Kundalan 6
6
Vanndacieaa solin nda pila sálà le Mɛlɛka-a
1Mí Mɛlɛka soaa o Moise lo, mó dimul ndu aa: 2«Soo o Israɛlla lo ma dimul nda aa: ‹Te vanapɔnɔɔ, te kon te vanalanɔɔ solin pɛ ndu pila sálà mò siŋnun teengen le Mɛlɛka, mò cua ciɛ́ɔn le ndu pila sálàá solinndo le Mɛlɛka#6.2 Vana óò solin ndu pila sálà mi ndóò siŋnun teengen le Mɛlɛka-o, ndóò bɛnda mì ndóò cɔm sálà solian kon o nɛilan tan tiɔn coo: ndóò bɛnda mì ndóò kol mɔiyan te, ndóò bɛnda vɛlɛ mi ndóò kili yiiŋii ndɔɛi le. Kon co dimio ni maa ndóò bɛnda mì ndóò sendi bolle ndɔlen te.. 3Ndu bɛnda lɛ mo kol mɔiyan a ɲɛm vana kol mì n hiŋ vana hɔlla-on te. O bɛnda mò kol mɔima vaalɛiyan te, o kol vɛlɛ ɲɛ-ɲɛ vana kol mo bii vana le. O bɛnda mò kol mɛmma n'rɛsɛnndan te, o dia vɛlɛ rɛsɛŋun koaman te, o va n'kiyɛi o va n'vesɛi. 4Háá mì telen ndu pila kelu le sálàá solinndo-o cuu, o bɛnda mò de ɲɛ-ɲɛ toosian a rɛsɛnndon te, o va a kullon nda toosiaa ɲɛ kon ni, o va a kɔloo ni, o bɛnda mò de ndu le. 5O telen kon nin vɛlɛ kpow, kùisiei bɛnda mì i kei ndu o lebol te, o bɛnda mò sendin te. Háá mì telen ndu pila solin kon sálà le Mɛlɛka-o cuu, o diandaa o vanin Mɛlɛka o hɔl ni. Lelan, o bɛnda mò mal yiiŋii ndɔɛi a siayii ndɔɛi hindɔɔ o ba ndɔɔ coo. 6O telen ndu pila solin kon sálà le Mɛlɛka-o nin kpow, o bɛnda mò pilan vana vílɛ́iyo le. 7Hali fuɲa ndɔ, kala ndɔ, bɛ ndɔ, pɔmbɔ ndɔ, te kon te le yema ndɔ sɔla piɔ́mndo ni, o bɛnda mò nɔɔlian o dialun ndan pilanndo le. Kani tɔɔmasele cɔm kpendekele maa ndu pila solin sálà le Hala ndɔɔ-o co ndu o lebol. 8O telen ndu pila solin kon sálà le Mɛlɛka-o nin kpow, o diandaa o co Mɛlɛka o hɔl ni. 9Te vanndo sɔla pɛ piɔ́m kiyɛiyo#6.9 piɔ́m kiyɛiyo: Piɔ́m kiyɛiyo ndu co piɔ́m vanndo nee loo ni. Lɔ́ɔ́ lepum o nɔla mò va piɔ́m kpundɔɔ, te kon te piɔ́m lukulukoo pum. Vannda pum dimi aa «piɔ́m kpeenndo». ndu ikɛi, mɛɛ yiiŋii co tɔɔmaseloo maa ndu pila solin sálà le Mɛlɛka-e i nɔɔla Mɛlɛka o hɔl. Lelan, te palɛi hiow pɛ ndii ŋɔmmɛw, paale o vanin dindinndo Mɛlɛka o hɔl-ten, o sendi yiinde ndu o lebol a siayii ndɔɛi. 10O paale ŋɔmaandɔlen, o yoo vana-solia-lasálàá piinda nda ŋiɔn, te kon te kangboa nda ŋiɔn o cɛi-kola-toandaa-labɔɔŋianndo sondoo. 11O kon, vana-solia-lasálàá soli o pilɛ sálà co le hakio sɔlaa malɔɔ-o, o soli o pilɔɔ sálà loamaa, o tosa faleŋii dindiannde ndu coo le sɔɔnguu o sɔɔnguu vana vílɛ́iyo ikɛi-yo. Paale len, o soli vɛlɛ bolle ndɔlen sálà sɛnɛi, 12ndu pila solin vɛlɛ sálà sɛnɛi le Mɛlɛka, le telen solian sálà ndóò kelu-o peeloo. O kon, o yɔngu saa téndé nɔ vɔsio pilɛ-o le sálà bɛɛndiaa isɔɔ solio. Kɛ palɛi tasei o tosa o sálà solian kon nin-nde co o cɔm coo le, kani telen ndɔ ndóò kelu mó solin ndu pila sálà-o nɔɔla Mɛlɛka o hɔl.
