Maleke 10
10
Kalagi Yesu boni é ʋilɛ vulu zaa vai ʋa
(Matiyo 19:1-12; Luke 16:18)
1Yesu zeɠeni miná, é li Zudé yooi zu, ʋɛ ná Zuludɛn ʋoluʋelei. Bɛbɛi ɠaalɛɛni ba mɔnɔ miná koba. Tama ʋelei nɔ a ɗa kɛɛ la pɔlɔma, é tɔɔzeini ga é ɗa kalagi ve ti ya.
2Faliziɛin tanigaa ti maaɓuɠani ba, nii a kɛ ti suɠɔɠɔ ga gaazaɠagi, ti ɠɛni ma: «Tɔgi vaaʋɛ nɛi bu ga zunui ɠɛlɛ anzai ʋa?» 3É ti wooɠaaʋoteni, é ɠɛ ti ma: «Devei ɓɛgele ɠa Moize feai wo ya?» 4Ti ɠɛni ma: «Moize vaaʋɛ bu ga zunui vulu zaa zɛʋɛi ve anzai ya, ti bali ma ta naa.»
5Yesu ɠɛni ti ma: «Wa-ɠikpaai maaʋele ɠa Moize naama levei zɛʋɛai la wo ʋɛ. 6Kɛlɛ eteai ɓɛtɛ ziɛgi zu, ‹GALA ge nuɓusɛi ɓɛtɛni, zunui ta anzanui.›#10:6 Zen 1:27; 5:2. 7‹Naa ɠa é ba, zunui ɠa zeɠe kɛɛɠɛ ta dee ʋa, é ɠili anzai ʋa, 8ti felegɔ ta ɠɛ ga kpusɛ ɠila.›#10:8 Zen 2:24. Naazu ti la mɔ ga nu felegɔ, ta niina ga kpusɛ ɠila kpe. 9Naa ɠa é ba, nu nɔpɛ ge mina naa ɠaaɠwɛ, nii GALA ge kpɔgai su.»
10Siɛgi zu ti ɠaleni ma la pɛlɛi wu, kaladopoiti ti gaazaɠani ʋolu naama vaa ɠilagi nɔ ma. 11É ɠɛni ti ma: «Zɔi nɔpɛ é ɠɛlɛzu anzai ʋa, é taɠili sei, naa wɛɛnziɛgi ɠɛa anza mɔungi laalɔɠɔma. 12Ʋele nɔ ɠana é la ɓalaa, ni anzanui ɠa ɠɛlɛna sinigi ʋa, é zei taɠili bɛ, é wɛɛnziɛgi ɠɛa.»
Yesu yeezei vai doungoiti bu
(Matiyo 19:13-15; Luke 18:15-17)
13Nuiti ti ʋaani ga doungoiti Yesu ʋɔ, nii a kɛ é yeela ti ma. Kɛlɛ kaladopoiti ti ɠɛni zelii losu naama nuiti ma. 14Yesu miná ɠaai ma, é wanani ma. É ɠɛni ti ma: «À ɓe doungoiti ba, ti ʋa pɔ̀. À mina pele leʋe ti luɠɔ, tɔɔzei GALA ná-masadai ɠa ga naati tɔnɔ, niiti ti ga ti ɠɛʋele. 15Gè bo wo ma ga gaamai, zɔi nɔpɛ é la yeezeini GALA ná-masadai wu ga doungoi ɠɛʋele, naama nui la lɔa su pɛ.» 16É zɛba é doungoiti seɠe, é ti la yeeloko zu, é yeela ti ma, é tuya loo ti ʋɛ.
Naavolo nuiti ta GALA ná-masadai
(Matiyo 19:16-30; Luke 18:18-30)
17Tɛi Yesu ɠɛni pele zosu, zunui ta ɓizɛni, é ʋa, é ʋilɛ ɲiibiɠa kɔɠɔwu, é gaazaɠa, é ɠɛ ma: «Kalamɔn ʋagɔi, leeni ɠa maanɛai ga gè kɛ, gè ʋa ɠɔoɠɔ zɛnvui zɔlɔɔ ga nɔ̀nɔ?»
