2Timote 2
2
Vana cɔw kɛndɛ Yeesu Krista-o
1Nɔm yɛ niko, po nuu, luei yoomuan le kɛndɛi naa n sɔla Yeesu Krista o ba-e. 2Ɲɛ n tuei ya dimio seiya taw o hɔl-lo, pɛɛku vanaa n laalan-nda ndu, a tiwnin ba mà pɛɛku vɛlɛ vanaa celen ndu-a.
3N sàngà latulu mɛɛ vana cɔw kɛndɛ Yeesu Krista-o sàngà nuaa yɛ. 4Vana cɔw co baalaa-o bɛnda mò vow balan o sɔɔn celen nin te, te o yeema pɛ mò tosa ɲɛ hɛnan vana co ndu bollen-ndo. 5Lende koni, te vanndo kindin pɛ le ɲaanɔnndo daama, o sɔla sala le, te o co mò ɲaanun mɛɛ o bɛnda yɛ le. 6Vana váà sanga taw-vo bɛnda fɔlɔn mò sɔla kundaa o ɲɛm o kow-von nin ni. 7Keela kɔllo o sɔɔn ya co nɔm dimullo-on coo, kani Mɛlɛka kenin nɔm kɔlkaloo o dɛnndan kpow nin.
8Loonun a Yeesu Krista o kɔɔ, o fula o polale David len nin, mó tendul-lo, mɛɛ Yoongu Kɛndɛ ya co dimio-o co yɛ. 9Le Yoongu Kɛndɛ kon ya co sangaa sɔlaa nuaa ni, mì va vɛlɛ o yɔlɔn maa vana tɛɛmbuu dɛnɛ pum-ndo. Kɛ sɔɛi Hala-e co i yiyaa le. 10Lelan i co dɛnndan kpow biuvɔn le dɛnɛ kɛndɛ vanaa Hala hɛli-a, haliko mi nda bɛɛ sɔla cindaa, o fula Yeesu Krista o ba-o, mà sɔla vɛlɛ biilu fɛɛn-fɛɛndo. 11Toɲaa sɔɔn mun n co ni:
«Te n vi pɛ latulu naa Yeesu-a,
n vanin vɛlɛ yoomu naa ndaa.
12Te n biwnun pɛ,
n tosanin vɛlɛ masalen naa ndaa.
Te n kɛɛ pɛ ndu,
ndu bɛɛ kɛɛnin naa.
13Te naa n lo o lediom coo le,
ndu ndu lonin o diomnden coo,
kani ndu pila sɛɛngiannin te.»
Vana baala kɛndɔɔ
14Va nda dɛnndan ndan yiyalanndo, mà va nda silaa Hala o hɔl vakpa maa a kpakpala sɛɛngianndan o diomndan lapum coo, la nɔ tɔnɔ le lan, kani tɛɛmbuuo koni la tɛɛmbuu vanaa yaŋ ndan nilan-nda ni. 15Kindin mà cɔmnun Hala o hɔl maa vana baala fula kɔlɔ loo, o siɛmbula bii loo, mà va sɔɛi toɲɛi dimio. 16Vow sondoo o sɔɔn fondon idiɔmndon nin te, kani sɔɔn mun n tosa ni mì vannda cɔɔlu Hala faaŋian. 17Sɔɔn ndan co macoaa mɛɛ paw kolonndo co nuaa yɛ. Himene nda Filɛte co vanaa kan ni, 18a faŋan kan toɲaa kɔɔli, má va dimio maa tendul naa cuu nin yɔŋnɔn, nduyɛ a co laalan vanaa pum faŋaa o fonda ndaa. 19Kɛ nduyɛ, sɔɔn kpeekpeiyun Hala tɔl mì n kɛsi tumndo-on n co mun ni aa: «Mɛlɛka sínà a ndɔ-a», nduyɛ: «Vana-vana dimi pɛ maa o Mɛlɛka-o o co ni, mɛɛ o màl dɛnɛ vɔɔndo.»
