يَبُرَ 64
64
عَدَ مَ شَ مَحْشُنيِ تِلِن
عَلَ مَشَندِ
1دَوُدَ شَ بّيتِ بّيتِبَيٍ شَ مَنفّ بّ
2عَلَ، عِ تُلِ مَتِ ﭑ وَ شُي رَ،
ﭑ نَتَنفَ ﭑ يَشُييٍ مَ.
3ﭑ نْشُن مِشِ حَاشِيٍ مَ
نَشٍيٍ وَ مَ ﭑ تْورْقٍ تِنشِنتَرٍيَ كُي.
4عٍ دّ شَاحّ عَلْ سَنتِدّفّمَ،
عٍ شَ وْيّن حَاشِيٍ لُمَ عَلْ تَنبّيٍ.
5عٍ مُ فَاشُمَ تِنشِنتْي يَ رَ،
عٍ لُمَ عَ حَشَنكَتَ رَ تُن.
6عٍ دّ كٌبِ، عٍ يّلّ عِتَلَمَ مِشِ يَ رَ.
عٍ نَشّ، «ندٍ نَ كٌلٌنمَ؟»
7عٍ يَنقَنتٍيَ يَءِلَنمَ، عٍ عَ قَلَ،
«وٌن شَ كٍلِ عَ يَنقَ شِلِ مَ. عَ سْونّيَمَ نّ.»
عَدَ مَ شَ مَحْشُنيِ تِلِن.
8كْنْ عَلَ نَ تَنبّيٍ وٌلِ، عٍ عٍ لِمَ نّ كٍرٍن نَ.
9عٍ بَرَ وُلٍ قَلَ.
نَشٍيٍ عٍ تٌمَ، عٍ عٍ فِمَ نّ.
10نَ فَاشُي عَدَ مَ بِرِن سُشُمَ نّ.
عٍ عَلَ شَ وَلِ مَسٍنمَ،
عٍ عَ شَ وَلِ كٌلٌنمَ نّ.
11تِنشِنتْي سّيوَ مَ نّ عَلَتَلَ رَ،
عَ قَ لُ عَ نِينِ بُن مَ.
سٌندٌن قَنيِ كَنيِ حّلّشِنمَ نّ.
Currently Selected:
يَبُرَ 64: Soso
Highlight
Copy
Compare
Share
Want to have your highlights saved across all your devices? Sign up or sign in
© 2015—Mission Evangélique Reformée Néerlandaise et les Traducteurs Pionniers de la Bible
