Tɔŋ lasálàá 15
15
Nɔɔla vanapɔnɔɔ a ba dialii kolaninnde o kɔɔ
1Mí Mɛlɛka soaa o Moise nda Aarɔn ndo, mó dimul nda aa: 2«La soo o Israɛlla lo, mì la dimul nda aa: ‹Te nàà kɔɔsinaa bii pɛ vanapɔnɔɔ o dialii kolaninnde, mì kusuan ma va ndu fulaa o labɛnguninndo, mɛɛ vana nɔɔlɛiyo o co le kusuma co ndu man fulaa-an ni. 3Le kɔɔsina kon o siŋnun vana nɔɔlɛiyo ni. Hali kusuan ma va bɛɛ fulaa, te kon te mì ma kuuma lenin, vana nɔɔlɛiyo vana kon co telen o co vɔ a nàà vɔɔn kon-ndo ni. 4Lelan, kpele oo kpele vana kon hini pɛ coo, o siŋnun kpele nɔɔlɛiyo, kpɛŋɛ oo kpɛŋɛ o cal vɛlɛ pɛ coo, o siŋnun kpɛŋɛ nɔɔlɛiyo. 5Vana-vana pilan pɛ kpele vana kon hini coo-o, o bɛnda mò tɔɔ volɔɔla ndɔla cuɛinanndan, mì ndu pila pulun cɛ́kɛ́lɛ́, mò lo o nɔɔlɛiyo háá icɔllo. 6Vana-vana cal pɛ nɛɛ vana co kon a nàà-o cal-la, o bɛnda mò tɔɔ volɔɔla ndɔla cuɛinanndan, mì ndu pila pulun cɛ́kɛ́lɛ́, mò lo o nɔɔlɛiyo háá icɔllo. 7Vana pilan pɛ vana kusuan mà co kon fulaa o dialii kolaninnde-o, o bɛnda mò tɔɔ volɔɔla ndɔla cuɛinanndan, mì ndu pila pulun cɛ́kɛ́lɛ́, mò lo o nɔɔlɛiyo háá icɔllo. 8Te vana kɔɔsinaa bii kon-ndo tufu pɛ vana co o diandaa Mɛlɛka o hɔl-lo lɔluan coo, vana kon bɛnda mò tɔɔ volɔɔla ndɔla cuɛinanndan, mì ndu pila pulun cɛ́kɛ́lɛ́, mò lo o nɔɔlɛiyo háá icɔllo. 9Kpɛŋɛ ɲɛ ɲaanan súú-súù vana nàà kon cal pɛ coo le kɔlan kelaa, kpɛŋɛ kon siŋnun o nɔɔlɛiyo. 10Vana-vana pilan pɛ ɲɛ vana nàà kon cal coo-o, te kon te ɲɛ o hini coo-o, vana kon lonin o nɔɔlɛiyo háá icɔllo. Vana-vana cua vɛlɛ pɛ ɲɛ vaa lende mo kɔɛ a ndu, o bɛnda mò tɔɔ volɔɔla ndɔla cuɛinanndan, mì ndu pila pulun cɛ́kɛ́lɛ́, mò lo o nɔɔlɛiyo háá icɔllo. 11Te vana co kon a nàà-o pulu balan te, mò pilan vanndo, vana o pilan kon-ndo bɛnda mò tɔɔ volɔɔla ndɔla cuɛinanndan, mì ndu pila pulun, mò lo o nɔɔlɛiyo háá icɔllo. 12Te vana nàà kon pilan pɛ kpɛɛnɛi puuluei, a bɛnda mà pɛl kpɛɛnɛi ken, te hɛngɛi yɔmndo o pilan ni, a bɛnda mà tuei hɛngɛi kon a mɛnndan. 13Te kusuma va ndu man fulaa o labɛngunin mí ma siinguu ndu vana nɔɔlɛiyo-an ma cuu pɛ, o bɛnda mò cii vɛlɛ palɛi ndii ŋɔmmɛw malan o siŋnun vana diandaa. O kon kɔɔli, o tɔɔ volɔɔla ndɔla cuɛinanndan, o pulun cɛ́kɛ́lɛ́ a mɛmma peean, o siŋnun vana diandaa. 14O paale ŋɔmaandɔlen coo, o bii piinda nda ŋiɔn, te kon te kangboa nda ŋiɔn, o kɔɛ Mɛlɛka o hɔl o cɛi-kola-toandaa-labɔɔŋianndo sondoo, o kɔ yɔngu vana-solia-lasálàá nda. 15O kon, vana-solia-lasálàá soli yowvo o pilɛ sálà co le hakio sɔlaa malɔɔ-o, o soli o pilɔɔ sálà loamaa. O cii pɛ, o tosa faleŋii dindiannde vana kon coo Mɛlɛka o hɔl le kusuma fula ndu man-ndan.
