Galatians 4
4
1Sivuniġikkaġa kiŋuvaannaktuagunivḷusi uqallakama innaittuq. Kiŋuvaannaktuksraun miqłiqtuuŋŋaġmi, kivgatuttauq inmiuq iñuqaġaluaŋŋaisaunnii inmiñun iluqaġmiŋ aapami suġaliŋi. 2Aasii ilaa qaunaksriqaqłuni munaqsriñik aŋalatchiriñiglu suġaliġmiñik, tikitchiaġivlugu kiŋuvaannagviksrautini, aapami nalunaiŋakkaŋiñik. 3Tainnatuttauq uvagut. Christ qaiŋaiñŋaan miqłiqtutun inŋagaluaġmiugut, munaqsriqaqłuta pitquranik iñugruiññaiḷḷu piḷġusiġikkaŋiññik nakuurualiqinikun, kivgaummatun iłłuta tamatkunuŋa. 4Aglaan God-im nalunaiqsani piviksraq tikiñman, tiliŋagaa Iġñini nunam iñuŋiñun. Christ aniŋaruq aġnakun, Jew-guvluni, kamaksriruksrauvluni pitquranik, 5#Ro 8.15-17.sunauvva tasuġukługich tamatkua aŋalatittuat pitquranun, uvagut agliraksraiŋaluta iġñiġitquvluta God-mun, aitchuusiaqaġumiñaqsiḷuta kiŋuvaannaktaksraptiŋnik God-miñ.
6Aasii agliraksraiqł̣uta God-im iġñiġiniġmatigut, ilaan tiliŋagaa Ilitqusiġiksuaŋa Iġñiġmi iḷuptiŋnun, iḷitchuġipkairuaq uvaptiŋnik God iḷumun nanmiñiq aapagitilaaŋanik. 7Tavraasii, God-im iġñiġiliutiŋagaasi suli kiŋuvaannaktuksraġuqłusi, aasii kivgatun inŋaiŋarusi.
Paul Piŋigigai Galatia-ġmiut
8Taimani iḷitchuġiŋaiñŋavsi God-mik, kivgauŋagaluaqtusi isummatigikkavsiññun god-aunasugalugich. 9Aglaan paŋmapak iḷitchuġiŋagiksi God, naaggałhaaq God-im iḷitchuġiŋagaasi, summan aasii utiġukpisi aŋalatiqavsaaġniġmun pitquranik, iñugruiññaiḷḷu piḷġusiŋiññun nakuurualiqinikun, annaurriyumiñaitchuanun ilivsiññik? 10Summan iviġagniatakpisiuŋ God piqutiqaqłusi ilaaguaqtanik niqinaqiviŋñik uvlunik, ilaaguaqtaniglu tatqiñik, suli ilaaguaqtanik niqinaqiviŋñik ukiuniglu. 11Anayasuktuŋa siġġaqutiginasugalusi asiñun.
12Aniqatiit, piviuttaġivlusi apiġigivsi, isummatiqaġitchiḷi uvaptun tamatkunuuna uqautipkun ilivsiññun, qanuq iḷiŋaruŋali ilivsisun, Jew-guŋitchuatun, atanġiqsitauvluŋa Jew-guruat pitquraŋiññiñ. Pimaqłuŋaitkivsiŋa 13sivulliġmi alġaqsruiqqaaqama tusaayugaaġiksuanik Christ-kun ilivsiññun. Ullaŋagivsi pisigivlugu timimi qilluusiqsauŋaniġa. 14Aasii qilluutituġniġa iviġaumanaitkaluaqtillugu ilivsiññun, naġġugiŋaitkivsiŋa, kipagiluŋalu suuŋiḷaġiluŋalu piŋaitkivsiŋa, aglaan paġlaŋagivsiŋa quyavlusi, isaġuliktun-unnii iḷivḷuŋa, naaggaunnii Christ Jesus-tun. 15Taimani qanutun quviasuktigiŋarusi. Iḷisimaruŋa quviasukkayaqtusiunnii ilivsiññun iraiġuvsi aasii iriliutilugik uvamnun, tainna piñaġumiñaqpan. 16Paŋmapak-aasii uqautikavsi iḷumun ittuamik, isumavisi akiḷḷiḷiutinasugaluŋa ilivsiññun? 17Tamatkua iḷumun inŋitchuanik iḷisaurrich iviġaumagiliqsinniataktut ilivsiññun, aglaan sivuniqaŋitchut nakuuruamik, qanuq niguqtinniaqsaagaasi uvamniñ, isummatigilluatallasitquvlutiŋ ilivsiññun. 18Nakuugaluaġmiuq isummatigilluataġaiññi piḷḷuatautauruakun ataramik, nayuŋiḷḷuġivsiunnii. 19Uvaŋa miqłiqtuuratkaa. Isumaaluutigipiallakkivsi. Ilauvaŋa aakauruaq kiiqsiuliqsuaq aulayyautimmani, qanutupayauraq kipiġniuqłuŋa Christ irrusia naamasitquyumavlugu iḷuvsiññi. 20Qanutun nayuqtigiyumapiaġaluaġivsi aasii allauruakun aulataġilusi. Qanuqsausiipiallaktuŋa ikayuutauniksrapkun ilivsiññun taavrumani nalautavsiññi.
