Tɔŋ lasálàá 9
9
Sálàla tasela Aarɔn nda poaa ndɔa soli lan
1O paale ŋɔmaandɔlen, mí Moise veelu Aarɔn nda poaa ndɔa, mó veelu vɛlɛ kaasoŋaa kɔlkalua Israɛlla, 2mó dimul Aarɔn aa: «Bii naw téndóó mì ndu va le sálà co le hakio sɔlaa malɔɔ-o solio, ma bii saa kóndóó le sálà loamaa solio, ma cɔm Mɛlɛka nda. Cɔlua ŋiɔŋaa kan kpow a bɛnda mà nɔ lenamta le. 3Ma soo o Israɛlla lo, ma dimul nda aa: ‹La bii cuin toovio le sálà co le hakio sɔlaa malɔɔ-o solio, naw téndé nɔ vɔsio pilɛ-o a saa téndé nɔ vɔsio pilɛ-o le sálà loamaa solio a nda. Cɔlua kan bɛnda mà nɔ lenamta le. 4Mì la bii vɛlɛ naw tovaa a saa kóndóó le sálà kɔlɲuloo solio, mì la cɔm Mɛlɛka nda latulu a kpeyan vɔɔcan a cuɛiyan-ndo. Kani paalen nden hau, Mɛlɛka co niaa cɔmnɔn.›»
5Mɛɛ nda hin a cɔlua Moise pesi kan diolan-nda o cɛi-kola-toandaa-labɔɔŋianndo sondoo, mí Israɛlla kpow a sɔɔnguu, má sim Mɛlɛka o hɔl. 6Mí Moise dimul nda aa: «Ɲɛ Mɛlɛka dimi le tosaa-o co hoo ni, haliko mi biilu ndɔɔ cɔmnun niaa.» 7O kon mí Moise dimul Aarɔn aa: «Sɔɔnguu o fonda-loamaa-lasálàá ikɛi, ma soli sálà co le hakio sɔlaa malɔɔ-o a sálà loamaa le nɔm pila, ma tosa falennde le hakila nɔmndan vɔɔsuuo, le nɔm pila a le Israɛlla kpow. Soli sálàá le nda kpow, ma tosa faleŋii baŋannde le nda mɛɛ Mɛlɛka dimi yɛ kpafii.»
8Mí Aarɔn sɔɔnguu o fonda-loamaa-lasálàá ikɛi, mó kialu naw téndé o soli sálàá le hakila ndɔla ndu pila lan-ndo bololan. 9Mí poaa ndɔa hun a kooma naw téndé kon o ndu lo, mó yin suei lenin, mó suu man o kpɛ̀ɛ́n fonda-loamaa-lasálàá, mó cuuŋuu kooma tɔ̀an kpow o fonda-loamaa-lasálà kon bɛngu. 10Mó loam visin macuɛiyon, kɔlkelon a bungɛi hiow naŋɔɔ o yemii cɔlu kon nin-nde o fonda-loamaa-lasálàá coo mɛɛ Mɛlɛka dimul Moise le tosaa yɛ, cɔlu solin kon sálàá le hakio sɔlaa malɔɔ-o pɛɛn. 11Kɛ mó fula o dɔ́ɔ́ngɔ́ɔ̀ kɔɔli, mó loam visin tɔ̀un a yáw cɔlu kon kpúlúká o yinnden nin.
12Mó kialu cɔlu va le sálà loamaa solio-o bololan. Mí poaa ndɔa hun a kooma cɔlu kon o ndu lo, mó balu man fasaŋiaa o kpengun fonda-loamaa-lasálàá coo pindo. 13Má yɔngu ndu visin cɔlu nda dii kon má siaŋ ndu le sálà loamaa-o a bolle ndɔlen, mó loam visin mun o fonda-loamaa-lasálàá coo. 14Mó tɔaa ɲɛm va cɔlu kon o dembe-on a bɛngula ndɔlan, mó loam ɲɛm mun a sálà loamaa latulu o fonda-loamaa-lasálàá coo. 15O kon kɔɔli, mó soli sálàla vannda hin-ndan. Mó bii cuin toovi vanaa kan yɔngu le sálà va le hakio sɔlaa malɔɔ-o, mó kialu ndu bololan, mó soli ndu sálà le hakila ndalan malnɔnndo, mɛɛ o tosa a cɔlu tase yɔngun-ndo yɛ. 16Mó solul Mɛlɛka sálà loamaa a cɔlua kan mɛɛ ɲɔɔ ndóò bɛnda le tosanndo yɛ. 17Mó hun vɛlɛ a sálà ɲɛm vaa, mó ɲɔla kpeyanndo baa ca, mó loam ndu o fonda-loamaa-lasálàá coo handɔɔ o sálà loamaa solin idii-o coo. 18Mó kialu naw tovaa a saa kóndó Israɛlla yɔngu le sálà kɔlɲuloo solio-o bololan. Mí poaa ndɔa hun a kooma cɔlua kan o ndu lo, mó balu man fasaŋiaa o kpengun fonda-loamaa-lasálàá coo pindo, 19mà yɔngu ndu vɛlɛ visin macuɛin cɔlua kan, puilen, cuɛima kumbu ɲɛm co nda o dembe-on-ndan, kɔlkelon a bungɛi hiow naŋɔɔ o yemnde nin-nde. 20Má cua visin macuɛin mun, má kɛsi o kɔŋɔla cɔlua kan coo, o kon mí Aarɔn loam ɲɛm mun o fonda-loamaa-lasálàá coo. 21Mí Aarɔn cua kɔŋɔla lan a lɔlu ba kɛndɔɔ, mó tosa faleŋii vana heelu ɲɔɔ coo le Mɛlɛka ndu cɔmndo-e mɛɛ Moise dimul ndu le tosaa yɛ, mó heelu ɲɛm mun coo, mó cɔm Mɛlɛka mun.
