Tɔŋ lasálàá 18
18
Kpelemɔɔsaa bɛnda mò sɔla bɛɛlen
1Mí Mɛlɛka soaa o Moise lo, mó dimul ndu aa: 2«Soo o Israɛlla lo ma dimul nda aa: ‹Ya co Mɛlɛka ni, Hala niaa pɛɛn. 3La vial vanaa niaa va tɛɛn Esipte-a a káà, mì la tosa sɔɔn nda co tosaa-on te, la vial vɛlɛ vanaa ya co niaa yɔɔ tɛɛn o lɛŋnde Kanaan-nden nin-nda a káà, mì la tosa sɔɔn nda vanin tosaa-on te. La kela maa vanaa kan te. 4La bii silala fula ya Mɛlɛka o sondo lan, mì la bii tɔŋnda nilan. Kani ya co Mɛlɛka ni, Hala niaa pɛɛn.
5La bii tɔŋnda nilan a silala nilan. Vana bii lan pɛ mò kela lecoo, ndu sɔla yoomoo lenin. Kani ya co Mɛlɛka ni.
6O niaa tɛɛn, vana-vana bɛnda mò tosa kpelemɔɔsaa a vana co vanayɛi ndɔɛi-yo le. Ya co Mɛlɛka ni.
7A bɛnda ma tosa kpelemɔɔsaa a kala nɔm te, yɔŋii n cii fuɲa nɔm labɛɛ. A tosa pɛ kpelemɔɔsaa a kala nɔm, mɛɛ a tɛɛmbuu ndu labɛɛ, kani kala velu nɔm-ndo o co ni.
8A bɛnda ma tosa kpelemɔɔsaa a lanɔɔ fuɲa nɔm te. A tosa pɛ kon, mɛɛ a cii fuɲa nɔm labɛɛ.
9A bɛnda ma tosa kpelemɔɔsaa a yema nɔm te, o va yema nɔm fuɲa pilɔɔ o va yema nɔm kala pilɔɔ. Hali o va bɛɛ maa la vilun o yungule pilɛ nin niaa ndu le, te kon te la mandan o yungule pilɛ nin niaa ndu le, a bɛnda ma tosa kpelemɔɔsaa a ndu le.
10A bɛnda ma tosa kpelemɔɔsaa a cua nɔm imamaa le, o va cua po nɔmndo, o va cua cua nɔmndo. Kani a tosa pɛ kon, mɛɛ nɔm pila ciinun labɛɛ.
11A bɛnda ma tosa kpelemɔɔsaa a cua lanɔɔ fuɲa nɔm velu nda fuɲa nɔm-ndo le. Kani yema nɔm o co ni.
12A bɛnda ma tosa kpelemɔɔsaa a yemaa fuɲa nɔm te, kani kooma pilɛan kpeekpei nda co nda fuɲa nɔm ni#18.12 kooma pilɛan kpeekpei nda co nda fuɲa nɔm ni: O hebrei nin, nuaa o dimin ni aa «dialii fuɲa nɔm-nde o co ni»..
13A bɛnda ma tosa kpelemɔɔsaa a pɔmbɔɔ kala nɔm, te kon te bɛndoo kala nɔm te, kani kooma pilɛan kpeekpei nda co nda kala nɔm ni#18.13 kooma pilɛan kpeekpei nda co nda fuɲa nɔm ni: Nanu bɛɛ, nuaa o dimin o hebrei ni aa «dialii kala nɔm-nde o co ni»..
14A bɛnda ma cii pɔmbɔɔ fuɲa nɔm, te kon te bɛndoo fuɲa nɔm labɛɛ ma tosa kpelemɔɔsaa a laa ndɔ le, kani kala nɔm laa ndɔ kon bɛɛ co ni.
15A bɛnda ma tosa kpelemɔɔsaa a lanɔɔ po nɔmndo le. A bɛnda ma timbi ndu kolaa le.
16A bɛnda ma tosa kpelemɔɔsaa a lanɔɔ bɛ nɔm, te kon te lanɔɔ pɔmbɔ nɔm te, yɔŋii n cii bɛ nɔm kon, te kon te pɔmbɔ nɔm kon labɛɛ.
17A bɛnda ma tosa kpelemɔɔsaa a vanalanɔɔ, ma tosa vɛlɛ kpelemɔɔsaa a cua ndɔɔ le. A bɛnda vɛlɛ ma va a cua cua ndɔɔ, te kon te cua po ndɔɔ le, kani vanayɛi nda co ni. A tosa pɛ kon, mɛɛ mààla bɛndu-bɛndulan n tosa lende ni.
