Sut uqallautitka ilivsiññun taaġmi, iḷitchuġipkaqsigik iñuŋnun uvlumi, suli uqautitka ilivsiññun kisivsiññun, quliaqtuaġisigik iglut qaaŋiññiñ. 28Suli sivuuġaginagich iñuich tuqutchiruat timimik qanuq suksraunġiġumiñaitkaat ilitqusiq, sivuuġagiłhaaqsiuŋ God suksraunġiiḷḷaruaq iluqaagnik ilitqutchimiglu timimiglu nagliksaaġviŋmi. 29Iḷisimarusi malġuk tigmiaġruurak tunisuuruk maniuramun atautchimun. Naaggauvva nalliak unnii katakkumiñaitchuq nunamun uniuġlugu Aapavsi pisuutaa. 30Ilivsivsauq nutchasiunnii niaquvsiññi iluqaisa God-im iḷisimagai iñugiaktilaaŋat. 31Tavraasii sivuuġanasi, piqpaŋnałhaaqtusi iñugiaktuaniñ tiŋmiaġruuraniñ.
Quliaqtuaqaġniq Christ Annaurriginivḷugu
(Luke 12.8-9)
32Tavra kialiqaa quliaqtuaġigumiŋa iñuŋnun piginiḷuni uvamnun, uvaŋaptauq tainnatun piñiaġmigiga Aapamnun qiḷaŋmiittuamun. 33#2 Ti 2.12.Aglaattauq kialiqaa piiḷaaġikpaŋa iñuŋnun pigiŋiññiḷuni uvamnun, uvaŋaptauq piiḷaaġiniaġmigiga Aapamnun qiḷaŋmiittuamun.
Qaġġirriŋitchuŋa Aŋuyautairrunmik Aglaan Atiŋirrunmik
(Luke 12.51-53; 14.26-27)
34Isumanasi qaiŋanasugaluŋa iñupayaurat atisipkaġiaġlugich. Qaiŋaitchuŋa atisipkaġiaġlugich, aglaan qaiŋaruŋa atinġiquvlugich. 35#Mic 7.6.Qanuq qaiñiġma atiŋaiqsinniaġai iġñiġuruat aapatiglu, suli paniuruat aakatiglu, suli ukuaguruat aakaruatiglu. 36Suli iñuich akiḷḷiġiliutiniaġaich ilaisa igluqatitiŋ.
37Iñuum piviuttaġiłhaaġumiuŋ aapani naagga aakani uvamniñ nalliummatiŋitchuq uvamnun, suli iñuum piviuttaġiłhaaġumiuŋ iġñini naagga paniñi uvamniñ nalliummatiŋitchuq uvamnun. 38#Mt 16.24; Mk 8.34; Lk 9.23.Suli iñuum iqsriutiŋitkumiuŋ aŋarraurani tuqutauyumaliġḷuniunnii pisigiluŋa, nalliummatiŋitchuq uvamnun. 39#Mt 16.25; Mk 8.35; Lk 9.24; 17.33; Jn 12.25.Iñuk iñuullatuvaił̣aktuaq tammaiñiaqtuq iñuggunmiñik, aglaalli iñuk sullatuaġumiḷu atiruaq tuqqutiyumiñaġluŋaunnii, tammaiyumiñaipiaġaa iñuggutini.
Akiḷiusiaksrat
(Mark 9.41)
40 #
Lk 10.16; Jn 13.20;
Mk 9.37; Lk 9.48. Iñuum paġlagumisi paġlammigaaŋa, suli iñuum paġlaruam uvamnik paġlammigaa tilisiŋaruaq uvamnik. 41Iñuk paġlaruaq uqaqtaanik God-im pisigivlugu uqaqtauniŋa God-mun aitchuusiaqaġniaqtuq uqaqtaata God-im akiḷiusiaŋatun. Suli iñuk paġlaruaq nalaunŋaruamik iñuŋmik pisigivlugu nalaunŋaniŋa, aitchuusiaqaġniaqtuq nalaunŋaruam iñuum akiḷiusiaŋatun. 42Suli kiñaliqaa aitchuiruaq atautchimununnii makua kamanaiññiqsrat maliġuaqtima iḷaŋannun qallugauram imałhiñaŋanikunnii nigliñaqtuamik imiġmik pisigivlugu iḷitchitquraunini, iḷumun uqallautigivsi, akiḷiusiaqaġniaqtuq.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Iñupiatun Mumiksat Uqalugiksuat (North Slope Iñupiaq Bible) © American Bible Society.
All rights reserved.
Bible text from the North Slope Iñupiaq Bible is not to be reproduced in copies or otherwise by any means except as permitted in writing by the copyright holder:
American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org)