Uuktuun Hagar-kullu Sarah-kullu
21Ilivsi ukpiqtuat isumaruasii annaurrauniaġnivḷusi kamaksriḷusi Jew-guruat pitquraŋiññik, naalaġnisitchi, uqaluusiavsiññik pitquratigun. 22#Gn 16.15; Gn 21.2.Bible-ni aglausimaruq Abraham malġugnik iġñiqaġnivḷugu, igḷua kivgauruakun aġnakun, aasii igḷua nuliaŋagun atanniqsimaraitchuakun. 23Kivgauruam iġñiŋa aniŋaruq piḷġusikaatun, aglaan nuliaŋata iġñiŋa aniŋaruq kisianik God-im unniqsuqłiisigianigmagu aniñiagnivḷugu. 24Taapkuŋniŋa uuktuutiqaqta. Taapkuak aġnak malġuk ittuk God-im malġuktun sivunniuġutiktun iñuŋmiñun. Sivunniuġutaata igḷua iñuŋmiñun piŋaruq iġġimi Sinai-mi, God-im aitchuġmagich qulinik pitquranik. Taamna arriqaqtuq Hagar-mik, kivgauruamik, iñuŋniglu iñuulluataġniugaqtuanik pitquranik pisaqutiqaqłutiŋ, aasii ittut kivgam miqłiqtuŋisun. 25Tavra Hagar iġġisun Sinai-tun ittuq, Arabia-mi ittuami, suli arrilisauyumiñaqtuq iniqpaktun Jerusalem-tun, qanuq Jew-guruat tavrani aŋalatiqaqtut pitquranik, aitchuutauŋaruanik Moses-kun Sinai-mi. Kivgatun ittut. 26Aglaalli uvagut aimaaġvikput Jerusalem-tun ittuq paŋmaniittuaq, qiḷak. Taamna-suli aakagimmatun itkikput iluqata ukpiqtuaguut Christ-mun, atanġiqsitauŋaruaguut, kivgauŋaiqł̣uta pitquranun. 27#Is 54.1.Taamna aglausimaruq Bible-ni inna.
“Quviasugiñ aġnaaq miqłiqsiḷaitchuatiin.
Saqłagiñ quviasuunmik miqłiqtuiḷḷuqtutinunnii,
qanuq miqłiqtuukkaqsił̣haaġniaqtutin kivgauruamiñ aġnamiñ.”
28Aniqatiit, Isaac-tun ittugut. Isaac aniŋammatun nalaułługu God-im unniqsuqłiisaa Abraham-mun, uvaguttauq God-im miqłiqtuġimmigaatigut, unniqsuqłiisiaqaqłuta iñuggunmik isuitchuamik. 29#Gn 21.9.Aasii uvagut iñuupkaqtitauruaguut Ilitqusiġiksuakun nagliksaaqtitkaatigut tamatkua iñuich iñuutquriruat uvaptiŋnik Jew-guruat pitquraŋisigun, tainnatuttauq Isaac aniŋaruaq God-im unniqsuqłiisaatun, nagliksaaqtinŋammatun aapiyaksraŋata kivgauruam iġñiŋan. 30#Gn 21.10.Taavrumuuna inna aglausimaruq Bible-ni. God-im uqallautiŋagaa Abraham, “Anirruŋ kivgaq iġñiŋalu, qanuq kivgauruam iġñiŋa iḷaŋiutiniaŋitchuq kiŋuvaannaktaaksraunmun piqatigilugu atanġitchuam aġnam iġñiŋa.” 31Tavra aniqatiit, taavrumaŋŋa uuktuunmiñ iḷitchiyumiñaqtusi uvagut inŋisilaaptiŋnik kivgauruam miqłiqtuŋisun, aglaan ittugut miqłiqtuŋisun atanġitchuam aġnam.
Currently Selected:
Galatians 4: INUPIAQ
Highlight
Share
Copy
Want to have your highlights saved across all your devices? Sign up or sign in
Iñupiatun Mumiksat Uqalugiksuat (North Slope Iñupiaq Bible) © American Bible Society.
All rights reserved.
