Nsaki 5
5
Dɛnɛ palaa co le vanaa bolofaa
1Niaa vanaa bolofaa, la caŋ, la koŋul kpélén le dɛnnda palaala toalnin niaa coo lan. 2Bolofaa niaa sɛ, kaangoa cii volɔɔla cuɛinanndan niaalan sɔm. 3Sianin niaan a volin niaan sɔva. Sɔva kon vanin seilen le niaa ni, mò lom dialun niaan maa leyin. La cuungiaa bolofaa o palɛi mɛɛlɛi he. 4La tofa vɔ, sala vanvalaa kow ciɛɔn niaan-nda, o niaa kungulan coo-o, co yondaa. Nduyɛ cɛɛŋɔnnda vanaa koavaa kan la tiiyaa háá Mɛlɛka nɔ Kpaayaa-Kpow-vo o lani. 5La vìlí ceen niaa o kɔlkɛndɔɔ a o ɲɛm kɛndɔn nin, la pímí kɔlta niaalan le paale diyaalen. 6La yààlá vana sandaa, mí la díí ndu, o símul niaa le.
Biuvɔnndo a piɛilen
7Lelan puapilɛa, la biwnun háá a hunɔɔ Maalii-o. La tofa vɔ mɛɛ vana váà cum kɔmnde ɲɛ o vaa-o a biuvɔnndo taw yɛ, o sina maa fɔ mì piɔɔ sialte tasoo a piɔɔ vɔɔle pɔmbɔɔ sia. 8Niaa bɛɛ, la biwnun, la kɛsi kɔlta niaalan, kani hunɔɔ Maalii-o co nin kpɛɛlun.
9Puapilɛa, sɔɔn pɔmbɔn va niaa tɛɛn te, yɔŋii niaa sɔla yaalaa. La tofa vɔ, vana kialaa iyamaa co isisi o dio. 10Puapilɛa niaa, vanaa-tɛɛngaa-diom Hala-a soo o diola Mɛlɛka lan-nda, la cua tɔɔmasele ndaa le sangaa a le biuvɔnndo. 11La tofa vɔ, n cua nda maa vanaa sɔla dɛnɛ kɛndɔɔ-a nda co ni, vanaa bii kpáŋ má lo lecoo-a pɛɛn. La tuei a biuvɔn Yɔb-o o kɔɔ, la ce ɲɛ Mɛlɛka yɔngu ndu o mɛɛlulan-ndo, kani vana iɲííyo a vana ikɛndɔɔ Mɛlɛka co ni.
12Puapilɛa nia, o tasoo, la mɛ̀nan a halataalaa, te kon te a lɛŋnden te, la mɛnan mɛnan súú-súù le. Kɛ oi niaa bɛnda mò va oi, mì ɛ-ɛ niaa va ɛ-ɛ, yɔŋii niaa del o kɔɔsɔɔ nin.
13Vɛ̀ɛ̀ o niaa tɛɛn, vana pum co pá o sangaa nin? O bɛnda mò piɛi. Vanndo pum co pá a kɔlkɛndɔɔ? O bɛnda mò soli condon. 14Vɛ̀ɛ̀ o niaa tɛɛn, vana pum co pá a naá? O bɛnda mò veelu kaasoŋaa kɔlkalua kunda vanaa laalannda, mì kan piɛi le ndu, mà suu ndu cuɛiyan o diola Maalii lan. 15Piɛile laalannden le singinin vana naá, mì Mɛlɛka mingi ndu o pelon coo. Te o tosa pɛ hakilan, la malnunnin haki. 16Lelan, la sɔlɔlan hakila niaalan vellaa-velle, mì la piɛi le niaa pila vellaa-velle, haliko mi la sɔla siongɔɔ. Piɛile kindiannde vana sandaa le nɔ kpaayaa taw. 17Elii vanacieo o va maa naa ni, mó lamban piɛiyo maa piɔɔ sia le. O kon vɔsilan tan yáá a paangon mún ŋɔmpum, piɔɔ se o lɛŋnden coo le. 18O kon kɔɔli, mó piɛi vɛlɛ, mí halataalaa tuisi piɔɔ, mí lɛŋnden le nɛŋi tɔlɔɔlan.
19Puapilɛ nia, o niaa tɛɛn, te vanndo pum luɛi pɛ o pɔwlan nin, mò faŋan o toɲaa coo, mì vana celen mingi ndu o toɲaa coo, 20mɛɛ o sina pɛngu maa vana pum co, o mìngì vana lahakio o nɛi, mò faŋa ndu o pɔwlan nin-ndo. Ndu baŋa yoomoo o piɔ́mndo hɔl-ndɔ ni, mó kumbu hakila bɔɔ-bɔɔ, mí la ɲum.