16Te mɛmma ivanapɔnɔyan ma fula pɛ vanndo, o bɛnda mò pulun kpow, mò lo o nɔɔlɛiyo Mɛlɛka o hɔl háá icɔllo. 17Volɔɔ cuɛinan oo volɔɔ cuɛinan, te kon te yáw visi oo yáw visi mɛmma ivanapɔnɔyama man ma mal pɛ sɔŋndo coo, o bɛnda mò tɔɔnun, mò lo o nɔɔlɛiyo háá icɔllo. 18Te vanalanɔɔ nda vanapɔnɔɔ tosa pɛ kpelemɔɔsaa, a bɛnda mà pulun nda ŋiɔn kpow, mà lo a nɔɔlɛiya háá icɔllo.›»
Nɔɔla vanalanɔɔ a ba dialii kolaninnde o kɔɔ
19«Te vanalanɔɔ va pɛ o paangei nin, mì koovan ma va ndu fulaa, o bɛnda mò lo o nɔɔla kon nin háá palɛi ndii ŋɔmmɛw. Vana-vana pilan ndu pɛ, ndu siŋnun vana nɔɔlɛiyo háá icɔllo. 20Tuma o co kon o paangei nin-ndo, kpele oo kpele o hini pɛ coo, kpele kon siŋnun o nɔɔlɛiyo Mɛlɛka o hɔl, ɲɛ-ɲɛ o cal vɛlɛ pɛ coo telen kon, ɲɛ kon siŋnun o nɔɔlɛiyo. 21-22Vana-vana pilan pɛ kpele vanalanɔ kon hini coo-o, te kon te ɲɛ o cal coo-o, o bɛnda mò tɔɔ volɔɔla ndɔla cuɛinanndan, mì ndu pila pulun, mò lo o nɔɔlɛiyo háá icɔllo. 23Te ɲɔɔ pum va pɛ o kpele kon coo, te kon te o ɲɛ-calaa kon coo, vana pilan pɛ ɲɛ kon, ndu bɛɛ siŋnun vana nɔɔlɛiyo háá icɔllo. 24Te vanapɔnɔɔ tosa pɛ kpelemɔɔsaa a vanalanɔ kon o palɛi ken nin, mì kooma ndɔma man ma fula, mì ma suinun ndu, mɛɛ vanapɔnɔ kon bɛɛ siŋnun vana nɔɔlɛiyo le palɛi ndii ŋɔmmɛw. Kpele oo kpele vanapɔnɔ kon hini pɛ coo, o siŋnun kpele nɔɔlɛiyo.