Bible text from the North Slope Iñupiaq Bible is not to be reproduced in copies or otherwise by any means except as permitted in writing by the copyright holder:
American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org)
Galatians 4
4
1Sivuniġikkaġa kiŋuvaannaktuagunivḷusi uqallakama innaittuq. Kiŋuvaannaktuksraun miqłiqtuuŋŋaġmi, kivgatuttauq inmiuq iñuqaġaluaŋŋaisaunnii inmiñun iluqaġmiŋ aapami suġaliŋi. 2Aasii ilaa qaunaksriqaqłuni munaqsriñik aŋalatchiriñiglu suġaliġmiñik, tikitchiaġivlugu kiŋuvaannagviksrautini, aapami nalunaiŋakkaŋiñik. 3Tainnatuttauq uvagut. Christ qaiŋaiñŋaan miqłiqtutun inŋagaluaġmiugut, munaqsriqaqłuta pitquranik iñugruiññaiḷḷu piḷġusiġikkaŋiññik nakuurualiqinikun, kivgaummatun iłłuta tamatkunuŋa. 4Aglaan God-im nalunaiqsani piviksraq tikiñman, tiliŋagaa Iġñini nunam iñuŋiñun. Christ aniŋaruq aġnakun, Jew-guvluni, kamaksriruksrauvluni pitquranik, 5#Ro 8.15-17.sunauvva tasuġukługich tamatkua aŋalatittuat pitquranun, uvagut agliraksraiŋaluta iġñiġitquvluta God-mun, aitchuusiaqaġumiñaqsiḷuta kiŋuvaannaktaksraptiŋnik God-miñ.
6Aasii agliraksraiqł̣uta God-im iġñiġiniġmatigut, ilaan tiliŋagaa Ilitqusiġiksuaŋa Iġñiġmi iḷuptiŋnun, iḷitchuġipkairuaq uvaptiŋnik God iḷumun nanmiñiq aapagitilaaŋanik. 7Tavraasii, God-im iġñiġiliutiŋagaasi suli kiŋuvaannaktuksraġuqłusi, aasii kivgatun inŋaiŋarusi.
Paul Piŋigigai Galatia-ġmiut
8Taimani iḷitchuġiŋaiñŋavsi God-mik, kivgauŋagaluaqtusi isummatigikkavsiññun god-aunasugalugich. 9Aglaan paŋmapak iḷitchuġiŋagiksi God, naaggałhaaq God-im iḷitchuġiŋagaasi, summan aasii utiġukpisi aŋalatiqavsaaġniġmun pitquranik, iñugruiññaiḷḷu piḷġusiŋiññun nakuurualiqinikun, annaurriyumiñaitchuanun ilivsiññik? 10Summan iviġagniatakpisiuŋ God piqutiqaqłusi ilaaguaqtanik niqinaqiviŋñik uvlunik, ilaaguaqtaniglu tatqiñik, suli ilaaguaqtanik niqinaqiviŋñik ukiuniglu. 11Anayasuktuŋa siġġaqutiginasugalusi asiñun.
12Aniqatiit, piviuttaġivlusi apiġigivsi, isummatiqaġitchiḷi uvaptun tamatkunuuna uqautipkun ilivsiññun, qanuq iḷiŋaruŋali ilivsisun, Jew-guŋitchuatun, atanġiqsitauvluŋa Jew-guruat pitquraŋiññiñ. Pimaqłuŋaitkivsiŋa 13sivulliġmi alġaqsruiqqaaqama tusaayugaaġiksuanik Christ-kun ilivsiññun. Ullaŋagivsi pisigivlugu timimi qilluusiqsauŋaniġa. 14Aasii qilluutituġniġa iviġaumanaitkaluaqtillugu ilivsiññun, naġġugiŋaitkivsiŋa, kipagiluŋalu suuŋiḷaġiluŋalu piŋaitkivsiŋa, aglaan paġlaŋagivsiŋa quyavlusi, isaġuliktun-unnii iḷivḷuŋa, naaggaunnii Christ Jesus-tun. 15Taimani qanutun quviasuktigiŋarusi. Iḷisimaruŋa quviasukkayaqtusiunnii ilivsiññun iraiġuvsi aasii iriliutilugik uvamnun, tainna piñaġumiñaqpan. 16Paŋmapak-aasii uqautikavsi iḷumun ittuamik, isumavisi akiḷḷiḷiutinasugaluŋa ilivsiññun? 17Tamatkua iḷumun inŋitchuanik iḷisaurrich iviġaumagiliqsinniataktut ilivsiññun, aglaan sivuniqaŋitchut nakuuruamik, qanuq niguqtinniaqsaagaasi uvamniñ, isummatigilluatallasitquvlutiŋ ilivsiññun. 18Nakuugaluaġmiuq isummatigilluataġaiññi piḷḷuatautauruakun ataramik, nayuŋiḷḷuġivsiunnii. 19Uvaŋa miqłiqtuuratkaa. Isumaaluutigipiallakkivsi. Ilauvaŋa aakauruaq kiiqsiuliqsuaq aulayyautimmani, qanutupayauraq kipiġniuqłuŋa Christ irrusia naamasitquyumavlugu iḷuvsiññi. 20Qanutun nayuqtigiyumapiaġaluaġivsi aasii allauruakun aulataġilusi. Qanuqsausiipiallaktuŋa ikayuutauniksrapkun ilivsiññun taavrumani nalautavsiññi.