13Tɔŋndo co hoo le vana solin ndu pila sálà-o ni: paale palɛi o kelu le ndu pila sálàá solinndo le Mɛlɛka-e cuunin-nden, a bɛnda mà hin a ndu o cɛi-kola-toandaa-labɔɔŋianndo sondoo, 14mò solul Mɛlɛka sálà ndɔɔ: mò yɔngu saa kóndó téndé nɔ vɔsio pilɛ-o, o nɔ lenamta loo le sálà loamaa solio, saa téndé laandu nɔ vɔsio pilɛ-o, o nɔ lenamta loo le sálàá co le hakio sɔlaa malɔɔ-osolio a saa kóndó nɔ lenamta loo le sálà kɔlɲuloo solio. 15Mò hin vɛlɛ a kambɛi bulu toosian a lɛvɛn too co nin-ndo, bulu nda lom a kpeyan nda vɔɔca o cuɛiyan nin-ndo, a fùlúfúlù nda linda a cuɛiyan-ndo, a sálàla kpeyanndan a á sálàla mamɔila co le dɛnɛ kon-ndan. 16Mì vana-solia-lasálàá cua cɔwviaala lan kpow, mò sɔɔnguu lan Mɛlɛka o hɔl, mò soli sálà co le hakio sɔlaa malɔɔ-o a sálà loamaa. 17Mò solul vɛlɛ Mɛlɛka sálà kɔlɲuloo a saa kóndóó, a kambɛi bulu toosian a lɛvɛn too co nin-ndo, mò handu kpeyan sálàá a mɔima sálàma ndɔan lecoo. 18O kon kɔɔli, vana ndóò solin ndu pila sálà le Mɛlɛka-o sendi bolle ndɔle ndóò soli sálà len o cɛi-kola-toandaa-labɔɔŋianndo sondoo. O kon, o cua yiiŋii ndɔɛi a siayii ndɔɛi o sendi-e, o vuu ndi o yinnde co biyɔɔ o sálà kɔlɲuloo bɛngu len nin. 19Te visin saa kóndón mun lɔw pɛ, vana-solia-lasálàá cua congú saa kóndó kon, o cua buloo o pilɛ o kambɛi bulu toosian a lɛvɛn too co nin-ndo nin, a dɛɛ toosian a lɛvɛn too, o sɔɔ vana ndóò solin ndu pila sálà-o ɲɛm mun o ba telen vana kon ciinin bolle ndɔle ndóò soli sálà len sendi-o. 20O kon, vana-solia-lasálàá tosa faleŋii vana heelu ɲɔɔ coo le Mɛlɛka ndu cɔmndo-e. Ɲɛm dian mun a ɲɛmahilu kon, ɲɛ diandaa-diandaa pila o co Mɛlɛka o hɔl ni, le vana-solia-lasálàá ɲɛm mun co ni, lende koni kɔŋɔ nda tosa faleŋii cɔmaa sálàá Mɛlɛka o hɔl-le coo-o a lɔlu nda faŋa-o co vɛlɛ le ndu ni. Kon cuu pɛ, vana ndóò solin ndu pila sálà-o nɔla niko mò kol mɔiyan.
21Tɔŋndo co hoo le vana solin ndu pila sálà mó cua ciɛ́ɔn o Mɛlɛka lo-o ni, ɲɛm o bɛnda yɛ le Mɛlɛka sálàá solullo le sálà ndɔ ndu pila solin-ndo-on co n pesin mun diolan-ndon ni, faŋanndo o kɛndɛi ndu pila bɛnda le tosaa te o nɔ pɛ ɲɛ-e coo. O bɛnda mò tosa mɛɛ ndu pila cua ciɛ́i o Mɛlɛka lo yɛ, handɔɔ o ɲɛ tɔŋ sálà solianndo dimi-o coo.›»
Mɛɛ vana bɛnda le duaa dɔvɔɔ yɛ
22Mí Mɛlɛka soaa o Moise lo, mó dimul ndu aa: 23«Soo o Aarɔn nda poaa ndɔa lo, ma dimul nda aa: ‹Te la va pɛ le Israɛlla duaa dɔvɔɔ, nuaa niaa bɛnda le dimio ni aa:
24Màá Mɛlɛka dɔw nɔm duaa mò kanda nɔm!
25Màá Mɛlɛka tofa nɔm tofa kɛndɛ
mò tosal nɔm kɛndɛi!
26Màá Mɛlɛka landu hɔlla nɔm coo
mò yɔngu nɔm kɔlɲuloo!
