Amɔse 5
5
Saa wɔlɔi é wosu Izilayɛle ma
1Izilayɛle nuiti, à woilo nii ma gè bosu wo ma,
saa wɔlɔ wuyei ʋe gè daaɠulazu wa-vaa zu.
2Izilayɛle loa bu,
é la mɔ zooga pɛ é ʋa wuzeɠe.
Toɠa laani kpɔɠɔ yooi ma,
nu la zɔlɔɔsu é ʋa buzeɠe.
3Mazɔlɔɔ Maliɠii Ɠɔoɠɔ GALAGI wooi ɠaa:
«Taai nii é nu waagilagi (1.000) leʋesu kɔɔɠɔzuʋɛ,
nu ungila (100) nɔ ɠa a ɠale ma.
Zɔi ma é ungila (100) teʋesu,
nu puugɔ nɔ ɠa a ɠale ma,
Izilayɛle maaɠɔkɔ fai zu.»
À Ɠɔoɠɔ GALAGI ɠaiziɛ, wa zɛnvui wo
4Mazɔlɔɔ Ɠɔoɠɔ GALAGI wooi ɠaa Izilayɛle ma:
«À gàiziɛ, wa zɛnvui wo!
5À mina gaiziɛ Ɓetɛle,
à mina li Gilegale,
à mina zeeli Ɓeel-Seɓa.
Mazɔlɔɔ Gilegale nuiti kpein ta liizu duɔlai zu,
Ɓetɛle ɠa ɠoloɠolo mɛtu.»
6À Ɠɔoɠɔ GALAGI ɠaiziɛ mu,
naazu wa zɛnvui wo.
Ni naa laade, toɠa zo Zozɛfe mavofodaiti ba eɠɛ abui,
abui naa ɠa ti ɠala muluu,
nu nɔpɛ ge la zɔlɔɔga Ɓetɛle, é ʋa paa,
7wɔi wa ɗa sɔledai lati ga ani wanai,
wo telebodai laaziɛ zooi ma.
8Tɔ ɠa é geezu ʋoo golaiti kpɛtɛai, ti laa ga Peleyadegiti ta Wɔliyɔn.
Toɠa ɗa kpidii valibo ga sobu wozakalagi,
é foloi lati ga kpidii.
Toɠa ɗa kpoloɗɛi ma ɗɛiti toli,
é ti ʋu ya zooi ma.
Daaseigi ɠa ga Ɠɔoɠɔ GALAGI.
9Tɔ ɠa a ɗa va bu faa zuɠoloɠologi lɔ zɛbɛsu nuiti unga,
ta taaiti su niiti siɠigi ti ma.
10Wa ɗa naama nui wɔinzeɠe,
nii é sɔledai maalobosu tukpɔɠaaleʋezuʋɛ,
wo zɛba wo ɠɛlɛ kpɔɛ ɠɛzɛ wo nui ʋa.
11Tɛi tama wo bala nuiti suziɠazu,
wo ɗa ná-molo leʋeai zeɠe,
naa ɠa é ba, wo la ɲia pɛ kɔtu ʋɛlɛ ʋapagiti bu, wo ti logai,
leezɛn ɓele ʋapagiti ɓalaa wo ti laai,
wo la ma lɔɔi ta ɓɔlea pɛ.
12Mazɔlɔɔ gè wa-lɔ koloɠologiti kwɛɛ,
ta wa-ɠoto ɲɔuɲɔugiti.
Wo ziliʋɛ ga telebo nui,
wa ɗa yeezei lobɛaniiti bu,
wo la vaazu bu bala nui ná-gaamai ʋa ɠula kɛlɛma tukpɔɠaaleʋezuʋɛ.
13Naa ɠa é kɛɛzu, keleɠele nui maaɠɛsu la kpɔ niima ziɛgi zu,
mazɔlɔɔ niima yeeɠɛɠalai ɲɔuʋɛ.
14À faa ʋagɔi nɔ ɠaiziɛ,
à mina faa ɲɔi ɠaiziɛ,
naa ɠa a kɛ wo yɛ vulua.
Naazu Ɠɔoɠɔ GALAGI, Fai-Pɛ-Maliɠii ɠa yɛ wo ʋa,
eɠɛʋelei wo bosu da.
15À faa ɲɔi wɔinzeɠe, wo faa ʋagɔi nɛɛ ʋɛ.