18Yesu ɠɛni ma: «Lee vaa zu è tòlisu ga nu ʋagɔi? Nu nɔpɛ ge la ʋani, kɛni GALA gila kpe. 19È deveiti kwɛni: Mina nu ʋaa, mina wɛɛnziɛ bo, mina unma wo, mina zɛɛ zeele woo wo, mina faa ɲɔu ɠɛ ga nu nɔpɛ, è-ɠɛɛ lɛbi ta è-lee.»#10:19 Ɛgz 20:12-16; TSV 5:16-20.
20Zunui ɠɛni ma: «Kalamɔn, gè naama leveiti pɛ soga kaite mà loungo ziɛgi zu.»
21Yesu pɛtɛgai ma, é nɛɛni ʋɛ, é zɛba é ɠɛ ma: «Faa ɠila ka dɛ ʋoluzu, nii è la dɛ kɛɛni: Li, è è-ɠɔligiti pɛ pɔdi, è ma naavoloi ve bala nuiti bɛ, naazu ɗa naavolo zɔlɔɔ geeɠɔlɔgi zu. Naa ʋoluma, ʋa, è ʋilɛ pòlu.»
22Zunui naama wooi mɛnigai ma, gaazuɠilini, é li ga ziiɓɔlɔi, tɔɔzei kɔligi wola mɔinni.
23Yesu wɛlɛni ná-kaladopoiti ba, naa ʋoluma é ɠɛ ti ma: «Kpɛtɛ nuiti dɔɔ vai wola ɓaaʋɛ GALA ná-masadai zu!» 24Kaladopoiti ti laavɔɔni ga naama wooiti. Kɛlɛ Yesu ɠɛni ma mɔnɔ: «Dòinti, GALA ná-masadai zulɔɔ vai wola ɓaaʋɛ. 25Ɲɔmɛi leʋe fai la ɓaani sɛɠilɛ zeɠei zu, é ʋa zeeli kpɛtɛ nui lɔɔ vai zu GALA ná-masadai zu.»
26Naa kaladopoiti mɔta laavɔɔni, ti zɛba ti ɗa ɓɔɠɔ ɠaazaɠa ga: «Ɓɛ ɠa mu a zoo ɠizosu?» 27Yesu wɛlɛni ti ʋa, é ɠɛ ti ma: «Naa la zooga é ʋa ɠɛ nuɓusɛiti zea, kɛlɛ é la ɠana GALA zea. Fai pɛ ka zoo ɠɛɛzu GALA zea.»
28Piyɛlɛ zɛba é gaazaɠa, é ɠɛ ma: «Gá ma? Gi fai pɛ zɛga ná, gi ʋilɛ è ʋolu.»
29Yesu gooɠaaʋoteni, é ɠɛ ma: «Gè bo wo ma ga gaamai, zɔi nɔpɛ é zeɠezu ná-pɛlɛi ʋa, ɓaa kɛɛlointi ta baazeelaiti ba, ɓaa deeni ta kɛɛni ba, ɓaa ná-dointi, ɓaa ná-tii ɠɛɛzuʋɛti ba, nɔ̀un maaʋele ma ta Woo Niinɛ Ʋagɔi, 30ma nui ɠa ʋaazu naati ma ʋɛɛda ungilagilagi zɔlɔɔsu niima yeeɠɛɠalai zu: pɛlɛiti, naa ʋɛɛ ɠɛɛɠɛlointi ta zeelaiti ba, ta deeiti, ta lointi, naa ʋɛɛ tii ɠɛɛzuʋɛti ba. Kɛlɛ wɔinzeɠemai ɠa ʋɛɛ naati pɛ ba. Tama etea niinɛi zu é ʋaazu, naama nui ɠa ɠɔoɠɔ zɛnvui zɔlɔɔ. 31Kɛlɛ nu mɔungiti ma mɔinmɔin ka ɠɛ ga ma ɠaaɓelagiti, tama ma ɠaaɓelagiti ma mɔinmɔin ge ɠɛ ga ma mɔungiti.»
