Galesia 3
3
A tortorot o e Iesu Karisito
1A tarai Galesia, mulo na longlong! Esi i aloklokron mulo? Ia ka atai talapor tar mulo ana minat ane Iesu Karisito saot na rakai kutus, lar ot ning mulo ka oroi tari. 2A mang sur ar deken mulo ana ning a utna larne: Mulo kibas a Talngan Tabu anasa mulo mur a warkuraila? Bel! Mulo kibasi anasa mulo longor a Wakak a Warwara pa mulo tortorot onoi. 3Mangasa, mulo na longlongla? Mulo turpasi ana rakrakai ana Talngan Tabu. Pa onone i mangasa, mulo mang sur mulor ararop ana rakrakaimulo ot? 4Mangasa, a galis a mamahat ning mulo kilangi i utna oros ka? Bel a tortorot larning. 5Mangmangasa, e God i tabar mulo ana Talngan Tabu pa i tol a ututnala na kulkulan na arpotor imulo, anasa mulo mur a Warkuraila anuna tarai Juda? Belal! E God i toli anasa mulo longor a Wakak a Warwara pa mulo tortorot onoi.
6A Buk Tabu i warwara o e Abaram mange, “I tortorot o e God, pa e God i atongi mang i tostos.” Stat 15:6
7Mulo tasmani mang la ning la tortorot, la na natnat e Abaram. 8A Buk Tabu ka atong nigon tari mang e God ir atong a taraila ning bel a tarai Juda mang a tena tostosla anasa la tortorot. E God ka atai nigon tar e Abaram ana Wakak a Warwara mange, “Dir angisngis a tarai miting na matanitu rop hom.” Stat 12:3
9Pa onone la rop ning la tortorot di angisngis la, larning di angisngis e Abaram ning i tortorot.
10La ning la nuki mang lar mur a warkurai sur e God ir atong la mang a tena tostos, a rakrakai a balakut ane God ka kes onla. Anasa di ka tumus tari ting na Buk Tabu mang, “A rakrakai a balakut ane God ka kes o esining bel i mur sot pas asa rop ning di ka tumus tari ana Buk na warkurai.” Lo 27:26
11I talapor tetek dala mang e God bel ir atong tik mang a tena tostos ning i mur a Warkuraila. Anasa, a Buk Tabu i atongi mange, “A tena tostos ir laun ana tortorot.” Hab 2:4
12Esining i mur a Warkuraila sur ir tostos onoi, bel i tortorot. A Buk Tabu i atongi, “Esining i mur sot pas a Warkuraila rop, ir laun.” Liwai 18:5
13A Warkuraila i suah tar dala ana rakrakai a balakut ane God. Ika e Karisito i lou langolango pas dala kusun a rakrakai a balakut ane God. Pa i tur keles dala, ning i los pas a rakrakai a balakut ning sur dala. Anasa di ka tumus tari ting na Buk Tabu mang, “Esining di akulami saot ana rakai, a rakrakai a balakut ane God i kes onoi.” Lo 21:23
14E Karisito i lou langolango pas dala, sur e God ir angisngis a tarai ning bel a tarai Juda, larning i angisngis e Abaram. Manglarning ana tortorot o e Karisito Iesu, dalar kibas a Talngan Tabu, arlar ana nuna lele.
A lele ane God i itna tana Warkuraila
15Na tastasikla, ar atong a warwara larlar ta mulo. Mulor nuk pasi, ning ir naur a barsan dia lele tar pa dia ka tol tar ta malmaling taum, bel tik ulak ir lingir lar pasi. 16Mang otleng larning, e God ka lele tar tetek e Abaram pa tetek e natnalik. Bel i atongi mang, “tetek na natnatna,” a kamna mang, a galis a tarai. Ika, i atongi mang, “tetek e natnalik,” i kamna mang, takai ka a barsan, e Karisito ot. 17Ine a kamkamna: A Warkuraila ning la hanot diat a mar pa natol a bonot a rau lamur, bel la lingir lar pas a malmaling taum ane God tetek e Abaram, ning e God i lele nigo tar teteki. 18Ngandek ning a artabar ane God i hanot tetek dala anasa dala mur a Warkuraila, bel i hanot kamna ana nuna lele. Ika e God i lele onoi tetek e Abaram ana nuna tnan marmaris ka teteki.