20O cɛi bɛndoo nin, o co ko ɲɛm-laandun nda toosiaa a sianion-ndon, te kon te n nda toosiaa a volin humbon daama-on te n co le, kɛ n pum toosian a yɔmnde, mì n pum toosian a puulu bɔ́wvo. N pum le makola sɔvɛlan solinndo a mun, n pum yɛ le kpekula yɛ́-yɛ́lan. 21Lelan te vanndo dindin pɛ le dɛnnda ya dimi lan ndan kpow, o siŋnun volɔɔ baalaa le makola sɔvɛlan, vana vana ndɔ bɛndoo solin mako-o pɛɛn, o toosian le dɛnɛ kɛndɛ súú-súù ka tosaa-o.
22Màl yeemɛi ifelengiyɛi, mà nuwviaa dɛnɛ sandaa a laalanndo, a kaolaa a á kɔlɲuloo niaa vanaa co Mɛlɛka biiloo a kɔl diandaa-a latulu. 23Vòw sondoo o sɛɛngiannda fondola idiɔmndan nin te, kani lan la hun a sɔngɔlan ni. 24Nduyɛ vana baala Mɛlɛka-o bɛnda mò va vana lasɔngɔ le. Kɛ o bɛnda mò va vana sɔvɛɔ a vannda kpow, mò tiwba vannda pɛɛkoo, mò va vana biwnun dɛnndan-ndo. 25O bɛnda mò mingi vanaa co ndu simullo-a o nɛi a kɔlɲuloo, mò nɔ o kɔl maa Hala co tosa, mà mangalan, mà sina toɲaa, 26o kon mà muungu o nda pila nin, mà hɛlun yaŋɔɔla nda va nin-ndan, la ɲina vɔɔndo toosiaa haliko mi ndáà tosa yiyan ndɔɔ lan.
Currently Selected:
2Timote 2: BKG
Highlight
Copy
Compare
Share
Want to have your highlights saved across all your devices? Sign up or sign in
© Alliance Biblique en Guinée
2Timote 2
2
Vana cɔw kɛndɛ Yeesu Krista-o
1Nɔm yɛ niko, po nuu, luei yoomuan le kɛndɛi naa n sɔla Yeesu Krista o ba-e. 2Ɲɛ n tuei ya dimio seiya taw o hɔl-lo, pɛɛku vanaa n laalan-nda ndu, a tiwnin ba mà pɛɛku vɛlɛ vanaa celen ndu-a.
3N sàngà latulu mɛɛ vana cɔw kɛndɛ Yeesu Krista-o sàngà nuaa yɛ. 4Vana cɔw co baalaa-o bɛnda mò vow balan o sɔɔn celen nin te, te o yeema pɛ mò tosa ɲɛ hɛnan vana co ndu bollen-ndo. 5Lende koni, te vanndo kindin pɛ le ɲaanɔnndo daama, o sɔla sala le, te o co mò ɲaanun mɛɛ o bɛnda yɛ le. 6Vana váà sanga taw-vo bɛnda fɔlɔn mò sɔla kundaa o ɲɛm o kow-von nin ni. 7Keela kɔllo o sɔɔn ya co nɔm dimullo-on coo, kani Mɛlɛka kenin nɔm kɔlkaloo o dɛnndan kpow nin.
8Loonun a Yeesu Krista o kɔɔ, o fula o polale David len nin, mó tendul-lo, mɛɛ Yoongu Kɛndɛ ya co dimio-o co yɛ. 9Le Yoongu Kɛndɛ kon ya co sangaa sɔlaa nuaa ni, mì va vɛlɛ o yɔlɔn maa vana tɛɛmbuu dɛnɛ pum-ndo. Kɛ sɔɛi Hala-e co i yiyaa le. 10Lelan i co dɛnndan kpow biuvɔn le dɛnɛ kɛndɛ vanaa Hala hɛli-a, haliko mi nda bɛɛ sɔla cindaa, o fula Yeesu Krista o ba-o, mà sɔla vɛlɛ biilu fɛɛn-fɛɛndo. 11Toɲaa sɔɔn mun n co ni:
«Te n vi pɛ latulu naa Yeesu-a,
n vanin vɛlɛ yoomu naa ndaa.