Yesu saa vai ta buzeɠe vai wo fai ʋolu
(Matiyo 20:17-19; Luke 18:31-34)
32Ti ɠɛni pelei ma, ti ɗa lɛ Zeluzalɛme. Yesu ɠa é ɠɛni ti luɠɔ. Kaladopoiti ti laavɔɔni, dualuagi lɔ nui niiti su, ti ɠɛni ga ti ʋoluʋelei. Yesu zɛba é keela puugɔ maazu felegɔiti (12) toli yɛ, ti maaɠelesa ge leʋe, é tɔɔzei ga naa woga, nii maanɛai é zeeli ma. É ɠɛni ti ma: 33«À woilo, ada lɛɛzu Zeluzalɛme. Nu ná-Doun Zunui ɠa ʋaazu lɔɔzu zalaɠa ɠula ɠundiɠiiti zeezu ta tɔ kalamɔinti. Ta ná-tukpɔi ɠaaleʋe ga é za, ti seɠe, ti dɔ zii ɠiligiti zeezu. 34Ta ɲɛɛɠula su, ti laaɗɛi ʋu ma, ti doɠa ga kpakɔi, ti paa. Naa ʋoluma folo saʋagɔ ʋoluma, toɠa wuzeɠe, é ɠula saai ya.»
Zeɓedé ná-doun zunuiti ta-maanɛɛnɛi
(Matiyo 20:20-28)
35Zeɓedé ná-doun zunuiti, Zake ta Zan, ti maaɓuɠani Yesu ʋa, ti ɠɛ ma: «Kalamɔn, gá pɔ ga nii gi falizu è ma, è naa ɠɛ gi ʋɛ.» 36Yesu ɠɛni ti ma: «Ɓɛgele ɠa wo pɔ ga gè kɛ wo ʋɛ?»
37Ti gooɠaaʋoteni, ti ɠɛ ma: «Ɗa ɠɛna ɗa-lɛbiyai zu, va bu ga gi zei è ɠoba, gilagi ɠɛ è yeezazuʋɛ, zɔi ɠɛ è ɠɔʋɛzuʋɛ.» 38Kɛlɛ Yesu ɠɛni ti ma: «Wo la kwɛɛ nii wo falizu ɠana. Wa zoo nɛi wo ɓɔɔle ga soolɛi ma ɗaawɔi nii gè ɓɔɔlezu la, ɓaa wo lɔ ɓatizei naa zu, nii nà lɔ su?»
39Ti ɠɛni ma: «Eyei, gá zoo naa la.» Yesu zɛba é ɠɛ ti ma: «Gaama ʋe, wa ɓɔɔle ga ziawɔi nii gè ɓɔɔlezu la, ta ɓatizei nà ziɛ bu, wa ziɛ naa wu ɓalaa. 40Kɛlɛ nii é ga sei wo fai kòba zèezazuʋɛ ta kɔ̀ʋɛzuʋɛ, naama zobo ge la veeni zèa ga gè fe. Naama zeizuʋɛti ta ga naama nuiti tɔnɔ, niiti GALA ge ti makɛgai ti ʋɛ.»
41Kaladopo puugɔi zɔiti ti naama wooi mɛnigai ma, nii Zake ta Zan ti boni, é wanani ti ma. 42Yesu zɛba é ti pɛ toli ɠoba, é ɠɛ ti ma: «Wo kwɛni nii a ɗa ɠɛ zooiti su: Niiti ti ga zou ɠundiɠiiti, naati ta ɗa zei nuɓusɛiti unga, nu ɓiigiti ti ɗa zei ti unga ga ta-zobogi. 43Wɔun, naa ta mina ɠɛ wo zaama. Kɛlɛ tɔun ni nui ta ɠa pɔ é ɠɛ ga nu ɓii gola wo zaama, kɛni é ɠɛ ga wo pɛ wa-wotiɠɛ nui. 44Zɔi é pɔ é ɠɛ ga nu mɔungi wo zaama, kɛni naa ɠɛ ga ɛsɛ pɛ ná-duɔi. 45Mazɔlɔɔ, anɛɛ Nu ná-Doun Zunui ʋe, é la ʋaani ga nu ʋa botii ɠɛ bɛ, kɛlɛ tɔ ɓɔɠɔi mu paaʋɛ ga é botii ɠɛɛ nuiti bɛ, é zɛnvui ve ga nu mɔinmɔin unmɔɔ saɓui.»
Gaazuɠole nui ʋalo vai Zeliko
(Matiyo 20:29-34; Luke 18:35-43)
46Ti zeelini Zeliko. Siɛgi zu Yesu ɠɛni ɠulazu la Zeliko ʋa ta ná-kaladopoiti, naa ʋɛɛ bɛbɛ wolai ʋa, Timé ná-doun zunui Ɓaaletimé ɠɛni zeini pele ɠobaʋɛ, gaazuɠoleai, é ɗa falii wo. 47Siɛgi zu é mɛnini da ga Nazalɛte nui Yesu ɠa é leʋesu, é tɔɔzeini ga kpeei loa, é ɗa ɠɛ ma: «Davide ná-Doun Zunui, Yesu, gàazumaawɔinɠa!»