À telebodai ɠɛ tukpɔɠaaleʋezuʋɛ.
Tanisu, naazu Ɠɔoɠɔ GALAGI, Fai-Pɛ-Maliɠii ɠa Zozɛfe mavofodai mɔtai maawɔinɠa.
16Ɠɔoɠɔ GALAGI, Fai-Pɛ-Maliɠii wooi ɠaa:
«Saa wɔlɔi ɠa wo taa zaamaʋɛti kpein,
kpeei loo koi yɔɠɔzuʋɛti kpein, ti ɗa ɠɛ ma: ‹Ee, dei! Ee, dei!›
Ta tii ɠɛɛ nui loli saa wɔlɔ wo fai ma.
Zɔiti ti zoogai saa zu wuyeiti toozu,
naati ta ʋɔɔkpɔ saa wɔlɔ wo fai ʋa.
17Leezɛn ɓelei pɛ su, saa wɔlɔi ɠa ɠɛ náti,
mazɔlɔɔ nà leʋesu wo zaama,»
Ɠɔoɠɔ GALAGI wooi ɠana.
Ɠɔoɠɔ GALAGI ná-foloi
18Maanɔɠɔi ɠa wo ʋɛ,
wɔiti wo Ɠɔoɠɔ GALAGI ná-foloi wɔin ɠɛɛzu!
Wo kwɛni nɛi nii foloi naa ʋaazu la wo ʋɔ?
Foloi naa la ɠɛɛzu ga wozakala foloi, su ɠa ɓidi.
19Wa ɠɛ eɠɛ zunui nii é yɛsu ʋelazu zalai ʋa,
é li, é lɔ filɛ zuai taɠili zea,
ɓaa a zeelina nɔ feya ná-koizuʋɛ,
é yeeʋɛɛ bibii ɠa, kaalii ɲi.
20À la da, Ɠɔoɠɔ GALAGI ná-foloi la ɠɛɛzu ga wozakala folo, su ɠa ɓidizu.
GALA dɛbi ʋelei nii wɔinzeɠeai
21«Wa-vɛtiiti bɛlɛ la bà, ti wɔinzeɠeʋɛ mà,
wa-maaɓɔgiti kugi ɠa ɠulazu sòkpai zu.
22Wa gala zalaɠaiti kulana bɛ̀, ta vebɛ zalaɠaiti,
gè la yeezeiɗa tanɔpɛ bu.
Gè la ɓalaa wɛlɛa suai naati gaazu, niiti ti wulɔai,
wo ti ɠulazu bɛ̀ ga ziilɛi zalaɠai.
23À wa-wuye wooiti maaɠooza bà,
gè la pɔ gè ʋa wa-ʋapaiti goomɛni.
24Kɛlɛ tɔun, à pelei vie nɔ sɔledai luɠɔ, eɠɛ ziɛi é yeizu,
telebodai ɓalaa ɗa yei, eɠɛ kɔtuɗɛi nii é la vɔa.
25«Wa ʋe, Izilayɛle nuiti, kona ʋuunaanigɔi (40) wo kɛɛni teʋebai zu, wo la zalaɠa ɠulani bɛ̀, wo la ɓalaa zooi ʋaalɔnɔ feeni bɛ̀. 26Kɛlɛ za wa kɔɔɠɔ ganigiti seɠezu, niiti wa ɓɔɠɔi wo ti ɓɛtɛai: Sakute, wa-masagi ta wa-ɠalagi, ta Kewan, wa-zomideɠai ta wa-ɠalagi.
27Naa ɠa é ba, nà liizu ga woye duɔlai zu Damase ʋoluʋelei poun.»
Ɠɔoɠɔ GALAGI ɠa é boga, nii daaseigi ga Fai-Pɛ-Maliɠii.
Currently Selected:
Amɔse 5: GDZ
Highlight
Copy
Compare
Share
Want to have your highlights saved across all your devices? Sign up or sign in
Text copyright © 2023 Pioneer Bible Translators and The Bible Society in Guinea-Conakry
This work is licensed under the Creative Commons Attribution-NonCommercial-NoDerivatives 4.0 International.
https://creativecommons.org/licenses/by-nc-nd/4.0/
Texte copyright © 2023 Traducteurs Pionniers de la Bible et Alliance Biblique en Guinée
Cette œuvre est mise à disposition selon les termes de la Licence Creative Commons Attribution - Pas d'Utilisation Commerciale - Pas de Modification 4.0 International.
