Hinangan 24
24
Si Paul tinuntutan weꞌ meꞌ Yahudihin
1Pagpuwas limem bahangi, hap pī Ananiyas, imam nakuraꞌin, si Kesarea magtuhut duk bang piyangan meꞌ bahiꞌ duk dambuwaꞌ abugaw inēnan Tertullus. Pī siye paharap si gubnulin duk inaka weꞌ de tuntutde pu si Paulin. 2Pagtatawag ne weꞌ de si Paul, tinagnaꞌan ne weꞌ Tertullus inaka tuntutden. Paꞌinne, “Tuwan, asal bangsahan kew. Sabab paggubnulnu mahāpin, sanyang teꞌed lahat kamihin, duk ekka isab tahinangnu kahāpan si lahat inin. 3Antag-antag duk sumiyan-sumiyan asal tayimaꞌ kami teꞌed tabangnun, duk magsukul teꞌed kami si kaꞌu. 4Gaꞌi ku mabayaꞌ ngalal kaꞌu tiggel,” paꞌinne, “saguwaꞌ pakimaꞌapanku si kaꞌu, pakalehun dahuꞌ kami daddaliꞌ. 5Tapandoga kami weꞌ aꞌa inin pananasew teꞌed. Iye manasew meꞌ bangsa Yahudi si tibuꞌukan dunyahin. Duk iye nakuraꞌ meꞌ aꞌa manuhut toloꞌ aꞌa Nasaretin. 6Sōng isab pagsammalanne langgal mahadjehin duk siniggew iye weꞌ kami. Bayaꞌ iye hukum kami patuhut si saraꞌ āgama kami, 7saguwaꞌ tekka Kelnel Lisiyas pī ngagew iye amban kami. 8Ubus dinaꞌak weꞌ ne meꞌ manuntutin pitu paharap si kaꞌu, Tuwan. Bang sumariyanu aꞌa inin, kataꞌuhannu du iyan amban iye kēmon meꞌ panuntutan kami iyehin.” 9Padūs isab meꞌ Yahudihin nuntutan iye duk paꞌinde weꞌ kēmon miyaꞌan toꞌo.
Pamēbbeg si Paul dinen si harapan si Pilik
10Manjari sininyasan weꞌ gubnulin si Paul dinaꞌak missā, duk missā ne iye. Paꞌinne si gubnulin, “Kēgan ku missā para si diku tuꞌu si pagharapannu, Tuwan, peggeꞌ kataꞌuhanku weꞌ tiggel ne kew malengngan saraꞌ tuꞌu si bangsa kami inin. 11Mura du inin tapaliksaꞌnu, Tuwan, weꞌ niyaꞌ du miyaꞌan sampūꞌ duk duwe ellew kemuwe patakedku hap Awrusalam nambahayang laꞌi si langgal mahadjehin. 12Gaꞌ ku bakas kite meꞌ Yahudi inin magjawab duk sine-sine laꞌi dem langgal mahadjehin. Gaꞌ ku kitede ngawul-ngawul meꞌ aꞌahin dem meꞌ langgalde atawa antag-antag si puweblo Awrusalam. 13Duk gaꞌ du niyaꞌ pureba pangurungde kaꞌu si meꞌ tuntutde si aku inin. 14Saguwaꞌ bennalanku si kaꞌu weꞌ asal sambahayangku Tuhan meꞌ kapapuꞌan kamihin patuhut si toloꞌ Isa Almasihin, bu paꞌinde weꞌ gaꞌi tewwaꞌ inin. Saguwaꞌ asal kahagadku du isab kēmon tasulat dem saraꞌ si Musahin duk dem meꞌ kitab kanabi-nabihanin. 15Inase-aseku amban Tuhanin kuweꞌ du isab inase-aseden, weꞌ kēmon manusiyaꞌin, hāp duk laꞌat, pinakellum du balik. 16Hangkan hep ku maggeꞌes teꞌed supaya tabugtuꞌku dem ateyku weꞌ gaꞌ niyaꞌ sallaꞌku si Tuhan duk si pagkasiku manusiyaꞌ.