12Te n biwnun pɛ,
n tosanin vɛlɛ masalen naa ndaa.
Te n kɛɛ pɛ ndu,
ndu bɛɛ kɛɛnin naa.
13Te naa n lo o lediom coo le,
ndu ndu lonin o diomnden coo,
kani ndu pila sɛɛngiannin te.»
Vana baala kɛndɔɔ
14Va nda dɛnndan ndan yiyalanndo, mà va nda silaa Hala o hɔl vakpa maa a kpakpala sɛɛngianndan o diomndan lapum coo, la nɔ tɔnɔ le lan, kani tɛɛmbuuo koni la tɛɛmbuu vanaa yaŋ ndan nilan-nda ni. 15Kindin mà cɔmnun Hala o hɔl maa vana baala fula kɔlɔ loo, o siɛmbula bii loo, mà va sɔɛi toɲɛi dimio. 16Vow sondoo o sɔɔn fondon idiɔmndon nin te, kani sɔɔn mun n tosa ni mì vannda cɔɔlu Hala faaŋian. 17Sɔɔn ndan co macoaa mɛɛ paw kolonndo co nuaa yɛ. Himene nda Filɛte co vanaa kan ni, 18a faŋan kan toɲaa kɔɔli, má va dimio maa tendul naa cuu nin yɔŋnɔn, nduyɛ a co laalan vanaa pum faŋaa o fonda ndaa. 19Kɛ nduyɛ, sɔɔn kpeekpeiyun Hala tɔl mì n kɛsi tumndo-on n co mun ni aa: «Mɛlɛka sínà a ndɔ-a», nduyɛ: «Vana-vana dimi pɛ maa o Mɛlɛka-o o co ni, mɛɛ o màl dɛnɛ vɔɔndo.»
20O cɛi bɛndoo nin, o co ko ɲɛm-laandun nda toosiaa a sianion-ndon, te kon te n nda toosiaa a volin humbon daama-on te n co le, kɛ n pum toosian a yɔmnde, mì n pum toosian a puulu bɔ́wvo. N pum le makola sɔvɛlan solinndo a mun, n pum yɛ le kpekula yɛ́-yɛ́lan. 21Lelan te vanndo dindin pɛ le dɛnnda ya dimi lan ndan kpow, o siŋnun volɔɔ baalaa le makola sɔvɛlan, vana vana ndɔ bɛndoo solin mako-o pɛɛn, o toosian le dɛnɛ kɛndɛ súú-súù ka tosaa-o.
22Màl yeemɛi ifelengiyɛi, mà nuwviaa dɛnɛ sandaa a laalanndo, a kaolaa a á kɔlɲuloo niaa vanaa co Mɛlɛka biiloo a kɔl diandaa-a latulu. 23Vòw sondoo o sɛɛngiannda fondola idiɔmndan nin te, kani lan la hun a sɔngɔlan ni. 24Nduyɛ vana baala Mɛlɛka-o bɛnda mò va vana lasɔngɔ le. Kɛ o bɛnda mò va vana sɔvɛɔ a vannda kpow, mò tiwba vannda pɛɛkoo, mò va vana biwnun dɛnndan-ndo. 25O bɛnda mò mingi vanaa co ndu simullo-a o nɛi a kɔlɲuloo, mò nɔ o kɔl maa Hala co tosa, mà mangalan, mà sina toɲaa, 26o kon mà muungu o nda pila nin, mà hɛlun yaŋɔɔla nda va nin-ndan, la ɲina vɔɔndo toosiaa haliko mi ndáà tosa yiyan ndɔɔ lan.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© Alliance Biblique en Guinée