Filipea 3
3
Le vaa vana sandaa Hala o hɔl
1Le sɔɔn tɔ̀un yɛ, puapilɛa nia, la dɔwnun ɲaale o Maalii nin.
Ɲɛ pala ya le niaa sɔɔn pilɔn miinguuo sɛvallo le, kani kon co fisa le niaa ni. 2La mandan a tunaa kan, la mandan a vanaa baalaa vɔɔnda, la mandan a faleŋaa fondoa kan. 3Kani, naa co faleŋaa kpeekpeiya ni, naa co Hala biiloo o hɛnan Kɔl-Diandaa bɛngu, mì n va sangalanndo o Yeesu Krista nin-nda, naa tiindan dɛnnda n'falulan te-a pɛɛn. 4Nduyɛ, yáà tiwba mì yáà tiindan dɛnnda n'falulan. Te vana pum co pɛ yiyanndo maa o nɔ dí le dɛnnda n'falulan tiindanndo, mɛɛ ya i hiow vana kon. 5Ndáà violɔɔ ya, má dii ya tooma o paale ŋɔmaandɔ len. Israɛlnɔɔ ya i co ni, fulaa o polale Bɛnyamɛn-nden nin. Hebreenɔ Hebreenɔɔ velu-o ya co ni. 6Le a ba tɔŋndo o kɔɔ yɛ, Faliisinɔɔ ya co ni. Te le dialun fulan a dɛnɛ dinaa o kɔɔ ni, vana tol kundala vanaa laalannda yɛlen-ndo ya yɔŋnun ni. Te le sandei a ba tɔŋndo ni, vanáà yaala ya nɛɛ-nɛɛ le. 7Kɛ ɲɛm va mun tɔnɔɔ le ya-on, mí ca mun ɲɛ fondoo le Krista. 8Dɛnndan kpow la co macoaa ya o hɔl maa delɔɔ, le naŋɔɔ bɛndu ya ce o Maalii nuu Yeesu Krista sinaa nin-ndo. Le ndu, mí cɛl, mí ɲɛ-ɲɛ hialun ya, mí ca ɲɛm mun kpow maa bil nda viow o sállo coo-o, haliko tuŋ i sɔla Krista, 9o kon mí siŋnun vana sandaa o ndu nin, kɛ o ve sandii fula ya pila nin le tɔŋnda ya bii lan te, kɛ sandii vana sɔla o Krista laalanndo-e. Sandii fula Hala o ba, mì i nɔ tumndo o laalanndo coo-e. 10I ya co kiltan kɔɔli-e co le ndu sinaa ni, mì sina kpaaya tindi ndu fulaa vanvílɛ́iya tɛɛn-ndo. O ya yeema-o co sangaa latulu a ndu, mì vel ndu o piɔ́m ndɔɔ nin ni, 11mì tiindan maa ya bɛɛ i tendulnin fulaa vanvílɛ́iya tɛɛn.
Kiltan le tiiyaa o mɛɛlulan
12Kon co dimi le maa i sɔla ɲɛ ya co kiltan kɔɔli-o, te kon te maa i tiiya kilta nilan mɛɛlulan, kɛ i co hiovɔɔ laci a kiltan, haliko mi bii ɲɛ ya co kiltan kɔɔli-o, kani ya bɛɛ, biyɔɔ Yeesu Krista bii ya ni. 13Puapilɛa nia, yiyan co ya bɛɛ maa i bii nin ɲɛ ya co kiltan kɔɔli-o le, kɛ ɲɛ pilɛ ya co tosaa ni: o ya hiow nin-ndo ya co pɔɛɛnndan ni, mì va kindinndo le o co ya laci-o bendallo, 14i co kiltan le tiiyaa o mɛɛlulan, le ɲɛ ya co kiltan kɔɔli-o sɔlaa, sala baala Hala ke ya o Yeesu Krista nin-ndo pɛɛn.
15Naa vanaa-vanaa n co kaasonnda o laalanndo nin, yiyanndo ho va naa o lakɔl. Te o va yɛ pɛ mì la nɔ yiyannda celen o dɛnɔɔ pum coo, Hala cɔmnin niaa vɛlɛ vakpa mɛɛ niaa bɛnda le ndu biyɔɔ yɛ. 16Telen naa n tiiya vɔ hoo-o, n kɔnnun diom pilɛ.
17Puapilɛa nia, la tuula ya. La tofa vanaa co kelaa maa mɛɛ niaa ce naa kelaa yɛ-a. 18Vanaa bɔɔ-bɔɔ a co kelaa maa n'yaamɔɔ le yɔm singafilaa Krista-o. I dimúl nin niaa ndi lɔ́ɔ́ levil, mì va vɛlɛ niaa ndi hau dimullo a caŋndo: 19mɛɛlula vanaa kan la co o ɲánndávàà ni. Dembela ndalan la co hala ndaa ni, a cɛn pɛ a muungu ɲɛ vanin siɛmbulan le nda-o sooloo. O ɲɛm co o lɛŋnden coo-on coo kínɛí nda co yiyanndo ni. 20Le naa, ceen naa bɛndoo co o halataala. Lon Yeesu Krista naa n co cumndo-o fulanin ni, Vana Ciindiaa naa a Maalii naa. 21Ndu mangalanin kɔɔle naale dɛnɛ palaalen ni, mò mingi len maa kɔɔle ndɔle biilaa len, a kpaaya bɛndu o nɔ le ɲɛ-ɲɛ fee lueinɔnndo ndu o ba bɛngu-o.