17“Manjari, paglabey bang piyen tahun kemuweku lumikut amban Awrusalam, balik ku pī moꞌo sīn pangurung si meꞌ aꞌa bangsakun duk magkuluban si Tuhan. 18Sābuku hep mangahinang inin,” paꞌin si Paul, “pangasuwaꞌde aku dem langgal mahadjehin. Baꞌahu du ku miyaꞌan ubus ngahinang meꞌ addat pasal pagsutsihin. Kulang du meꞌ aꞌa manuhut akuhin duk gaꞌ du isab niyaꞌ sasew. 19Saguwaꞌ niyaꞌ meꞌ Yahudi amban lahat Asiya laꞌi. Siye siꞌ miyaꞌan subey mapitu mapaharap si kaꞌuhin nuntutan aku, bang asal niyaꞌ panguntarahande aku. 20Saguwaꞌ peggeꞌ gaꞌ siye tuꞌu, pabissāhun ne meꞌ aꞌa matuꞌu inin. Ambat siye magaka bang ine duse takasuwaꞌde si akuhin panumariya aku laꞌi si kakunsihalanin. 21Peggeꞌ gaꞌ niyaꞌ kataꞌuhande duseku, luwal hatu sābuku manengge si pagharapanden, paꞌinku hep, ‘Iye sababnen hangkan ku hinukum weꞌ bi kuweꞌitu inin, peggeꞌ kahagad ku weꞌ meꞌ pateyin pinakellum du balik.’ ”
22Manjari pinadeheng dahuꞌ weꞌ Gubnul Pilik pagbissāhin peggeꞌ andang ne du kataꞌuhanne sabab toloꞌ Isa Almasihin. Paꞌin si Pilik, “Meke kataꞌuhanbi hukumankun, bang tekka ne pitu Kelnel Lisiyas.” 23Ubus inuldinan weꞌ ne tinintihin dinaꞌak ginuwaldiyahan si Paul, saguwaꞌ gaꞌi du tantu. Duk gaꞌi dinaꞌak tinaggahan meꞌ bagaynen pī moꞌohan iye meꞌ masukal si iyehin.
Si Paul si pagharapan si Pilik duk Durusilla
24Pagpuwas bang piyem bahangi, hap pī laꞌi si Pilik magtuhut duk andanen Durusilla, dende Yahudi. Dinaꞌak weꞌ si Pilik ilinganan si Paul duk pakale teꞌed iye sābu si Paul magusihat sabab sandel pu si Isa Almasihin. 25Magusihat isab si Paul weꞌ subey aꞌahin maghinangan bentel duk subey gaꞌi ūtanne napsunen. Magusihat iye sabab hukuman sōng pinatekka Tuhan si meꞌ manusiyaꞌin si sinōng. Pagkale si Pilik meꞌ usihat si Paul inin, tinalew iye duk paꞌinne pu si Paul, “Makajari ne kew dahuꞌ tahalaꞌ. Bang du ku kasaluꞌ, linganante saꞌ kew balik.” 26Duk dagun isab, ngase-ngase hep Gubnul Pilik weꞌ urungan si Paul iye sabolno, hangkan daran si Paul lingananne duk boꞌone magbissā-bissā.
27Pagpuwas duwen tahun, pagantiꞌ si Porkiyus Pestus pu si Pilik maggubnul. Mabayaꞌ si Pilik nulut-nulut meꞌ Yahudihin, hangkan tinahan pe weꞌ ne si Paul dem kalabusu.
Currently Selected:
Hinangan 24: yakV
Highlight
Share
Copy
Want to have your highlights saved across all your devices? Sign up or sign in
© 2019, Wycliffe Bible Translators, Inc. All rights reserved.
Hinangan 24
24
Si Paul tinuntutan weꞌ meꞌ Yahudihin
1Pagpuwas limem bahangi, hap pī Ananiyas, imam nakuraꞌin, si Kesarea magtuhut duk bang piyangan meꞌ bahiꞌ duk dambuwaꞌ abugaw inēnan Tertullus. Pī siye paharap si gubnulin duk inaka weꞌ de tuntutde pu si Paulin. 2Pagtatawag ne weꞌ de si Paul, tinagnaꞌan ne weꞌ Tertullus inaka tuntutden. Paꞌinne, “Tuwan, asal bangsahan kew. Sabab paggubnulnu mahāpin, sanyang teꞌed lahat kamihin, duk ekka isab tahinangnu kahāpan si lahat inin. 3Antag-antag duk sumiyan-sumiyan asal tayimaꞌ kami teꞌed tabangnun, duk magsukul teꞌed kami si kaꞌu. 4Gaꞌi ku mabayaꞌ ngalal kaꞌu tiggel,” paꞌinne, “saguwaꞌ pakimaꞌapanku si kaꞌu, pakalehun dahuꞌ kami daddaliꞌ. 5Tapandoga kami weꞌ aꞌa inin pananasew teꞌed. Iye manasew meꞌ bangsa Yahudi si tibuꞌukan dunyahin. Duk iye nakuraꞌ meꞌ aꞌa manuhut toloꞌ aꞌa Nasaretin. 6Sōng isab pagsammalanne langgal mahadjehin duk siniggew iye weꞌ kami. Bayaꞌ iye hukum kami patuhut si saraꞌ āgama kami, 7saguwaꞌ tekka Kelnel Lisiyas pī ngagew iye amban kami. 8Ubus dinaꞌak weꞌ ne meꞌ manuntutin pitu paharap si kaꞌu, Tuwan. Bang sumariyanu aꞌa inin, kataꞌuhannu du iyan amban iye kēmon meꞌ panuntutan kami iyehin.” 9Padūs isab meꞌ Yahudihin nuntutan iye duk paꞌinde weꞌ kēmon miyaꞌan toꞌo.
