Titə 3
3
Kalan non dúwɔ́ pələ
1Gili too nu kəlee ɲą, yɛ́ diɛ: mąąnɛ̨ɛ̨i di lɛɛ nwun nąmįną, da ɲąąwooɓo kɛ nuą kəlee woo mu, di di kpɔwɔ mąąyɛɛ, di hɛ̨ąyiliɛ mɛ̨nį lɛlɛɛ kəlee kɛ mɛ̨nį ɓa. 2Di hvo nu ta lalan, di hvaa kɛ mɛ̨nį mąąlaa, di kɛ a di liinɛ̨ɛ̨ di kwəi, di liinɛ̨ɛ̨ gwəi laa kɛ nu kəlee ɓa, a yələ kəlee. 3Mąąhɔlɔɓo, guɔ kpɛlimąn, gu wɔlɔ kɛ yɛ diɛ, gu hvo kɛli mɛ̨nį ta kpaɠala kaa, gu kwɛli teɛ, gu lanŋąą, guɔ ɓo nu kan niiɓa mɛ̨nį kəlee yee kɔnma, gu tolɔɔ, guɔ wɛlikpɛɛmąą laa kulɔ a gu keeni. 4Kɛlaa, yii kɛa gu ɓalo-Yálá ŋą liinɛ̨ɛ̨ gwəi laa nu kanŋaa pɔ, da ŋą wɛlikɛmąą laa ə too pono ɲą, 5ə gu nwun mąąɓo; yili hvo kulɔ li gu wɔɔ tələnmolaa ŋą túwɔ́ pələ lɛlɛ hvan ɉu, kɛlaa ə kulɔ Yálá ŋą nɛ̨ɛ̨laa hvan ɉu, ə gu kaa a lon, ə gu mąąwaa a nįnɛ̨, ə gu pu gu nįnɛ̨ kɔlɔi Kili-Mąąhəɠɛɛ yee kɔnma. 6Gilii tii ɓə ə ɲɛɛ gu mɛ̨i kpɔ a ɉu kɛnɛ̨, gu Nwun mąąɓomun Jesus Kristə háálai. 7Ə gɛ, yii kɛa gu mąą aa həɠə ŋą mɛ̨inɛ̨ɛ̨ háálai, gu kɛ kɛa, yɛ bələi gilitɔɔmąą laa tii kaa la, a ɲɛnɛ̨ɛ̨ nįnɛ̨ hɔlɔɓo nuą kwɛlin. 8Nwoo ti kaa a tɛ̨ąi da pɛli di kilitɔɔi mą, ɛlɛɛ, gáá bɔ ə́ ə́ wəli tɔɔ kpɔ mą kpąą, əgɛ, nuąi daa laa Yálá la, di pɛli kɛnɛ̨i mɛ̨nį lɛlɛɛɠaa kɛɛ hu. Yili ɓə nɛlɛɛ, dɔlɔ ə ɓo mą nuą diɛ. 9Kɛlaa, mɛ̨nį kpɛli-kpɛliɠaa kwɛliɛ, nu kaa pələ mɛ̨nįɠaa, hɛatoɔ, dɔn mɛ̨nį mąąhɛatoɔ, 'ə́ laa kulɔ yiliɠaai hu, gaa kpɔ a kpɛli-kpɛli mɛ̨nį, nwun və mą. 10Nui a kɛ gbɔn ɉu nu ɓɛlaɓoi, niɛwoo kɛ gee mɛ̨i hveelɛ, awala ə́ woo mɛ̨n, ə́ gulɔ gbɔn ɉu. 11Ə́ kili kaa ɉu nu taaləi ti, aa həɠə tɛ̨ą pələ mɛ̨i, ɲee yɛ ɓo nɛ̨ŋɛ̨n ɉu, yaa kpinįi lɔ ɓə gbɔwɔ nwun na pilii.
Liɛwoo da Túwɔ́-woo
12Ɓɛlɔwai gáá pai Artemasə, awala kɛ ti, Tisikə tɔɔi la ə́ pɔɔli, gɛ pələ kwɛli mą, ə́ pa, ə́ gáá Nikopolisə. Nąą ɓə, ŋą́ naa gwə́i gɛ́ ŋį́ lɛɛ laa ɉamą-yá tɛɛ. 13Gɛ pələ kwɛli mąą, ə́ kpɔnmąą tɛɛ Ɉenasə pɔ, yai a giti-haɠa-ɓa mun da, di wɔ hiɛi hu da Apɔlɔsə, di yee ɲą hvo kpɛɛ. 14Mąąnɛ̨ɛ̨ gu wɔ nuąi diɛ kpɛlimąn di kɛnɛ̨ mɛ̨nį lɛlɛɛ kɛɛ hu, əgɛ, mɛ̨nį ta a kulɔ, diɛ pɛli ɲąąlɔi, yili a kɛ tii, di tɔlɔ hva kpɛɛ diɛ.
15Kwa nuąi ku kaa ɓɛ, gəlee diɛ ə́ tuwɔ ɓo. Nuąi ku wɛli kaa diɛ laa na láá hu, ku di tuwɔ ɓo.
Yálá ŋą mɛ̨inɛ̨ɛ̨ ə kɛ ká kəlee káá.
