Wozé 2
2
Ziilɛi foloi ma minazeɠegi
1Kɛlɛ yeeta Izilayɛle nuiti ta mɔin eɠɛ kpoloɗɛi laaʋɛ ɲaɠaegi,
nii nu la zooga buɲɛ kɔɠɔsu ɓaa gaalusu.
Ʋɛ GALA ge ɠɛni ɠɛɛzu ti ma ná: «Wo la ga nà-nuɓusɛa»,
ta loli miná ga: «Zɛnvu su ƓALAGI ná-dointi».
2Zuda ta Izilayɛle nuiti ta ɠaalɛ ba naazu,
ti kundiɠi ɠila kpe nɔ zei ɓɔɠɔ unda.
Ta ɠula duɔla yooi zu,
mazɔlɔɔ Zizeleyɛle ná-foloi wɔɔlɔʋɛ.
3À ɠɛ wo-ɠɛɛlointi ma, ta loli ga: «Nà-nuɓusɛiti».
À ɠɛ wo-leelointi ma: «Nɛɛbɛ anzanuiti».
Izilayɛle ɠɛɛ vai ga wooʋalada anzai
4«À wo-lee Izilayɛle ʋeelala, à mina maaɠɛ kpɔ ma,
mazɔlɔɔ é la mɔ ga ànza,
nà ɓalaa, gè la mɔ ga sini.
É ná-wɛɛnziɛgi ma ʋoogiti kula ɠaazu,
ta é ná-koloɠologi yeeʋogiti kula ɲiimiiti zɔɠɔzuʋɛ.
5Ni naa laade, nà kabei ʋilɛsu,
ʋelei é ɠɛni la yeei dee sɔlɔɔni da,
gè lati, gè ná-zooi ɠɛ ga teʋebai ta zou vɔɔi,
gè undaaʋili ga kpɔɔle wɔin.
6Gè la ná-dointi maawɔinɠaa,
tɔɔzei ti zɔlɔɔgɛ koloɠologi zu.
7Gaamazu ti-lee ɠa ʋilɛni ga koloɠologi,
zɔi é ti zɔlɔɔgai, unfetala luʋai ɠa é kɛɛzu,
é ɗa ɠɛ ma: ‹Nà pɔ gè ʋilɛ nà-wɛɛinti polu,
niiti ti ɠɔnɔgi ta kpɔɔle ɗɛiti feezu zèa,
ti ɗa màaɠili ga baala deɠa zeɠei ta geze zeɠei,
niiti ti gulɔi ta dɔɔi veezu zèa.›
8Naa ɠa é ba, nà pelei leʋesu tuɠɔ ga ɠain sasai,
gè siɠigi lo tuɠɔ naazu,
é la mɔ lii ʋele ɠaa.
9Toɠa ʋilɛ ná-wɛɛinti polu, kɛlɛ é la zeelia ti ma,
toɠa ti ɠaiziɛ, é la ti ɠaa.
Toɠa ɠɛ ma niina: ‹Kii, ɓɛ gè ɠale ma sìni mɔungi ʋɔ bɛ,
gè ɠɛa ziilɛi su naa ʋɔ bɛ, é leʋe niizu ʋa.›
10É yeemani ga nà ɠa gè moloi ta dɔɔ niinɛi veeni zea, naa ʋɛɛ gulɔi ʋa,
gè walii ta zanugi ve zea,
naati ka é ti zeɠeni, é kwɛɛ Ɓaale ma.
11Naa maaʋele ma, nà ʋaazu, gè nà-moloi ɠula zea, molo leʋe ziɛgi zu,
gè nà-dɔɔi ɠula zea, dɔɔ ɓɛtɛ yeeɠɛɠalai zu,
gè nà-baala deɠa zeɠei ta nà-geze zeɠeiti kula zea,
niiti ti ɠɛa kabei lɔɔɠuzu.
12Niizu, nà kabei ɠulazu ná-wɛɛinti gaazu.
Nu nɔpɛ ge la zɔlɔɔga é ʋa kula zèa.
13Nà ná-koozunɛɛiti kpelasu pele zu,
ta ná-fɛtiiti, ta alu toga niinɛi ma vɛtiiti,
naa ʋɛɛ ná-dooɠo foloiti ba,
ná-fɛtii mɔtaiti ta ɓela pele zu.