25Te koovan ma va pɛ vanalanɔɔ fulaa o palɛi taw bɛngu mo ve telen o dema paangii ndɔɛi cɔ-o le, te kon te o cii pɛ paangii ndɔɛi cɔ mò va hiovɔɔ laci a koovan cɔu tuŋ, mɛɛ o co o nɔɔlɛiyo Mɛlɛka o hɔl o palɛi ken nin kpow maa telen o va paangii ndɔɛi cɔu-vo. 26Kpele oo kpele o hini pɛ coo o palɛi ken nin, o siŋnun kpele nɔɔlɛiyo maa kpele o hini coo telen o va paangii ndɔɛi cɔu-vo-o. Ɲɛ-ɲɛ o cal vɛlɛ pɛ coo o palɛi ken nin, o siŋnun ɲɛ nɔɔlɛiyo maa ɲɛ o cal coo telen o va paangii ndɔɛi cɔu-vo-o. 27Vana-vana pilan pɛ kpele kon, te kon te ɲɛ-calaa kon, o bɛnda mò tɔɔ volɔɔla ndɔla cuɛinanndan, mì ndu pila pulun cɛ́kɛ́lɛ́, mò lo o nɔɔlɛiyo háá icɔllo. 28Kooma va ndu man fulaa-an ma pɛngi pɛ, mɛɛ mò cii vɛlɛ palɛi ndii ŋɔmmɛw malan o diandu Mɛlɛka o hɔl. 29O paale ŋɔmaandɔlen coo, o bii piinda nda ŋiɔn, te kon te kangboa nda ŋiɔn, o yoo vana-solia-lasálàá nda o cɛi-kola-toandaa-labɔɔŋianndo sondoo. 30O kon, vana-solia-lasálàá soli sálà co le hakio sɔlaa malɔɔ-o a yowvo o pilɛ, o soli sálà loamaa a o pilɔɔ. Lende o bɛnda ni mo tosa vanalanɔ kon faleŋii dindiannde coo Mɛlɛka o hɔl le kooma fula ndu lekɔɔ-an.
31La dimul Israɛlla maa a bɛnda mà caa taw, mà mandan a dɛnnda nɔɔlɛilan, yɔŋii nda nɔɔliaa fonda ni diandaa mà sɔla piɔ́mndo. Kani o fonda kon nin ya co niaa tɛɛn ni.
32Silalan la co lan ni le vanapɔnɔ nàà kɔɔsinaa bii o dialii kolaninnde, mì kusuan ma va ndu fulaa-o, le vana mɛmma ivanapɔnɔyan ma fula, mì ma siinguu ndu vana nɔɔlɛiyo-o, 33le vanalanɔ co paangii ndɔɛi cɔu-vo, le vana kusuan ma co fulaa o dialii kolaninnde-o a le vanapɔnɔ tosa kpelemɔɔsaa a vanalanɔɔ telen vanalanɔ kon co o nɔɔlɛiyo Mɛlɛka o hɔl-lo.»
Currently Selected:
Tɔŋ lasálàá 15: BKG
Highlight
Copy
Compare
Share
Want to have your highlights saved across all your devices? Sign up or sign in
© Alliance Biblique en Guinée
Tɔŋ lasálàá 15
15
Nɔɔla vanapɔnɔɔ a ba dialii kolaninnde o kɔɔ
1Mí Mɛlɛka soaa o Moise nda Aarɔn ndo, mó dimul nda aa: 2«La soo o Israɛlla lo, mì la dimul nda aa: ‹Te nàà kɔɔsinaa bii pɛ vanapɔnɔɔ o dialii kolaninnde, mì kusuan ma va ndu fulaa o labɛnguninndo, mɛɛ vana nɔɔlɛiyo o co le kusuma co ndu man fulaa-an ni. 3Le kɔɔsina kon o siŋnun vana nɔɔlɛiyo ni. Hali kusuan ma va bɛɛ fulaa, te kon te mì ma kuuma lenin, vana nɔɔlɛiyo vana kon co telen o co vɔ a nàà vɔɔn kon-ndo ni. 4Lelan, kpele oo kpele vana kon hini pɛ coo, o siŋnun kpele nɔɔlɛiyo, kpɛŋɛ oo kpɛŋɛ o cal vɛlɛ pɛ coo, o siŋnun kpɛŋɛ nɔɔlɛiyo. 5Vana-vana pilan pɛ kpele vana kon hini coo-o, o bɛnda mò tɔɔ volɔɔla ndɔla cuɛinanndan, mì ndu pila pulun cɛ́kɛ́lɛ́, mò lo o nɔɔlɛiyo háá icɔllo. 6Vana-vana cal pɛ nɛɛ vana co kon a nàà-o cal-la, o bɛnda mò tɔɔ volɔɔla ndɔla cuɛinanndan, mì ndu pila pulun cɛ́kɛ́lɛ́, mò lo o nɔɔlɛiyo háá icɔllo. 7Vana pilan pɛ vana kusuan mà co kon fulaa o dialii kolaninnde-o, o bɛnda mò tɔɔ volɔɔla ndɔla cuɛinanndan, mì ndu pila pulun cɛ́kɛ́lɛ́, mò lo o nɔɔlɛiyo háá icɔllo. 