Tɔŋ lasálàá 24
24
Ɲɛ kɛsiaa lafitina o Cɛi-Diandaa nin
1Mí Mɛlɛka soaa o Moise lo, mó dimul ndu aa:
2«Dimul Israɛlla mà yɔngu nɔm cuɛima olivema kɛndɛ-kɛndɛan, haliko mi fitinalan la va biyɔɔ icɔl oo icɔl. 3O kon, Aarɔn cua ɲɛ kɛsiaa lafitinaa, o kɛsi ndu o cɛi-kola-toandaa-labɔɔŋianndo nin o kola-landaa ven kesu kpema-o hɔl-ndɔ. Lon fitinala lan la vanin lɔan biyɔɔ pii ya Mɛlɛka o hɔl ni. Fonda oo fonda niaa va pɛ icali, kandɔɔ a niaa pila, kɔ bii a cuavaa niaa imamaa, la bìí tɔŋndo ho le fɛɛn a fɛɛn. 4O ɲɛ kɛsiaa lafitina toosian a sianin diandan-ndo coo Aarɔn bɛnda ni mo kɛsi fitinalan, haliko mi la va lɔan biyɔɔ ya o hɔl lɔ́ɔ́-lɔ́ɔ̀.»
Bulula nda solul Mɛlɛka sálàá lan
5«Nɔm Moise, ma cua kpeyanndo, ma lom bululan tɔ́ a latiɔn a ndu. Le buloo o pilɛ lomɔɔ, a bɛnda ma tuu kpeyanndo kiloo leŋɔmpum. 6A cua pɛ bululan tɔ́ a latiɔnnda lan, a dengela lan polan man miɔn ya Mɛlɛka o hɔl o tabali toosian a sianin diandan-ndo coo, lepolaa-lepola bululan laŋɔmpum. 7O kon, a tala ansan diandaa o polama man coo. Lasikɔlɔ kon vanin maa ɲɛ loonan nda loamnin o yin le ya Mɛlɛka-o.
8Le fɛɛn a fɛɛn, te paale pɛngiaalen le tiiya pɛ, a bɛɛndiaa bulula vaa lende, a kɛsi lan ya Mɛlɛka o hɔl. Kpema Israɛlla bɛnda mà yii le fɛɛn a fɛɛn-ndo co kon ni. 9Bulula lan la vanin le Aarɔn nda poaa ndɔa. A va lan pɛ dioo, a de lan nɛɛ diandaa pum, kani o ɲɛm kei o yin le ya Mɛlɛka-on nin, ɲɛ diandaa-diandaa siŋnun teengen o bulula lan nin-ndo co le nda ni. Ɲɛ nda bɛnda mà sɔla-o co kon le fɛɛn a fɛɛn ni.»
Vana dimi pɛ diom vɔɔndo a Mɛlɛka o sɔla sangaa
10Paale pilɛ, mí sɛɛngianndo yɔŋnun langbaa nda ŋiɔn tɛɛn o dɔ́ɔ́ngɔ́ɔ̀ nin. O pilɔɔ Israɛlnɔ pilacieo o va ni, o pilɔɔ ndu, Israɛlnɔɔ kala ndɔ va ni, kɛ fuɲa ndɔ ndu Esiptenɔɔ o va ni. 11Mí langbanɔ kala ndɔ va kon Israɛlnɔɔ-o dimi diomnde vɔɔnnden a diola Mɛlɛka lan, má bii ndu, má hun a ndu o Moise lo. Kalaa langbanɔ kon diolan Selomit, cua Dibri-o, fulaa o polale Dan-nden nin. 12Mɛɛ nda kɔɛ a ndu, mó va o biyɔɔ nin háá paale Mɛlɛka pila dimi ɲɛ ndáà bɛnda le ndu yɔŋndo-o len.
13O kon, mí Mɛlɛka soaa o Moise lo, mó dimul ndu aa: 14«La kɔ a langbanɔɔ ho o dɔ́ɔ́ngɔ́ɔ̀ kɔɔli, mì vanaa tuei ndu diomnde vɔɔnnden dimio a ya Mɛlɛka-a handu ndu balan o lebol, mì Israɛlla kpow lo ndu viiyo a powtan háá mò vi. 15Soo o Israɛlla lo, ma tɛɛngul nda sɔɔn mun:
‹Te vanndo tɛɛndan pɛ Hala ndɔɔ, mɛɛ dɛnɛ palaa oo dɛnɛ palaa komal ndu pɛ, ndu pila nuwviaa ni. 16Vana-vana soo pɛ diomnde vɔɔnnden a diola Mɛlɛka lan, vana kon bɛnda mò sɔla piɔ́mndo kangalan. Israɛlla kpow a lonin ndu viiyo a powtan háá mo vi. Vana kon va bɛɛ mial hin calle Israɛlla o bɛngu coo-o, o va vɛlɛ bɛɛ Israɛlnɔ pilacieo, o bɛnda mò sɔla piɔ́mndo le diomnde vɔɔnnde o soo a Hala len.