14Gè ná-leezɛn ɓeleiti suɠoloɠolo, ta ná-kooleɠoole guluiti,
nii é ɠɛa ɠɛɛzu ma: ‹Wɛlɛ sàlai ɠa nà-wɛɛinti ti feai zèa.›
Nà náʋɛti kɛɛzu ga dɔɓɔi,
ʋɛ dɔɓɔ zuaiti ta ɠɛ laamiizu ná.
15Ʋele ɠana gè wuzeɠezu la daalɔɠɔma, tɔɔzei naama voloiti faa zu,
siɛgi zu é ɠɛni ansansegiti galazu la Ɓaalegiti bɛ,
ta siɛgi zu é ɠɛni ɓɔɠɔ maaɠilizu la ga ná-balaɠaegiti ta goizu anigiti,
é ɗa ʋilɛ ná-wɛɛinti polu,
é yeema nɔ̀un ma,»
Ɠɔoɠɔ GALAGI wooi ɠana.
Kpɔfaamai niinɛ vai ʋolu
16«Naa maaʋele ma, nà sosu ʋolu,
gè lii la teʋebai zu,
gè ɓɔɛ ziimaʋɛ.
17Miná, nà ná-leezɛn ɓeleiti fe zea niina,
gè Akɔɔl nɛmɛi ɠɛ ga kito pɛlɛlaʋɛ.
Toɠa gooɠaaʋotegi ve, ʋelei é ɠɛni kɛɛzu la ma loungo ziɛgi zu,
ta yeei é ɠɛni zeɠezu la Ezipete yooi zu.
18Naama voloiti su, é la mɔ tòliga ga ‹Ɓàale›, nii poluʋɛ ga ‹Màliɠii›,
kɛlɛ toɠa ɠɛ mà: ‹Sìnigi›,» Ɠɔoɠɔ GALAGI wooi ɠana.
19«Nà Ɓaalegiti daaseigiti kula komagi zu,
nu ɠi ge la mɔ vɔlɔ loa ti-laaseigiti su.
20Naama voloi, nà minazeɠegi ɓɛtɛzu gá nà-nuɓusɛiti gi yɔɠɔzu,
ti yɔɠɔzu ta dɔɓɔ zuaiti, ta wɔniiti, naa ʋɛɛ kpokpo ganiiti ba.
Nà kɔɔɠɔ zɔɔlaiti koloɠolo zooi zu, mɛɛin ta boɠa zɔkpɔi,
gè va bu nà-nuɓusɛiti ti ɲi ziilɛigi zu.
21Nà è vuluzu ɠɔoɠɔ faa ma.
Nà è vuluzu ga telebodai, ta sɔledai,
gè è vulu ga nɛɛbɛi, ta maawɔinɠai.
22Nà è vuluzu ga wooɠɛɠiladai.
Ɗa suɠwɛɛ naazu ga nà ɠa gè ga Ɠɔoɠɔ GALAGI.
23Naama voloiti su,
nà geeɠɔlɔgi wooɠaaʋote kpɛdɛ ma vaiti su,
geeɠɔlɔgi ɓalaa ka zooi wooɠaaʋote kpɛdɛ ma vaiti su,» Ɠɔoɠɔ GALAGI wooi ɠana.
24«Zooi ɓalaa ge moloi, ta dɔɔi, ta gulɔiti gooɠaaʋote,
naati pɛ ti ɓɔsu, ti Zizeleyɛle wooɠaaʋote.
25Nà ti vaza ɓɔɠɔ ʋɛ zooi zu, eɠɛ ani zuwui,
nà Lo-Luama nɛɛ ʋɛ,
gè ɠɛ Lo-Ami ma: ‹Ɗa ga nà-nuɓusɛi,›
tɔ ɓalaa ka ɠɛ mà: ‹Nà-GALAGI.› »
Currently Selected:
Wozé 2: GDZ
Highlight
Copy
Compare
Share
Want to have your highlights saved across all your devices? Sign up or sign in
Text copyright © 2023 Pioneer Bible Translators and The Bible Society in Guinea-Conakry
This work is licensed under the Creative Commons Attribution-NonCommercial-NoDerivatives 4.0 International.
https://creativecommons.org/licenses/by-nc-nd/4.0/
Texte copyright © 2023 Traducteurs Pionniers de la Bible et Alliance Biblique en Guinée
Cette œuvre est mise à disposition selon les termes de la Licence Creative Commons Attribution - Pas d'Utilisation Commerciale - Pas de Modification 4.0 International.
