Yahiya Pahāti sabab jūd sinulat weꞌ Yahiya
Pahāti sabab jūd sinulat weꞌ Yahiya
Si Yahiya inin dangan meꞌ tindeg si Isa tapeneꞌne dinaꞌak magmahalayak lapalnen. Samanen si Sebede, aꞌa magkenna. Saꞌinen si Salome, tindeg Isa Almasi isab duk dambuwaꞌ iye meꞌ dende mangurung bānyaꞌ pu si Isa duk meꞌ tindegnen.
Si Yahiya bataꞌ pe pangalingan si Isa iyehin. Sasangde duk si Yakub, pungtinaꞌinen, maghatul pokot samaden laꞌi si higad lamew, palabey si Isa duk binoꞌo siye weꞌ ne. Magtawus inambanan weꞌ si Yahiya duk si Yakub samaden laꞌi dem bangkaꞌ duk nuhut ne siye si Isa. Dambūs-būs teꞌed panuhut Yahiya si Isahin. Sampay bahiꞌ iye gaꞌ teꞌed pinda sandelne pu si Isahin duk magesseb teꞌed siye duwangan.
Inaka weꞌ Yahiya bang weꞌey sulatne jūd inin. Paꞌinne supaya koꞌ meꞌ aꞌahin kahagad weꞌ si Isa asal bennal Anak Tuhanin duk sabab pakahagadde inin, taga umul siye gaꞌ tamananne. Niyaꞌ pituꞌ hinangan si Isa balakatan inaka weꞌ Yahiya tuꞌu si sulatne inin. Duk niyaꞌ pituꞌ usihat si Isa inaka weꞌ ne. Si meꞌ hinanganne makaꞌulaliꞌ miyaꞌan, takitete weꞌ Tuhanin mamapitu si Isahin. Si meꞌ usihat si Isa inin, takitete isab weꞌ Tuhanin mamapitu si Isahin.
Kabayaꞌan Yahiyahin weꞌ kahagad meꞌ aꞌahin pu si Isa duk nuhut siye iye. Peggeꞌ luwal hadja bang sandel siye pu si Isa meke siye taga umul salama-lama. Gaꞌ niyaꞌ lān seddili.
Inin aka-aka hāp sabab Isa Almasi
Jūd inin sinulat weꞌ Yahiya
Currently Selected:
Yahiya Pahāti sabab jūd sinulat weꞌ Yahiya: yakV
Highlight
Share
Copy
Want to have your highlights saved across all your devices? Sign up or sign in
© 2019, Wycliffe Bible Translators, Inc. All rights reserved.