27Lende vannda bɛnda ni ma piɛi ya le Israɛlla, o kon mì dɔw nda duaa.›»
Currently Selected:
Kundalan 6: BKG
Highlight
Copy
Compare
Share
Want to have your highlights saved across all your devices? Sign up or sign in
© Alliance Biblique en Guinée
Kundalan 6
6
Vanndacieaa solin nda pila sálà le Mɛlɛka-a
1Mí Mɛlɛka soaa o Moise lo, mó dimul ndu aa: 2«Soo o Israɛlla lo ma dimul nda aa: ‹Te vanapɔnɔɔ, te kon te vanalanɔɔ solin pɛ ndu pila sálà mò siŋnun teengen le Mɛlɛka, mò cua ciɛ́ɔn le ndu pila sálàá solinndo le Mɛlɛka#6.2 Vana óò solin ndu pila sálà mi ndóò siŋnun teengen le Mɛlɛka-o, ndóò bɛnda mì ndóò cɔm sálà solian kon o nɛilan tan tiɔn coo: ndóò bɛnda mì ndóò kol mɔiyan te, ndóò bɛnda vɛlɛ mi ndóò kili yiiŋii ndɔɛi le. Kon co dimio ni maa ndóò bɛnda mì ndóò sendi bolle ndɔlen te.. 3Ndu bɛnda lɛ mo kol mɔiyan a ɲɛm vana kol mì n hiŋ vana hɔlla-on te. O bɛnda mò kol mɔima vaalɛiyan te, o kol vɛlɛ ɲɛ-ɲɛ vana kol mo bii vana le. O bɛnda mò kol mɛmma n'rɛsɛnndan te, o dia vɛlɛ rɛsɛŋun koaman te, o va n'kiyɛi o va n'vesɛi. 4Háá mì telen ndu pila kelu le sálàá solinndo-o cuu, o bɛnda mò de ɲɛ-ɲɛ toosian a rɛsɛnndon te, o va a kullon nda toosiaa ɲɛ kon ni, o va a kɔloo ni, o bɛnda mò de ndu le. 5O telen kon nin vɛlɛ kpow, kùisiei bɛnda mì i kei ndu o lebol te, o bɛnda mò sendin te. Háá mì telen ndu pila solin kon sálà le Mɛlɛka-o cuu, o diandaa o vanin Mɛlɛka o hɔl ni. Lelan, o bɛnda mò mal yiiŋii ndɔɛi a siayii ndɔɛi hindɔɔ o ba ndɔɔ coo. 6O telen ndu pila solin kon sálà le Mɛlɛka-o nin kpow, o bɛnda mò pilan vana vílɛ́iyo le. 7Hali fuɲa ndɔ, kala ndɔ, bɛ ndɔ, pɔmbɔ ndɔ, te kon te le yema ndɔ sɔla piɔ́mndo ni, o bɛnda mò nɔɔlian o dialun ndan pilanndo le. Kani tɔɔmasele cɔm kpendekele maa ndu pila solin sálà le Hala ndɔɔ-o co ndu o lebol. 8O telen ndu pila solin kon sálà le Mɛlɛka-o nin kpow, o diandaa o co Mɛlɛka o hɔl ni. 9Te vanndo sɔla pɛ piɔ́m kiyɛiyo#6.9 piɔ́m kiyɛiyo: Piɔ́m kiyɛiyo ndu co piɔ́m vanndo nee loo ni. Lɔ́ɔ́ lepum o nɔla mò va piɔ́m kpundɔɔ, te kon te piɔ́m lukulukoo pum. Vannda pum dimi aa «piɔ́m kpeenndo». ndu ikɛi, mɛɛ yiiŋii co tɔɔmaseloo maa ndu pila solin sálà le Mɛlɛka-e i nɔɔla Mɛlɛka o hɔl. Lelan, te palɛi hiow pɛ ndii ŋɔmmɛw, paale o vanin dindinndo Mɛlɛka o hɔl-ten, o sendi yiinde ndu o lebol a siayii ndɔɛi. 10O paale ŋɔmaandɔlen, o yoo vana-solia-lasálàá piinda nda ŋiɔn, te kon te kangboa nda ŋiɔn o cɛi-kola-toandaa-labɔɔŋianndo sondoo. 11O kon, vana-solia-lasálàá soli o pilɛ sálà co le hakio sɔlaa malɔɔ-o, o soli o pilɔɔ sálà loamaa, o tosa faleŋii dindiannde ndu coo le sɔɔnguu o sɔɔnguu vana vílɛ́iyo ikɛi-yo. Paale len, o soli vɛlɛ bolle ndɔlen sálà sɛnɛi, 12ndu pila solin vɛlɛ sálà sɛnɛi le Mɛlɛka, le telen solian sálà ndóò kelu-o peeloo. O kon, o yɔngu saa téndé nɔ vɔsio pilɛ-o le sálà bɛɛndiaa isɔɔ solio. Kɛ palɛi tasei o tosa o sálà solian kon nin-nde co o cɔm coo le, kani telen ndɔ ndóò kelu mó solin ndu pila sálà-o nɔɔla Mɛlɛka o hɔl.
