2 Samuela 7
7
Iave navonadabadaba ivalabubuni Deibida waineye
1Tutuyanina Kini Deibida gunabeida navanuqa bwaigina wete kanakisa giamaina waineye imiamia, Iave veyawai iveleni kanaqaviavo matatabudi imia ivelauvivili waidie'eqa. 2Tamo kaiata Kini Deibida palopita Naitani ivoneni ivo, “We yau gunabeida guvanuqa giamaina ayoqoni welavi seda beqa waineye amiamia, we Iave Navonadabadaba Kanadedewaga giladi ikenokeno ukweta waineye.”
3Naitani ibaivila Kini waineye ivo, “Iave komu taiauda, beqa vakai kunuanuanidi nuapoumue kivalabubunidi.”
4We no lovananina waineye Iave ivesipupu Naitani waineye ivo,
5“Kinaqo gutolituqa Deibida kivoneni kunavo, ‘Iave demesaida ivesipupuyedi: Komu ge guvanuqa kiyoqoni Yau paipaigu waineye ailugu aimiamia.”
8Iave giladi iesipupu ivo, “We deqoina gutolituqa Deibida kivoneni, ‘Iave Tovelulunaotoqa dede mesaida ivesipupuyedi: base komu tomoqomaimaiqa sipi kuekisabodebodedi mosomoso kalakalawidi waidie, we Yau avesinuemu asilagaimu gutomo'otoqavo Isileli kaditogumeta. 9Vakaiebeida kunaqo, Yau taiauda, we kamuqaviavo matatabudi avelulunapeledi matamue. We deqoina kamuwavaqa aisilagai inavebwaiga-otoqa mesaida tupwaidiavo tomo'otoqa bwaigiotoqidi pwayapwaya tabwaneye. 10-11Yau Iave gutomo'otoqavo Isileli dikabamia avesinueni taunidi dipwayapwaya waineye inamia, aiyatodi vikai giamaina waineye niwalovaeqa inamiana. Base tovonayavu bwaigidi ayatodi gutomo'otoqavo Isileli inaloinedi, tutuyanina waineye imai deqoina kabaloina kapoidi gutomo'otoqavo Isileli igogovidi we kawaie ge mesaida inavalabubunedi. Deqoina inaqonaqo veyawai aivelemi kamuqaviavo matatabudi waidie'eqa kavagi mia giamaina wete niwalova waineye kimiamia. Yau Iave avemataluanimu mususu aikavebwaigi waineye'eqa kini puedi inasasauyedi inaloloina. 12#Aposi 2:30Deibida, tutuyanina yawaimu inakakava inatavunimu tubumwavo waidie, mulineye tamo tomoqo tubuleleleqimu waineye aivesinueni, gumanina taunimu natumu, aisilagai inavekini nakabaloina aigiavepakali wete aigiaveluveluluni, 13we ge tamo aitoi kanasala nakabaloina inakewayavuleni waineye'eqa inakeno-vaqata. We gumanina vanuqa inayoqoni Yau Kaguwavaqa paipaina. 14Yau inakawatamanegu, we gumanina aikawanatuneni. Tutuyanina inavalabubuna-kapo matague, Yau aikaimatavuloqi mesaida tama natuna ikakaimatavuloqi. 15We ge kanasala guvenapwayewa aikewai waineye'eqa mesaida guvenapwayewa akewai Saulo waineye'eqa, kanaketopesala komu kuvekini. 16Mususu wete mukabaloina inakeno-vaqata matague, tubuleleleqimwavo inavekini wete inaloloina ge menakabakakava.”
17Beqa Naitani Deibida ivoneni vakai puepuena Iave ivoneni kisanina waineye.
Currently Selected:
2 Samuela 7: mzz
Highlight
Copy
Compare
Share
Want to have your highlights saved across all your devices? Sign up or sign in
© 2023 (Active), Wycliffe Bible Translators, Inc. All rights reserved.