Pamēbbeg si Paul dinen si harapan si Pilik
10Manjari sininyasan weꞌ gubnulin si Paul dinaꞌak missā, duk missā ne iye. Paꞌinne si gubnulin, “Kēgan ku missā para si diku tuꞌu si pagharapannu, Tuwan, peggeꞌ kataꞌuhanku weꞌ tiggel ne kew malengngan saraꞌ tuꞌu si bangsa kami inin. 11Mura du inin tapaliksaꞌnu, Tuwan, weꞌ niyaꞌ du miyaꞌan sampūꞌ duk duwe ellew kemuwe patakedku hap Awrusalam nambahayang laꞌi si langgal mahadjehin. 12Gaꞌ ku bakas kite meꞌ Yahudi inin magjawab duk sine-sine laꞌi dem langgal mahadjehin. Gaꞌ ku kitede ngawul-ngawul meꞌ aꞌahin dem meꞌ langgalde atawa antag-antag si puweblo Awrusalam. 13Duk gaꞌ du niyaꞌ pureba pangurungde kaꞌu si meꞌ tuntutde si aku inin. 14Saguwaꞌ bennalanku si kaꞌu weꞌ asal sambahayangku Tuhan meꞌ kapapuꞌan kamihin patuhut si toloꞌ Isa Almasihin, bu paꞌinde weꞌ gaꞌi tewwaꞌ inin. Saguwaꞌ asal kahagadku du isab kēmon tasulat dem saraꞌ si Musahin duk dem meꞌ kitab kanabi-nabihanin. 15Inase-aseku amban Tuhanin kuweꞌ du isab inase-aseden, weꞌ kēmon manusiyaꞌin, hāp duk laꞌat, pinakellum du balik. 16Hangkan hep ku maggeꞌes teꞌed supaya tabugtuꞌku dem ateyku weꞌ gaꞌ niyaꞌ sallaꞌku si Tuhan duk si pagkasiku manusiyaꞌ.
17“Manjari, paglabey bang piyen tahun kemuweku lumikut amban Awrusalam, balik ku pī moꞌo sīn pangurung si meꞌ aꞌa bangsakun duk magkuluban si Tuhan. 18Sābuku hep mangahinang inin,” paꞌin si Paul, “pangasuwaꞌde aku dem langgal mahadjehin. Baꞌahu du ku miyaꞌan ubus ngahinang meꞌ addat pasal pagsutsihin. Kulang du meꞌ aꞌa manuhut akuhin duk gaꞌ du isab niyaꞌ sasew. 19Saguwaꞌ niyaꞌ meꞌ Yahudi amban lahat Asiya laꞌi. Siye siꞌ miyaꞌan subey mapitu mapaharap si kaꞌuhin nuntutan aku, bang asal niyaꞌ panguntarahande aku. 20Saguwaꞌ peggeꞌ gaꞌ siye tuꞌu, pabissāhun ne meꞌ aꞌa matuꞌu inin. Ambat siye magaka bang ine duse takasuwaꞌde si akuhin panumariya aku laꞌi si kakunsihalanin. 21Peggeꞌ gaꞌ niyaꞌ kataꞌuhande duseku, luwal hatu sābuku manengge si pagharapanden, paꞌinku hep, ‘Iye sababnen hangkan ku hinukum weꞌ bi kuweꞌitu inin, peggeꞌ kahagad ku weꞌ meꞌ pateyin pinakellum du balik.’ ”
22Manjari pinadeheng dahuꞌ weꞌ Gubnul Pilik pagbissāhin peggeꞌ andang ne du kataꞌuhanne sabab toloꞌ Isa Almasihin. Paꞌin si Pilik, “Meke kataꞌuhanbi hukumankun, bang tekka ne pitu Kelnel Lisiyas.” 23Ubus inuldinan weꞌ ne tinintihin dinaꞌak ginuwaldiyahan si Paul, saguwaꞌ gaꞌi du tantu. Duk gaꞌi dinaꞌak tinaggahan meꞌ bagaynen pī moꞌohan iye meꞌ masukal si iyehin.
Si Paul si pagharapan si Pilik duk Durusilla
24Pagpuwas bang piyem bahangi, hap pī laꞌi si Pilik magtuhut duk andanen Durusilla, dende Yahudi. Dinaꞌak weꞌ si Pilik ilinganan si Paul duk pakale teꞌed iye sābu si Paul magusihat sabab sandel pu si Isa Almasihin. 25Magusihat isab si Paul weꞌ subey aꞌahin maghinangan bentel duk subey gaꞌi ūtanne napsunen. Magusihat iye sabab hukuman sōng pinatekka Tuhan si meꞌ manusiyaꞌin si sinōng. Pagkale si Pilik meꞌ usihat si Paul inin, tinalew iye duk paꞌinne pu si Paul, “Makajari ne kew dahuꞌ tahalaꞌ. Bang du ku kasaluꞌ, linganante saꞌ kew balik.” 26Duk dagun isab, ngase-ngase hep Gubnul Pilik weꞌ urungan si Paul iye sabolno, hangkan daran si Paul lingananne duk boꞌone magbissā-bissā.
27Pagpuwas duwen tahun, pagantiꞌ si Porkiyus Pestus pu si Pilik maggubnul. Mabayaꞌ si Pilik nulut-nulut meꞌ Yahudihin, hangkan tinahan pe weꞌ ne si Paul dem kalabusu.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2019, Wycliffe Bible Translators, Inc. All rights reserved.