2Tesalonikea 3
3
La piɛi Hala le naa
1Puapilɛa nia, o ya yeema mì mɛɛlu niaa dimul-lo co hoo ni, la piɛi Hala le naa, haliko mi sɔɛi Maalii-e keleŋa sɛŋin nɛɛ-nɛɛ ka, mì i sɔla bɛɛlen mɛɛ o co niaa tosanndo tɛɛn yɛ. 2La piɛi vɛlɛ Hala haliko mo soli naa vanaa vɔɔnda a vanaa kɔlvesɛiya o ba. Kani o co vannda kpow le a láálan te.
3Kɛ vana lo o lediom coo-o Mɛlɛka co ni, o lueinin niaa yoomuan, mò ciindiaa niaa vana kɔlvesɛiyo o ba. 4N laalan Mɛlɛka a dɛnɛ niaa o kɔɔ. N sìna maa la co sɔɔn naa n congun niaa-on tosaa, la co vɛlɛ hiovɔɔ laci a tosaa.
5Màá Mɛlɛka cɛl mì la handu kɔltan o kaola Hala-o a o biwnɔn Krista-o coo!
Le kɔlɔ vana tosa baalaa-o
6Puapilɛa naa, n co niaa sɔɛi he dimul o diola Maalii Yeesu Krista lan, la faŋán vanaa siɛlɛiya kɔɔli, a co ceen ndaa vilio mɛ̀ɛ́-mɛ̀ɛ́ ka-a pɛɛn, a co ndu vili mɛɛ naa n pɛɛku nda yɛ le. 7Niaa pila sínà maa o bɛnda mì la tosa maa naa. Kani telen naa n va niaa tɛɛn-ndo, n ve vanaa idiyɛ le. 8Vana-vana dow naa balo fúú le, kɛ mí n fafala o baalaa nin, mí n sanga taw. N va baalaa idii a icɔl yɔŋii náà n va o ba vana bɛngu niaa tɛɛn. 9N tosá kon, o co dimi le maa niáà tiwba naa malaa le, kɛ náà n yeema mì náà n cɔm niaa tɔɔmasele kɛndɔɔ le kelaa lecoo. 10Nduyɛ, telen naa n va o niaa lo-o, mí n dimul niaa aa: «Vana yeema baala le, mɛɛ ndu dia le.»
11Kɛ nduyɛ, n co tueyɔɔ maa vanaa pum a co niaa tɛɛn, siɛlɛiyo nda nɔ ni, a co ɲɛ-ɲɛ tosa le, fɔ sondolan keiyo vowvo o sɔɔn pilan nin. 12O naa n co vanaa kan dimul o diola Maalii Yeesu Krista lan-ndo co hoo ni, a tosà vallo a kɔlɲuloo, mà sɔla ɲɛdiaa le nda pila.
13Niaa yɛ puapilɛa naa, la sangà a dɛnɛ kɛndɔɔ tosaa le. 14La bii hee bila ɲɛkɛndɛi, te vanndo bii sɔɔn naa n co niaa dimullo o sɛbɔɔ ho nin-ndon te, la holnun ndu le, haliko mi siɛmbulan la tol ndu. 15Nduyɛ, la ca ndu yaamɔɔ niaa le, kɛ la kanalan ndu maa puapilɛ nia.
Duaa a yilɔɔlan
16Màá Mɛlɛka nɔ kɔlɲuloo o ba-o kei o nɛi oo nɛi coo, mò va niaa ndu yɔngoo lɔ́ɔ́-lɔ́ɔ̀! Màá ndu Mɛlɛka va niaa kpow ikɛi!
17Yilɔɔlan ndan, ya Pol co lan sɛvaa a ba ni. Nuaa ya handu pondalen o sɛbɛla nilan nin kpow o mɛɛlulan ni. Nuaa ya sɛva ni.
18Màá kɛndɛi Maalii naa Yeesu Krista-e i va niaa kpow coo!