19E God i saran a Warkuraila sur asa? I sarani sur a tarai lar oroi lalan anunla na toltol laulau. Di mur a Warkuraila tuk a nat e Abaram i hanot, esaning e God i lele tar onoi, e Karisito ot. Ning e God i saran a Warkuraila, i sune a angelola onoi tetek e Moses, esaning i tur potor a taraila pa e God, sur e Moses ir sarani tetek la. 20Ika, ning e God i lele tetek e Abaram, bel tik i tur potor diau. E God sot ka.
Dala langolango anasa dala tortorot o e Karisito
21I mangasa, a Warkuraila pa a lelela ane God dia hirua artalai? Bel momol! Ngandek ning a Warkuraila lar saran a lalaun tana taraila, lar tostos namatana e God anasa la mur a Warkuraila. 22Ika a Buk Tabu i atong puasai mang, a taraila rop te na rakrakan hanua la kes ana dodot ana nunla toltol laulau. Manglarning, la ka ning la tortorot o e Iesu Karisito lar kibas pas a artabar ning e God i lele tar onoi.
23Ning belot di asangan a ngas ana tortorot tetek dala, dala kes na dodot ana rakrakai ana Warkuraila. Bel dala kes langolango tuk ning e God i atalapor a tortorot o e Iesu Karisito tetek dala. 24A Warkuraila i arlar ana tena tai alar tetek dala, sur ir ben dala tetek e Karisito, sur dalar tortorot onoi pa dir atong dala mang a tena tostosla namatana e God. 25Ika onone, a ngas ana tortorot ka hanot, larning bel ma dala kes ulak nahai a Warkuraila, ning i tai alar dala.
Dala na natnat e God anasa ana tortorot
26Onone mulo rop a natnat e God, anasa mulo tortorot o e Karisito Iesu. 27Ning di ka baptais tar mulo, i asangani mang mulo takai taum o e Karisito, pa mulo mermer ana nuna lalaun. 28Ana tortorot o e Karisito, bel tik i maskana namatana e God: a tarai Juda pa a tarai masik, na tena titol oros pa la ning bel na tena titol oros, a taraila pa gurarala. Mulo rop mulo takai ka o e Karisito Iesu. 29Ning mulo ane Karisito, mulo na natnat e Abaram, pa mulor kibas a utna ning e God i lele tar onoi tetek e Abaram.
Currently Selected:
Galesia 3: lbb
Highlight
Copy
Compare
Share
Want to have your highlights saved across all your devices? Sign up or sign in
© 2019, Wycliffe Bible Translators, Inc. All rights reserved.
Galesia 3
3
A tortorot o e Iesu Karisito
1A tarai Galesia, mulo na longlong! Esi i aloklokron mulo? Ia ka atai talapor tar mulo ana minat ane Iesu Karisito saot na rakai kutus, lar ot ning mulo ka oroi tari. 2A mang sur ar deken mulo ana ning a utna larne: Mulo kibas a Talngan Tabu anasa mulo mur a warkuraila? Bel! Mulo kibasi anasa mulo longor a Wakak a Warwara pa mulo tortorot onoi. 3Mangasa, mulo na longlongla? Mulo turpasi ana rakrakai ana Talngan Tabu. Pa onone i mangasa, mulo mang sur mulor ararop ana rakrakaimulo ot? 4Mangasa, a galis a mamahat ning mulo kilangi i utna oros ka? Bel a tortorot larning. 5Mangmangasa, e God i tabar mulo ana Talngan Tabu pa i tol a ututnala na kulkulan na arpotor imulo, anasa mulo mur a Warkuraila anuna tarai Juda? Belal! E God i toli anasa mulo longor a Wakak a Warwara pa mulo tortorot onoi.
6A Buk Tabu i warwara o e Abaram mange, “I tortorot o e God, pa e God i atongi mang i tostos.” Stat 15:6
7Mulo tasmani mang la ning la tortorot, la na natnat e Abaram. 8A Buk Tabu ka atong nigon tari mang e God ir atong a taraila ning bel a tarai Juda mang a tena tostosla anasa la tortorot. E God ka atai nigon tar e Abaram ana Wakak a Warwara mange, “Dir angisngis a tarai miting na matanitu rop hom.” Stat 12:3
9Pa onone la rop ning la tortorot di angisngis la, larning di angisngis e Abaram ning i tortorot.