22Mɛɛ Aarɔn cii sálà va le hakio sɔlaa malɔɔ-o, sálà loamaa a sálà kɔlɲuloo soli, mó heelu bala ndɔlan coocoo, mó dɔaw Israɛlla kpow duaa. O kon mó faŋan o fonda-loamaa-lasálàá coo, mó toal lɛŋ. 23O kon kɔɔli, mí Moise nda Aarɔn a luɛi o cɛi-kola-toandaa-labɔɔŋianndo nin. Mɛɛ nda fula, má dɔaw Israɛlla kpow duaa. Mí biilu Mɛlɛka-o cɔmnun vana-vana va lon. 24Mí yinnden le fula, mí le kɔ loam sálà loamaa a visin macuɛin va o fonda-loamaa-lasálàá coo-on kpúlúká. Mí Israɛlla kpow a ca yinnde len kpendekele. O kon, má huulu, má viaw kponyoo taw-taw, má deli a kuumbuannda o kɔl coo.
Currently Selected:
Tɔŋ lasálàá 9: BKG
Highlight
Copy
Compare
Share
Want to have your highlights saved across all your devices? Sign up or sign in
© Alliance Biblique en Guinée
Tɔŋ lasálàá 9
9
Sálàla tasela Aarɔn nda poaa ndɔa soli lan
1O paale ŋɔmaandɔlen, mí Moise veelu Aarɔn nda poaa ndɔa, mó veelu vɛlɛ kaasoŋaa kɔlkalua Israɛlla, 2mó dimul Aarɔn aa: «Bii naw téndóó mì ndu va le sálà co le hakio sɔlaa malɔɔ-o solio, ma bii saa kóndóó le sálà loamaa solio, ma cɔm Mɛlɛka nda. Cɔlua ŋiɔŋaa kan kpow a bɛnda mà nɔ lenamta le. 3Ma soo o Israɛlla lo, ma dimul nda aa: ‹La bii cuin toovio le sálà co le hakio sɔlaa malɔɔ-o solio, naw téndé nɔ vɔsio pilɛ-o a saa téndé nɔ vɔsio pilɛ-o le sálà loamaa solio a nda. Cɔlua kan bɛnda mà nɔ lenamta le. 4Mì la bii vɛlɛ naw tovaa a saa kóndóó le sálà kɔlɲuloo solio, mì la cɔm Mɛlɛka nda latulu a kpeyan vɔɔcan a cuɛiyan-ndo. Kani paalen nden hau, Mɛlɛka co niaa cɔmnɔn.›»
5Mɛɛ nda hin a cɔlua Moise pesi kan diolan-nda o cɛi-kola-toandaa-labɔɔŋianndo sondoo, mí Israɛlla kpow a sɔɔnguu, má sim Mɛlɛka o hɔl. 6Mí Moise dimul nda aa: «Ɲɛ Mɛlɛka dimi le tosaa-o co hoo ni, haliko mi biilu ndɔɔ cɔmnun niaa.» 7O kon mí Moise dimul Aarɔn aa: «Sɔɔnguu o fonda-loamaa-lasálàá ikɛi, ma soli sálà co le hakio sɔlaa malɔɔ-o a sálà loamaa le nɔm pila, ma tosa falennde le hakila nɔmndan vɔɔsuuo, le nɔm pila a le Israɛlla kpow. Soli sálàá le nda kpow, ma tosa faleŋii baŋannde le nda mɛɛ Mɛlɛka dimi yɛ kpafii.»