8Te vana kɔɔsinaa bii kon-ndo tufu pɛ vana co o diandaa Mɛlɛka o hɔl-lo lɔluan coo, vana kon bɛnda mò tɔɔ volɔɔla ndɔla cuɛinanndan, mì ndu pila pulun cɛ́kɛ́lɛ́, mò lo o nɔɔlɛiyo háá icɔllo. 9Kpɛŋɛ ɲɛ ɲaanan súú-súù vana nàà kon cal pɛ coo le kɔlan kelaa, kpɛŋɛ kon siŋnun o nɔɔlɛiyo. 10Vana-vana pilan pɛ ɲɛ vana nàà kon cal coo-o, te kon te ɲɛ o hini coo-o, vana kon lonin o nɔɔlɛiyo háá icɔllo. Vana-vana cua vɛlɛ pɛ ɲɛ vaa lende mo kɔɛ a ndu, o bɛnda mò tɔɔ volɔɔla ndɔla cuɛinanndan, mì ndu pila pulun cɛ́kɛ́lɛ́, mò lo o nɔɔlɛiyo háá icɔllo. 11Te vana co kon a nàà-o pulu balan te, mò pilan vanndo, vana o pilan kon-ndo bɛnda mò tɔɔ volɔɔla ndɔla cuɛinanndan, mì ndu pila pulun, mò lo o nɔɔlɛiyo háá icɔllo. 12Te vana nàà kon pilan pɛ kpɛɛnɛi puuluei, a bɛnda mà pɛl kpɛɛnɛi ken, te hɛngɛi yɔmndo o pilan ni, a bɛnda mà tuei hɛngɛi kon a mɛnndan. 13Te kusuma va ndu man fulaa o labɛngunin mí ma siinguu ndu vana nɔɔlɛiyo-an ma cuu pɛ, o bɛnda mò cii vɛlɛ palɛi ndii ŋɔmmɛw malan o siŋnun vana diandaa. O kon kɔɔli, o tɔɔ volɔɔla ndɔla cuɛinanndan, o pulun cɛ́kɛ́lɛ́ a mɛmma peean, o siŋnun vana diandaa. 14O paale ŋɔmaandɔlen coo, o bii piinda nda ŋiɔn, te kon te kangboa nda ŋiɔn, o kɔɛ Mɛlɛka o hɔl o cɛi-kola-toandaa-labɔɔŋianndo sondoo, o kɔ yɔngu vana-solia-lasálàá nda. 15O kon, vana-solia-lasálàá soli yowvo o pilɛ sálà co le hakio sɔlaa malɔɔ-o, o soli o pilɔɔ sálà loamaa. O cii pɛ, o tosa faleŋii dindiannde vana kon coo Mɛlɛka o hɔl le kusuma fula ndu man-ndan.
16Te mɛmma ivanapɔnɔyan ma fula pɛ vanndo, o bɛnda mò pulun kpow, mò lo o nɔɔlɛiyo Mɛlɛka o hɔl háá icɔllo. 17Volɔɔ cuɛinan oo volɔɔ cuɛinan, te kon te yáw visi oo yáw visi mɛmma ivanapɔnɔyama man ma mal pɛ sɔŋndo coo, o bɛnda mò tɔɔnun, mò lo o nɔɔlɛiyo háá icɔllo. 18Te vanalanɔɔ nda vanapɔnɔɔ tosa pɛ kpelemɔɔsaa, a bɛnda mà pulun nda ŋiɔn kpow, mà lo a nɔɔlɛiya háá icɔllo.›»
Nɔɔla vanalanɔɔ a ba dialii kolaninnde o kɔɔ
19«Te vanalanɔɔ va pɛ o paangei nin, mì koovan ma va ndu fulaa, o bɛnda mò lo o nɔɔla kon nin háá palɛi ndii ŋɔmmɛw. Vana-vana pilan ndu pɛ, ndu siŋnun vana nɔɔlɛiyo háá icɔllo. 20Tuma o co kon o paangei nin-ndo, kpele oo kpele o hini pɛ coo, kpele kon siŋnun o nɔɔlɛiyo Mɛlɛka o hɔl, ɲɛ-ɲɛ o cal vɛlɛ pɛ coo telen kon, ɲɛ kon siŋnun o nɔɔlɛiyo. 21-22Vana-vana pilan pɛ kpele vanalanɔ kon hini coo-o, te kon te ɲɛ o cal coo-o, o bɛnda mò tɔɔ volɔɔla ndɔla cuɛinanndan, mì ndu pila pulun, mò lo o nɔɔlɛiyo háá icɔllo. 23Te ɲɔɔ pum va pɛ o kpele kon coo, te kon te o ɲɛ-calaa kon coo, vana pilan pɛ ɲɛ kon, ndu bɛɛ siŋnun vana nɔɔlɛiyo háá icɔllo. 24Te vanapɔnɔɔ tosa pɛ kpelemɔɔsaa a vanalanɔ kon o palɛi ken nin, mì kooma ndɔma man ma fula, mì ma suinun ndu, mɛɛ vanapɔnɔ kon bɛɛ siŋnun vana nɔɔlɛiyo le palɛi ndii ŋɔmmɛw. Kpele oo kpele vanapɔnɔ kon hini pɛ coo, o siŋnun kpele nɔɔlɛiyo.
