Matie 28
28
Yeesu tendu fulaa vanvílɛ́iya tɛɛn
(Marke 16.1-10, Luke 24.1-12, Nsaŋ 20.1-10)
1Paale pɛngiaalen hiovɔɔ, a paale siaalen o kundɛiyo coo, mí Mari fula Makdala-o nda Mari-o pilɔɔ a kɔa tofaa o sɛiyo. 2Fɔ́ɔ́fɔ̀, mí lɛŋnden le ɲiiya taw, kani mí mɛlɛkanɔ Hala-o toal fulaa o halataala, mó hun ɲindu powvo, mó cal lecoo. 3Vanáà ce ndu pɛ aa piɔɔ-volia ni, volɔɔla va ndu lekɔɔ lan la va lahumbu few-few. 4Mí siòòŋii bɛnduei bii kpalilla, má vow, má muungu maa n'vanvílɛ́i. 5Kɛ mí mɛlɛkanɔɔ cua sɔɛi, mó dimul vanlaandua aa: «Niaa, siòòŋii bii niaa le. Kani i sina maa Yeesu nda baŋ o yɔm singafilaa coo-o niaa co nuwviaa ni. 6O co nanu le, kani o tendul maa mɛɛ ndóò dimi yɛ. La hun tofa fonda o va o yambaa-o. 7La kɔ dimul kaandeŋaa ndɔa cɔ́-cɔ́ maa o tendul. Maa o hiow nda laci Kalile, lon nda canin ndu ni. Hee yáà nɔ le niaa dimullo ni.»
8O kon má keleŋa faŋan o sɛiyo, má muungu a siòònde a á ɲaale bɛndoo, má ɲaanun, má kɔ dimul kaandennda yoongu kon. 9Fɔ́ɔ́fɔ̀, mí Yeesu hun nda o ibuŋ, mó yil nda aa: «Lavosɛ!» Má sɔɔnguu, má saa ndu pelon, má biilu ndu. 10O kon mí Yeesu dimul nda aa: «Siòòŋii bii niaa le, la kɔ dimul puapilɛa nia le kɔlan Kalile, lon nda canin ya ni.»
Dɛnɛ yɔŋnun kpalilla-o
11A va vɔ nɛi-tɛɛn, mí vanaa pum o vanaa cɔvaa va sɛiyo cumullo-a tɛɛn a luɛi o kobio nin, má kɔ downun simlacia vanaa-solia-lasálàá dɛnnda yɔŋnun-ndan kpow kona. 12Mí simlacia vanaa-solia-lasálàá a simlacia lelɛŋnda kɔ tundu, má luɛi vanaa cɔvaa kan nin a volion taw, 13má dimul nda aa: «La dimul vannda aa: ‹Icɔllo, n va o lɔan, mí kaandeŋaa ndɔa hun ciimbuu dialun ndɔn.› 14Sɔɛi ken i del bɛɛ masa ibungaa o lani, n sina mɛɛ naa n co ndu dimul haliko la sɔla isɔɔ le yɛ.» 15Mí kpalilaa cumulaa kan a bii volin mun, má tosa mɛɛ nda cɔm nda le tosaa yɛ. Mí sɔɛi ken tiw Yuifia tɛɛn háá paalen nden hau.
Yeesu cɔmnun kaandeŋaa ndɔa
(Marke 16.14-18, Luke 24.36-49, Nsaŋ 20.19-23, Dɛnnda kiilaa 1.6-8)
16Mí kaandeŋaa tɔ́ a ò pilɛa kɔa Kalile, o pembii Yeesu ndóò cɔm nda-e coo. 17Ndáà cɔu ndu, má biilu ndu. Kɛ mí vanaa pum a sika. 18Mí Yeesu sɔɔnguu, mó dimul nda aa: «Kpaayaa kpow yɔngun ya o halataala a o lɛŋnden coo. 19La kɔ mì la siinguu vanaa-mangalaa-isɔɔa súúlan kpow kaandennda, mì la yin nda o diola Fuɲaa, Poo a Kɔl-Diandaa, 20mì la pɛɛku nda ma manda sɔɔn ya dimul niaa-on kpow. I co niaa ikɛi lepalaa-lepala háá a ceendo mɛɛlulan.»