17Te vanndo dii pɛ vanacieo, vana kon bɛɛ bɛnda mò sɔla piɔ́mndo kangalan. 18Te vanndo dii pɛ cɔlu pilaa, o bɛnda mò sala cɔlu kiyɛiyo sɔngɔ cɔlu o dii-o.
19Te vanndo yɔŋul pɛ vanndo, ndu bɛɛ a yɔŋul ndu lende kpafii, 20kani taa yem pɛ vanndo falei, nɔm bɛɛ a yem nɔm falei, taa pɛl pɛ vanndo hɔlten, nɔm bɛɛ a pɛl nɔm hɔlten, taa bɛŋi pɛ vanndo ciŋnde, nɔm bɛɛ a bɛŋi nɔm ciŋnde. Mɛɛ n co vanndo yɔŋul-lɛ, lende koni nda co nɔm yɔŋul ni.
21Lelan, vana dii pɛ cɔlu pilaa, o sala ndu, kɛ vana dii pɛ vanacieo, ndu bɛɛ a dii ndu.
22Kandɔɔ a vanaa hin calle Israɛlla o bɛngu coo-a, kɔ bii a Israɛlaa pilacieea, yamɛi pilɛi kpé nda bɛnda mà kilul niaa ni. Kani ya co Mɛlɛka ni, Hala niaa pɛɛn.›»
23Mɛɛ Moise cii Israɛlla diomnda Mɛlɛka soo lan-ndan tɛɛngul, má kɔa dɔ́ɔ́ a langbanɔ soo kon diomnde vɔɔnnden a Mɛlɛka-o o dɔ́ɔ́ngɔ́ɔ̀ kɔɔli, má saan ndu viiyo a powtan háá mó vu.
Nuaa Israɛlla peelu sɔɛi Mɛlɛka soo ken mí Moise tɛɛngul nda-e ni.
Currently Selected:
Tɔŋ lasálàá 24: BKG
Highlight
Copy
Compare
Share
Want to have your highlights saved across all your devices? Sign up or sign in
© Alliance Biblique en Guinée
Tɔŋ lasálàá 24
24
Ɲɛ kɛsiaa lafitina o Cɛi-Diandaa nin
1Mí Mɛlɛka soaa o Moise lo, mó dimul ndu aa:
2«Dimul Israɛlla mà yɔngu nɔm cuɛima olivema kɛndɛ-kɛndɛan, haliko mi fitinalan la va biyɔɔ icɔl oo icɔl. 3O kon, Aarɔn cua ɲɛ kɛsiaa lafitinaa, o kɛsi ndu o cɛi-kola-toandaa-labɔɔŋianndo nin o kola-landaa ven kesu kpema-o hɔl-ndɔ. Lon fitinala lan la vanin lɔan biyɔɔ pii ya Mɛlɛka o hɔl ni. Fonda oo fonda niaa va pɛ icali, kandɔɔ a niaa pila, kɔ bii a cuavaa niaa imamaa, la bìí tɔŋndo ho le fɛɛn a fɛɛn. 4O ɲɛ kɛsiaa lafitina toosian a sianin diandan-ndo coo Aarɔn bɛnda ni mo kɛsi fitinalan, haliko mi la va lɔan biyɔɔ ya o hɔl lɔ́ɔ́-lɔ́ɔ̀.»
Bulula nda solul Mɛlɛka sálàá lan
5«Nɔm Moise, ma cua kpeyanndo, ma lom bululan tɔ́ a latiɔn a ndu. Le buloo o pilɛ lomɔɔ, a bɛnda ma tuu kpeyanndo kiloo leŋɔmpum. 6A cua pɛ bululan tɔ́ a latiɔnnda lan, a dengela lan polan man miɔn ya Mɛlɛka o hɔl o tabali toosian a sianin diandan-ndo coo, lepolaa-lepola bululan laŋɔmpum. 7O kon, a tala ansan diandaa o polama man coo. Lasikɔlɔ kon vanin maa ɲɛ loonan nda loamnin o yin le ya Mɛlɛka-o.