18Te laa nɔm co vɔ pɛ yoomu, a bɛnda ma yil pɔmbɔ ndɔ, te kon te bɛ ndɔ o nɔ̀u nin te. Yɔŋii n va a ndu ma luei tanda bɛndu idiɛɛmuyaa nda tɛɛn.
19A bɛnda ma tosa kpelemɔɔsaa a vanalanɔɔ telen o co paangii ndɔɛi cɔu-vo le, kani o nɔɔlɛiyo vanalanɔ kon co Mɛlɛka o hɔl o telen kon nin ni.
20A bɛnda ma tosa kpelemɔɔsaa a lanɔ pilaa le, yɔŋii n siŋnun vana nɔlɛiyo Mɛlɛka o hɔl.
21A bɛnda ma soli hɔ́ɔ́ nɔmndo sálà o piɔmndo Molɛk#18.21 Molɛk: Hala fondoo pum, o Amɔnnda ndáà sooluu-o nɔ diolan ni aa Molɛk. Kɔlɔ ndɔɔ co ni aa «Ó co masalen tosaa-o». A veelu vɛlɛ ndu aa Milkɔm (1 Masaa 11.5, 33), te kon te aa Malkam (Yeremi 49.1, 3, Sofoni 1.5). Sálàla loamaala n'vanndacieelan ndáà solul piɔmndo ho ni. Cuaambɔa pɔmbɔa ndáà lum ndu kpúlúká o yin ni. lo le. Kani a tosa pɛ lende mɛɛ a del kasi a diola nilan, a tɛɛmbuu lan labɛɛ. Nduyɛ, ya co Mɛlɛka ni, Hala niaa pɛɛn.
22Nɔm vanapɔnɔɔ, a bɛnda ma tosa kpelemɔɔsaa a vanapɔnɔɔ mɛɛ vana tosa kpelemɔɔsaa a vanalanɔɔ nuaa yɛ le. Taa tosa lende pɛ, mɛɛ mààla vɔɔnndan pila n tosa lan ni.
23A bɛnda ma hini a cɔloo le, yɔŋii n nɔɔlian Mɛlɛka o hɔl. Vanalanɔɔ bɛɛ bɛnda mò hini a cɔloo le, kani dɛnɛ lamàà bɛndu-bɛndoo pila co kon ni.
24Niaa pila nɔɔlian a dɛnnda vaa lende tosaa le. Sɔɔn nɔɔlɛin mun koni vanaa ya co tovɔɔ niaa laci-a va tosaa ni, má nɔɔlian ya Mɛlɛka o hɔl. 25Le kelala ndalan, mí lɛŋnde ndalen le siŋnun lɛŋnde nɔɔlɛilen, mí soaŋ lɛŋnde kalalen háá mí vanaa va lenin-nda sɛŋin.
26Niaa Israɛlla yɛ, a mialaa co niaa o bɛngu coo-a kpow, la bii tɔŋnda nilan mì la yaŋ nilan o silala nilan. La kpakpala sɔɔn nɔɔlɛin vɔɔnndon mun. 27Kani sɔɔn lamààn nɔɔlɛin mun vanaa va icali niaa laci o lɛŋnde len nin-nda va tosaa ni. A lo yɔŋ vɔɔn kon tosaa háá mí lɛŋnde len le nɔɔla ya Mɛlɛka o hɔl. 28Mɛɛ lelan, niaa, la nɔɔliaa lɛ len nɔɔliaa celen te, yɔŋii niaa bɛɛ sɛŋin mɛɛ vanaa va icali niaa laci lon-nda sɛŋin yɛ. 29Kani vanaa delnin yɔŋ vɔɔn vaa lende kɔɔli, mà kela kela nɔɔlɛi kon-nda, a toawnunnin polon mà faŋan Israɛlla tɛɛn few-few.