13Tɔŋndo co hoo le vana solin ndu pila sálà-o ni: paale palɛi o kelu le ndu pila sálàá solinndo le Mɛlɛka-e cuunin-nden, a bɛnda mà hin a ndu o cɛi-kola-toandaa-labɔɔŋianndo sondoo, 14mò solul Mɛlɛka sálà ndɔɔ: mò yɔngu saa kóndó téndé nɔ vɔsio pilɛ-o, o nɔ lenamta loo le sálà loamaa solio, saa téndé laandu nɔ vɔsio pilɛ-o, o nɔ lenamta loo le sálàá co le hakio sɔlaa malɔɔ-osolio a saa kóndó nɔ lenamta loo le sálà kɔlɲuloo solio. 15Mò hin vɛlɛ a kambɛi bulu toosian a lɛvɛn too co nin-ndo, bulu nda lom a kpeyan nda vɔɔca o cuɛiyan nin-ndo, a fùlúfúlù nda linda a cuɛiyan-ndo, a sálàla kpeyanndan a á sálàla mamɔila co le dɛnɛ kon-ndan. 16Mì vana-solia-lasálàá cua cɔwviaala lan kpow, mò sɔɔnguu lan Mɛlɛka o hɔl, mò soli sálà co le hakio sɔlaa malɔɔ-o a sálà loamaa. 17Mò solul vɛlɛ Mɛlɛka sálà kɔlɲuloo a saa kóndóó, a kambɛi bulu toosian a lɛvɛn too co nin-ndo, mò handu kpeyan sálàá a mɔima sálàma ndɔan lecoo. 18O kon kɔɔli, vana ndóò solin ndu pila sálà le Mɛlɛka-o sendi bolle ndɔle ndóò soli sálà len o cɛi-kola-toandaa-labɔɔŋianndo sondoo. O kon, o cua yiiŋii ndɔɛi a siayii ndɔɛi o sendi-e, o vuu ndi o yinnde co biyɔɔ o sálà kɔlɲuloo bɛngu len nin. 19Te visin saa kóndón mun lɔw pɛ, vana-solia-lasálàá cua congú saa kóndó kon, o cua buloo o pilɛ o kambɛi bulu toosian a lɛvɛn too co nin-ndo nin, a dɛɛ toosian a lɛvɛn too, o sɔɔ vana ndóò solin ndu pila sálà-o ɲɛm mun o ba telen vana kon ciinin bolle ndɔle ndóò soli sálà len sendi-o. 20O kon, vana-solia-lasálàá tosa faleŋii vana heelu ɲɔɔ coo le Mɛlɛka ndu cɔmndo-e. Ɲɛm dian mun a ɲɛmahilu kon, ɲɛ diandaa-diandaa pila o co Mɛlɛka o hɔl ni, le vana-solia-lasálàá ɲɛm mun co ni, lende koni kɔŋɔ nda tosa faleŋii cɔmaa sálàá Mɛlɛka o hɔl-le coo-o a lɔlu nda faŋa-o co vɛlɛ le ndu ni. Kon cuu pɛ, vana ndóò solin ndu pila sálà-o nɔla niko mò kol mɔiyan.
21Tɔŋndo co hoo le vana solin ndu pila sálà mó cua ciɛ́ɔn o Mɛlɛka lo-o ni, ɲɛm o bɛnda yɛ le Mɛlɛka sálàá solullo le sálà ndɔ ndu pila solin-ndo-on co n pesin mun diolan-ndon ni, faŋanndo o kɛndɛi ndu pila bɛnda le tosaa te o nɔ pɛ ɲɛ-e coo. O bɛnda mò tosa mɛɛ ndu pila cua ciɛ́i o Mɛlɛka lo yɛ, handɔɔ o ɲɛ tɔŋ sálà solianndo dimi-o coo.›»
Mɛɛ vana bɛnda le duaa dɔvɔɔ yɛ
22Mí Mɛlɛka soaa o Moise lo, mó dimul ndu aa: 23«Soo o Aarɔn nda poaa ndɔa lo, ma dimul nda aa: ‹Te la va pɛ le Israɛlla duaa dɔvɔɔ, nuaa niaa bɛnda le dimio ni aa:
24Màá Mɛlɛka dɔw nɔm duaa mò kanda nɔm!
25Màá Mɛlɛka tofa nɔm tofa kɛndɛ
mò tosal nɔm kɛndɛi!
26Màá Mɛlɛka landu hɔlla nɔm coo
mò yɔngu nɔm kɔlɲuloo!
27Lende vannda bɛnda ni ma piɛi ya le Israɛlla, o kon mì dɔw nda duaa.›»
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© Alliance Biblique en Guinée