Wozé 2
2
Ziilɛi foloi ma minazeɠegi
1Kɛlɛ yeeta Izilayɛle nuiti ta mɔin eɠɛ kpoloɗɛi laaʋɛ ɲaɠaegi,
nii nu la zooga buɲɛ kɔɠɔsu ɓaa gaalusu.
Ʋɛ GALA ge ɠɛni ɠɛɛzu ti ma ná: «Wo la ga nà-nuɓusɛa»,
ta loli miná ga: «Zɛnvu su ƓALAGI ná-dointi».
2Zuda ta Izilayɛle nuiti ta ɠaalɛ ba naazu,
ti kundiɠi ɠila kpe nɔ zei ɓɔɠɔ unda.
Ta ɠula duɔla yooi zu,
mazɔlɔɔ Zizeleyɛle ná-foloi wɔɔlɔʋɛ.
3À ɠɛ wo-ɠɛɛlointi ma, ta loli ga: «Nà-nuɓusɛiti».
À ɠɛ wo-leelointi ma: «Nɛɛbɛ anzanuiti».
Izilayɛle ɠɛɛ vai ga wooʋalada anzai
4«À wo-lee Izilayɛle ʋeelala, à mina maaɠɛ kpɔ ma,
mazɔlɔɔ é la mɔ ga ànza,
nà ɓalaa, gè la mɔ ga sini.
É ná-wɛɛnziɛgi ma ʋoogiti kula ɠaazu,
ta é ná-koloɠologi yeeʋogiti kula ɲiimiiti zɔɠɔzuʋɛ.
5Ni naa laade, nà kabei ʋilɛsu,
ʋelei é ɠɛni la yeei dee sɔlɔɔni da,
gè lati, gè ná-zooi ɠɛ ga teʋebai ta zou vɔɔi,
gè undaaʋili ga kpɔɔle wɔin.
6Gè la ná-dointi maawɔinɠaa,
tɔɔzei ti zɔlɔɔgɛ koloɠologi zu.
7Gaamazu ti-lee ɠa ʋilɛni ga koloɠologi,
zɔi é ti zɔlɔɔgai, unfetala luʋai ɠa é kɛɛzu,
é ɗa ɠɛ ma: ‹Nà pɔ gè ʋilɛ nà-wɛɛinti polu,
niiti ti ɠɔnɔgi ta kpɔɔle ɗɛiti feezu zèa,
ti ɗa màaɠili ga baala deɠa zeɠei ta geze zeɠei,
niiti ti gulɔi ta dɔɔi veezu zèa.›
8Naa ɠa é ba, nà pelei leʋesu tuɠɔ ga ɠain sasai,
gè siɠigi lo tuɠɔ naazu,
é la mɔ lii ʋele ɠaa.
9Toɠa ʋilɛ ná-wɛɛinti polu, kɛlɛ é la zeelia ti ma,
toɠa ti ɠaiziɛ, é la ti ɠaa.
Toɠa ɠɛ ma niina: ‹Kii, ɓɛ gè ɠale ma sìni mɔungi ʋɔ bɛ,
gè ɠɛa ziilɛi su naa ʋɔ bɛ, é leʋe niizu ʋa.›
10É yeemani ga nà ɠa gè moloi ta dɔɔ niinɛi veeni zea, naa ʋɛɛ gulɔi ʋa,
gè walii ta zanugi ve zea,
naati ka é ti zeɠeni, é kwɛɛ Ɓaale ma.
11Naa maaʋele ma, nà ʋaazu, gè nà-moloi ɠula zea, molo leʋe ziɛgi zu,
gè nà-dɔɔi ɠula zea, dɔɔ ɓɛtɛ yeeɠɛɠalai zu,
gè nà-baala deɠa zeɠei ta nà-geze zeɠeiti kula zea,
niiti ti ɠɛa kabei lɔɔɠuzu.
12Niizu, nà kabei ɠulazu ná-wɛɛinti gaazu.
Nu nɔpɛ ge la zɔlɔɔga é ʋa kula zèa.
13Nà ná-koozunɛɛiti kpelasu pele zu,
ta ná-fɛtiiti, ta alu toga niinɛi ma vɛtiiti,
naa ʋɛɛ ná-dooɠo foloiti ba,
ná-fɛtii mɔtaiti ta ɓela pele zu.
