Mateo Pahāti sabab jūd sinulat weꞌ Mateo
Pahāti sabab jūd sinulat weꞌ Mateo
Masa katuꞌu si Isa Almasi si dunyahin, meꞌ kalahatan Yahudihin si antanan bangsa Roma. Sultan Nakuraꞌ si Romahin magbayaꞌ si meꞌ Yahudihin. Hangkan hep ekka meꞌ sundalu bangsa Roma laꞌi si meꞌ kalahatan Yahudi.
Kasigpitan meꞌ Yahudihin peggeꞌ dinaꞌak siye weꞌ Sultan Nakuraꞌin magbayed sukey si gubelno Romahin. Iye dinaꞌakne magpāku sukeyin meꞌ Yahudi sinduwehin hangkan kaꞌastelan siye weꞌ meꞌ pagkaside Yahudihin, lagiꞌ ne peggeꞌ pinasōng weꞌ de bayed pinākuden.
Si Mateo dangan meꞌ magpāku-pāku sukey inin. Saguwaꞌ sakaliꞌ iye binoꞌo weꞌ si Isa, magtawus inambanan weꞌ ne hinangne miyaꞌan duk nuhut ne iye si Isa. Dangan isab iye si sampūꞌ duk duwe tapeneꞌ si Isahin nuhut-nuhut iye duk magmahalayak lapalnen.
Jūd sinulat si Mateo inin sinulat weꞌ ne para si meꞌ pagkasine Yahudi. Inakahan siye weꞌ ne sabab meꞌ pamanoloꞌ si Isahin duk sabab meꞌ hininangnen. Pinapastiꞌ weꞌ ne si siye weꞌ si Isa, aꞌa Nasaretin, asal Almasihin ne, iye bakas sinulat weꞌ si Musa duk meꞌ kanabihanin. Tasulat hep weꞌ de sanggup Tuhanin awwalley weꞌ papitune du si dunya Almasihin, tapeneꞌne magbayaꞌ si bangsa Yahudihin duk iye manimbul siyehin. Manjari inase-ase teꞌed weꞌ meꞌ Yahudihin panuman Tuhan sanggupne miyaꞌan duk inagad-agad weꞌ de papitu Almasihin. Hangkan hep sinulat weꞌ Mateo jūd inin supaya kahagad meꞌ Yahudihin weꞌ si Isa asal Almasihin ne, tapeneꞌ Tuhan magbayaꞌ si siyehin.
Inin aka-aka hāp sabab Isa Almasi
Jūd inin sinulat weꞌ Mateo
Currently Selected:
Mateo Pahāti sabab jūd sinulat weꞌ Mateo: yakV
Highlight
Share
Copy
Want to have your highlights saved across all your devices? Sign up or sign in
© 2019, Wycliffe Bible Translators, Inc. All rights reserved.