Currently Selected:
Filipea 3: BKG
Highlight
Copy
Compare
Share
Want to have your highlights saved across all your devices? Sign up or sign in
© Alliance Biblique en Guinée
Filipea 3
3
Le vaa vana sandaa Hala o hɔl
1Le sɔɔn tɔ̀un yɛ, puapilɛa nia, la dɔwnun ɲaale o Maalii nin.
Ɲɛ pala ya le niaa sɔɔn pilɔn miinguuo sɛvallo le, kani kon co fisa le niaa ni. 2La mandan a tunaa kan, la mandan a vanaa baalaa vɔɔnda, la mandan a faleŋaa fondoa kan. 3Kani, naa co faleŋaa kpeekpeiya ni, naa co Hala biiloo o hɛnan Kɔl-Diandaa bɛngu, mì n va sangalanndo o Yeesu Krista nin-nda, naa tiindan dɛnnda n'falulan te-a pɛɛn. 4Nduyɛ, yáà tiwba mì yáà tiindan dɛnnda n'falulan. Te vana pum co pɛ yiyanndo maa o nɔ dí le dɛnnda n'falulan tiindanndo, mɛɛ ya i hiow vana kon. 5Ndáà violɔɔ ya, má dii ya tooma o paale ŋɔmaandɔ len. Israɛlnɔɔ ya i co ni, fulaa o polale Bɛnyamɛn-nden nin. Hebreenɔ Hebreenɔɔ velu-o ya co ni. 6Le a ba tɔŋndo o kɔɔ yɛ, Faliisinɔɔ ya co ni. Te le dialun fulan a dɛnɛ dinaa o kɔɔ ni, vana tol kundala vanaa laalannda yɛlen-ndo ya yɔŋnun ni. Te le sandei a ba tɔŋndo ni, vanáà yaala ya nɛɛ-nɛɛ le. 7Kɛ ɲɛm va mun tɔnɔɔ le ya-on, mí ca mun ɲɛ fondoo le Krista. 8Dɛnndan kpow la co macoaa ya o hɔl maa delɔɔ, le naŋɔɔ bɛndu ya ce o Maalii nuu Yeesu Krista sinaa nin-ndo. Le ndu, mí cɛl, mí ɲɛ-ɲɛ hialun ya, mí ca ɲɛm mun kpow maa bil nda viow o sállo coo-o, haliko tuŋ i sɔla Krista, 9o kon mí siŋnun vana sandaa o ndu nin, kɛ o ve sandii fula ya pila nin le tɔŋnda ya bii lan te, kɛ sandii vana sɔla o Krista laalanndo-e. Sandii fula Hala o ba, mì i nɔ tumndo o laalanndo coo-e. 10I ya co kiltan kɔɔli-e co le ndu sinaa ni, mì sina kpaaya tindi ndu fulaa vanvílɛ́iya tɛɛn-ndo. O ya yeema-o co sangaa latulu a ndu, mì vel ndu o piɔ́m ndɔɔ nin ni, 11mì tiindan maa ya bɛɛ i tendulnin fulaa vanvílɛ́iya tɛɛn.
Kiltan le tiiyaa o mɛɛlulan
12Kon co dimi le maa i sɔla ɲɛ ya co kiltan kɔɔli-o, te kon te maa i tiiya kilta nilan mɛɛlulan, kɛ i co hiovɔɔ laci a kiltan, haliko mi bii ɲɛ ya co kiltan kɔɔli-o, kani ya bɛɛ, biyɔɔ Yeesu Krista bii ya ni. 13Puapilɛa nia, yiyan co ya bɛɛ maa i bii nin ɲɛ ya co kiltan kɔɔli-o le, kɛ ɲɛ pilɛ ya co tosaa ni: o ya hiow nin-ndo ya co pɔɛɛnndan ni, mì va kindinndo le o co ya laci-o bendallo, 14i co kiltan le tiiyaa o mɛɛlulan, le ɲɛ ya co kiltan kɔɔli-o sɔlaa, sala baala Hala ke ya o Yeesu Krista nin-ndo pɛɛn.
15Naa vanaa-vanaa n co kaasonnda o laalanndo nin, yiyanndo ho va naa o lakɔl. Te o va yɛ pɛ mì la nɔ yiyannda celen o dɛnɔɔ pum coo, Hala cɔmnin niaa vɛlɛ vakpa mɛɛ niaa bɛnda le ndu biyɔɔ yɛ. 16Telen naa n tiiya vɔ hoo-o, n kɔnnun diom pilɛ.
17Puapilɛa nia, la tuula ya. La tofa vanaa co kelaa maa mɛɛ niaa ce naa kelaa yɛ-a. 18Vanaa bɔɔ-bɔɔ a co kelaa maa n'yaamɔɔ le yɔm singafilaa Krista-o. I dimúl nin niaa ndi lɔ́ɔ́ levil, mì va vɛlɛ niaa ndi hau dimullo a caŋndo: 19mɛɛlula vanaa kan la co o ɲánndávàà ni. Dembela ndalan la co hala ndaa ni, a cɛn pɛ a muungu ɲɛ vanin siɛmbulan le nda-o sooloo. O ɲɛm co o lɛŋnden coo-on coo kínɛí nda co yiyanndo ni. 20Le naa, ceen naa bɛndoo co o halataala. Lon Yeesu Krista naa n co cumndo-o fulanin ni, Vana Ciindiaa naa a Maalii naa. 21Ndu mangalanin kɔɔle naale dɛnɛ palaalen ni, mò mingi len maa kɔɔle ndɔle biilaa len, a kpaaya bɛndu o nɔ le ɲɛ-ɲɛ fee lueinɔnndo ndu o ba bɛngu-o.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© Alliance Biblique en Guinée