Loina Kanaveluqa 8
8
Iave Mi Yaubada Kwainuanuani
2Mosese me Isileli ivonedi ivo, “Kwainuanuani Iave mi Yaubada diqaba 40 naqedie ikedagumetemi pwayapwayamaiqe. No waineye wayaqina kwainuaobu we inavekautovonimi nuapoumi inakisedi oge naloina kwaivekimatanedi o gebuka. 3We Iave ivelasemi kwanuaobu mulineye mana ivelemi kwakani. Kanikaninina komi wete tubumiavo base ge kwadakania. Dede mesaida ivalabubunedi wayaqina kwaiyagovi kanikani kaisena ge kanasala tomo'otoqa yawaidi inakavegiagiamaia, we kaia Iave navona tamoqana tamoqana tomo'otoqa yawaidi inakavegiagiamaia.
12“Kawaie komi kwaikani palapalala kamiketoava, vanuqa giamaidi kwaiyoqonidi waidie kwaimiana, 13we mibulumakau, misipi wete migouti inaepue, misiluba, migoula wete miguyoguyo inavebwaiga. No tutuyanina waineye taunimi kwaivekisabodebodemi. 14Ge kwainualaga Iave nuami inavulu, paina base Itipitaeqa ikewaluguaqetemi no waineye kwavetolituqa-maimaiqa. 15Kwainuanuani base ikedagumetemi pwayapwayamaiqa bwaigina wete kabagololo waineye kwamai, no waineye baisoa siwasiwayadi wete kwilama kapoidi imiamia, yauyauta bwaigina wete pwayapwaya sayasayana bwasi gebuka. We Iave gileu waineye bwasi ikewaluguaqeteni. 16#Isa 16:4Pwayapwayamaiqe mana beqa ivekanimi, kanikaninina tubumiavo base ge idakania. Wayaqina mwaunidiavo beqa inavekautovonimi kwainuaobu kavagi kabavekakava waineye inavalabubuna-giagiamai waimie. 17Komi kwaivekisabodebodemi beqa ge nuapoumie kwanavo, ‘Yau taunigu guvelulunaeqa wete gulituqaeqa aveguyoguyo.’ 18Iave mi Yaubada kwainuanuani, gumanina base navonadabadaba veluvelulunina ivalabubuni tubumiavo taiauda we idamana waimie, beqa deqoina navelulunaeqa kwaveguyoguyo.”
Currently Selected:
Loina Kanaveluqa 8: mzz
Highlight
Copy
Compare
Share
Want to have your highlights saved across all your devices? Sign up or sign in
© 2023 (Active), Wycliffe Bible Translators, Inc. All rights reserved.
