عَننَبِ نٍهٍمِ مَسٍنيِ ندٍ يِ كِتَابُي شَ قٍ رَ
مَسٍنيِ ندٍ يِ كِتَابُي شَ قٍ رَ
عِسِرَيِلَ بْنسْي قُ نُن قِرِن تٌ عٍ مَرِفِ شَ كِرَ بّحِن، عَلَ نَشَ عَ نِيَ سِ فبّتّ شَ نْ عِسِرَيِلَ رَ، عٍ عٍ كٍرِ عٍ شَ بْشِ مَ، عٍ عٍ قِندِ كٌنيِيٍ رَ. نَمِحْنمّ نُ نَ بِرِن كٌلٌنمَ، عٍ قَ عَ قَلَ كّنّ مَ، بٍينُن عَ شَ رَبَ. عٍ شَ مَسٍنيِ كُي، عٍ نُ عَ قَلَمَ عَ عَلَتَلَ عَ نِيَمَ عٍ شَ شَنِن كٌنيِيَ كُي عٍ شَ يُنُبِيٍ شَ قٍ رَ، عٍ مَن نُ عَ قَلَمَ عَ عَلَتَلَ عٍ رَفبِلٍنمَ نّ عٍ شَ بْشِ مَ حّ تٌنفٌ سٌلٌقٍرٍ دَنفِ شَنبِ.
عَننَبِ نٍهٍمِ شَ وَشَتِ، نَ حّ تٌنفٌ سٌلٌقٍرٍ نُ بَرَ كَمَلِ. عَننَبِ عٍسِدِرَ سِ نُ بَرَ وَلِ قْلْ دَرِ سَلَمُ تِقٍ رَ، كْنْ وَلِ نُ بَرَ رَتِ. نٍهٍمِ تٌ نَ قٍ كٌلٌن، عَ نَشَ لُ سُننُنيِ كُي. مَنفّ شُنفبٍ نَشَ نَ سُننُنيِ رَكْرْ سِ، عَ قَ عَ مَشْرِن عَ سُننُنشِ قٍ نَشَن مَ. نٍهٍمِ تٌ فّ نَ تَفِ رَبَدٍ، عَ نَشَ مَنفّ مَيَندِ عَ شَ تِن عَ شَ سِفَ وَلِدٍ دَرِ سَلَمُ. مَنفّ نَشَ تِن، عَ قَ عَ مَلِ نَ بِيَاسِ كُي.
عَننَبِ نٍهٍمِ تٌ دَرِ سَلَمُ لِ، عَ نَشَ تّتّ تِقٍ وَلِ مَتٌ عَ قَنيِ رَ. عَ نَشَ عَ قَلَ حَمَ بّ، عٍ بِرِن شَ كَقُ عٍ بٌورٍ مَ نَ وَلِ رَبَقٍ رَ. نَ وَلِ تٌ سْونّيَ قْلْ، عِسِرَيِلَ يَشُييٍ نَشَ قٍ بِرِن نَبَ عَلَكٌ وَلِ شَ كَنَ. كْنْ عٍ مُ نْ نٍهٍمِ نُن عِسِرَيِلَ حَمَ رَ. وَلِ نَشَ كَمَلِ، حَمَ قَ سَلِ شُنفبٍ رَبَ عَلَتَلَ تَنتُقٍ رَ.
عِسِرَيِلَ شَ تَرُشُي قِندِشِ مَسٍنيِ بٍلٍبٍلٍ نَن نَ عَلَ شَ مِشِيٍ بّ تّمُي بِرِن. عَلَتَلَ تٌ عِسِرَيِلَ سُفَندِ عَ شَ حَمَ رَ، عَ نَشَ عٍ يَمَرِ عٍ شَ لُ عَ شَ كِرَ شْن مَ، شَ نَ مُ عَ رَ، عَ نَشّ عٍ قَمَ حَشَنكَتّ حَاشِ سْتْدٍ. نَ تٌ فّ كَمَلِدٍ يَتِ يَتِ، عَلَ نَشَ هِننّ عٍ رَ، عَ قَ عٍ رَفبِلٍن عَ شَ كِرَ مَ عَلَكٌ عٍ شَ لُ هّيرِ كُي. عَلَتَلَ نَ نَن نَبَمَ عَ شَ مِشِيٍ بِرِن بّ هَن وٌن مَ وَشَتِ. عَلَ شَ وٌن يَ رَبِ نَ نْندِ مَ. عَمِنَ.
عَلَ شَ مَسٍنيِ عَننَبِ نٍهٍمِ بّ
Currently Selected:
عَننَبِ نٍهٍمِ مَسٍنيِ ندٍ يِ كِتَابُي شَ قٍ رَ: Soso
Highlight
Copy
Compare
Share
Want to have your highlights saved across all your devices? Sign up or sign in
© 2015—Mission Evangélique Reformée Néerlandaise et les Traducteurs Pionniers de la Bible