14Gè ná-leezɛn ɓeleiti suɠoloɠolo, ta ná-kooleɠoole guluiti,
nii é ɠɛa ɠɛɛzu ma: ‹Wɛlɛ sàlai ɠa nà-wɛɛinti ti feai zèa.›
Nà náʋɛti kɛɛzu ga dɔɓɔi,
ʋɛ dɔɓɔ zuaiti ta ɠɛ laamiizu ná.
15Ʋele ɠana gè wuzeɠezu la daalɔɠɔma, tɔɔzei naama voloiti faa zu,
siɛgi zu é ɠɛni ansansegiti galazu la Ɓaalegiti bɛ,
ta siɛgi zu é ɠɛni ɓɔɠɔ maaɠilizu la ga ná-balaɠaegiti ta goizu anigiti,
é ɗa ʋilɛ ná-wɛɛinti polu,
é yeema nɔ̀un ma,»
Ɠɔoɠɔ GALAGI wooi ɠana.
Kpɔfaamai niinɛ vai ʋolu
16«Naa maaʋele ma, nà sosu ʋolu,
gè lii la teʋebai zu,
gè ɓɔɛ ziimaʋɛ.
17Miná, nà ná-leezɛn ɓeleiti fe zea niina,
gè Akɔɔl nɛmɛi ɠɛ ga kito pɛlɛlaʋɛ.
Toɠa gooɠaaʋotegi ve, ʋelei é ɠɛni kɛɛzu la ma loungo ziɛgi zu,
ta yeei é ɠɛni zeɠezu la Ezipete yooi zu.
18Naama voloiti su, é la mɔ tòliga ga ‹Ɓàale›, nii poluʋɛ ga ‹Màliɠii›,
kɛlɛ toɠa ɠɛ mà: ‹Sìnigi›,» Ɠɔoɠɔ GALAGI wooi ɠana.
19«Nà Ɓaalegiti daaseigiti kula komagi zu,
nu ɠi ge la mɔ vɔlɔ loa ti-laaseigiti su.
20Naama voloi, nà minazeɠegi ɓɛtɛzu gá nà-nuɓusɛiti gi yɔɠɔzu,
ti yɔɠɔzu ta dɔɓɔ zuaiti, ta wɔniiti, naa ʋɛɛ kpokpo ganiiti ba.
Nà kɔɔɠɔ zɔɔlaiti koloɠolo zooi zu, mɛɛin ta boɠa zɔkpɔi,
gè va bu nà-nuɓusɛiti ti ɲi ziilɛigi zu.
21Nà è vuluzu ɠɔoɠɔ faa ma.
Nà è vuluzu ga telebodai, ta sɔledai,
gè è vulu ga nɛɛbɛi, ta maawɔinɠai.
22Nà è vuluzu ga wooɠɛɠiladai.
Ɗa suɠwɛɛ naazu ga nà ɠa gè ga Ɠɔoɠɔ GALAGI.
23Naama voloiti su,
nà geeɠɔlɔgi wooɠaaʋote kpɛdɛ ma vaiti su,
geeɠɔlɔgi ɓalaa ka zooi wooɠaaʋote kpɛdɛ ma vaiti su,» Ɠɔoɠɔ GALAGI wooi ɠana.
24«Zooi ɓalaa ge moloi, ta dɔɔi, ta gulɔiti gooɠaaʋote,
naati pɛ ti ɓɔsu, ti Zizeleyɛle wooɠaaʋote.
25Nà ti vaza ɓɔɠɔ ʋɛ zooi zu, eɠɛ ani zuwui,
nà Lo-Luama nɛɛ ʋɛ,
gè ɠɛ Lo-Ami ma: ‹Ɗa ga nà-nuɓusɛi,›
tɔ ɓalaa ka ɠɛ mà: ‹Nà-GALAGI.› »
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Text copyright © 2023 Pioneer Bible Translators and The Bible Society in Guinea-Conakry
This work is licensed under the Creative Commons Attribution-NonCommercial-NoDerivatives 4.0 International.
https://creativecommons.org/licenses/by-nc-nd/4.0/
Texte copyright © 2023 Traducteurs Pionniers de la Bible et Alliance Biblique en Guinée
Cette œuvre est mise à disposition selon les termes de la Licence Creative Commons Attribution - Pas d'Utilisation Commerciale - Pas de Modification 4.0 International.