8Le fɛɛn a fɛɛn, te paale pɛngiaalen le tiiya pɛ, a bɛɛndiaa bulula vaa lende, a kɛsi lan ya Mɛlɛka o hɔl. Kpema Israɛlla bɛnda mà yii le fɛɛn a fɛɛn-ndo co kon ni. 9Bulula lan la vanin le Aarɔn nda poaa ndɔa. A va lan pɛ dioo, a de lan nɛɛ diandaa pum, kani o ɲɛm kei o yin le ya Mɛlɛka-on nin, ɲɛ diandaa-diandaa siŋnun teengen o bulula lan nin-ndo co le nda ni. Ɲɛ nda bɛnda mà sɔla-o co kon le fɛɛn a fɛɛn ni.»
Vana dimi pɛ diom vɔɔndo a Mɛlɛka o sɔla sangaa
10Paale pilɛ, mí sɛɛngianndo yɔŋnun langbaa nda ŋiɔn tɛɛn o dɔ́ɔ́ngɔ́ɔ̀ nin. O pilɔɔ Israɛlnɔ pilacieo o va ni, o pilɔɔ ndu, Israɛlnɔɔ kala ndɔ va ni, kɛ fuɲa ndɔ ndu Esiptenɔɔ o va ni. 11Mí langbanɔ kala ndɔ va kon Israɛlnɔɔ-o dimi diomnde vɔɔnnden a diola Mɛlɛka lan, má bii ndu, má hun a ndu o Moise lo. Kalaa langbanɔ kon diolan Selomit, cua Dibri-o, fulaa o polale Dan-nden nin. 12Mɛɛ nda kɔɛ a ndu, mó va o biyɔɔ nin háá paale Mɛlɛka pila dimi ɲɛ ndáà bɛnda le ndu yɔŋndo-o len.
13O kon, mí Mɛlɛka soaa o Moise lo, mó dimul ndu aa: 14«La kɔ a langbanɔɔ ho o dɔ́ɔ́ngɔ́ɔ̀ kɔɔli, mì vanaa tuei ndu diomnde vɔɔnnden dimio a ya Mɛlɛka-a handu ndu balan o lebol, mì Israɛlla kpow lo ndu viiyo a powtan háá mò vi. 15Soo o Israɛlla lo, ma tɛɛngul nda sɔɔn mun:
‹Te vanndo tɛɛndan pɛ Hala ndɔɔ, mɛɛ dɛnɛ palaa oo dɛnɛ palaa komal ndu pɛ, ndu pila nuwviaa ni. 16Vana-vana soo pɛ diomnde vɔɔnnden a diola Mɛlɛka lan, vana kon bɛnda mò sɔla piɔ́mndo kangalan. Israɛlla kpow a lonin ndu viiyo a powtan háá mo vi. Vana kon va bɛɛ mial hin calle Israɛlla o bɛngu coo-o, o va vɛlɛ bɛɛ Israɛlnɔ pilacieo, o bɛnda mò sɔla piɔ́mndo le diomnde vɔɔnnde o soo a Hala len.
17Te vanndo dii pɛ vanacieo, vana kon bɛɛ bɛnda mò sɔla piɔ́mndo kangalan. 18Te vanndo dii pɛ cɔlu pilaa, o bɛnda mò sala cɔlu kiyɛiyo sɔngɔ cɔlu o dii-o.
19Te vanndo yɔŋul pɛ vanndo, ndu bɛɛ a yɔŋul ndu lende kpafii, 20kani taa yem pɛ vanndo falei, nɔm bɛɛ a yem nɔm falei, taa pɛl pɛ vanndo hɔlten, nɔm bɛɛ a pɛl nɔm hɔlten, taa bɛŋi pɛ vanndo ciŋnde, nɔm bɛɛ a bɛŋi nɔm ciŋnde. Mɛɛ n co vanndo yɔŋul-lɛ, lende koni nda co nɔm yɔŋul ni.
21Lelan, vana dii pɛ cɔlu pilaa, o sala ndu, kɛ vana dii pɛ vanacieo, ndu bɛɛ a dii ndu.
22Kandɔɔ a vanaa hin calle Israɛlla o bɛngu coo-a, kɔ bii a Israɛlaa pilacieea, yamɛi pilɛi kpé nda bɛnda mà kilul niaa ni. Kani ya co Mɛlɛka ni, Hala niaa pɛɛn.›»
23Mɛɛ Moise cii Israɛlla diomnda Mɛlɛka soo lan-ndan tɛɛngul, má kɔa dɔ́ɔ́ a langbanɔ soo kon diomnde vɔɔnnden a Mɛlɛka-o o dɔ́ɔ́ngɔ́ɔ̀ kɔɔli, má saan ndu viiyo a powtan háá mó vu.
Nuaa Israɛlla peelu sɔɛi Mɛlɛka soo ken mí Moise tɛɛngul nda-e ni.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© Alliance Biblique en Guinée