48Nu mɔinmɔin ge ɠɛni zelii losu ma ga é maaɠɛ kpɔ, kɛlɛ tɔun é ɠɛni wooɠulazu sɛsɛ, é ɗa ɠɛ ma: «Davide ná-Doun Zunui, gàazumaawɔinɠa!»
49Yesu loni, é ɠɛ ti ma: «À toli dɛɛ, é ʋa.» Ti gaazuɠole nui lolini, ti ɠɛ ma: «Zɛbɛzeɠe, wuzeɠe, é ɠɛ è ʋa.» 50Naama wooi mɛnigai ma bɛ, é ná-seɠe wolai ʋilini ya, é wuzeɠe, é sakpa ga Yesu ʋɔ pelei.
51Yesu ɠɛni ma: «Lee ɠa è pɔ ga gè kɛ è ʋɛ?» Gaazuɠole nui gooɠaaʋoteni, é ɠɛ ma: «Kalamɔn, va bu ga gè wozaɠaa ʋolu.» 52Yesu ɠɛni ma: «Liina. Tɛi è laa dà, è ʋaloa.» Gaamago nɔ, é wozaɠaani ʋolu, é ʋilɛ Yesu ʋolu pelei zu.
Currently Selected:
Maleke 10: GDZ
Highlight
Copy
Compare
Share
Want to have your highlights saved across all your devices? Sign up or sign in
Text copyright © 2023 Pioneer Bible Translators and The Bible Society in Guinea-Conakry
This work is licensed under the Creative Commons Attribution-NonCommercial-NoDerivatives 4.0 International.
https://creativecommons.org/licenses/by-nc-nd/4.0/
Texte copyright © 2023 Traducteurs Pionniers de la Bible et Alliance Biblique en Guinée
Cette œuvre est mise à disposition selon les termes de la Licence Creative Commons Attribution - Pas d'Utilisation Commerciale - Pas de Modification 4.0 International.
Maleke 10
10
Kalagi Yesu boni é ʋilɛ vulu zaa vai ʋa
(Matiyo 19:1-12; Luke 16:18)
1Yesu zeɠeni miná, é li Zudé yooi zu, ʋɛ ná Zuludɛn ʋoluʋelei. Bɛbɛi ɠaalɛɛni ba mɔnɔ miná koba. Tama ʋelei nɔ a ɗa kɛɛ la pɔlɔma, é tɔɔzeini ga é ɗa kalagi ve ti ya.
2Faliziɛin tanigaa ti maaɓuɠani ba, nii a kɛ ti suɠɔɠɔ ga gaazaɠagi, ti ɠɛni ma: «Tɔgi vaaʋɛ nɛi bu ga zunui ɠɛlɛ anzai ʋa?» 3É ti wooɠaaʋoteni, é ɠɛ ti ma: «Devei ɓɛgele ɠa Moize feai wo ya?» 4Ti ɠɛni ma: «Moize vaaʋɛ bu ga zunui vulu zaa zɛʋɛi ve anzai ya, ti bali ma ta naa.»
5Yesu ɠɛni ti ma: «Wa-ɠikpaai maaʋele ɠa Moize naama levei zɛʋɛai la wo ʋɛ. 6Kɛlɛ eteai ɓɛtɛ ziɛgi zu, ‹GALA ge nuɓusɛi ɓɛtɛni, zunui ta anzanui.›#10:6 Zen 1:27; 5:2. 7‹Naa ɠa é ba, zunui ɠa zeɠe kɛɛɠɛ ta dee ʋa, é ɠili anzai ʋa, 8ti felegɔ ta ɠɛ ga kpusɛ ɠila.›#10:8 Zen 2:24. Naazu ti la mɔ ga nu felegɔ, ta niina ga kpusɛ ɠila kpe. 9Naa ɠa é ba, nu nɔpɛ ge mina naa ɠaaɠwɛ, nii GALA ge kpɔgai su.»