Currently Selected:
Matie 28: BKG
Highlight
Copy
Compare
Share
Want to have your highlights saved across all your devices? Sign up or sign in
© Alliance Biblique en Guinée
Matie 28
28
Yeesu tendu fulaa vanvílɛ́iya tɛɛn
(Marke 16.1-10, Luke 24.1-12, Nsaŋ 20.1-10)
1Paale pɛngiaalen hiovɔɔ, a paale siaalen o kundɛiyo coo, mí Mari fula Makdala-o nda Mari-o pilɔɔ a kɔa tofaa o sɛiyo. 2Fɔ́ɔ́fɔ̀, mí lɛŋnden le ɲiiya taw, kani mí mɛlɛkanɔ Hala-o toal fulaa o halataala, mó hun ɲindu powvo, mó cal lecoo. 3Vanáà ce ndu pɛ aa piɔɔ-volia ni, volɔɔla va ndu lekɔɔ lan la va lahumbu few-few. 4Mí siòòŋii bɛnduei bii kpalilla, má vow, má muungu maa n'vanvílɛ́i. 5Kɛ mí mɛlɛkanɔɔ cua sɔɛi, mó dimul vanlaandua aa: «Niaa, siòòŋii bii niaa le. Kani i sina maa Yeesu nda baŋ o yɔm singafilaa coo-o niaa co nuwviaa ni. 6O co nanu le, kani o tendul maa mɛɛ ndóò dimi yɛ. La hun tofa fonda o va o yambaa-o. 7La kɔ dimul kaandeŋaa ndɔa cɔ́-cɔ́ maa o tendul. Maa o hiow nda laci Kalile, lon nda canin ndu ni. Hee yáà nɔ le niaa dimullo ni.»
8O kon má keleŋa faŋan o sɛiyo, má muungu a siòònde a á ɲaale bɛndoo, má ɲaanun, má kɔ dimul kaandennda yoongu kon. 9Fɔ́ɔ́fɔ̀, mí Yeesu hun nda o ibuŋ, mó yil nda aa: «Lavosɛ!» Má sɔɔnguu, má saa ndu pelon, má biilu ndu. 10O kon mí Yeesu dimul nda aa: «Siòòŋii bii niaa le, la kɔ dimul puapilɛa nia le kɔlan Kalile, lon nda canin ya ni.»
Dɛnɛ yɔŋnun kpalilla-o
11A va vɔ nɛi-tɛɛn, mí vanaa pum o vanaa cɔvaa va sɛiyo cumullo-a tɛɛn a luɛi o kobio nin, má kɔ downun simlacia vanaa-solia-lasálàá dɛnnda yɔŋnun-ndan kpow kona. 12Mí simlacia vanaa-solia-lasálàá a simlacia lelɛŋnda kɔ tundu, má luɛi vanaa cɔvaa kan nin a volion taw, 13má dimul nda aa: «La dimul vannda aa: ‹Icɔllo, n va o lɔan, mí kaandeŋaa ndɔa hun ciimbuu dialun ndɔn.› 14Sɔɛi ken i del bɛɛ masa ibungaa o lani, n sina mɛɛ naa n co ndu dimul haliko la sɔla isɔɔ le yɛ.» 15Mí kpalilaa cumulaa kan a bii volin mun, má tosa mɛɛ nda cɔm nda le tosaa yɛ. Mí sɔɛi ken tiw Yuifia tɛɛn háá paalen nden hau.
Yeesu cɔmnun kaandeŋaa ndɔa
(Marke 16.14-18, Luke 24.36-49, Nsaŋ 20.19-23, Dɛnnda kiilaa 1.6-8)
16Mí kaandeŋaa tɔ́ a ò pilɛa kɔa Kalile, o pembii Yeesu ndóò cɔm nda-e coo. 17Ndáà cɔu ndu, má biilu ndu. Kɛ mí vanaa pum a sika. 18Mí Yeesu sɔɔnguu, mó dimul nda aa: «Kpaayaa kpow yɔngun ya o halataala a o lɛŋnden coo. 19La kɔ mì la siinguu vanaa-mangalaa-isɔɔa súúlan kpow kaandennda, mì la yin nda o diola Fuɲaa, Poo a Kɔl-Diandaa, 20mì la pɛɛku nda ma manda sɔɔn ya dimul niaa-on kpow. I co niaa ikɛi lepalaa-lepala háá a ceendo mɛɛlulan.»
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© Alliance Biblique en Guinée