Amɔse 5
5
Saa wɔlɔi é wosu Izilayɛle ma
1Izilayɛle nuiti, à woilo nii ma gè bosu wo ma,
saa wɔlɔ wuyei ʋe gè daaɠulazu wa-vaa zu.
2Izilayɛle loa bu,
é la mɔ zooga pɛ é ʋa wuzeɠe.
Toɠa laani kpɔɠɔ yooi ma,
nu la zɔlɔɔsu é ʋa buzeɠe.
3Mazɔlɔɔ Maliɠii Ɠɔoɠɔ GALAGI wooi ɠaa:
«Taai nii é nu waagilagi (1.000) leʋesu kɔɔɠɔzuʋɛ,
nu ungila (100) nɔ ɠa a ɠale ma.
Zɔi ma é ungila (100) teʋesu,
nu puugɔ nɔ ɠa a ɠale ma,
Izilayɛle maaɠɔkɔ fai zu.»
À Ɠɔoɠɔ GALAGI ɠaiziɛ, wa zɛnvui wo
4Mazɔlɔɔ Ɠɔoɠɔ GALAGI wooi ɠaa Izilayɛle ma:
«À gàiziɛ, wa zɛnvui wo!
5À mina gaiziɛ Ɓetɛle,
à mina li Gilegale,
à mina zeeli Ɓeel-Seɓa.
Mazɔlɔɔ Gilegale nuiti kpein ta liizu duɔlai zu,
Ɓetɛle ɠa ɠoloɠolo mɛtu.»
6À Ɠɔoɠɔ GALAGI ɠaiziɛ mu,
naazu wa zɛnvui wo.
Ni naa laade, toɠa zo Zozɛfe mavofodaiti ba eɠɛ abui,
abui naa ɠa ti ɠala muluu,
nu nɔpɛ ge la zɔlɔɔga Ɓetɛle, é ʋa paa,
7wɔi wa ɗa sɔledai lati ga ani wanai,
wo telebodai laaziɛ zooi ma.
8Tɔ ɠa é geezu ʋoo golaiti kpɛtɛai, ti laa ga Peleyadegiti ta Wɔliyɔn.
Toɠa ɗa kpidii valibo ga sobu wozakalagi,
é foloi lati ga kpidii.
Toɠa ɗa kpoloɗɛi ma ɗɛiti toli,
é ti ʋu ya zooi ma.
Daaseigi ɠa ga Ɠɔoɠɔ GALAGI.
9Tɔ ɠa a ɗa va bu faa zuɠoloɠologi lɔ zɛbɛsu nuiti unga,
ta taaiti su niiti siɠigi ti ma.
10Wa ɗa naama nui wɔinzeɠe,
nii é sɔledai maalobosu tukpɔɠaaleʋezuʋɛ,
wo zɛba wo ɠɛlɛ kpɔɛ ɠɛzɛ wo nui ʋa.
11Tɛi tama wo bala nuiti suziɠazu,
wo ɗa ná-molo leʋeai zeɠe,
naa ɠa é ba, wo la ɲia pɛ kɔtu ʋɛlɛ ʋapagiti bu, wo ti logai,
leezɛn ɓele ʋapagiti ɓalaa wo ti laai,
wo la ma lɔɔi ta ɓɔlea pɛ.
12Mazɔlɔɔ gè wa-lɔ koloɠologiti kwɛɛ,
ta wa-ɠoto ɲɔuɲɔugiti.
Wo ziliʋɛ ga telebo nui,
wa ɗa yeezei lobɛaniiti bu,
wo la vaazu bu bala nui ná-gaamai ʋa ɠula kɛlɛma tukpɔɠaaleʋezuʋɛ.
13Naa ɠa é kɛɛzu, keleɠele nui maaɠɛsu la kpɔ niima ziɛgi zu,
mazɔlɔɔ niima yeeɠɛɠalai ɲɔuʋɛ.
14À faa ʋagɔi nɔ ɠaiziɛ,
à mina faa ɲɔi ɠaiziɛ,
naa ɠa a kɛ wo yɛ vulua.
Naazu Ɠɔoɠɔ GALAGI, Fai-Pɛ-Maliɠii ɠa yɛ wo ʋa,
eɠɛʋelei wo bosu da.