Uuktuun Hagar-kullu Sarah-kullu
21Ilivsi ukpiqtuat isumaruasii annaurrauniaġnivḷusi kamaksriḷusi Jew-guruat pitquraŋiññik, naalaġnisitchi, uqaluusiavsiññik pitquratigun. 22#Gn 16.15; Gn 21.2.Bible-ni aglausimaruq Abraham malġugnik iġñiqaġnivḷugu, igḷua kivgauruakun aġnakun, aasii igḷua nuliaŋagun atanniqsimaraitchuakun. 23Kivgauruam iġñiŋa aniŋaruq piḷġusikaatun, aglaan nuliaŋata iġñiŋa aniŋaruq kisianik God-im unniqsuqłiisigianigmagu aniñiagnivḷugu. 24Taapkuŋniŋa uuktuutiqaqta. Taapkuak aġnak malġuk ittuk God-im malġuktun sivunniuġutiktun iñuŋmiñun. Sivunniuġutaata igḷua iñuŋmiñun piŋaruq iġġimi Sinai-mi, God-im aitchuġmagich qulinik pitquranik. Taamna arriqaqtuq Hagar-mik, kivgauruamik, iñuŋniglu iñuulluataġniugaqtuanik pitquranik pisaqutiqaqłutiŋ, aasii ittut kivgam miqłiqtuŋisun. 25Tavra Hagar iġġisun Sinai-tun ittuq, Arabia-mi ittuami, suli arrilisauyumiñaqtuq iniqpaktun Jerusalem-tun, qanuq Jew-guruat tavrani aŋalatiqaqtut pitquranik, aitchuutauŋaruanik Moses-kun Sinai-mi. Kivgatun ittut. 26Aglaalli uvagut aimaaġvikput Jerusalem-tun ittuq paŋmaniittuaq, qiḷak. Taamna-suli aakagimmatun itkikput iluqata ukpiqtuaguut Christ-mun, atanġiqsitauŋaruaguut, kivgauŋaiqł̣uta pitquranun. 27#Is 54.1.Taamna aglausimaruq Bible-ni inna.
“Quviasugiñ aġnaaq miqłiqsiḷaitchuatiin.
Saqłagiñ quviasuunmik miqłiqtuiḷḷuqtutinunnii,
qanuq miqłiqtuukkaqsił̣haaġniaqtutin kivgauruamiñ aġnamiñ.”
28Aniqatiit, Isaac-tun ittugut. Isaac aniŋammatun nalaułługu God-im unniqsuqłiisaa Abraham-mun, uvaguttauq God-im miqłiqtuġimmigaatigut, unniqsuqłiisiaqaqłuta iñuggunmik isuitchuamik. 29#Gn 21.9.Aasii uvagut iñuupkaqtitauruaguut Ilitqusiġiksuakun nagliksaaqtitkaatigut tamatkua iñuich iñuutquriruat uvaptiŋnik Jew-guruat pitquraŋisigun, tainnatuttauq Isaac aniŋaruaq God-im unniqsuqłiisaatun, nagliksaaqtinŋammatun aapiyaksraŋata kivgauruam iġñiŋan. 30#Gn 21.10.Taavrumuuna inna aglausimaruq Bible-ni. God-im uqallautiŋagaa Abraham, “Anirruŋ kivgaq iġñiŋalu, qanuq kivgauruam iġñiŋa iḷaŋiutiniaŋitchuq kiŋuvaannaktaaksraunmun piqatigilugu atanġitchuam aġnam iġñiŋa.” 31Tavra aniqatiit, taavrumaŋŋa uuktuunmiñ iḷitchiyumiñaqtusi uvagut inŋisilaaptiŋnik kivgauruam miqłiqtuŋisun, aglaan ittugut miqłiqtuŋisun atanġitchuam aġnam.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Iñupiatun Mumiksat Uqalugiksuat (North Slope Iñupiaq Bible) © American Bible Society.
All rights reserved.
Bible text from the North Slope Iñupiaq Bible is not to be reproduced in copies or otherwise by any means except as permitted in writing by the copyright holder:
American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org)