8Mí Aarɔn sɔɔnguu o fonda-loamaa-lasálàá ikɛi, mó kialu naw téndé o soli sálàá le hakila ndɔla ndu pila lan-ndo bololan. 9Mí poaa ndɔa hun a kooma naw téndé kon o ndu lo, mó yin suei lenin, mó suu man o kpɛ̀ɛ́n fonda-loamaa-lasálàá, mó cuuŋuu kooma tɔ̀an kpow o fonda-loamaa-lasálà kon bɛngu. 10Mó loam visin macuɛiyon, kɔlkelon a bungɛi hiow naŋɔɔ o yemii cɔlu kon nin-nde o fonda-loamaa-lasálàá coo mɛɛ Mɛlɛka dimul Moise le tosaa yɛ, cɔlu solin kon sálàá le hakio sɔlaa malɔɔ-o pɛɛn. 11Kɛ mó fula o dɔ́ɔ́ngɔ́ɔ̀ kɔɔli, mó loam visin tɔ̀un a yáw cɔlu kon kpúlúká o yinnden nin.
12Mó kialu cɔlu va le sálà loamaa solio-o bololan. Mí poaa ndɔa hun a kooma cɔlu kon o ndu lo, mó balu man fasaŋiaa o kpengun fonda-loamaa-lasálàá coo pindo. 13Má yɔngu ndu visin cɔlu nda dii kon má siaŋ ndu le sálà loamaa-o a bolle ndɔlen, mó loam visin mun o fonda-loamaa-lasálàá coo. 14Mó tɔaa ɲɛm va cɔlu kon o dembe-on a bɛngula ndɔlan, mó loam ɲɛm mun a sálà loamaa latulu o fonda-loamaa-lasálàá coo. 15O kon kɔɔli, mó soli sálàla vannda hin-ndan. Mó bii cuin toovi vanaa kan yɔngu le sálà va le hakio sɔlaa malɔɔ-o, mó kialu ndu bololan, mó soli ndu sálà le hakila ndalan malnɔnndo, mɛɛ o tosa a cɔlu tase yɔngun-ndo yɛ. 16Mó solul Mɛlɛka sálà loamaa a cɔlua kan mɛɛ ɲɔɔ ndóò bɛnda le tosanndo yɛ. 17Mó hun vɛlɛ a sálà ɲɛm vaa, mó ɲɔla kpeyanndo baa ca, mó loam ndu o fonda-loamaa-lasálàá coo handɔɔ o sálà loamaa solin idii-o coo. 18Mó kialu naw tovaa a saa kóndó Israɛlla yɔngu le sálà kɔlɲuloo solio-o bololan. Mí poaa ndɔa hun a kooma cɔlua kan o ndu lo, mó balu man fasaŋiaa o kpengun fonda-loamaa-lasálàá coo pindo, 19mà yɔngu ndu vɛlɛ visin macuɛin cɔlua kan, puilen, cuɛima kumbu ɲɛm co nda o dembe-on-ndan, kɔlkelon a bungɛi hiow naŋɔɔ o yemnde nin-nde. 20Má cua visin macuɛin mun, má kɛsi o kɔŋɔla cɔlua kan coo, o kon mí Aarɔn loam ɲɛm mun o fonda-loamaa-lasálàá coo. 21Mí Aarɔn cua kɔŋɔla lan a lɔlu ba kɛndɔɔ, mó tosa faleŋii vana heelu ɲɔɔ coo le Mɛlɛka ndu cɔmndo-e mɛɛ Moise dimul ndu le tosaa yɛ, mó heelu ɲɛm mun coo, mó cɔm Mɛlɛka mun.
22Mɛɛ Aarɔn cii sálà va le hakio sɔlaa malɔɔ-o, sálà loamaa a sálà kɔlɲuloo soli, mó heelu bala ndɔlan coocoo, mó dɔaw Israɛlla kpow duaa. O kon mó faŋan o fonda-loamaa-lasálàá coo, mó toal lɛŋ. 23O kon kɔɔli, mí Moise nda Aarɔn a luɛi o cɛi-kola-toandaa-labɔɔŋianndo nin. Mɛɛ nda fula, má dɔaw Israɛlla kpow duaa. Mí biilu Mɛlɛka-o cɔmnun vana-vana va lon. 24Mí yinnden le fula, mí le kɔ loam sálà loamaa a visin macuɛin va o fonda-loamaa-lasálàá coo-on kpúlúká. Mí Israɛlla kpow a ca yinnde len kpendekele. O kon, má huulu, má viaw kponyoo taw-taw, má deli a kuumbuannda o kɔl coo.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© Alliance Biblique en Guinée