30Le hee, la bii tɔŋndo ho mì la lo lecoo sakpo. La tosa dɛnnda vɔɔnnda va tosanndo niaa laci o lɛŋnde len nin-ndan te few, yɔŋii niaa siŋnun vanaa nɔɔlɛiya. Ya co Mɛlɛka ni, Hala niaa pɛɛn.›»
Currently Selected:
Tɔŋ lasálàá 18: BKG
Highlight
Copy
Compare
Share
Want to have your highlights saved across all your devices? Sign up or sign in
© Alliance Biblique en Guinée
Tɔŋ lasálàá 18
18
Kpelemɔɔsaa bɛnda mò sɔla bɛɛlen
1Mí Mɛlɛka soaa o Moise lo, mó dimul ndu aa: 2«Soo o Israɛlla lo ma dimul nda aa: ‹Ya co Mɛlɛka ni, Hala niaa pɛɛn. 3La vial vanaa niaa va tɛɛn Esipte-a a káà, mì la tosa sɔɔn nda co tosaa-on te, la vial vɛlɛ vanaa ya co niaa yɔɔ tɛɛn o lɛŋnde Kanaan-nden nin-nda a káà, mì la tosa sɔɔn nda vanin tosaa-on te. La kela maa vanaa kan te. 4La bii silala fula ya Mɛlɛka o sondo lan, mì la bii tɔŋnda nilan. Kani ya co Mɛlɛka ni, Hala niaa pɛɛn.
5La bii tɔŋnda nilan a silala nilan. Vana bii lan pɛ mò kela lecoo, ndu sɔla yoomoo lenin. Kani ya co Mɛlɛka ni.
6O niaa tɛɛn, vana-vana bɛnda mò tosa kpelemɔɔsaa a vana co vanayɛi ndɔɛi-yo le. Ya co Mɛlɛka ni.
7A bɛnda ma tosa kpelemɔɔsaa a kala nɔm te, yɔŋii n cii fuɲa nɔm labɛɛ. A tosa pɛ kpelemɔɔsaa a kala nɔm, mɛɛ a tɛɛmbuu ndu labɛɛ, kani kala velu nɔm-ndo o co ni.
8A bɛnda ma tosa kpelemɔɔsaa a lanɔɔ fuɲa nɔm te. A tosa pɛ kon, mɛɛ a cii fuɲa nɔm labɛɛ.
9A bɛnda ma tosa kpelemɔɔsaa a yema nɔm te, o va yema nɔm fuɲa pilɔɔ o va yema nɔm kala pilɔɔ. Hali o va bɛɛ maa la vilun o yungule pilɛ nin niaa ndu le, te kon te la mandan o yungule pilɛ nin niaa ndu le, a bɛnda ma tosa kpelemɔɔsaa a ndu le.
10A bɛnda ma tosa kpelemɔɔsaa a cua nɔm imamaa le, o va cua po nɔmndo, o va cua cua nɔmndo. Kani a tosa pɛ kon, mɛɛ nɔm pila ciinun labɛɛ.
11A bɛnda ma tosa kpelemɔɔsaa a cua lanɔɔ fuɲa nɔm velu nda fuɲa nɔm-ndo le. Kani yema nɔm o co ni.
12A bɛnda ma tosa kpelemɔɔsaa a yemaa fuɲa nɔm te, kani kooma pilɛan kpeekpei nda co nda fuɲa nɔm ni#18.12 kooma pilɛan kpeekpei nda co nda fuɲa nɔm ni: O hebrei nin, nuaa o dimin ni aa «dialii fuɲa nɔm-nde o co ni»..
13A bɛnda ma tosa kpelemɔɔsaa a pɔmbɔɔ kala nɔm, te kon te bɛndoo kala nɔm te, kani kooma pilɛan kpeekpei nda co nda kala nɔm ni#18.13 kooma pilɛan kpeekpei nda co nda fuɲa nɔm ni: Nanu bɛɛ, nuaa o dimin o hebrei ni aa «dialii kala nɔm-nde o co ni»..
14A bɛnda ma cii pɔmbɔɔ fuɲa nɔm, te kon te bɛndoo fuɲa nɔm labɛɛ ma tosa kpelemɔɔsaa a laa ndɔ le, kani kala nɔm laa ndɔ kon bɛɛ co ni.
15A bɛnda ma tosa kpelemɔɔsaa a lanɔɔ po nɔmndo le. A bɛnda ma timbi ndu kolaa le.
16A bɛnda ma tosa kpelemɔɔsaa a lanɔɔ bɛ nɔm, te kon te lanɔɔ pɔmbɔ nɔm te, yɔŋii n cii bɛ nɔm kon, te kon te pɔmbɔ nɔm kon labɛɛ.