10Siɛgi zu ti ɠaleni ma la pɛlɛi wu, kaladopoiti ti gaazaɠani ʋolu naama vaa ɠilagi nɔ ma. 11É ɠɛni ti ma: «Zɔi nɔpɛ é ɠɛlɛzu anzai ʋa, é taɠili sei, naa wɛɛnziɛgi ɠɛa anza mɔungi laalɔɠɔma. 12Ʋele nɔ ɠana é la ɓalaa, ni anzanui ɠa ɠɛlɛna sinigi ʋa, é zei taɠili bɛ, é wɛɛnziɛgi ɠɛa.»
Yesu yeezei vai doungoiti bu
(Matiyo 19:13-15; Luke 18:15-17)
13Nuiti ti ʋaani ga doungoiti Yesu ʋɔ, nii a kɛ é yeela ti ma. Kɛlɛ kaladopoiti ti ɠɛni zelii losu naama nuiti ma. 14Yesu miná ɠaai ma, é wanani ma. É ɠɛni ti ma: «À ɓe doungoiti ba, ti ʋa pɔ̀. À mina pele leʋe ti luɠɔ, tɔɔzei GALA ná-masadai ɠa ga naati tɔnɔ, niiti ti ga ti ɠɛʋele. 15Gè bo wo ma ga gaamai, zɔi nɔpɛ é la yeezeini GALA ná-masadai wu ga doungoi ɠɛʋele, naama nui la lɔa su pɛ.» 16É zɛba é doungoiti seɠe, é ti la yeeloko zu, é yeela ti ma, é tuya loo ti ʋɛ.
Naavolo nuiti ta GALA ná-masadai
(Matiyo 19:16-30; Luke 18:18-30)
17Tɛi Yesu ɠɛni pele zosu, zunui ta ɓizɛni, é ʋa, é ʋilɛ ɲiibiɠa kɔɠɔwu, é gaazaɠa, é ɠɛ ma: «Kalamɔn ʋagɔi, leeni ɠa maanɛai ga gè kɛ, gè ʋa ɠɔoɠɔ zɛnvui zɔlɔɔ ga nɔ̀nɔ?»
18Yesu ɠɛni ma: «Lee vaa zu è tòlisu ga nu ʋagɔi? Nu nɔpɛ ge la ʋani, kɛni GALA gila kpe. 19È deveiti kwɛni: Mina nu ʋaa, mina wɛɛnziɛ bo, mina unma wo, mina zɛɛ zeele woo wo, mina faa ɲɔu ɠɛ ga nu nɔpɛ, è-ɠɛɛ lɛbi ta è-lee.»#10:19 Ɛgz 20:12-16; TSV 5:16-20.
20Zunui ɠɛni ma: «Kalamɔn, gè naama leveiti pɛ soga kaite mà loungo ziɛgi zu.»
21Yesu pɛtɛgai ma, é nɛɛni ʋɛ, é zɛba é ɠɛ ma: «Faa ɠila ka dɛ ʋoluzu, nii è la dɛ kɛɛni: Li, è è-ɠɔligiti pɛ pɔdi, è ma naavoloi ve bala nuiti bɛ, naazu ɗa naavolo zɔlɔɔ geeɠɔlɔgi zu. Naa ʋoluma, ʋa, è ʋilɛ pòlu.»
22Zunui naama wooi mɛnigai ma, gaazuɠilini, é li ga ziiɓɔlɔi, tɔɔzei kɔligi wola mɔinni.
23Yesu wɛlɛni ná-kaladopoiti ba, naa ʋoluma é ɠɛ ti ma: «Kpɛtɛ nuiti dɔɔ vai wola ɓaaʋɛ GALA ná-masadai zu!» 24Kaladopoiti ti laavɔɔni ga naama wooiti. Kɛlɛ Yesu ɠɛni ma mɔnɔ: «Dòinti, GALA ná-masadai zulɔɔ vai wola ɓaaʋɛ. 25Ɲɔmɛi leʋe fai la ɓaani sɛɠilɛ zeɠei zu, é ʋa zeeli kpɛtɛ nui lɔɔ vai zu GALA ná-masadai zu.»
26Naa kaladopoiti mɔta laavɔɔni, ti zɛba ti ɗa ɓɔɠɔ ɠaazaɠa ga: «Ɓɛ ɠa mu a zoo ɠizosu?» 27Yesu wɛlɛni ti ʋa, é ɠɛ ti ma: «Naa la zooga é ʋa ɠɛ nuɓusɛiti zea, kɛlɛ é la ɠana GALA zea. Fai pɛ ka zoo ɠɛɛzu GALA zea.»