25Te koovan ma va pɛ vanalanɔɔ fulaa o palɛi taw bɛngu mo ve telen o dema paangii ndɔɛi cɔ-o le, te kon te o cii pɛ paangii ndɔɛi cɔ mò va hiovɔɔ laci a koovan cɔu tuŋ, mɛɛ o co o nɔɔlɛiyo Mɛlɛka o hɔl o palɛi ken nin kpow maa telen o va paangii ndɔɛi cɔu-vo. 26Kpele oo kpele o hini pɛ coo o palɛi ken nin, o siŋnun kpele nɔɔlɛiyo maa kpele o hini coo telen o va paangii ndɔɛi cɔu-vo-o. Ɲɛ-ɲɛ o cal vɛlɛ pɛ coo o palɛi ken nin, o siŋnun ɲɛ nɔɔlɛiyo maa ɲɛ o cal coo telen o va paangii ndɔɛi cɔu-vo-o. 27Vana-vana pilan pɛ kpele kon, te kon te ɲɛ-calaa kon, o bɛnda mò tɔɔ volɔɔla ndɔla cuɛinanndan, mì ndu pila pulun cɛ́kɛ́lɛ́, mò lo o nɔɔlɛiyo háá icɔllo. 28Kooma va ndu man fulaa-an ma pɛngi pɛ, mɛɛ mò cii vɛlɛ palɛi ndii ŋɔmmɛw malan o diandu Mɛlɛka o hɔl. 29O paale ŋɔmaandɔlen coo, o bii piinda nda ŋiɔn, te kon te kangboa nda ŋiɔn, o yoo vana-solia-lasálàá nda o cɛi-kola-toandaa-labɔɔŋianndo sondoo. 30O kon, vana-solia-lasálàá soli sálà co le hakio sɔlaa malɔɔ-o a yowvo o pilɛ, o soli sálà loamaa a o pilɔɔ. Lende o bɛnda ni mo tosa vanalanɔ kon faleŋii dindiannde coo Mɛlɛka o hɔl le kooma fula ndu lekɔɔ-an.
31La dimul Israɛlla maa a bɛnda mà caa taw, mà mandan a dɛnnda nɔɔlɛilan, yɔŋii nda nɔɔliaa fonda ni diandaa mà sɔla piɔ́mndo. Kani o fonda kon nin ya co niaa tɛɛn ni.
32Silalan la co lan ni le vanapɔnɔ nàà kɔɔsinaa bii o dialii kolaninnde, mì kusuan ma va ndu fulaa-o, le vana mɛmma ivanapɔnɔyan ma fula, mì ma siinguu ndu vana nɔɔlɛiyo-o, 33le vanalanɔ co paangii ndɔɛi cɔu-vo, le vana kusuan ma co fulaa o dialii kolaninnde-o a le vanapɔnɔ tosa kpelemɔɔsaa a vanalanɔɔ telen vanalanɔ kon co o nɔɔlɛiyo Mɛlɛka o hɔl-lo.»
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© Alliance Biblique en Guinée