Currently Selected:
Titə 3: BKPDCG
Highlight
Copy
Compare
Share
Want to have your highlights saved across all your devices? Sign up or sign in
Titə 3
3
Kalan non dúwɔ́ pələ
1Gili too nu kəlee ɲą, yɛ́ diɛ: mąąnɛ̨ɛ̨i di lɛɛ nwun nąmįną, da ɲąąwooɓo kɛ nuą kəlee woo mu, di di kpɔwɔ mąąyɛɛ, di hɛ̨ąyiliɛ mɛ̨nį lɛlɛɛ kəlee kɛ mɛ̨nį ɓa. 2Di hvo nu ta lalan, di hvaa kɛ mɛ̨nį mąąlaa, di kɛ a di liinɛ̨ɛ̨ di kwəi, di liinɛ̨ɛ̨ gwəi laa kɛ nu kəlee ɓa, a yələ kəlee. 3Mąąhɔlɔɓo, guɔ kpɛlimąn, gu wɔlɔ kɛ yɛ diɛ, gu hvo kɛli mɛ̨nį ta kpaɠala kaa, gu kwɛli teɛ, gu lanŋąą, guɔ ɓo nu kan niiɓa mɛ̨nį kəlee yee kɔnma, gu tolɔɔ, guɔ wɛlikpɛɛmąą laa kulɔ a gu keeni. 4Kɛlaa, yii kɛa gu ɓalo-Yálá ŋą liinɛ̨ɛ̨ gwəi laa nu kanŋaa pɔ, da ŋą wɛlikɛmąą laa ə too pono ɲą, 5ə gu nwun mąąɓo; yili hvo kulɔ li gu wɔɔ tələnmolaa ŋą túwɔ́ pələ lɛlɛ hvan ɉu, kɛlaa ə kulɔ Yálá ŋą nɛ̨ɛ̨laa hvan ɉu, ə gu kaa a lon, ə gu mąąwaa a nįnɛ̨, ə gu pu gu nįnɛ̨ kɔlɔi Kili-Mąąhəɠɛɛ yee kɔnma. 6Gilii tii ɓə ə ɲɛɛ gu mɛ̨i kpɔ a ɉu kɛnɛ̨, gu Nwun mąąɓomun Jesus Kristə háálai. 7Ə gɛ, yii kɛa gu mąą aa həɠə ŋą mɛ̨inɛ̨ɛ̨ háálai, gu kɛ kɛa, yɛ bələi gilitɔɔmąą laa tii kaa la, a ɲɛnɛ̨ɛ̨ nįnɛ̨ hɔlɔɓo nuą kwɛlin. 8Nwoo ti kaa a tɛ̨ąi da pɛli di kilitɔɔi mą, ɛlɛɛ, gáá bɔ ə́ ə́ wəli tɔɔ kpɔ mą kpąą, əgɛ, nuąi daa laa Yálá la, di pɛli kɛnɛ̨i mɛ̨nį lɛlɛɛɠaa kɛɛ hu. Yili ɓə nɛlɛɛ, dɔlɔ ə ɓo mą nuą diɛ. 9Kɛlaa, mɛ̨nį kpɛli-kpɛliɠaa kwɛliɛ, nu kaa pələ mɛ̨nįɠaa, hɛatoɔ, dɔn mɛ̨nį mąąhɛatoɔ, 'ə́ laa kulɔ yiliɠaai hu, gaa kpɔ a kpɛli-kpɛli mɛ̨nį, nwun və mą. 10Nui a kɛ gbɔn ɉu nu ɓɛlaɓoi, niɛwoo kɛ gee mɛ̨i hveelɛ, awala ə́ woo mɛ̨n, ə́ gulɔ gbɔn ɉu. 11Ə́ kili kaa ɉu nu taaləi ti, aa həɠə tɛ̨ą pələ mɛ̨i, ɲee yɛ ɓo nɛ̨ŋɛ̨n ɉu, yaa kpinįi lɔ ɓə gbɔwɔ nwun na pilii.
Liɛwoo da Túwɔ́-woo
12Ɓɛlɔwai gáá pai Artemasə, awala kɛ ti, Tisikə tɔɔi la ə́ pɔɔli, gɛ pələ kwɛli mą, ə́ pa, ə́ gáá Nikopolisə. Nąą ɓə, ŋą́ naa gwə́i gɛ́ ŋį́ lɛɛ laa ɉamą-yá tɛɛ. 13Gɛ pələ kwɛli mąą, ə́ kpɔnmąą tɛɛ Ɉenasə pɔ, yai a giti-haɠa-ɓa mun da, di wɔ hiɛi hu da Apɔlɔsə, di yee ɲą hvo kpɛɛ. 14Mąąnɛ̨ɛ̨ gu wɔ nuąi diɛ kpɛlimąn di kɛnɛ̨ mɛ̨nį lɛlɛɛ kɛɛ hu, əgɛ, mɛ̨nį ta a kulɔ, diɛ pɛli ɲąąlɔi, yili a kɛ tii, di tɔlɔ hva kpɛɛ diɛ.
15Kwa nuąi ku kaa ɓɛ, gəlee diɛ ə́ tuwɔ ɓo. Nuąi ku wɛli kaa diɛ laa na láá hu, ku di tuwɔ ɓo.
Yálá ŋą mɛ̨inɛ̨ɛ̨ ə kɛ ká kəlee káá.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in