Currently Selected:
Nsaki 5: BKG
Highlight
Copy
Compare
Share
Want to have your highlights saved across all your devices? Sign up or sign in
© Alliance Biblique en Guinée
Nsaki 5
5
Dɛnɛ palaa co le vanaa bolofaa
1Niaa vanaa bolofaa, la caŋ, la koŋul kpélén le dɛnnda palaala toalnin niaa coo lan. 2Bolofaa niaa sɛ, kaangoa cii volɔɔla cuɛinanndan niaalan sɔm. 3Sianin niaan a volin niaan sɔva. Sɔva kon vanin seilen le niaa ni, mò lom dialun niaan maa leyin. La cuungiaa bolofaa o palɛi mɛɛlɛi he. 4La tofa vɔ, sala vanvalaa kow ciɛɔn niaan-nda, o niaa kungulan coo-o, co yondaa. Nduyɛ cɛɛŋɔnnda vanaa koavaa kan la tiiyaa háá Mɛlɛka nɔ Kpaayaa-Kpow-vo o lani. 5La vìlí ceen niaa o kɔlkɛndɔɔ a o ɲɛm kɛndɔn nin, la pímí kɔlta niaalan le paale diyaalen. 6La yààlá vana sandaa, mí la díí ndu, o símul niaa le.
Biuvɔnndo a piɛilen
7Lelan puapilɛa, la biwnun háá a hunɔɔ Maalii-o. La tofa vɔ mɛɛ vana váà cum kɔmnde ɲɛ o vaa-o a biuvɔnndo taw yɛ, o sina maa fɔ mì piɔɔ sialte tasoo a piɔɔ vɔɔle pɔmbɔɔ sia. 8Niaa bɛɛ, la biwnun, la kɛsi kɔlta niaalan, kani hunɔɔ Maalii-o co nin kpɛɛlun.
9Puapilɛa, sɔɔn pɔmbɔn va niaa tɛɛn te, yɔŋii niaa sɔla yaalaa. La tofa vɔ, vana kialaa iyamaa co isisi o dio. 10Puapilɛa niaa, vanaa-tɛɛngaa-diom Hala-a soo o diola Mɛlɛka lan-nda, la cua tɔɔmasele ndaa le sangaa a le biuvɔnndo. 11La tofa vɔ, n cua nda maa vanaa sɔla dɛnɛ kɛndɔɔ-a nda co ni, vanaa bii kpáŋ má lo lecoo-a pɛɛn. La tuei a biuvɔn Yɔb-o o kɔɔ, la ce ɲɛ Mɛlɛka yɔngu ndu o mɛɛlulan-ndo, kani vana iɲííyo a vana ikɛndɔɔ Mɛlɛka co ni.
12Puapilɛa nia, o tasoo, la mɛ̀nan a halataalaa, te kon te a lɛŋnden te, la mɛnan mɛnan súú-súù le. Kɛ oi niaa bɛnda mò va oi, mì ɛ-ɛ niaa va ɛ-ɛ, yɔŋii niaa del o kɔɔsɔɔ nin.
13Vɛ̀ɛ̀ o niaa tɛɛn, vana pum co pá o sangaa nin? O bɛnda mò piɛi. Vanndo pum co pá a kɔlkɛndɔɔ? O bɛnda mò soli condon. 14Vɛ̀ɛ̀ o niaa tɛɛn, vana pum co pá a naá? O bɛnda mò veelu kaasoŋaa kɔlkalua kunda vanaa laalannda, mì kan piɛi le ndu, mà suu ndu cuɛiyan o diola Maalii lan. 15Piɛile laalannden le singinin vana naá, mì Mɛlɛka mingi ndu o pelon coo. Te o tosa pɛ hakilan, la malnunnin haki. 16Lelan, la sɔlɔlan hakila niaalan vellaa-velle, mì la piɛi le niaa pila vellaa-velle, haliko mi la sɔla siongɔɔ. Piɛile kindiannde vana sandaa le nɔ kpaayaa taw. 17Elii vanacieo o va maa naa ni, mó lamban piɛiyo maa piɔɔ sia le. O kon vɔsilan tan yáá a paangon mún ŋɔmpum, piɔɔ se o lɛŋnden coo le. 18O kon kɔɔli, mó piɛi vɛlɛ, mí halataalaa tuisi piɔɔ, mí lɛŋnden le nɛŋi tɔlɔɔlan.
19Puapilɛ nia, o niaa tɛɛn, te vanndo pum luɛi pɛ o pɔwlan nin, mò faŋan o toɲaa coo, mì vana celen mingi ndu o toɲaa coo, 20mɛɛ o sina pɛngu maa vana pum co, o mìngì vana lahakio o nɛi, mò faŋa ndu o pɔwlan nin-ndo. Ndu baŋa yoomoo o piɔ́mndo hɔl-ndɔ ni, mó kumbu hakila bɔɔ-bɔɔ, mí la ɲum.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© Alliance Biblique en Guinée