28Piyɛlɛ zɛba é gaazaɠa, é ɠɛ ma: «Gá ma? Gi fai pɛ zɛga ná, gi ʋilɛ è ʋolu.»
29Yesu gooɠaaʋoteni, é ɠɛ ma: «Gè bo wo ma ga gaamai, zɔi nɔpɛ é zeɠezu ná-pɛlɛi ʋa, ɓaa kɛɛlointi ta baazeelaiti ba, ɓaa deeni ta kɛɛni ba, ɓaa ná-dointi, ɓaa ná-tii ɠɛɛzuʋɛti ba, nɔ̀un maaʋele ma ta Woo Niinɛ Ʋagɔi, 30ma nui ɠa ʋaazu naati ma ʋɛɛda ungilagilagi zɔlɔɔsu niima yeeɠɛɠalai zu: pɛlɛiti, naa ʋɛɛ ɠɛɛɠɛlointi ta zeelaiti ba, ta deeiti, ta lointi, naa ʋɛɛ tii ɠɛɛzuʋɛti ba. Kɛlɛ wɔinzeɠemai ɠa ʋɛɛ naati pɛ ba. Tama etea niinɛi zu é ʋaazu, naama nui ɠa ɠɔoɠɔ zɛnvui zɔlɔɔ. 31Kɛlɛ nu mɔungiti ma mɔinmɔin ka ɠɛ ga ma ɠaaɓelagiti, tama ma ɠaaɓelagiti ma mɔinmɔin ge ɠɛ ga ma mɔungiti.»
Yesu saa vai ta buzeɠe vai wo fai ʋolu
(Matiyo 20:17-19; Luke 18:31-34)
32Ti ɠɛni pelei ma, ti ɗa lɛ Zeluzalɛme. Yesu ɠa é ɠɛni ti luɠɔ. Kaladopoiti ti laavɔɔni, dualuagi lɔ nui niiti su, ti ɠɛni ga ti ʋoluʋelei. Yesu zɛba é keela puugɔ maazu felegɔiti (12) toli yɛ, ti maaɠelesa ge leʋe, é tɔɔzei ga naa woga, nii maanɛai é zeeli ma. É ɠɛni ti ma: 33«À woilo, ada lɛɛzu Zeluzalɛme. Nu ná-Doun Zunui ɠa ʋaazu lɔɔzu zalaɠa ɠula ɠundiɠiiti zeezu ta tɔ kalamɔinti. Ta ná-tukpɔi ɠaaleʋe ga é za, ti seɠe, ti dɔ zii ɠiligiti zeezu. 34Ta ɲɛɛɠula su, ti laaɗɛi ʋu ma, ti doɠa ga kpakɔi, ti paa. Naa ʋoluma folo saʋagɔ ʋoluma, toɠa wuzeɠe, é ɠula saai ya.»
Zeɓedé ná-doun zunuiti ta-maanɛɛnɛi
(Matiyo 20:20-28)
35Zeɓedé ná-doun zunuiti, Zake ta Zan, ti maaɓuɠani Yesu ʋa, ti ɠɛ ma: «Kalamɔn, gá pɔ ga nii gi falizu è ma, è naa ɠɛ gi ʋɛ.» 36Yesu ɠɛni ti ma: «Ɓɛgele ɠa wo pɔ ga gè kɛ wo ʋɛ?»
37Ti gooɠaaʋoteni, ti ɠɛ ma: «Ɗa ɠɛna ɗa-lɛbiyai zu, va bu ga gi zei è ɠoba, gilagi ɠɛ è yeezazuʋɛ, zɔi ɠɛ è ɠɔʋɛzuʋɛ.» 38Kɛlɛ Yesu ɠɛni ti ma: «Wo la kwɛɛ nii wo falizu ɠana. Wa zoo nɛi wo ɓɔɔle ga soolɛi ma ɗaawɔi nii gè ɓɔɔlezu la, ɓaa wo lɔ ɓatizei naa zu, nii nà lɔ su?»