17A bɛnda ma tosa kpelemɔɔsaa a vanalanɔɔ, ma tosa vɛlɛ kpelemɔɔsaa a cua ndɔɔ le. A bɛnda vɛlɛ ma va a cua cua ndɔɔ, te kon te cua po ndɔɔ le, kani vanayɛi nda co ni. A tosa pɛ kon, mɛɛ mààla bɛndu-bɛndulan n tosa lende ni.
18Te laa nɔm co vɔ pɛ yoomu, a bɛnda ma yil pɔmbɔ ndɔ, te kon te bɛ ndɔ o nɔ̀u nin te. Yɔŋii n va a ndu ma luei tanda bɛndu idiɛɛmuyaa nda tɛɛn.
19A bɛnda ma tosa kpelemɔɔsaa a vanalanɔɔ telen o co paangii ndɔɛi cɔu-vo le, kani o nɔɔlɛiyo vanalanɔ kon co Mɛlɛka o hɔl o telen kon nin ni.
20A bɛnda ma tosa kpelemɔɔsaa a lanɔ pilaa le, yɔŋii n siŋnun vana nɔlɛiyo Mɛlɛka o hɔl.
21A bɛnda ma soli hɔ́ɔ́ nɔmndo sálà o piɔmndo Molɛk#18.21 Molɛk: Hala fondoo pum, o Amɔnnda ndáà sooluu-o nɔ diolan ni aa Molɛk. Kɔlɔ ndɔɔ co ni aa «Ó co masalen tosaa-o». A veelu vɛlɛ ndu aa Milkɔm (1 Masaa 11.5, 33), te kon te aa Malkam (Yeremi 49.1, 3, Sofoni 1.5). Sálàla loamaala n'vanndacieelan ndáà solul piɔmndo ho ni. Cuaambɔa pɔmbɔa ndáà lum ndu kpúlúká o yin ni. lo le. Kani a tosa pɛ lende mɛɛ a del kasi a diola nilan, a tɛɛmbuu lan labɛɛ. Nduyɛ, ya co Mɛlɛka ni, Hala niaa pɛɛn.
22Nɔm vanapɔnɔɔ, a bɛnda ma tosa kpelemɔɔsaa a vanapɔnɔɔ mɛɛ vana tosa kpelemɔɔsaa a vanalanɔɔ nuaa yɛ le. Taa tosa lende pɛ, mɛɛ mààla vɔɔnndan pila n tosa lan ni.
23A bɛnda ma hini a cɔloo le, yɔŋii n nɔɔlian Mɛlɛka o hɔl. Vanalanɔɔ bɛɛ bɛnda mò hini a cɔloo le, kani dɛnɛ lamàà bɛndu-bɛndoo pila co kon ni.
24Niaa pila nɔɔlian a dɛnnda vaa lende tosaa le. Sɔɔn nɔɔlɛin mun koni vanaa ya co tovɔɔ niaa laci-a va tosaa ni, má nɔɔlian ya Mɛlɛka o hɔl. 25Le kelala ndalan, mí lɛŋnde ndalen le siŋnun lɛŋnde nɔɔlɛilen, mí soaŋ lɛŋnde kalalen háá mí vanaa va lenin-nda sɛŋin.
26Niaa Israɛlla yɛ, a mialaa co niaa o bɛngu coo-a kpow, la bii tɔŋnda nilan mì la yaŋ nilan o silala nilan. La kpakpala sɔɔn nɔɔlɛin vɔɔnndon mun. 27Kani sɔɔn lamààn nɔɔlɛin mun vanaa va icali niaa laci o lɛŋnde len nin-nda va tosaa ni. A lo yɔŋ vɔɔn kon tosaa háá mí lɛŋnde len le nɔɔla ya Mɛlɛka o hɔl. 28Mɛɛ lelan, niaa, la nɔɔliaa lɛ len nɔɔliaa celen te, yɔŋii niaa bɛɛ sɛŋin mɛɛ vanaa va icali niaa laci lon-nda sɛŋin yɛ. 29Kani vanaa delnin yɔŋ vɔɔn vaa lende kɔɔli, mà kela kela nɔɔlɛi kon-nda, a toawnunnin polon mà faŋan Israɛlla tɛɛn few-few.
30Le hee, la bii tɔŋndo ho mì la lo lecoo sakpo. La tosa dɛnnda vɔɔnnda va tosanndo niaa laci o lɛŋnde len nin-ndan te few, yɔŋii niaa siŋnun vanaa nɔɔlɛiya. Ya co Mɛlɛka ni, Hala niaa pɛɛn.›»
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© Alliance Biblique en Guinée