10La ning la nuki mang lar mur a warkurai sur e God ir atong la mang a tena tostos, a rakrakai a balakut ane God ka kes onla. Anasa di ka tumus tari ting na Buk Tabu mang, “A rakrakai a balakut ane God ka kes o esining bel i mur sot pas asa rop ning di ka tumus tari ana Buk na warkurai.” Lo 27:26
11I talapor tetek dala mang e God bel ir atong tik mang a tena tostos ning i mur a Warkuraila. Anasa, a Buk Tabu i atongi mange, “A tena tostos ir laun ana tortorot.” Hab 2:4
12Esining i mur a Warkuraila sur ir tostos onoi, bel i tortorot. A Buk Tabu i atongi, “Esining i mur sot pas a Warkuraila rop, ir laun.” Liwai 18:5
13A Warkuraila i suah tar dala ana rakrakai a balakut ane God. Ika e Karisito i lou langolango pas dala kusun a rakrakai a balakut ane God. Pa i tur keles dala, ning i los pas a rakrakai a balakut ning sur dala. Anasa di ka tumus tari ting na Buk Tabu mang, “Esining di akulami saot ana rakai, a rakrakai a balakut ane God i kes onoi.” Lo 21:23
14E Karisito i lou langolango pas dala, sur e God ir angisngis a tarai ning bel a tarai Juda, larning i angisngis e Abaram. Manglarning ana tortorot o e Karisito Iesu, dalar kibas a Talngan Tabu, arlar ana nuna lele.
A lele ane God i itna tana Warkuraila
15Na tastasikla, ar atong a warwara larlar ta mulo. Mulor nuk pasi, ning ir naur a barsan dia lele tar pa dia ka tol tar ta malmaling taum, bel tik ulak ir lingir lar pasi. 16Mang otleng larning, e God ka lele tar tetek e Abaram pa tetek e natnalik. Bel i atongi mang, “tetek na natnatna,” a kamna mang, a galis a tarai. Ika, i atongi mang, “tetek e natnalik,” i kamna mang, takai ka a barsan, e Karisito ot. 17Ine a kamkamna: A Warkuraila ning la hanot diat a mar pa natol a bonot a rau lamur, bel la lingir lar pas a malmaling taum ane God tetek e Abaram, ning e God i lele nigo tar teteki. 18Ngandek ning a artabar ane God i hanot tetek dala anasa dala mur a Warkuraila, bel i hanot kamna ana nuna lele. Ika e God i lele onoi tetek e Abaram ana nuna tnan marmaris ka teteki.
19E God i saran a Warkuraila sur asa? I sarani sur a tarai lar oroi lalan anunla na toltol laulau. Di mur a Warkuraila tuk a nat e Abaram i hanot, esaning e God i lele tar onoi, e Karisito ot. Ning e God i saran a Warkuraila, i sune a angelola onoi tetek e Moses, esaning i tur potor a taraila pa e God, sur e Moses ir sarani tetek la. 20Ika, ning e God i lele tetek e Abaram, bel tik i tur potor diau. E God sot ka.
Dala langolango anasa dala tortorot o e Karisito
21I mangasa, a Warkuraila pa a lelela ane God dia hirua artalai? Bel momol! Ngandek ning a Warkuraila lar saran a lalaun tana taraila, lar tostos namatana e God anasa la mur a Warkuraila. 22Ika a Buk Tabu i atong puasai mang, a taraila rop te na rakrakan hanua la kes ana dodot ana nunla toltol laulau. Manglarning, la ka ning la tortorot o e Iesu Karisito lar kibas pas a artabar ning e God i lele tar onoi.
23Ning belot di asangan a ngas ana tortorot tetek dala, dala kes na dodot ana rakrakai ana Warkuraila. Bel dala kes langolango tuk ning e God i atalapor a tortorot o e Iesu Karisito tetek dala. 24A Warkuraila i arlar ana tena tai alar tetek dala, sur ir ben dala tetek e Karisito, sur dalar tortorot onoi pa dir atong dala mang a tena tostosla namatana e God. 25Ika onone, a ngas ana tortorot ka hanot, larning bel ma dala kes ulak nahai a Warkuraila, ning i tai alar dala.
Dala na natnat e God anasa ana tortorot
26Onone mulo rop a natnat e God, anasa mulo tortorot o e Karisito Iesu. 27Ning di ka baptais tar mulo, i asangani mang mulo takai taum o e Karisito, pa mulo mermer ana nuna lalaun. 28Ana tortorot o e Karisito, bel tik i maskana namatana e God: a tarai Juda pa a tarai masik, na tena titol oros pa la ning bel na tena titol oros, a taraila pa gurarala. Mulo rop mulo takai ka o e Karisito Iesu. 29Ning mulo ane Karisito, mulo na natnat e Abaram, pa mulor kibas a utna ning e God i lele tar onoi tetek e Abaram.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2019, Wycliffe Bible Translators, Inc. All rights reserved.