39Ti ɠɛni ma: «Eyei, gá zoo naa la.» Yesu zɛba é ɠɛ ti ma: «Gaama ʋe, wa ɓɔɔle ga ziawɔi nii gè ɓɔɔlezu la, ta ɓatizei nà ziɛ bu, wa ziɛ naa wu ɓalaa. 40Kɛlɛ nii é ga sei wo fai kòba zèezazuʋɛ ta kɔ̀ʋɛzuʋɛ, naama zobo ge la veeni zèa ga gè fe. Naama zeizuʋɛti ta ga naama nuiti tɔnɔ, niiti GALA ge ti makɛgai ti ʋɛ.»
41Kaladopo puugɔi zɔiti ti naama wooi mɛnigai ma, nii Zake ta Zan ti boni, é wanani ti ma. 42Yesu zɛba é ti pɛ toli ɠoba, é ɠɛ ti ma: «Wo kwɛni nii a ɗa ɠɛ zooiti su: Niiti ti ga zou ɠundiɠiiti, naati ta ɗa zei nuɓusɛiti unga, nu ɓiigiti ti ɗa zei ti unga ga ta-zobogi. 43Wɔun, naa ta mina ɠɛ wo zaama. Kɛlɛ tɔun ni nui ta ɠa pɔ é ɠɛ ga nu ɓii gola wo zaama, kɛni é ɠɛ ga wo pɛ wa-wotiɠɛ nui. 44Zɔi é pɔ é ɠɛ ga nu mɔungi wo zaama, kɛni naa ɠɛ ga ɛsɛ pɛ ná-duɔi. 45Mazɔlɔɔ, anɛɛ Nu ná-Doun Zunui ʋe, é la ʋaani ga nu ʋa botii ɠɛ bɛ, kɛlɛ tɔ ɓɔɠɔi mu paaʋɛ ga é botii ɠɛɛ nuiti bɛ, é zɛnvui ve ga nu mɔinmɔin unmɔɔ saɓui.»
Gaazuɠole nui ʋalo vai Zeliko
(Matiyo 20:29-34; Luke 18:35-43)
46Ti zeelini Zeliko. Siɛgi zu Yesu ɠɛni ɠulazu la Zeliko ʋa ta ná-kaladopoiti, naa ʋɛɛ bɛbɛ wolai ʋa, Timé ná-doun zunui Ɓaaletimé ɠɛni zeini pele ɠobaʋɛ, gaazuɠoleai, é ɗa falii wo. 47Siɛgi zu é mɛnini da ga Nazalɛte nui Yesu ɠa é leʋesu, é tɔɔzeini ga kpeei loa, é ɗa ɠɛ ma: «Davide ná-Doun Zunui, Yesu, gàazumaawɔinɠa!»
48Nu mɔinmɔin ge ɠɛni zelii losu ma ga é maaɠɛ kpɔ, kɛlɛ tɔun é ɠɛni wooɠulazu sɛsɛ, é ɗa ɠɛ ma: «Davide ná-Doun Zunui, gàazumaawɔinɠa!»
49Yesu loni, é ɠɛ ti ma: «À toli dɛɛ, é ʋa.» Ti gaazuɠole nui lolini, ti ɠɛ ma: «Zɛbɛzeɠe, wuzeɠe, é ɠɛ è ʋa.» 50Naama wooi mɛnigai ma bɛ, é ná-seɠe wolai ʋilini ya, é wuzeɠe, é sakpa ga Yesu ʋɔ pelei.
51Yesu ɠɛni ma: «Lee ɠa è pɔ ga gè kɛ è ʋɛ?» Gaazuɠole nui gooɠaaʋoteni, é ɠɛ ma: «Kalamɔn, va bu ga gè wozaɠaa ʋolu.» 52Yesu ɠɛni ma: «Liina. Tɛi è laa dà, è ʋaloa.» Gaamago nɔ, é wozaɠaani ʋolu, é ʋilɛ Yesu ʋolu pelei zu.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Text copyright © 2023 Pioneer Bible Translators and The Bible Society in Guinea-Conakry
This work is licensed under the Creative Commons Attribution-NonCommercial-NoDerivatives 4.0 International.
https://creativecommons.org/licenses/by-nc-nd/4.0/
Texte copyright © 2023 Traducteurs Pionniers de la Bible et Alliance Biblique en Guinée
Cette œuvre est mise à disposition selon les termes de la Licence Creative Commons Attribution - Pas d'Utilisation Commerciale - Pas de Modification 4.0 International.