Currently Selected:
2Tesalonikea 3: BKG
Highlight
Copy
Compare
Share
Want to have your highlights saved across all your devices? Sign up or sign in
© Alliance Biblique en Guinée
2Tesalonikea 3
3
La piɛi Hala le naa
1Puapilɛa nia, o ya yeema mì mɛɛlu niaa dimul-lo co hoo ni, la piɛi Hala le naa, haliko mi sɔɛi Maalii-e keleŋa sɛŋin nɛɛ-nɛɛ ka, mì i sɔla bɛɛlen mɛɛ o co niaa tosanndo tɛɛn yɛ. 2La piɛi vɛlɛ Hala haliko mo soli naa vanaa vɔɔnda a vanaa kɔlvesɛiya o ba. Kani o co vannda kpow le a láálan te.
3Kɛ vana lo o lediom coo-o Mɛlɛka co ni, o lueinin niaa yoomuan, mò ciindiaa niaa vana kɔlvesɛiyo o ba. 4N laalan Mɛlɛka a dɛnɛ niaa o kɔɔ. N sìna maa la co sɔɔn naa n congun niaa-on tosaa, la co vɛlɛ hiovɔɔ laci a tosaa.
5Màá Mɛlɛka cɛl mì la handu kɔltan o kaola Hala-o a o biwnɔn Krista-o coo!
Le kɔlɔ vana tosa baalaa-o
6Puapilɛa naa, n co niaa sɔɛi he dimul o diola Maalii Yeesu Krista lan, la faŋán vanaa siɛlɛiya kɔɔli, a co ceen ndaa vilio mɛ̀ɛ́-mɛ̀ɛ́ ka-a pɛɛn, a co ndu vili mɛɛ naa n pɛɛku nda yɛ le. 7Niaa pila sínà maa o bɛnda mì la tosa maa naa. Kani telen naa n va niaa tɛɛn-ndo, n ve vanaa idiyɛ le. 8Vana-vana dow naa balo fúú le, kɛ mí n fafala o baalaa nin, mí n sanga taw. N va baalaa idii a icɔl yɔŋii náà n va o ba vana bɛngu niaa tɛɛn. 9N tosá kon, o co dimi le maa niáà tiwba naa malaa le, kɛ náà n yeema mì náà n cɔm niaa tɔɔmasele kɛndɔɔ le kelaa lecoo. 10Nduyɛ, telen naa n va o niaa lo-o, mí n dimul niaa aa: «Vana yeema baala le, mɛɛ ndu dia le.»
11Kɛ nduyɛ, n co tueyɔɔ maa vanaa pum a co niaa tɛɛn, siɛlɛiyo nda nɔ ni, a co ɲɛ-ɲɛ tosa le, fɔ sondolan keiyo vowvo o sɔɔn pilan nin. 12O naa n co vanaa kan dimul o diola Maalii Yeesu Krista lan-ndo co hoo ni, a tosà vallo a kɔlɲuloo, mà sɔla ɲɛdiaa le nda pila.
13Niaa yɛ puapilɛa naa, la sangà a dɛnɛ kɛndɔɔ tosaa le. 14La bii hee bila ɲɛkɛndɛi, te vanndo bii sɔɔn naa n co niaa dimullo o sɛbɔɔ ho nin-ndon te, la holnun ndu le, haliko mi siɛmbulan la tol ndu. 15Nduyɛ, la ca ndu yaamɔɔ niaa le, kɛ la kanalan ndu maa puapilɛ nia.
Duaa a yilɔɔlan
16Màá Mɛlɛka nɔ kɔlɲuloo o ba-o kei o nɛi oo nɛi coo, mò va niaa ndu yɔngoo lɔ́ɔ́-lɔ́ɔ̀! Màá ndu Mɛlɛka va niaa kpow ikɛi!
17Yilɔɔlan ndan, ya Pol co lan sɛvaa a ba ni. Nuaa ya handu pondalen o sɛbɛla nilan nin kpow o mɛɛlulan ni. Nuaa ya sɛva ni.
18Màá kɛndɛi Maalii naa Yeesu Krista-e i va niaa kpow coo!
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© Alliance Biblique en Guinée