15À faa ɲɔi wɔinzeɠe, wo faa ʋagɔi nɛɛ ʋɛ.
À telebodai ɠɛ tukpɔɠaaleʋezuʋɛ.
Tanisu, naazu Ɠɔoɠɔ GALAGI, Fai-Pɛ-Maliɠii ɠa Zozɛfe mavofodai mɔtai maawɔinɠa.
16Ɠɔoɠɔ GALAGI, Fai-Pɛ-Maliɠii wooi ɠaa:
«Saa wɔlɔi ɠa wo taa zaamaʋɛti kpein,
kpeei loo koi yɔɠɔzuʋɛti kpein, ti ɗa ɠɛ ma: ‹Ee, dei! Ee, dei!›
Ta tii ɠɛɛ nui loli saa wɔlɔ wo fai ma.
Zɔiti ti zoogai saa zu wuyeiti toozu,
naati ta ʋɔɔkpɔ saa wɔlɔ wo fai ʋa.
17Leezɛn ɓelei pɛ su, saa wɔlɔi ɠa ɠɛ náti,
mazɔlɔɔ nà leʋesu wo zaama,»
Ɠɔoɠɔ GALAGI wooi ɠana.
Ɠɔoɠɔ GALAGI ná-foloi
18Maanɔɠɔi ɠa wo ʋɛ,
wɔiti wo Ɠɔoɠɔ GALAGI ná-foloi wɔin ɠɛɛzu!
Wo kwɛni nɛi nii foloi naa ʋaazu la wo ʋɔ?
Foloi naa la ɠɛɛzu ga wozakala foloi, su ɠa ɓidi.
19Wa ɠɛ eɠɛ zunui nii é yɛsu ʋelazu zalai ʋa,
é li, é lɔ filɛ zuai taɠili zea,
ɓaa a zeelina nɔ feya ná-koizuʋɛ,
é yeeʋɛɛ bibii ɠa, kaalii ɲi.
20À la da, Ɠɔoɠɔ GALAGI ná-foloi la ɠɛɛzu ga wozakala folo, su ɠa ɓidizu.
GALA dɛbi ʋelei nii wɔinzeɠeai
21«Wa-vɛtiiti bɛlɛ la bà, ti wɔinzeɠeʋɛ mà,
wa-maaɓɔgiti kugi ɠa ɠulazu sòkpai zu.
22Wa gala zalaɠaiti kulana bɛ̀, ta vebɛ zalaɠaiti,
gè la yeezeiɗa tanɔpɛ bu.
Gè la ɓalaa wɛlɛa suai naati gaazu, niiti ti wulɔai,
wo ti ɠulazu bɛ̀ ga ziilɛi zalaɠai.
23À wa-wuye wooiti maaɠooza bà,
gè la pɔ gè ʋa wa-ʋapaiti goomɛni.
24Kɛlɛ tɔun, à pelei vie nɔ sɔledai luɠɔ, eɠɛ ziɛi é yeizu,
telebodai ɓalaa ɗa yei, eɠɛ kɔtuɗɛi nii é la vɔa.
25«Wa ʋe, Izilayɛle nuiti, kona ʋuunaanigɔi (40) wo kɛɛni teʋebai zu, wo la zalaɠa ɠulani bɛ̀, wo la ɓalaa zooi ʋaalɔnɔ feeni bɛ̀. 26Kɛlɛ za wa kɔɔɠɔ ganigiti seɠezu, niiti wa ɓɔɠɔi wo ti ɓɛtɛai: Sakute, wa-masagi ta wa-ɠalagi, ta Kewan, wa-zomideɠai ta wa-ɠalagi.
27Naa ɠa é ba, nà liizu ga woye duɔlai zu Damase ʋoluʋelei poun.»
Ɠɔoɠɔ GALAGI ɠa é boga, nii daaseigi ga Fai-Pɛ-Maliɠii.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Text copyright © 2023 Pioneer Bible Translators and The Bible Society in Guinea-Conakry
This work is licensed under the Creative Commons Attribution-NonCommercial-NoDerivatives 4.0 International.
https://creativecommons.org/licenses/by-nc-nd/4.0/
Texte copyright © 2023 Traducteurs Pionniers de la Bible et Alliance Biblique en Guinée
Cette œuvre est mise à disposition selon les termes de la Licence Creative Commons Attribution - Pas d'Utilisation Commerciale - Pas de Modification 4.0 International.